13.09.2019 йилдаги ПФ-5825-сон
Кўриниш
Рус
Eng
Ўзб
O’zb
Ўзб|Рус
ONLINE TRANSLATE
Ўзбекистон Республикаси Президентининг Фармони, 13.09.2019 йилдаги ПФ-5825-сон
Кучга кириш санаси
14.09.2019
Кўриниш
Рус
Eng
Ўзб
O’zb
Ўзб|Рус
Ҳужжатга таклиф юборишАудиони тинглаш
Ўзбекистон Республикаси Президентининг
Ҳужжатга таклиф юборишАудиони тинглаш
Фармони
Ҳужжатга таклиф юборишАудиони тинглаш
«Чироқчи» эркин иқтисодий зонасини ташкил этиш тўғрисида
Ҳужжатга таклиф юборишАудиони тинглаш
Ҳужжатга таклиф юборишАудиони тинглаш
Қашқадарё вилоятининг ишлаб чиқариш ва ресурс салоҳиятини комплекс ривожлантириш, минерал хом ашё ва қишлоқ хўжалиги ресурсларини чуқур қайта ишлаш бўйича юқори технологик ва экспортбоп маҳсулот ишлаб чиқаришни ташкил этишга тўғридан-тўғри инвестицияларни жалб қилиш учун қулай шарт-шароитлар яратиш ҳамда шу асосда вилоятнинг экспорт салоҳиятини ошириш, янги иш ўринлари ташкил этиш ҳамда ҳудуд аҳолиси фаровонлигини ошириш мақсадида:
Ҳужжатга таклиф юборишАудиони тинглаш
1. Қашқадарё вилояти ҳокимлиги, Ўзбекистон Республикаси Инвестициялар ва ташқи савдо вазирлиги, Иқтисодиёт ва саноат вазирлиги, Молия вазирлиги, Қишлоқ хўжалиги вазирлигининг Қашқадарё вилояти Чироқчи туманида «Чироқчи» эркин иқтисодий зонасини (кейинги ўринларда — «Чироқчи» ЭИЗ) ташкил этиш тўғрисидаги таклифига розилик берилсин.
Ҳужжатга таклиф юборишАудиони тинглаш
2. Қуйидагилар «Чироқчи» ЭИЗнинг асосий вазифалари ва фаолияти йўналишлари этиб белгилансин:
Ҳужжатга таклиф юборишАудиони тинглаш
ташқи бозорларда талаб этилаётган ва импорт ўрнини босувчи, юқори қўшилган қийматга эга маҳсулотлар ишлаб чиқариш бўйича замонавий ишлаб чиқаришларни ташкил қилиш учун тўғридан-тўғри хорижий ва маҳаллий инвестицияларни жалб этиш;
Ҳужжатга таклиф юборишАудиони тинглаш
вилоятнинг ишлаб чиқариш ва ресурс салоҳиятларидан комплекс ҳамда самарали фойдаланишни таъминлаш;
Ҳужжатга таклиф юборишАудиони тинглаш
маҳаллий хом ашё ва материаллар негизида мустаҳкам кооперация алоқаларини ўрнатиш ҳамда эркин иқтисодий зона иштирокчилари ўртасида ва умуман республикада саноат кооперациясини ривожлантириш асосида юқори технологияли маҳсулотлар ишлаб чиқаришни маҳаллийлаштириш жараёнларини чуқурлаштириш;
Ҳужжатга таклиф юборишАудиони тинглаш
вилоятнинг ишлаб чиқариш ва ресурс салоҳиятидан самарали фойдаланиш асосида қишлоқ хўжалиги маҳсулотларини ишлаб чиқаришни кенгайтириш, қайта ишлашни чуқурлаштириш ва уларнинг экспорт ҳажмини ошириш;
Ҳужжатга таклиф юборишАудиони тинглаш
логистика хизматлари кўрсатишнинг замонавий инфратузилмасини шакллантириш, саноат соҳасидаги ишлаб чиқариш субъектларига улар томонидан ишлаб чиқарилган маҳсулотлар экспортини ташкил этишда кўмаклашиш;
Ҳужжатга таклиф юборишАудиони тинглаш
ишлаб чиқарилаётган маҳсулотларни стандартлаштириш, сертификатлаштириш ва маркировка қилиш бўйича халқаро стандартларга мувофиқ илмий-ишлаб чиқариш марказларини ташкил этиш ва уларнинг хулосалари халқаро даражада эътироф этилишини таъминлаш чора-тадбирларини амалга ошириш;
Ҳужжатга таклиф юборишАудиони тинглаш
«Чироқчи» ЭИЗнинг соҳа кадрларига бўлган жорий ва истиқболдаги эҳтиёжларидан келиб чиқиб, юқори малакали мутахассислар тайёрлашни ташкил этиш, шу жумладан уларнинг «Чироқчи» ЭИЗда жойлашган ҳудуддаги ташкилотларда ишлаб чиқариш амалиётини ўташида қатнашиш.
Ҳужжатга таклиф юборишАудиони тинглаш
3. Белгилансинки:
Ҳужжатга таклиф юборишАудиони тинглаш
«Чироқчи» ЭИЗнинг фаолият кўрсатиш муддати 30 йилни ташкил этади ва ушбу муддат кейинчалик узайтирилиши мумкин;
Ҳужжатга таклиф юборишАудиони тинглаш
«Чироқчи» ЭИЗ фаолияти давомида унинг ҳудудида алоҳида солиқ, божхона ва валюта тартиботлари амал қилади;
Ҳужжатга таклиф юборишАудиони тинглаш
Ўзбекистон Республикаси Президентининг 2016 йил 26 октябрдаги ПФ-4853-сон «Эркин иқтисодий зоналар фаолиятини фаоллаштириш ва кенгайтиришга доир қўшимча чора-тадбирлар тўғрисида»ги Фармони 3, 4 ва 5-бандлари қоидалари «Чироқчи» ЭИЗ иштирокчиларига нисбатан ҳам татбиқ этилади.
Ҳужжатга таклиф юборишАудиони тинглаш
4. Қашқадарё вилояти ҳокимлиги ва Ўзбекистон Республикаси Қурилиш вазирлигининг:
Ҳужжатга таклиф юборишАудиони тинглаш
Қашқадарё вилояти ҳокимлиги ҳузуридаги «Ягона буюртмачи хизмати» инжиниринг компанияси ДУКни «Чироқчи» ЭИЗнинг бош режасини ишлаб чиқиш, шунингдек, йўл-транспорт ва муҳандислик-коммуникация инфратузилмасини қуриш ҳамда реконструкция қилиш бўйича буюртмачи этиб;
Ҳужжатга таклиф юборишАудиони тинглаш
«ЎзшаҳарсозликЛИТИ» ДУКни «Чироқчи» ЭИЗнинг бош режасини ишлаб чиқиш бўйича бош лойиҳалаш ташкилоти этиб белгилаш тўғрисидаги таклифига розилик берилсин.
Ҳужжатга таклиф юборишАудиони тинглаш
5. Ўзбекистон Республикаси Инвестициялар ва ташқи савдо вазирлиги Қашқадарё вилояти ҳокимлиги, Қишлоқ хўжалиги вазирлиги, Ер ресурслари, геодезия, картография ва давлат кадастри давлат қўмитаси, Қурилиш вазирлиги, Экология ва атроф-муҳитни муҳофаза қилиш давлат қўмитаси билан биргаликда:
Ҳужжатга таклиф юборишАудиони тинглаш
бир ой муддатда қишлоқ хўжалигига мўлжалланмаган ер участкалари ҳудудидан «Чироқчи» ЭИЗнинг чегараларини аниқлаш, уларни келгусида кенгайтириш ва «Чироқчи» ЭИЗ фаолиятини ташкил этишни назарда тутувчи Ҳукумат қарори лойиҳасини Вазирлар Маҳкамасига белгиланган тартибда киритсин;
Ҳужжатга таклиф юборишАудиони тинглаш
уч ой муддатда «Чироқчи» ЭИЗнинг бош режаси ишлаб чиқилишини ҳамда белгиланган тартибда тасдиқланишини таъминласин.
Ҳужжатга таклиф юборишАудиони тинглаш
6. Ўзбекистон Республикаси Давлат божхона қўмитаси Транспорт вазирлиги, Қашқадарё вилояти ҳокимлиги билан биргаликда бир ой муддатда «Чироқчи» ЭИЗ иштирокчиларига ўз вақтида ва сифатли хизмат кўрсатиш учун логистика марказларини ҳамда божхона постини ташкил этиш юзасидан Вазирлар Маҳкамасига таклиф киритсин.
Ҳужжатга таклиф юборишАудиони тинглаш
Божхона органлари ўз фаолиятини эркин иқтисодий зона дирекцияси ва логистика марказлари биноларидаги алоҳида ажратилган хоналарда ижара тўловларисиз олиб боришлари инобатга олинсин.
Ҳужжатга таклиф юборишАудиони тинглаш
7. Ўзбекистон Республикаси Инвестициялар ва ташқи савдо вазирлиги икки ой муддатда манфаатдор вазирлик ва идоралар билан биргаликда Қашқадарё вилоятининг мавжуд минерал хом ашё ресурсларини инобатга олган ҳолда, импорт таркибини ҳар томонлама таҳлил қилиш асосида «Чироқчи» ЭИЗ ҳудудида импорт ўрнини босувчи ва экспортга йўналтирилган тайёр маҳсулотлар, материаллар ва бутловчи буюмлар турлари ишлаб чиқариш ташкилотларини жойлаштириш бўйича «йўл хариталари» ишлаб чиқилиб, тасдиқланишини таъминласин.
Ҳужжатга таклиф юборишАудиони тинглаш
8. Ўзбекистон Республикаси Давлат геология ва минерал ресурслар қўмитаси Қашқадарё вилояти ҳокимлиги билан биргаликда бир ой муддатда «Чироқчи» ЭИЗ ҳудудида ер ости сув захиралари мавжудлигини ўрганиб чиқиб, ундан самарали фойдаланиш бўйича таклифларини Вазирлар Маҳкамасига киритсин.
Ҳужжатга таклиф юборишАудиони тинглаш
9. Ўзбекистон Республикаси Ахборот технологиялари ва коммуникацияларини ривожлантириш вазирлиги, Уй-жой коммунал хизмат кўрсатиш вазирлиги, Транспорт вазирлиги ҳузуридаги Автомобиль йўллари қўмитаси, «Ҳудудий электр тармоқлари» АЖ ва «Ўзтрансгаз» АЖ «Чироқчи» ЭИЗ ҳудудини, шунингдек, унинг иштирокчилари ишлаб чиқариш майдонларини ташқи йўл-транспорт ва муҳандислик-коммуникация инфратузилмаси билан кафолатли таъминлаш чораларини кўрсин.
Ҳужжатга таклиф юборишАудиони тинглаш
10. Ўзбекистон Республикаси Инвестициялар ва ташқи савдо вазирлиги, Иқтисодиёт ва саноат вазирлиги ҳамда Молия вазирлиги:
Ҳужжатга таклиф юборишАудиони тинглаш
Қурилиш вазирлиги, Уй-жой коммунал хизмат кўрсатиш вазирлиги, Ахборот технологиялари ва коммуникацияларини ривожлантириш вазирлиги, Транспорт вазирлиги ҳузуридаги Автомобиль йўллари қўмитаси, «Ҳудудий электр тармоқлари» АЖ, «Ўзтрансгаз» АЖ, «Ўзбекистон темир йўллари» АЖ, Қашқадарё вилояти ҳокимлиги билан биргаликда уч ой муддатда «Чироқчи» ЭИЗ ҳудудида транспорт, ишлаб чиқариш ва муҳандислик-коммуникация инфратузилмасини жадал ривожлантириш дастурини тасдиқлаш учун Вазирлар Маҳкамасига киритсин;
Ҳужжатга таклиф юборишАудиони тинглаш
Ўзбекистон Республикасининг 2020 — 2022 йиллар учун Инвестиция дастурини шакллантиришда «Чироқчи» ЭИЗнинг белгиланган тартибда тасдиқланган бош режаси асосида транспорт, ишлаб чиқариш ва муҳандислик-коммуникация инфратузилмасини ривожлантириш учун капитал қўйилмалар лимитларини ҳамда зарур марказлаштирилган инвестициялар ажратилишини назарда тутсин.
Ҳужжатга таклиф юборишАудиони тинглаш
11. Ўзбекистон Республикаси Ташқи ишлар вазирлиги Қашқадарё вилояти ҳокимлиги ёки Ўзбекистон Республикаси Инвестициялар ва ташқи савдо вазирлигининг буюртмаларига кўра «Чироқчи» ЭИЗда амалга ошириладиган лойиҳаларни ташкил этиш бўйича ишга жалб қилинадиган хорижий мутахассислар учун Ўзбекистон Республикасига кўп марталик кириш визаларини консуллик ва бошқа йиғимларни ундирмасдан белгиланган тартибда расмийлаштиришни таъминласин.
Ҳужжатга таклиф юборишАудиони тинглаш
12. Ўзбекистон Республикаси Ички ишлар вазирлиги «Чироқчи» ЭИЗда амалга ошириладиган лойиҳаларни ташкил этиш бўйича ишга жалб қилинадиган хорижий мутахассисларни яшаш жойи бўйича ҳисобга олиниши ҳамда унинг муддати узайтирилишини белгиланган тартибда таъминласин.
Ҳужжатга таклиф юборишАудиони тинглаш
13. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари Э.М. Ганиев зиммасига юклансин.
Ҳужжатга таклиф юборишАудиони тинглаш
Ўзбекистон Республикаси Президенти Ш. МИРЗИЁЕВ
Ҳужжатга таклиф юборишАудиони тинглаш
Тошкент ш.,
Ҳужжатга таклиф юборишАудиони тинглаш
2019 йил 13 сентябрь,
Ҳужжатга таклиф юборишАудиони тинглаш
ПФ-5825-сон

(Қонун ҳужжатлари маълумотлари миллий базаси, 14.09.2019 й., 06/19/5825/3744-сон)
Марказ ҳақида
Сайт янгиликлари
Сайтда реклама
RSS
© Ўзбекистон Республикаси Адлия вазирлиги қошидаги “Адолат” миллий ҳуқуқий ахборот маркази давлат муассасаси