Экспорт-импорт операцияларини амалга оширишда эквивалент бўлмаган товар айирбошлашни бартараф этиш ва Ўзбекистон Республикаси Президентининг «Бартер асосида амалга ошириладиган экспорт-импорт операциялари бўйича тартиб бузилишлари ва суиистеъмолликларга чек қўйиш тўғрисида» 1993 йил 9 июлдаги фармонини бажариш мақсадида Вазирлар Маҳкамаси қарор қилади:
Олдинги таҳрирга қаранг.
(1-банднинг иккинчи ва учинчи хатбошилари Ўзбекистон Республикаси Вазирлар Маҳкамасининг 1995 йил 28 августдаги 343-сон қарорига мувофиқ ўз кучини йўқотган)
иловага мувофиқ бартер асосида экспорт-импорт операцияларини амалга ошириш ва бартер шартномалари бўйича чет эл валютасида олинган тушумга солинадиган солиқни тўлаш тартиби.
1993 йилнинг 25 майигача тузилган бартер шартномалари чет эл валютасида олинган тушумга солинадиган солиқни тўламасдан ниҳоясига етказилади;
мазкур қарорнинг амал қилиши товар обороти давлатлараро ва ҳукуматлараро битимлар ва шартномалар билан тартибга солинадиган чет мамлакатлар фирмалари ва собиқ СССРнинг субъектлари бўлган давлатлар корхоналари билан тузилган бартер шартномаларига жорий қилинмайди.
3. Ўзбекистон Республикаси Марказий банки Ташқи иқтисодий фаолият миллий банки билан биргаликда ўн кун муддатда бартер шартномаларини ҳисобга олиш учун махсус ҳисоб рақамлари очиш тартибини ишлаб чиқсин.
4. «Ўзистиқболстат» давлат қўмитаси Ташқи иқтисодий фаолият миллий банки Ташқи иқтисодий алоқалар вазирлиги, давлат божхона қўмитаси ва Ўзбекистон Республикаси Вазирлар Маҳкамаси ҳузуридаги Давлат солиқ бош бошқармаси билан биргаликда бартер шартномаларининг бажарилиши тўғрисидаги ҳисобот шаклини ўн кун муддатда ишлаб чиқсин.
5. Вазирлар Маҳкамаси мажмуиларининг раҳбарлари мазкур қарор қоидаларини бузганлик учун шахсан жавоб беришлари ҳақида огоҳлантирилсинлар.
6. Ўзбекистон Республикаси Прокуратурасига аниқланган тартиб бузилишлари ва уларнинг олдини олиш юзасидан қурилган чоралар тўғрисида Вазирлар Маҳкамасини мунтазам равишда хабардор қилиб туриш тавсия қилинсин.
7. Ўзбекистон Республикаси Молия вазирлиги, Давлат солиқ бош бошқармаси, Ташқи иқтисодий алоқалар вазирлиги, давлат божхона қўмитаси, Ташқи иқтисодий фаолият миллий банки ўзларининг йўриқнома ва меъёрий ҳужжатларини мазкур қарорга мослаштирсинлар.
1. Келишиб олинган миқдордаги бир товарни бошқа бир товарга ўзаро ҳисоб-китобларни валютада амалга оширмасдан алмаштиришни назарда тутувчи шартнома бартер шартномаси ҳисобланади. Шартномада ўзаро етказиб бериладиган товарларнинг миқдори ва қиймати ёхуд томонлар эквивалентлик асосида етказиб бериш мажбуриятини олган товарларнинг суммаси олдиндан келишиб қўйилади.
2. Ўзаро етказиб бериладиган товарларнинг қийматини аниқлашда нархлар жаҳон нархлари асосида транспортга ортиш, суғурта қилиш харажатлари ва етказиб бериш муддатлари ҳисобга олинган ҳолда белгиланади.
Олдинги таҳрирга қаранг.
(3-банд Ўзбекистон Республикаси Вазирлар Маҳкамасининг 1998 йил 3 февралдаги 55-сон қарорига мувофиқ ўз кучини йўқотган)
4. Вазирлар Маҳкамасининг фармойиши билан рухсат этилган бартер шартномаси марказлаштирилган тартибда амалга ошириладиган бартер шартномаси ҳисобланади.
5. Вазирлар Маҳкамаси «Ўзистиқболстат» давлат қўмитасининг республиканинг биринчи навбатдаги эҳтиёжлари учун марказлаштирилган тартибда харид қилинадиган товарлар ҳажмлари бўйича Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан келишиб олинган таклифларини тасдиқлайди.
Олдинги таҳрирга қаранг.
(6-банд Ўзбекистон Республикаси Вазирлар Маҳкамасининг 1998 йил 3 февралдаги 55-сон қарорига мувофиқ ўз кучини йўқотган)
7. Корхоналар, бирлашмалар, уюшмалар ва концернларнинг эҳтиёжлари учун марказлаштирилган тартибда товарлар харид қилиш мақсадида буюртмачилар Ташқи иқтисодий алоқалар вазирлигига мурожаат қиладилар, унинг хулосалари асосида белгиланган тартибда Вазирлар Маҳкамасининг тегишли фармойиши чиқарилади.
8. Ўзбекистон Республикаси Ташқи иқтисодий фаолият миллий банкида марказлаштирилган тартибда амалга ошириладиган бартер шартномаларини ҳисобга олиш учун Республика валюта фондининг махсус ҳисоби очилади.
9. Бартер шартномаси бўйича товар етказиб бериш божхона органларига бартер шартномасининг Республика валюта фондининг махсус ҳисобида рўйхатга олинганлиги тўғрисида банк маълумотномаси тақдим этилгандан сўнг шартнома шартларига ва Вазирлар Маҳкамасининг фармойишига мувофиқ белгиланган тартибда амалга оширилади.
10. Божхона органлари экспорт-импорт қилинадиган товарларни расмийлаштиргандан сўнг ҳар ойда Ўзбекистон Республикаси Ташқи иқтисодий фаолият миллий банкига ва Ташқи иқтисодий алоқалар вазирлигига йиғма реестрларни, шунингдек, бартер операциялари тўғрисидаги йиғма ҳисоботларни «Ўзистиқболстат» давлат қўмитасига юборадилар.
Кейинги таҳрирга қаранг.
11. Бартер шартномалари бўйича экспортга товар етказиб бериш учун ташқи иқтисодий алоқалар қатнашчилари товарни рўйхатга олиш варақасида белгиланган номенклатура бўйича мустақил равишда қидириб топадилар. 1-рўйхатдаги товарларни бартер шартномаси бўйича Ўзбекистондан четга олиб кетиш тақиқланади.
Кейинги таҳрирга қаранг.
12. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ўз минтақаларининг талабларидан келиб чиқиб, бартер шартномалари бўйича келтириш учун тавсия қилинган товарлар номенклатурасини белгилайдилар. Бунда 2-рўйхатда келтирилган товарларга кўпроқ устунлик берилиши керак.
Кейинги таҳрирга қаранг.
13. Бартер шартномасини рўйхатга олиш вилоятлар ва Тошкент шаҳар ҳокимликларининг тегишли бўлинмалари томонидан Қорақалпоғистон Республикаси Ташқи иқтисодий алоқалар вазирлигининг бўлинмалари ва Ўзбекистон Республикаси Ташқи иқтисодий алоқалар вазирлигининг минтақа бўлимлари билан биргаликда амалга оширилади.
14. Бартер шартномаси бўйича маҳсулот етказиб бериш ташқи иқтисодий алоқалар қатнашчиси томонидан божхона органларига ўзига хизмат кўрсатувчи банкда бартер шартномасини ҳисобга олиш учун махсус ҳисоб очилганлиги тўғрисида маълумотнома топширилгандан сўнг шартнома шартларига мувофиқ белгиланган тартибда амалга оширилади.
Кейинги таҳрирга қаранг.
15. Божхона қўмитасининг ҳудудий органлари экспорт-импорт қилинадиган товарни расмийлаштирганларидан сўнг ҳар ойда йиғма реестрни ташқи иқтисодий алоқалар қатнашчисининг банкига ва Ўзбекистон Республикаси Ташқи иқтисодий алоқалар вазирлигига, шунингдек, бартер операциялари тўғрисидаги йиғма ҳисоботни «Ўзистиқболстат» давлат қўмитасининг ҳудудий бўлинмаларига юборадилар.
Кейинги таҳрирга қаранг.
16. Ташқи иқтисодий алоқалар қатнашчиси бартер шартномаси бўйича экспорт-импорт операциялари тугагандан сўнг ўн кун муддатда ўз валюта маблағларидан ёки валютани валюта бозоридан сотиб олиш ҳисобига Республика валюта фондига, Қорақалпоғистон Республикаси, вилоятлар ва Тошкент шаҳрининг тегишли валюта фондларига белгиланган тартибда солиқ тўлайди.
Олдинги таҳрирга қаранг.
(17-банд Ўзбекистон Республикаси Вазирлар Маҳкамасининг 1998 йил 3 февралдаги 55-сон қарорига мувофиқ ўз кучини йўқотган)
18. Мазкур тартибни бузган ташқи иқтисодий алоқалар қатнашчиларига нисбатан Ўзбекистон Республикасининг амалдаги қонун ҳужжатларига мувофиқ молиявий санкциялар қўлланилади.
Кейинги таҳрирга қаранг.
19. Ушбу тартибни қўллаш бўйича йўриқномалар Ташқи иқтисодий алоқалар вазирлиги, Давлат божхона қўмитаси, Молия вазирлиги ҳамда Ўзбекистон Республикаси Вазирлар Маҳкамаси ҳузуридаги Давлат солиқ бош бошқармаси томонидан нашр этилади.