Ўзбекистон Республикаси Ҳукумати ва Россия Федерацияси Ҳукумати, кейинги ўринларда Томонлар деб аталувчилар,
Ўзбекистон Республикаси ва Россия Федерацияси ўртасида таълим ва фан соҳасидаги муносабатларни ривожлантиришга интилган ҳолда,
Ўзбекистон Республикаси ва Россия Федерациясида олинган таълим, малака ва илмий даражаларнинг ўзаро тан олинишини енгиллаштириш истагида,
Ўзбекистон Республикаси ва Россия Федерациясида яшовчи фуқароларнинг таълим эҳтиёжларини қондириш учун қулай шарт-шароитлар яратишга катта аҳамият бериб,
1993 йил 19 мартдаги Ўзбекистон Республикаси Ҳукумати билан Россия Федерацияси Ҳукумати ўртасида маданият, фан ва техника, таълим, соғлиқни сақлаш, ахборот, спорт ва туризм соҳасида ҳамкорлик қилиш тўғрисидаги Битимнинг қоидаларини инобатга олган ҳолда,
1995 йил 27 июлдаги Ўзбекистон Республикаси Ҳукумати билан Россия Федерацияси Ҳукумати ўртасида олий таълим соҳасида ҳамкорлик қилиш тўғрисидаги Битимдан келиб чиққан ҳолда,
2005 йил 12 августдаги Ўзбекистон Республикаси Олий ва ўрта махсус таълим вазирлиги билан Россия Федерацияси Фан ва таълим вазирлиги ўртасида касбий таълим соҳасида ҳамкорлик тўғрисидаги Битимни ҳисобга олиб,
1. Мазкур Битим Томонлар давлатларининг қонунчилигига мувофиқ Томонлар давлатларида таълимни давом эттириш ва мутахассислик фаолиятини амалга ошириш учун Ўзбекистон Республикаси ва Россия Федерациясида олинган таълим, малака ва илмий даражаларни ўзаро тан олишни тартибга солади.
2. Мазкур Битим, у кучга кирганидан сўнг, давлат аккредитациясига эга бўлган таълим дастурлари бўйича Томонлар давлатларининг таълим ва илмий ташкилотларида олинган таълим ва малакага ҳамда Томонлар давлатлари қонунчилигида белгиланган тартибда берилган илмий даражаларга нисбатан қўлланилади.
Россия Федерациясида олинган, асосий умумий таълим тўғрисидаги аттестат билан тасдиқланган асосий умумий таълим ва Ўзбекистон Республикасида олинган, умумий ўрта таълим (I — IХ синфлар) тўғрисидаги шаҳодатнома билан тасдиқланган умумий ўрта таълим мос равишда тан олинади ҳамда уларнинг эгаларига Россия Федерациясида ўрта умумий ёки ўрта касб-ҳунар таълимининг таълим дастурлари ва Ўзбекистон Республикасида умумий ўрта (Х-ХI синфлар), ўрта махсус ва ўрта касб-ҳунар таълимининг таълим дастурлари бўйича ўқишни давом эттириш ҳуқуқини беради.
Россия Федерациясида олинган, ўрта умумий таълим аттестати билан тасдиқланган ўрта умумий таълим ва Ўзбекистон Республикасида олинган, ўрта таълим аттестати ва академик лицей дипломи билан тасдиқланган умумий ўрта таълим (Х-ХI синфлар) ва ўрта махсус таълим мос равишда тан олинади ҳамда уларнинг эгаларига Россия Федерациясида ўрта касб-ҳунар таълими ёки олий таълимнинг (бакалавриат ва мутахассислик) таълим дастурлари ва Ўзбекистон Республикасида ўрта касб-ҳунар таълими ёки олий таълимнинг (бакалавриат) таълим дастурлари бўйича ўқишни давом эттириш ҳуқуқини беради.
Россия Федерациясида олинган, ўрта касб-ҳунар таълими дипломи билан тасдиқланган ўрта касб-ҳунар таълими ва Ўзбекистон Республикасида олинган, ўрта касб-ҳунар таълими дипломи билан тасдиқланган ўрта касб-ҳунар таълими мос равишда тан олинади ҳамда уларнинг эгаларига Россия Федерациясида олий таълимнинг (бакалавриат ва мутахассислик) таълим дастурлари ва Ўзбекистон Республикасида олий таълимнинг (бакалавриат) таълим дастурлари бўйича ўқишни давом эттириш ҳуқуқини беради.
1. Россия Федерациясида олинган, ўқиш муддати тўрт йилдан кам бўлмаган бакалавр дипломи билан тасдиқланган олий таълим ва Ўзбекистон Республикасида олинган, ўқиш муддати тўрт йилдан кам бўлмаган бакалавр дипломи билан тасдиқланган олий таълим мос равишда тан олинади ҳамда уларнинг эгаларига Россия Федерациясида олий таълимнинг (магистратура) таълим дастурлари ва Ўзбекистон Республикасида олий таълимнинг (магистратура) таълим дастурлари бўйича ўқишни давом эттириш ҳуқуқини беради.
2. Мазкур модданинг 1-бандида кўрсатилган, Томонлар давлатларининг таълим ва илмий ташкилотларида кундузги шаклда олинган олий таълим унинг эгаларига олинган таълим ва Томонлар давлатлари ҳар бирининг қонунчилигига мувофиқ Томонлар давлатларининг ҳар бирида мутахассислик фаолиятини амалга ошириш ҳуқуқини беради.
1. Россия Федерациясида олинган, олий таълимнинг мутахассис ёки магистр дипломи билан тасдиқланган олий таълим ва Ўзбекистон Республикасида олинган, олий таълимнинг магистр дипломи билан тасдиқланган олий таълим мос равишда тан олинади ва уларнинг эгаларига Россия Федерациясида олий таълимнинг таълим дастурлари — аспирантура (адъюнктура)да илмий-педагогик кадрлар тайёрлаш дастурлари ва ассистентлик-амалиёт ўқув дастурлари бўйича ҳамда Ўзбекистон Республикасида олий таълим (таянч докторантура) дастурлари бўйича ўқишни давом эттириш ҳуқуқини беради.
2. Мазкур модданинг 1-бандида кўрсатилган, Томонлар давлатларининг таълим ва илмий ташкилотларида кундузги шаклда олинган олий таълим унинг эгаларига олинган таълим ва Томонлар давлатлари ҳар бирининг қонунчилигига мувофиқ Томонлар давлатларининг ҳар бирида мутахассислик фаолиятини амалга ошириш ҳуқуқини беради.
1. Россия Федерациясида олинган, мутахассислик дипломи билан тасдиқланган олий тиббий ва олий фармацевтика таълими ва Ўзбекистон Республикасида олинган, бакалавр ёки бакалавр билан биргаликдаги магистр дипломи билан тасдиқланган, тегишли тайёргарлик йўналиши бўйича ўқиш муддати (умумий муддат) Россия Федерациясида олинган тегишли мутахассислик бўйича назарда тутилган меъёрий ўқиш муддатидан кам бўлмаган муддат бўйича олий тиббий ва олий фармацевтика таълими мос равишда тан олинади ҳамда уларнинг эгаларига Россия Федерациясида олий таълим дастури (магистратура), аспирантурада илмий-педагогик кадрлар тайёрлаш дастурлари ва ординатура дастурлари ва Ўзбекистон Республикасида олий таълимнинг (магистратура, клиник ординатура ва таянч докторантура) таълим дастурлари бўйича ўқишни давом эттириш ҳуқуқини беради.
2. Россия Федерациясида олинган, ординатурани тугатганлик тўғрисидаги диплом билан тасдиқланган олий тиббий ва олий фармацевтика таълими ва Ўзбекистон Республикасида олинган, клиник ординатурани тугатганлик тўғрисидаги тегишли ҳужжат билан тасдиқланган олий тиббий ёки олий фармацевтика таълими мос равишда тан олинади ҳамда уларнинг эгаларига Россия Федерациясида олий таълимнинг таълим дастурлари, аспирантурада илмий-педагогик кадрлар тайёрлаш дастурлари ва Ўзбекистон Республикасида олий таълимнинг (таянч докторантура) таълим дастурлари бўйича ўқишни давом эттириш ҳуқуқини беради.
3. Мазкур модданинг 1 ва 2-бандларида кўрсатилган, Томонлар давлатларининг таълим ва илмий ташкилотларида кундузги шаклда олинган олий таълим унинг эгаларига олинган таълим ва Томонлар давлатлари ҳар бирининг қонунчилигига мувофиқ Томонлар давлатларининг ҳар бирида мутахассислик фаолиятини амалга ошириш ҳуқуқини беради.
4. Россия Федерациясининг таълим ва илмий ташкилотларида тиббий ва фармацевтика мутахассисликлари ва тайёргарлик йўналишлари бўйича олий тиббий ёки олий фармацевтика таълимининг (бакалавриат, мутахассислик, магистратура ва ординатура) таълим дастурлари бўйича ўқиш даври ва Ўзбекистон Республикасининг таълим ва илмий ташкилотларида тиббий ва фармацевтика мутахассисликлари ва тайёргарлик йўналишлари бўйича олий тиббий ёки олий фармацевтика таълимининг (бакалавриат, магистратура ва клиник ординатура) таълим дастурлари бўйича ўқиш даври тегишли мутахассислик ва тайёргарлик йўналишлари бўйича ўқиш даври сифатида тан олинади ҳамда уларнинг эгаларига Россия Федерациясида олий тиббий ёки олий фармацевтика таълимининг (бакалавриат, мутахассислик, магистратура ва ординатура) тегишли таълим дастурлари ва Ўзбекистон Республикасида олий тиббий ёки олий фармацевтика таълимининг (бакалавриат, магистратура ва клиник ординатура) тегишли таълим дастурлари бўйича ўқишни давом эттириш ҳуқуқини беради.
1. Россия Федерациясида олинган фан номзоди илмий даражаси ва Ўзбекистон Республикасида олинган тегишли фан тармоғи бўйича фалсафа доктори (РhD) илмий даражаси мос равишда тан олинади ва уларнинг эгаларига Россия Федерацияси ва Ўзбекистон Республикасида фан доктори илмий даражасини олиш ҳуқуқини беради.
2. Россия Федерациясида олинган фан доктори илмий даражаси ва Ўзбекистон Республикасида олинган тегишли фан тармоғи бўйича фан доктори (Doctor of Science) илмий даражаси мос равишда тан олинади.
3. Мазкур модданинг 1 ва 2-бандларида кўрсатилган илмий даражалар уларнинг эгаларига Томонлар давлатлари ҳар бирининг қонунчилигига мувофиқ Томонлар давлатларининг ҳар бирида мутахассислик фаолиятини амалга ошириш ҳуқуқини беради.
Мазкур Битимда назарда тутилган таълим ва малака, илмий даражаларни тан олиш уларнинг эгаларини таълим ва илмий ташкилотларга қабул қилишда ҳамда мутахассислик фаолиятини амалга ошириш учун Томонлар давлатлари қонунчилиги билан татбиқ этиладиган талабларни бажариш мажбуриятидан озод қилмайди.
1. Мазкур Битимни амалга ошириш билан боғлиқ масалаларни ҳал этиш қўшимча тавсиялар ишлаб чиқишни талаб қилган ҳолда, Томонлар мазкур Битимни амалга ошириш учун ўзларининг таълим ва фан соҳасида бошқарувни амалга оширувчи ваколатли органлари номидан экспертлар қўмитасини тузадилар. Экспертлар қўмитаси мазкур Битимни талқин қилиш ҳамда уни ўзгартириш бўйича таклифларни ишлаб чиқишга доир масалалар билан ҳам шуғулланиши мумкин.
2. Экспертлар қўмитаси ҳар бир Томондан тўртта (4) экспертдан кўп бўлмаган таркибдан иборат бўлади. Экспертлар қўмитасининг таркиби, учрашув ўтказиладиган жойи ва санаси тўғрисида ахборот дипломатик каналлар орқали ёзма равишда юборилади.
3. Экспертлар қўмитаси учрашувларининг даврийлиги, жойлари ва саналари бўйича шартлар таълим ва фан соҳасидаги бошқарувни амалга оширувчи Томонларнинг органлари тарафидан келишилади.
Мазкур Битимни амалга ошириш учун Томонлар таълим ва фан соҳасида бошқарувни амалга оширувчи ваколатли органлар номидан ахборот тақдим этилишини таъминлайдилар, шу жумладан:
ҳар бир Томон давлатида олинадиган таълим даражаларининг тавсифи ва тегишли касблар, мутахассисликлар ва тайёргарлик йўналишлари бўйича малакаларини кўрсатган ҳолда касблар, мутахассисликлар ва тайёргарлик йўналишлари рўйхати;
мазкур Битимда кўрсатилган таълим ва малака тўғрисидаги ҳужжатларнинг намуналари, шунингдек, илмий даражалар тўғрисидаги дипломларнинг шакллари;
Томонлар давлатларининг қонунчилигига мувофиқ аккредитацияга эга бўлган таълим дастурларини амалга оширувчи таълим ва илмий ташкилотлар тўғрисида маълумотлар;
Томонлар давлатларининг қонунчилиги асосида белгиланган илмий аттестация тизимлари тўғрисида маълумотлар, шу жумладан, илмий даражалар бериладиган илмий мутахассисликлар номенклатураси, шунингдек, илмий даражаларни мустақил бериш ҳуқуқига эга бўлган ташкилотлар тўғрисида маълумотлар.
Мазкур Битимни қўллаш ёки талқин қилиш билан боғлиқ Томонлар ўртасида келиб чиқадиган низолар маслаҳатлашув ва музокаралар орқали ҳал этилади.
Томонларнинг розилиги асосида мазкур Битимга унинг ажралмас қисми ҳисобланадиган ва алоҳида баённомалар билан расмийлаштириладиган ўзгартириш ва қўшимчалар киритилиши мумкин.
2. Томонларнинг ҳар бири бошқа Томонга дипломатик каналлар орқали мазкур Битимни тугатиш ҳақида ёзма хабарнома юбориш орқали уни тугатиш ҳуқуқига эга. Битим бошқа Томондан бундай хабарнома олинган кундан ўн икки (12) ой ўтгач тугатилади.
3. Мазкур Битимнинг амал қилишини тугатиш у тугатилгунига қадар Битимга мувофиқ таълим ва малака, илмий даражаларни тан олиш тўғрисида қабул қилинган қарорларга дахл қилмайди.
4. Мазкур Битим амал қилиши тугатилган тақдирда, унинг қоидалари мазкур Битим амал қилиши тугагунига қадар Россия Федерацияси ва Ўзбекистон Республикасининг таълим ва илмий ташкилотларида ўқишни бошлаган шахслар томонидан олинган таълим, малака, шунингдек, Томонлар давлатларининг қонунчилигига мувофиқ илмий даража олишни ҳимоя қилиш учун диссертация тақдим этган шахсларга берилган илмий даражаларга ҳам қўлланилади.
Мазкур Битим кучга кирган кундан бошлаб Ўзбекистон Республикаси ва Россия Федерацияси ўртасидаги муносабатларда 1998 йил 6 майдаги Ўзбекистон Республикаси Ҳукумати ва Россия Федерацияси Ҳукумати ўртасида илмий даражалар ҳақидаги ҳужжатларнинг эквивалентлигини аниқлаш тартиби ва юқори малакали илмий ва илмий-педагог кадрларни аттестациядан ўтказиш соҳасида ҳамкорлик қилиш тўғрисидаги Битим бекор қилинади.