LexUZ шарҳи
Мазкур қарор Ўзбекистон Республикаси Вазирлар Маҳкамасининг 2017 йил 19 июлдаги 530-сонли «Ўрмон хўжалигини бошқариш тизимини янада такомиллаштириш чора-тадбирлари тўғрисида»ги қарорига асосан ўз кучини йўқотган.
Ўзбекистон Республикаси ўрмон фонди ҳудудида овчилик хўжалигини бошқаришни такомиллаштириш, ҳайвонот дунёсини назорат қилиш, қўриқлаш ва такрорий ишлаб чиқаришни кучайтириш, мўйна ва балиқ етиштиришни, ёввойи қушларни кўпайтириш мақсадида Вазирлар Маҳкамаси қарор қилади:
1. Ўзбекистон Республикаси Давлат ўрмон қўмитаси ҳузурида тўла хўжалик ҳисоби асосида Овчилик хўжалиги, қўриқхоналар ва миллий парклар бошқармаси (Овчилик бош бошқармаси)ни ташкил этиш тўғрисидаги таклифи қабул қилинсин.
Овчилик хўжалиги, қўриқхоналар ва миллий парклар бош бошқармасининг ходимлари сони 22 кишидан, йиллик иш ҳақи фонди 1379 минг сўмдан иборат қилиб белгилансин, уларнинг 1173 минг сўми тасарруфидаги корхоналарнинг ажратмалари ҳисобидан ва 206 минг сўми овчилик хўжалиги, қўриқхоналар ва миллий парклар бўлимининг 3 кишидан иборат ходимларини сақлаш учун бюджетдан ажратиладиган маблағлар ҳисобидан бўлади.
Ўзбекистон Республикаси Давлат ўрмон қўмитаси ҳузуридаги Овчилик бош бошқармаси зиммасига қуйидагилар юклатилсин:
Кейинги таҳрирга қаранг.
Олдинги таҳрирга қаранг.
дастурлар, чизмалар, муҳофаза қилиш лойиҳаларини ишлаб чиқишда ва уларни амалга оширишда иштирок этиш, ҳайвонот дунёси ва унинг яшаш муҳитидан фойдаланиш ва уни тиклаш;
ҳайвонларнинг давлат ҳисоби ва уларнинг олиб қўйилиши ҳажмлари ҳисобини амалга ошириш, ҳайвонот дунёси давлат кадастрини юритишда иштирок этиш;
Ўзбекистон Республикаси Давлат табиатни муҳофаза қилиш қўмитаси томонидан ажратиладиган квоталар асосида ҳайвонот дунёсидан фойдаланувчиларга унинг тасарруфидаги ов қилинадиган ерларда ҳайвонларни овлашга рухсатномалар бериш;
Ўзбекистон Республикаси Давлат табиатни муҳофаза қилиш қўмитаси билан келишилган ҳолда ўрмон фонди ерларида ов қилинадиган ерларни ҳайвонот дунёсидан фойдаланувчиларга бириктириб қўйиш;
(хатбошилар Ўзбекистон Республикаси Вазирлар Маҳкамасининг 1998 йил 27 мартдаги 136-сон қарори таҳририда)
Олдинги таҳрирга қаранг.
Овчилик бош бошқармасига ғайриқонуний овчилик оқибатида етказилган зарар учун даъво қилиш ҳамда ҳайвонот дунёсидан фойдаланиш ва муҳофаза қилиш қоидаларини бузганлик учун маъмурий ёки жиноий жавобгарликка тортиш тўғрисида ариза бериш ҳуқуқи берилсин.
Кейинги таҳрирга қаранг.
(хатбоши Ўзбекистон Республикаси Вазирлар Маҳкамасининг 1993 йил 8 июндаги 278-сон қарори таҳририда)
2. Ўзбекистон Республикаси Давлат ўрмон қўмитасига заҳарли илонлар ва бошқа қимматбаҳо ҳайвонлар (шу жумладан, балиқлар) сақланадиган ва кўпайтириладиган серпентарийлар, питомниклар, ҳайвонот фермаларини ҳамда мўйначилик, шунингдек, овчилик ва балиқчилик маҳсулотларини қайта ишлайдиган, сотадиган цехларни ташкил этишга, хорижий овчилик туризми бўйича қўшма корхоналар очишга рухсат берилсин.
Кейинги таҳрирга қаранг.
3. Ўзбекистон Республикаси Фанлар Академияси, Ўзбекистон қишлоқ хўжалиги фанлари академияси қўриқхоналар ва заказникларда илмий фаолиятни такомиллаштириш ва мувофиқлаштириш тадбирларини ишлаб чиқсинлар, бунда нодир ва йўқолиб бораётган ўсимликлар, ҳайвонлар ва паррандалар турларини сақлаб қолишга, овчилик хўжалигини оқилона бошқариш мақсадида овланадиган ҳайвонлар сонини қайта тиклашга алоҳида эътибор берсинлар.