LexUZ шарҳи
Мазкур қарор Ўзбекистон Республикаси Вазирлар Маҳкамасининг 2011 йил 17 ноябрдаги 306-сонли «Фискал хотирага эга бўлган назорат-касса машиналарининг қўлланишини янада такомиллаштиришга доир қўшимча чора-тадбирлар тўғрисида» ги қарорига асосан ўз кучини йўқотган.
Товарлар ва хизматлар ҳақи сифатида аҳолидан тушадиган нақд пул маблағларини қабул қилиш ҳамда ҳисобга олишни тартибга солиш, пул муомаласини мустаҳкамлаш, истеъмолчиларнинг ҳуқуқларини ҳимоя қилишни таъминлаш мақсадида Вазирлар Маҳкамаси қарор қилади:
1. 1995 йилнинг 1 январидан бошлаб Ўзбекистон Республикаси ҳудудида аҳоли билан пул ҳисоб-китобларини амалга оширишда мулкчиликнинг барча шаклларидаги корхоналар, муассасалар ва ташкилотлар томонидан назорат-касса машиналарини мажбурий қўллаш жорий этилсин.
Белгилаб қўйилсинки, 1995 йилнинг 1 июлгача назорат-касса машиналари ўрнатмаган мулкчиликнинг барча шаклларидаги савдо корхоналари, муассасалари ва ташкилотларининг фаолиятлари тўхтатилади.
Олдинги таҳрирга қаранг.
(1-банднинг учинчи хатбошиси Ўзбекистон Республикаси Вазирлар Маҳкамасининг 1999 йил 14 сентябрдаги 427-сонли қарорига мувофиқ чиқарилган)
Олдинги таҳрирга қаранг.
Мазкур қоидалар Ўзбекистон Республикаси Молия вазирлиги, Давлат солиқ қўмитаси, Марказий банк ва Адлия вазирлиги томонидан тасдиқланган рўйхатга кўра савдо корхоналари, ташкилотлари, муассасаларининг айрим тоифаларига жорий этилмайди. Булар ўз фаолиятлари хусусиятига қараб аҳоли билан ҳисоб-китобни назорат-касса машиналарисиз амалга оширишлари мумкин.
(1-банднинг тўртинчи хатбошиси Ўзбекистон Республикаси Вазирлар Маҳкамасининг 1999 йил 14 сентябрдаги 427-сонли қарори таҳририда)
Олдинги таҳрирга қаранг.
Белгилансинки, турғун савдо тармоқлари орқали савдо қилувчи жисмоний шахслар назорат-касса аппаратларидан фойдаланишга мажбурдир.
(1-банд Ўзбекистон Республикаси Вазирлар Маҳкамасининг 1997 йил 29 декабрдаги 575-сонли қарорига мувофиқ бешинчи хатбоши билан тўлдирилган)
2. Ўзбекистон Республикаси Молия вазирлиги, Давлат солиқ қўмитаси, Марказий банк, Адлия вазирлиги ўн кун муддатда:
аҳоли билан пул ҳисоб-китобларини амалга оширишда назорат-касса машиналарини мажбурий қўллаш тартиби тўғрисидаги Низомни ишлаб чиқсинлар;
ўз фаолияти хусусиятига кўра аҳоли билан ҳисоб-китобларини назорат-касса машиналарини қўлламасдан амалга ошириши мумкин бўлган савдо корхоналари, ташкилотлари ва муассасаларининг алоҳида тоифалари рўйхатини аниқласинлар.
Олдинги таҳрирга қаранг.
(3-банд Ўзбекистон Республикаси Вазирлар Маҳкамасининг 2000 йил 19 сентябрдаги 359-сонли қарорига мувофиқ ўз кучини йўқотган)
4. Белгилаб қўйилсинки, Ўзбекистон Республикаси ҳудудида фойдаланишга йўл қўйиладиган назорат-касса машиналарининг модели Назорат-касса машиналари бўйича Давлат идоралараро комиссияси томонидан белгиланади ва Ўзбекистон Республикаси ҳудудида фойдаланишга рухсат этилган назорат-касса машиналарининг Давлат реестрига киритилади, сўнгра матбуотда эълон қилинади.
Кейинги таҳрирга қаранг.
5. «Ўзэлтехсаноат» уюшмасининг назорат-касса машиналарининг 1995 йилдан бошлаб «Фотон» ишлаб чиқариш бирлашмаси томонидан босқичма-босқич ишлаб чиқариш тўғрисидаги таклифи қабул қилинсин.
Ўзбекистон Республикаси Ташқи иқтисодий фаолият миллий банки бутловчи, технология ва назорат-синаш асбоб-ускуналарини хорижий фирмалардан сотиб олиш учун «Ўзэлтехсаноат» уюшмаси томонидан тақдим этилган техник-иқтисодий асослашлар бўйича белгиланган тартибда кредит ажратиш имкониятини кўриб чиқсин.
6. «Ўзэлтехсаноат» уюшмаси, «Ўзбексавдо» давлат уюшмаси, «Ўзмаишийхизмат» уюшмаси, Ўзбекбирлашув назорат-касса машиналарига техника хизмати кўрсатиш бўйича минтақавий марказлар ва шохобчалар барпо этишни, ушбу шохобчаларнинг ташкил қилиниш ва фаолият кўрсатишини тартибга солувчи норматив ҳужжатларни ишлаб чиқиш ва чиқаришни 1995 йилнинг 1 февралигача бўлган муддатда таъминласинлар.
жойларда назорат-касса машиналарига техника хизмати кўрсатувчи минтақавий марказлар ва пунктларни барпо этишда ёрдам кўрсатсинлар;
Олдинги таҳрирга қаранг.
Ўзбекистон Республикаси ҳудудида фойдаланишга рухсат этилган назорат-касса машиналарининг Давлат реестрига киритилмаган назорат-касса машиналаридан фойдаланиш ҳолларига йўл қўйилмаслиги устидан қаттиқ назорат ўрнатилсин
(7-банднинг учинчи хатбошиси Ўзбекистон Республикаси Вазирлар Маҳкамасининг 1999 йил 14 сентябрдаги 427-сонли қарори таҳририда)
Олдинги таҳрирга қаранг.
8. Савдо қилишда ва хизматлар кўрсатишда назорат-касса машиналарини қўлламасдан аҳоли билан пул ҳисоб-китобларини амалга ошираётган юридик шахслар ҳисоб-китоб счётидан энг кам ойлик иш ҳақининг 100 баравари миқдорида жарима чораси қўлланилгандан кейин бир йил мобайнида ҳуқуқ бузиш такроран содир этилганда эса энг кам ойлик иш ҳақининг 200 баравари миқдорида, ундан ундирилган сумма бюджет даромадига ўтказилган ҳолда жарима ундирилади.
Савдо-сотиқда ва хизматлар кўрсатишда аҳоли билан пул ҳисоб-китобларини Ўзбекистон Республикаси Молия вазирлиги томонидан тасдиқланган шакллар бўйича қатъий ҳисобот берилувчи ҳужжат ҳисобланувчи квитанциялар ёзмасдан, талонлар, чипталар ёки уларга тенглаштирилган бошқа чеклар бермасдан (бундай ҳужжатларни ёзиш ёки бериш мажбурий бўлган тақдирда) амалга оширувчи юридик шахслардан белгиланган энг кам ойлик иш ҳақининг 100 баравари миқдорида, жарима чоралари қўллангандан сўнг йил мобайнида қонунни бузиш такроран содир этилганда эса — 200 баравари миқдорида жарима ундирилади, у белгиланган тартибда бюджетга ўтказилади.
Кейинги таҳрирга қаранг.
Бузуқ назорат-касса машинаси тузатишда бўлган даврда савдо-сотиқ фаолиятини турғун савдо шохобчалари орқали амалга оширувчи юридик ва жисмоний шахслар савдо-сотиқда ва хизматлар кўрсатишда аҳоли билан пул ҳисоб-китобларини Ўзбекистон Республикаси Молия вазирлиги томонидан тасдиқланган шакллар бўйича қатъий ҳисобот берилувчи ҳужжат ҳисобланувчи квитанциялар ёзиш, талонлар, чипталар ёки уларга тенглаштирилган бошқа чеклар бериш йўли билан амалга оширишга мажбурдирлар.
(8-банд Ўзбекистон Республикаси Вазирлар Маҳкамасининг 1999 йил 21 майдаги 264-сонли қарорига мувофиқ иккинчи ва учинчи хатбошилари билан тўлдирилган)
Кейинги таҳрирга қаранг.
Олдинги таҳрирга қаранг.
9. Ўзбекистон Республикаси Вазирлар Маҳкамасининг 1994 йил 11 апрелдаги 195-сон қарори 15 бандининг учинчи хатбоши ўз кучини йўқотган деб ҳисоблансин.
10. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосарлари Б. С. Ҳамидов, Ю. Ф. Пайгин ва М. З. Усмонов зиммасига юклансин.
(8 ва 9-бандлар Ўзбекистон Республикаси Вазирлар Маҳкамасининг 1998 йил 19 майдаги 219-сонли қарорига мувофиқ 9 ва 10-бандларга ўзгартирилган)
Олдинги таҳрирга қаранг.
(2-илова Ўзбекистон Республикаси Вазирлар Маҳкамасининг 2000 йил 19 сентябрдаги 359-сонли қарорига мувофиқ ўз кучини йўқотган)