Belgilarni xalqaro roʻyxatdan oʻtkazish toʻgʻrisidagi Madrid bitimiga doir Bayonnomaga (Madrid, 1989-yil 27-iyun) quyidagi shartlar inobatga olingan holda qoʻshilinsin:

1) Bayonnomaning 5 (2) (b) moddasiga taalluqli: “Oʻzbekiston Respublikasi xalqaro roʻyxatdan oʻtgan belgini muhofaza bilan taʼminlashni rad etishi toʻgʻrisida Xalqaro byuroning belgini Bayonnomaning 3ter moddasiga muvofiq muhofaza qilish Oʻzbekiston Respublikasida qoʻllanilishi haqidagi bildirishnomasi olingan sanadan boshlab 18 oydan kechiktirmasdan Xalqaro byuroga maʼlum qiladi”;

2) Bayonnomaning 8 (7) (a) moddasiga taalluqli: “Oʻzbekiston Respublikasida Bayonnomaning 8-moddasida nazarda tutilgan qoʻshimcha va qoʻshilgan bojlardan ajratmaning bir qismi oʻrniga talabnoma beruvchidan yoki xalqaro roʻyxatdan oʻtkazilgan belgining egasidan belgini muhofaza qilishga taalluqli boʻlganlik yoki xalqaro roʻyxatdan oʻtganlik muddatini uzaytirish toʻgʻrisida xalqaro talabnoma berganlik uchun yakka tartibda boj belgilanadi va undiriladi”.