2015-yilda meva-sabzavot mahsulotlari, kartoshka, poliz mahsulotlari va uzumni eksport qilishni samarali tashkil etish maqsadida Vazirlar Mahkamasi qaror qiladi:

1. Vazirlar Mahkamasining “Meva-sabzavot mahsulotlari, kartoshka, poliz mahsulotlari va uzumni eksport qilishni tartibga solish mexanizmini yanada takomillashtirish chora-tadbirlari toʻgʻrisida” 2015-yil 28-avgustdagi 249-son qarorining 1-bandiga quyidagi mazmundagi ikkinchi xatboshi qoʻshilsin:

“Belgilansinki, 2016-yil 1-yanvarga qadar avtotransport vositalaridan foydalangan holda meva-sabzavot mahsulotlari, kartoshka, poliz mahsulotlari va uzumni (TIF TN kodi 07-08) eksport qilish Vazirlar Mahkamasining “2015-yilda meva-sabzavot mahsulotlari, kartoshka, poliz mahsulotlari va uzum yetishtirish hamda ulardan foydalanishning prognoz parametrlari toʻgʻrisida” 2014-yil 4-dekabrdagi 334-son qarori bilan tashkil etilgan Respublikaning ichki bozorida mevalar, sabzavotlar, poliz mahsulotlari, kartoshka va uzumdan, shu jumladan dukkakli mahsulotlardan oqilona foydalanish, shuningdek eksportga yetkazib berishni tashkil etish masalalarini hal etish boʻyicha Ishchi guruh tomonidan tasdiqlanadigan roʻyxatga kiritilgan yuridik shaxslarga ruxsat beriladi”.

2. Respublikaning ichki bozorida mevalar, sabzavotlar, poliz mahsulotlari, kartoshka va uzumdan, shu jumladan dukkakli mahsulotlardan oqilona foydalanish, shuningdek eksportga yetkazib berishni tashkil etish masalalarini hal etish boʻyicha Ishchi guruh 2016-yil 1-yanvarga qadar avtotransport vositalaridan foydalangan holda meva-sabzavot mahsulotlari, kartoshka, poliz mahsulotlari va uzum (TIF TN kodi 07-08) eksportini amalga oshiradigan yuridik shaxslar roʻyxatini uch kun muddatda tasdiqlasin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Bosh vazir oʻrinbosari B.I. Zakirov zimmasiga yuklansin.