Ўзбекистон Республикаси Адлия вазирлиги ва Миср Араб Республикаси Адлия вазирлиги, кейинги ўринларда «Томонлар» деб аталувчилар,
ўзаро қизиқиш уйғотадиган масалалар бўйича ҳамкорликни ривожлантириш бўйича ўзаро интилишни ҳисобга олиб,
Томонлар мазкур Меморандумга мувофиқ ўз ваколатлари доирасида ҳамда ўз давлатларининг миллий қонунчилиги ва халқаро мажбуриятларига биноан қуйидаги йўналишларда ҳамкорлик қиладилар:
Мазкур Меморандумнинг 1-моддасида қайд этилган ҳамкорлик соҳалари қуйидаги шаклларда амалга оширилади:
1) Томонлар давлатларининг адлия органлари ва муассасалари фаолияти билан янада яқинроқ танишиш учун Томонларнинг делегациялари билан алмашиш;
4) мунтазам равишда Томонлар давлатларининг миллий хавфсизлигига зид келмайдиган ҳуқуқий адабиётлар ва бошқа нашрларни алмашиш.
Мазкур Меморандумнинг қоидаларини амалга ошириш учун Томонлар ўзларининг молиявий имкониятларини ҳисобга олган ҳолда, икки томонлама ҳамкорлик фаолиятларининг йиллик режаларини ишлаб чиқадилар.
Томонлар мазкур Меморандум доирасида бошқа Томондан олинган маълумотлар ва ҳужжатларнинг махфийлигини таъминлайдилар ҳамда уларни тақдим этган Томоннинг олдиндан ёзма розилигисиз учинчи томонга ошкор этмайдилар.
Томонлар мазкур Меморандумга мувофиқ ҳамкорлик қилиш учун инглиз тилини ишчи тил сифатида қўллайдилар.
Ҳар бир Томон мазкур Меморандумни амалга ошириш жараёнида юзага келадиган ўз харажатларини, башарти ҳар бир алоҳида ҳолатда Томонлар тарафидан ўзаро бошқача тарзда келишилмаган бўлса, мустақил тарзда қоплайдилар.
Мазкур Меморандум қоидалари Томонларнинг давлатлари иштирок этадиган бошқа амалдаги халқаро шартномалардан келиб чиқадиган Томонларнинг ҳар қандай ҳуқуқ ва мажбуриятларига дахл қилмайди.
Мазкур Меморандум қоидаларини қўллаш ёки талқин қилишда келиб чиқадиган ҳар қандай келишмовчиликлар, келишиш учун бирон-бир миллий, халқаро ва учинчи томон судига мурожаат қилинмасдан, Томонлар ўртасида маслаҳатлашувлар ва музокаралар орқали ҳал этилади.
Мазкур Меморандумга Томонларнинг ўзаро ёзма розилигига кўра унинг ажралмас қисми ҳисобланадиган ва Меморандумнинг 11-моддасида назарда тутилган тартибда кучга кирадиган алоҳида баённомалар шаклида ўзгартириш ва қўшимчалар киритилиши мумкин.
Мазкур Меморандум имзоланган санадан бошлаб кучга киради ва уч (3) йил давомида амал қилади, Томонлардан бири уч ой олдин унинг амал қилишини тугатиш нияти тўғрисида бошқа Томонни ёзма равишда хабардор қилмаса, унинг амал қилиши ўз-ўзидан кейинги уч йиллик муддатларга узаяверади.
Тошкент шаҳрида 2018 йил 5 сентябрда икки асл нусхада, ҳар бири ўзбек, араб ва инглиз тилларида тузилди, бунда барча матнлар тенг аутентикдир.