Вазирлар Маҳкамаси қарор қилади:

1. Қуйидагилар:

Ўзбекистон Республикаси Меҳнат ва аҳолини ижтимоий муҳофаза қилиш вазирлиги тўғрисидаги Низом 1-иловага мувофиқ;

Ташқи меҳнат миграцияси масалалари агентлиги тўғрисидаги Низом 2-иловага мувофиқ тасдиқлансин.

2. Ўзбекистон Республикаси Вазирлар Маҳкамасининг 3-иловага мувофиқ айрим қарорларига ўзгартиришлар ва қўшимчалар киритилсин.

3. Ўзбекистон Республикаси Ҳукуматининг 4-иловага мувофиқ қарорлари ўз кучини йўқотган деб ҳисоблансин.

4. Ўзбекистон Республикаси Меҳнат ва аҳолини ижтимоий муҳофаза қилиш вазирлиги идоравий норматив ҳужжатларга мазкур қарордан келиб чиқувчи тегишли ўзгартиришлар ва қўшимчалар киритсин.

5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С.Азимов зиммасига юклансин.

1. Мазкур Низом Ўзбекистон Республикаси Президентининг «Ўзбекистон Республикаси Меҳнат ва аҳолини ижтимоий муҳофаза қилиш вазирлигини ташкил этиш тўғрисида» 2001 йил 13 февралдаги ПФ-2810-сон Фармонига ва Ўзбекистон Республикаси Вазирлар Маҳкамасининг «Меҳнат ва аҳолини ижтимоий муҳофаза қилиш вазирлиги фаолиятини ташкил этиш тўғрисида» 2001 йил 13 февралдаги 75-сон қарорига мувофиқ ишлаб чиқилган ҳамда Меҳнат ва аҳолини ижтимоий муҳофаза қилиш вазирлигининг мақоми, вазифалари, функциялари, ваколатлари ва фаолиятининг ташкилий асосларини белгилаб беради.

2. Ўзбекистон Республикаси Меҳнат ва аҳолини ижтимоий муҳофаза қилиш вазирлиги (кейинги ўринларда матнда Вазирлик деб юритилади) меҳнат, аҳолини иш билан таъминлаш, ижтимоий муҳофаза қилиш ва аҳолининг ижтимоий таъминоти соҳасида давлат бошқарувининг марказий органи ҳисобланади ҳамда ўз фаолиятида Ўзбекистон Республикаси Вазирлар Маҳкамасига бўйсунади.

Вазирлик ўз ишини давлат бошқарувининг бошқа органлари, Қорақалпоғистон Республикаси, вилоятлар ва Тошкент шаҳар давлат ҳокимияти органлари ҳамда жамоат ташкилотлари билан ўзаро ҳамкорликда амалга оширади.

3. Вазирлик ўз фаолиятида Ўзбекистон Республикаси Конституциясига, Ўзбекистон Республикаси қонунларига, Олий Мажлиснинг қарорлари ва бошқа ҳужжатларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, меҳнат, аҳолини иш билан таъминлаш, ижтимоий муҳофаза қилиш ва аҳолининг ижтимоий таъминоти бўйича Ўзбекистон Республикасининг халқаро шартномаларига, шунингдек ушбу Низомга амал қилади.

4. Вазирликнинг ўз ваколатлари доирасида қабул қилинадиган қарорлари вазирликлар, идоралар, жойлардаги ҳокимият ва бошқарув органлари, хўжалик бирлашмалари, корхоналар ва муассасалар, шунингдек фуқаролар томонидан бажарилиши мажбурий ҳисобланади.

5. Ўзбекистон Республикаси Меҳнат ва аҳолини ижтимоий муҳофаза қилиш вазирлиги, Қорақалпоғистон Республикаси Меҳнат ва аҳолини ижтимоий муҳофаза қилиш вазирлиги, вилоятлар ва Тошкент шаҳар ҳокимликларининг меҳнат ва аҳолини ижтимоий муҳофаза қилиш бош бошқармалари, меҳнат, аҳолини иш билан таъминлаш ва ижтимоий муҳофаза қилиш туман (шаҳар) бўлимлари, ижтимоий таъминот туман (шаҳар) бўлимлари, шунингдек вазирликка ва унинг ҳудудий бўлинмаларига қарашли бошқа ташкилотлар меҳнат ва республика аҳолисини ижтимоий муҳофаза қилиш органларининг ягона тизимини ташкил этади. Вазирлик ўзига тегишли масалаларни ҳал этишда ушбу барча органлар фаолиятини йўналтиради, мувофиқлаштиради ва назорат қилади.

6. Вазирлик юридик шахс ҳисобланади, мустақил балансга, банк муассасаларида ҳисоб рақамларига ва бошқа ҳисоб рақамларига (шу жумладан валюта ва махсус ҳисоб рақамларига), Ўзбекистон Республикаси Давлат герби тасвири туширилган ва ўз номи ёзилган муҳрга, шунингдек тегишли муҳрлар ва штампларга эга бўлади.

7. Вазирлик Вазирликнинг, унинг ҳудудий бош бошқармалари ва туман (шаҳар) бўлимларининг махсус мақсадли бюджетдан ташқари ҳисоб рақамларида жамланадиган Ўзбекистон Республикасининг бюджетдан ташқари Пенсия жамғармасининг ва Иш билан таъминлашга кўмаклашиш давлат жамғармасининг маблағларини бевосита бошқаради.

8. Қуйидагилар Вазирликнинг асосий вазифалари ҳисобланади:

халқнинг моддий фаровонлиги барқарор изчил ўсишини таъминлашга қаратилган ягона ижтимоий сиёсатни шакллантириш ва амалга ошириш, иқтисодиётни янада эркинлаштириш шароитларида аҳолининг ижтимоий муҳофазасини кучайтириш;

демографик ривожланиш прогнозларини ишлаб чиқиш ва уларнинг амалга оширилишини назорат қилиш, меҳнат бозорини шакллантиришга доир фаол сиёсат юритиш ва меҳнатга яроқли аҳолини, айниқса ёшларни иш билан таъминлаш, меҳнат ресурслари баланслари асосида иш ўринлари барпо этиш ва кадрлар тайёрлашнинг мақсадли дастурларини ишлаб чиқиш;

меҳнат муносабатларини тартибга солиш, меҳнатни муҳофаза қилиш ва нормаллаштиришнинг шартлари, ташкил этиш тизимларини такомиллаштириш юзасидан бозор шароитларига мувофиқ чора-тадбирларни ишлаб чиқиш;

пенсионерлар, ногиронлар, кўп болали ва кам таъминланган оилаларни амалда ижтимоий муҳофаза қилишни таъминлаш чора-тадбирларини амалга ошириш, аҳолининг ижтимоий ночор қатламларини аниқ муҳофаза қилишнинг самарали механизмини ишлаб чиқиш ва амалга ошириш;

ижтимоий таъминотни ташкил этиш ва бошқариш, ногиронларни тиббий-ижтимоий экспертизадан ўтказиш ва соғломлаштириш хизматлари фаолиятига раҳбарлик қилиш, аҳолига протез-ортопедия ёрдами кўрсатилишини ташкил этиш;

меҳнат, иш билан таъминлаш, пенсия таъминотини ва аҳолига ижтимоий хизмат кўрсатишни такомиллаштириш масалалари бўйича вазирликлар, идоралар, хўжалик бирлашмалари, Қорақалпоғистон Республикаси Вазирлар Кенгаши, вилоятлар, туманлар, шаҳарлар ҳокимликлари, корхоналар ва ташкилотларга ташкилий-методик раҳбарлик қилиш ҳамда улар фаолиятини мувофиқлаштириш;

аҳолини иш билан таъминлаш ишларини ташкил этиш ва унинг ижтимоий муҳофаза қилинишини кучайтиришда жойлардаги ҳокимият органларига ва фуқароларнинг ўзини ўзи бошқариш органларига ҳар томонлама кўмаклашиш.

9. Вазирлик ўзига юкланган вазифаларга мувофиқ қуйидаги функцияларни амалга оширади:

9.1. Меҳнат бозорини шакллантириш ва аҳолини иш билан таъминлаш соҳасида:

Макроиқтисодиёт ва статистика вазирлиги билан биргаликда республика ва ҳудудларнинг демографик ривожланиш прогнозларини, аҳолини иш билан самарали таъминлаш чора-тадбирлари комплексини асослаган ҳолда меҳнат ресурсларининг прогноз балансларини ишлаб чиқади;

республика ва ҳудудларнинг меҳнат ресурслари миқдори ва таркибини ўрганади ҳамда уни такомиллаштиришга доир таклифларни ишлаб чиқади;

қишлоқ туманларида ва аҳоли пунктларида меҳнат бозорининг аҳволи мониторингини ташкил этади;

миграция жараёнларини ўрганади, ташқи меҳнат миграциясини ва хорижий фуқароларнинг Ўзбекистон Республикаси ҳудудидаги меҳнат фаолиятини ташкил этиш бўйича таклифларни ишлаб чиқади;

ҳудудларнинг демографик ривожланиш прогнозлари асосида янги корхоналарни жойлаштириш ва ишлаб турганларини кенгайтириш юзасидан таклифларни ишлаб чиқади;

ишсизлар ва иш билан машғул бўлмаган аҳоли ҳисобини ташкил этади;

Олий ва ўрта махсус таълим вазирлиги билан биргаликда касб-ҳунар таълими ўқув юртлари битирувчиларининг иш билан таъминланишини тадқиқ этади ҳамда улар асосида ишчи кадрлар ва ўқув юртларида мутахассисларнинг касб тайёргарлиги йўналишларини такомиллаштириш юзасидан таклифларни ишлаб чиқади;

тегишли мутахассисларга талаб ва таклиф баланси асосида ҳамда иқтисодиётдаги таркибий силжишлар ва бозор қайта ўзгартиришларини ҳисобга олган ҳолда профессионал ишчи кадрлар ва мутахассислар тайёрлаш ва уларни қайта тайёрлаш дастурларини ишлаб чиқишда қатнашади;

аҳолини иш билан таъминлаш, ёшларни, ишдан бўшатилган ходимларни ва аҳолининг бошқа тоифаларини ишга жойлаштириш, шунингдек бўш иш жойлари бўйича ахборот шакллантирилиши ва таҳлил этилишини ташкил этади;

ёшларнинг ва иш билан машғул бўлмаган аҳолининг касб-кор устунликлари ва меҳнат йўналишларини аниқлаш учун социологик тадқиқотлар ўтказилишини ташкил этади;

манфаатдор вазирликлар ва идоралар, жойлардаги давлат ҳокимияти ва бошқарув органлари билан биргаликда иш ўринлари ташкил этиш дастурларини ишлаб чиқишда ва уларни амалга оширишни мувофиқлаштиришда қатнашади;

аҳолини иш билан таъминлаш ва иш ўринлари барпо этиш ҳудудий дастурларини ишлаб чиқишда ҳокимликларга методик ва амалий ёрдам кўрсатади;

иқтисодиётни ислоҳ қилиш ва таркибий қайта ташкил этиш давомида, шунингдек хўжалик юритувчи субъектларнинг банкротга учраши ва тугатилиши натижасида ишдан бўшатилган ходимларни иш билан таъминлаш ва ижтимоий муҳофаза қилишга доир мақсадли минтақавий дастурлар ишлаб чиқилишини мувофиқлаштиради;

аҳолининг ўзини ўзи иш билан таъминланишини рағбатлантириш ва қўллаб-қувватлаш юзасидан таклифлар тайёрлайди;

меҳнат бозори инфратузилмаси фаолияти такомиллаштирилишини таъминлайди;

ишсизлар учун ҳақ тўланадиган жамоат ишлари ташкил этилишини таъминлайди;

ишсизларнинг касб ўқувини, уларни қайта тайёрлашни ва уларнинг малакаси оширилишини ташкил этади.

9.2. Аҳолини ижтимоий муҳофаза қилиш ва ижтимоий таъминлаш соҳасида:

пенсионерлар, ногиронлар, ёлғиз кекса фуқаролар, кўп болали ва кам таъминланган оилаларга кўрсатилаётган ижтимоий қўллаб-қувватлашнинг аниқлиги ва самарадорлигини кучайтиришга қаратилган ижтимоий сиёсатни амалга ошириш механизмини такомиллаштиришга доир таклифлар тайёрлашда қатнашади;

давлат ижтимоий сиёсатини амалга ошириш ва ижтимоий муҳофаза қилиш механизми ишлаши бўйича қонун ҳужжатлари лойиҳаларини ишлаб чиқишда қатнашади;

манфаатдор вазирликлар, идоралар, ташкилотлар ва муассасалар билан биргаликда пенсионерлар, ногиронлар ва ёлғиз кекса фуқароларга қонун ҳужжатларида белгиланган имтиёзлар, санаторий-курортда даволанишга йўлланмалар ва махсус ҳаракат қилиш воситалари берилишида қатнашади;

манфаатдор вазирликлар ва идоралар билан биргаликда муҳим ижтимоий-меҳнат нормалари ва нормативлари рўйхатини белгилайди ва уларнинг ишлаб чиқилишини мувофиқлаштиради;

Макроиқтисодиёт ва статистика вазирлиги билан биргаликда аҳоли турмуш даражаси ва фаровонлигини тадқиқ этади, уни оширишга доир таклифларни ишлаб чиқади;

манфаатдор вазирликлар ва идоралар, жойлардаги давлат ҳокимияти ва бошқарув органлари иштирокида пенсионерлар, ногиронлар, кўп болали ва кам таъминланган оилаларни, давлатнинг қўллаб-қувватлашига эҳтиёжманд бўлган аҳолининг бошқа ижтимоий ночор гуруҳларини ижтимоий муҳофаза қилишга доир таклифларни ишлаб чиқади;

турмуш даражасини таҳлил этиш ва прогнозлаштириш асосида аҳолининг кўрсатиб ўтилган тоифаларини ижтимоий муҳофаза қилишга доир республика дастурлари лойиҳаларини ишлаб чиқади, мақсадли минтақавий дастурларни ишлаб чиқиш учун методик тавсиялар тайёрлайди;

ишсизлар ва уларнинг оила аъзолари Иш билан таъминлашга кўмаклашиш давлат жамғармаси ҳисобига ижтимоий қўллаб-қувватланишини ташкил этади;

Иш билан таъминлашга кўмаклашиш давлат жамғармасига мажбурий ажратмалар тўлиқ тушишини таъминлаш, маблағлардан мақсадли фойдаланилишини назорат қилиш ишларини ташкил этади;

энг кам иш ўринларининг ажратилиши ва уларнинг ижтимоий муҳофазага муҳтож шахслар билан бутланиши масалаларини ўрганади ва таҳлил этади;

деҳқон ва фермер хўжаликларида ишловчи фуқаролар, шунингдек тадбиркорлар учун белгиланган ижтимоий кафолатлар ва ижтимоий муҳофаза чора-тадбирлари рўёбга чиқарилишини ташкил этади;

Макроиқтисодиёт ва статистика вазирлиги, Молия вазирлиги ва Давлат солиқ қўмитаси билан биргаликда аҳоли даромадларини давлат томонидан тартибга солиш механизмини такомиллаштиришга доир таклифларни тайёрлашда қатнашади;

Макроиқтисодиёт ва статистика вазирлиги, Молия вазирлиги билан биргаликда, Касаба уюшмалари федерацияси Кенгаши иштирокида нархлар ўзгаришига қараб иш ҳақи, пенсиялар, нафақалар, стипендияларнинг энг кам миқдорини белгилашга доир таклифлар тайёрлайди

9.3. Меҳнат муносабатларини тартибга солиш, меҳнатни ташкил этиш, унинг шарт-шароитларини ва уни муҳофаза қилишни такомиллаштириш соҳасида:

аҳоли даромадларини кўпайтириш ва истеъмол даражасини ошириш рағбатлари ва шарт-шароитларини ошириш йўналишида меҳнатга ҳақ тўлаш фондини тартибга солишнинг амалдаги механизмини такомиллаштиришга доир чора-тадбирлар дастури ишлаб чиқилишида қатнашади;

меҳнатни нормалаштириш ҳамда ишчи касблари ва мутахассислар ва хизматчиларнинг лавозимлари тариф-малака тавсифномаларини ишлаб чиқиш масалалари бўйича вазирликлар, идоралар, концернлар, уюшмалар, бирлашмалар ва корхоналар ишини мувофиқлаштиради;

меҳнатга ҳақ тўлашни, ягона тариф сеткасини, иш ҳақини районлар бўйича тартибга солишни такомиллаштириш юзасидан таклифлар ишлаб чиқади;

тегишли касаба уюшмалари органларининг (ходимларнинг бошқа вакиллик органларининг) ҳамда иш берувчиларнинг (уларнинг бирлашмаларининг) таклифларига кўра тармоқ битимлари тузишда қатнашади;

Соғлиқни сақлаш вазирлиги билан биргаликда меҳнат шарт-шароитларини баҳолаш учун норматив база ишлаб чиқилишини ташкил этади, иш ўринлари меҳнат шароитлари бўйича аттестациядан ўтказилишига методик ёрдам кўрсатади;

меҳнат, аҳолини иш билан таъминлаш ва ижтимоий муҳофаза қилиш бўйича қонун ҳужжатлари ва норматив ҳужжатларга риоя қилиниши устидан белгиланган тартибда давлат назорати ва текширувини амалга оширади;

вазирликлар ва идораларнинг Имтиёзли пенсия таъминоти, қўшимча таътил, қисқартирилган иш куни ҳуқуқини берувчи ишлаб чиқаришлар, ишлар ва касблар, лавозимлар ва кўрсаткичлар рўйхатига ўзгартиришлар киритиш тўғрисидаги таклифлари юзасидан хулосалар беради;

ноқулай меҳнат шароитларида ишлаганлик учун бериладиган имтиёзлар ва компенсацияларнинг амалдаги рўйхатига ўзгартиришлар киритиш учун Вазирлар Маҳкамасига таклифлар тайёрлайди;

манфаатдор идоралар ва Ўзбекистон Касаба уюшмалари федерацияси Кенгаши иштирокида меҳнат ҳуқуқлари, аҳолини иш билан таъминлаш ва ижтимоий муҳофаза қилиш соҳасида қонун ҳужжатлари ва норматив-методик ҳужжатлар лойиҳаларини ишлаб чиқади;

меҳнат, унинг шарт-шароитлари ва унга ҳақ тўлаш, иш билан таъминлаш, кексалар, пенсионерлар, ногиронлар ва боқувчисини йўқотган, давлатнинг қўллаб-қувватлашига эҳтиёжманд оилаларни ижтимоий муҳофаза қилиш масалалари бўйича илмий тадқиқотларни мувофиқлаштиради.

9.4. Пенсия хизмати ва давлат ижтимоий суғуртаси бўйича нафақалар билан таъминлаш соҳаси бўйича:

Ўзбекистон Республикасининг бюджетдан ташқари Пенсия жамғармасига мажбурий бадаллар ва ижтимоий суғурта бўйича ажратмалар тўлиқ тушишини таъминлаш, қонун ҳужжатларида назарда тутилган ижтимоий тўловлар ўз вақтида маблағ билан таъминланиши масалалари бўйича Ўзбекистон Республикаси солиқ органлари билан ўзаро ҳамкорлик қилади;

қонун ҳужжатларида белгиланган тартибда ва миқдорларда бюджетдан ташқари Пенсия жамғармаси маблағларидан пенсиялар ва ижтимоий суғурта бўйича нафақалар тўлашга харажатларни маблағ билан таъминлайди;

бюджетдан ташқари Пенсия жамғармаси маблағларидан мақсадли фойдаланилишини назорат қилади;

демографик прогнозлар асосида қисқа муддатли ва узоқ муддатли даврда бюджетдан ташқари Пенсия жамғармасининг молиявий аҳволини актуар ҳисоб-китоб қилади;

бюджетдан ташқари Пенсия жамғармасининг бюджети лойиҳасини ишлаб чиқади ва Давлат солиқ қўмитаси билан келишган ҳолда Молия вазирлигига киритади;

Давлат солиқ қўмитаси ва Молия вазирлиги билан биргаликда ижтимоий суғуртага мажбурий бадаллар ва ажратмалар тарифлари миқдорлари ҳамда бюджетдан ташқари Пенсия жамғармасининг молиявий аҳволини яхшилаш бўйича таклифларни ишлаб чиқади;

Ўзбекистон Республикаси Молия вазирлигига бюджетдан ташқари Пенсия жамғармасининг бюджети ижроси тўғрисидаги йиғма ҳисоботларни белгиланган тартибда тақдим этади;

ижтимоий таъминот бўлимлари томонидан пенсиялар ва ижтимоий суғурта бўйича нафақалар тўғри тайинланганлиги ва тўланганлигини текшириш бўйича назорат-тафтиш ишларини амалга оширади ва ташкил этади;

пенсия ва нафақалар тайинлаш ва тўлаш ишларини ташкил этади ва уларга методик раҳбарлик қилади;

имтиёзли пенсияларни тартибга солиш тўғрисида таклифлар ишлаб чиқилишини ташкил этади;

имтиёзли пенсия таъминоти олиш ҳуқуқини берувчи ишлаб чиқаришлар, ишлар, касблар, лавозимлар ва кўрсаткичлар рўйхатларини қўллаш масалалари бўйича республика органлари, тармоқ уюшмалари, концернлар ва бирлашмалар билан ўзаро ҳамкорлик қилади, уларни такомиллаштириш юзасидан келишилган таклифлар тайёрлайди;

манфаатдор вазирликлар ва идоралар билан биргаликда пенсия таъминотининг нодавлат тизимини барпо этиш ва ривожлантириш чора-тадбирларини ишлаб чиқишда қатнашади.

9.5. Ижтимоий хизмат кўрсатиш соҳасида:

ижро этувчи ҳокимият республика, вилоят, туман, шаҳар органлари иштирокида кекса фуқаролар, ногиронлар ва давлатнинг қўллаб-қувватлашига муҳтож бўлган аҳолининг бошқа гуруҳларига ижтимоий-маиший хизмат кўрсатишни ташкил этади;

ижтимоий таъминот муассасаларида («Мурувват», «Саҳоват» уйларида, пансионатларда, санаторийларда) яшаётган кекса фуқаролар ва ногиронларга маиший, тиббий ва маданий хизмат кўрсатишни, бу муассасаларнинг моддий-техника негизи мустаҳкамланишини ташкил этади;

ёлғиз кекса фуқароларга ижтимоий ёрдам хизматининг комплекс тармоқларини яратади ва уларнинг иши устидан назорат қилади;

аҳолига ижтимоий ёрдам бериш дастурларини маблағ билан таъминлаш учун маблағ жалб этиш ишида давлат, жамоат, диний ва хайрия ташкилотларининг, муассасалар ва корхоналарнинг ўзаро ҳамкорлик қилишини таъминлайди;

ёлғиз кекса фуқаролар, пенсионерлар ва ногиронларга ижтимоий ёрдам берувчи давлатга қарашли бўлмаган хизматлар ташкил этишга кўмаклашади ва улар иши назорат қилинишини таъминлайди;

ўзига қарашли муассасалар ва ташкилотларнинг аҳолига ижтимоий ёрдам кўрсатиш дастурларини маблағ билан таъминлаш эҳтиёжларидан келиб чиққан ҳолда амалга оширилаётган ишларини, шу жумладан тижорат фаолиятини мувофиқлаштиради.

9.6. Тиббий-меҳнат экспертизаси ва ногиронларни соғломлаштириш соҳасида:

тиббий-меҳнат экспертизаси ва ногиронларни соғломлаштириш ишларига раҳбарлик қилади;

ногиронларнинг касб-ҳунар-техника таълими ва уларни қайта ўқитиш бўйича идоравий ўқув юртларига раҳбарлик қилади;

инфратузилма объектларининг ногиронлар ва кекса фуқаролар учун қулайлигини таъминловчи шаҳарсозлик соҳасида давлат сиёсатини шакллантиришда қатнашади;

ногиронлар учун иш жойлари ташкил этишда ва уларни ишга жойлаштиришда ногиронларнинг жамоат ташкилотларига ёрдам беради;

ногиронларнинг меҳнатидан фойдаланиш бўйича ихтисослаштирилган корхоналар ташкил этилиши ва ривожлантирилишига, меҳнатнинг касаначилик турларини ва иш билан таъминлашнинг бошқа шаклларини ривожлантиришга кўмаклашади;

ногиронларни ижтимоий соғломлаштириш босқичи сифатида уларнинг жисмоний тарбия ва спорт ҳаракати ривожлантирилишига кўмаклашади;

махсус ҳаракат қилиш воситалари, ишлаб чиқариш ва маиший тусдаги мосламалар, ногиронларни соғломлаштириш ва уларни парвариш қилишнинг бошқа техник воситаларига бўлган эҳтиёжни аниқлайди ва уларни ишлаб чиқариш учун буюртмалар беради;

аҳолига протез-ортопедия ёрдами кўрсатишни ташкил этишни, бошқа вазирликлар, идоралар, корхоналар, ташкилотлар ва Қорақалпоғистон Республикаси, вилоятлар ва Тошкент шаҳар ижро этувчи ҳокимият органлари билан биргаликда протез-ортопедия буюмларини ишлаб чиқаришни кўпайтириш, тайёрлаш технологиясини такомиллаштириш, уларнинг янги турларини ишлаб чиқариш ишлари амалга оширилишини таъминлайди;

ногиронларни протез-ортопедия буюмлари ва ҳаракат қилиш воситалари билан таъминлаш тартибини белгилайди.

9.7. Молия ва хўжалик фаолияти соҳасида:

Вазирлик тизимида режа-молия ишларини, тасарруфидаги ташкилотлар ва муассасалар томонидан ўтказиладиган тадбирларни ҳамда бу соҳадаги илмий тадқиқотларни маблағ билан таъминлашни белгиланган тартибда ташкил этади;

аҳолига ижтимоий ёрдам беришнинг ҳар хил турларини ташкил этишни иқтисодий жиҳатдан асослаб беради;

ўз ваколати доирасида Вазирлик тизими ходимлари меҳнатини нормалаштириш ва улар меҳнатига ҳақ тўлашни такомиллаштириш тадбирларини амалга оширади;

тасарруфидаги ташкилотлар ва муассасалар молия-хўжалик фаолиятига доир баланслар ва ҳисоботларни кўриб чиқади;

тасарруфидаги ташкилотлар ва муассасалар томонидан давлат марказлаштирилган сармоя маблағларидан самарали фойдаланилишини таъминлайди, Вазирлик тизимида объектлар қурилиши ва реконструкция қилиниши бўйича истиқболли дастурлар ишлаб чиқилишини ташкил этади.

10. Вазирликка қуйидаги ҳуқуқлар берилади:

Ўзбекистон Республикаси Вазирлар Маҳкамасига меҳнат ва аҳолини ижтимоий муҳофаза қилиш тизимини такомиллаштириш ва ривожлантириш, меҳнат ва ижтимоий таъминот органларининг моддий-техника базасини мустаҳкамлаш ва улар учун малакали кадрлар тайёрлаш бўйича таклифлар киритиш;

Вазирлик олдига қўйилган вазифаларни ҳал этиш учун зарур бўлган ахборотни вазирликлар ва идоралардан, жойлардаги бошқарув ва давлат ҳокимияти органларидан, корхоналар, муассасалар ва ташкилотлардан белгиланган тартибда сўраш ва олиш;

ҳайъат мажлисларида вазирликлар ва идораларнинг, жойлардаги давлат ҳокимияти ва бошқаруви органларининг, корхоналар, муассасалар ва ташкилотларнинг масъул ходимларининг Вазирлик ваколатига тегишли бўлган масалалар бўйича ҳисоботларини эшитиш;

меҳнат ва аҳолини иш билан таъминлаш тўғрисидаги қонун ҳужжатлари бузилганлиги учун корхоналар, муассасалар, ташкилотларнинг раҳбарларига қонунда белгиланган тартибда маъмурий жазолар бериш;

белгиланган тартибда ноширлик фаолиятини амалга ошириш;

илмий муассасаларни, олимлар ва мутахассисларни, шу жумладан хорижий олимлар ва мутахассисларни ўзига тегишли масалаларни ҳал этишга шартнома асосида жалб этиш;

вазирликлар, идоралар, хўжалик бирлашмалари, корхоналар ва муассасаларнинг меҳнат, иш билан таъминлаш, меҳнатни муҳофаза қилиш, пенсия таъминоти, ногиронларни ижтимоий муҳофаза қилиш тўғрисидаги амалдаги қонун ҳужжатлари бузилган ҳолда қабул қилинган буйруқлари ва бошқа норматив ҳужжатларини бекор қилиш юзасидан белгиланган тартибда таклифлар киритиш;

Вазирлик ваколатига кирувчи масалалар бўйича тегишли хорижий давлатлар ва халқаро ташкилотлар билан халқаро ҳамкорликни амалга ошириш.

11. Вазирликка Ўзбекистон Республикаси Президенти томонидан лавозимга тайинланадиган ва лавозимдан озод қилинадиган, кейинчалик Ўзбекистон Республикаси Олий Мажлиси томонидан тасдиқланадиган Вазир бошчилик қилади.

Вазир Вазирликка юкланган вазифаларнинг бажарилиши учун шахсан жавоб беради.

Вазирнинг Вазирлар Маҳкамаси томонидан лавозимга тайинланадиган ва озод қилинадиган уч нафар ўринбосари, шу жумладан бир нафар биринчи ўринбосари бўлади.

12. Вазир:

Вазирлик, унинг тасарруфидаги муассасалар, ташкилотлар ва ўқув юртлари фаолиятига раҳбарлик қилади;

ўз ваколатлари доирасида тасарруфидаги барча ташкилотлар ва муассасалар томонидан бажарилиши мажбурий бўлган буйруқлар ва фармойишлар чиқаради, кўрсатмалар ва топшириқлар беради;

Вазирлик ваколатига тегишли масалалар бўйича норматив ҳужжатлар лойиҳаларини кўриб чиқиш учун белгиланган тартибда Вазирлар Маҳкамасига киритади;

вазир ўринбосарлари ўртасида вазифаларни тақсимлайди ва улар фаолиятини мувофиқлаштиради;

вазир ўринбосарлари, таркибий бўлинмалар раҳбарларининг, шунингдек тасарруфидаги ташкилотлар ва муассасалар раҳбарларининг улар зиммасига юкланган вазифалар бажарилиши учун масъулияти даражасини белгилайди;

Вазирлар Маҳкамаси томонидан белгиланган ходимлар сони ва меҳнатга ҳақ тўлаш фонди доирасида Вазирлик марказий аппаратининг штат жадвалини, меҳнат ва аҳолини ижтимоий муҳофаза қилиш ҳудудий бош бошқармалари тўғрисидаги низомларни, тасарруфидаги муассасалар, ташкилотлар ва корхоналарнинг низомлари ва уставларини тасдиқлайди;

Вазирлик марказий аппарати ходимларини ва Вазирликка бевосита бўйсунувчи муассасалар, ташкилотлар ва корхоналарнинг раҳбарларини, вилоятлар ва Тошкент шаҳар ҳокимларининг тақдимномасига кўра меҳнат ва ижтимоий муҳофаза бўйича ҳудудий бош бошқармалар раҳбарларини лавозимга тайинлайди ва лавозимдан озод этади, шунингдек туман (шаҳар) бўлимлари ва бошқа тасарруфидаги муассасалар раҳбарларини лавозимга тайинлаш ва лавозимдан озод этишга розилик беради;

Вазирлик марказий аппарати ходимларини моддий рағбатлантириш шарт-шароитларини белгилайди;

алоҳида ўрнак кўрсатган ходимларни белгиланган тартибда давлат фахрий унвонлари, ёрлиқлар ва мукофотлар беришга тақдим этади;

қонун ҳужжатларида белгиланган бошқа ҳуқуқларга эга бўлади.

13. Вазирликда Вазир ҳайъат раиси, лавозимига кўра вазир ўринбосарларидан, шунингдек Вазирлик ва унинг тизимининг бошқа раҳбар ходимларидан иборат таркибда ҳайъат ташкил этилади.

Ҳайъат аъзолари, Вазир ва унинг ўринбосарларидан ташқари, Вазирлар Маҳкамаси томонидан тасдиқланади.

Ҳайъат меҳнат, иш билан таъминлаш, ижтимоий муҳофаза қилиш, пенсия таъминоти ва аҳолига ижтимоий хизмат кўрсатиш, марказий аппарат, маҳаллий органлар, тасарруфидаги ташкилотлар, муассасалар ва корхоналарнинг фаолиятини такомиллаштириш, кадрларни танлаш ва уларни жой-жойига қўйиш, муҳим ҳужжатлар лойиҳаларини тайёрлаш, қабул қилинган қарорлар ижросини текширишнинг муҳим масалаларини кўриб чиқади, тасарруфидаги ташкилотлар ва муассасалар раҳбарларининг ҳисоботларини эшитади.

Ҳайъат қарорлари Вазирнинг буйруқлари билан амалга оширилади.

Вазир билан ҳайъат аъзолари ўртасида келишмовчиликлар пайдо бўлган тақдирда Вазир келиб чиққан келишмовчиликлар тўғрисида Вазирлар Маҳкамасига ахборот берган ҳолда мустақил равишда қарор қабул қилади. Ҳайъат аъзолари ҳам ўз фикрини Вазирлар Маҳкамасига маълум қилишлари мумкин.

14. Вазирликка қуйидаги ташкилотлар ва муассасалар бевосита бўйсунади:

Ташқи меҳнат миграцияси масалалари агентлиги;

Ногиронларни экспертизадан ўтказиш ва соғломлаштириш масалалари бўйича республика инспекцияси;

Ногиронларни тиббий-ижтимоий ва касб бўйича соғломлаштириш миллий маркази;

Таянч-ҳаракат қилиш тизими бузилган ногиронларни соғломлаштириш республика маркази;

Меҳнатни нормалаштириш ва муҳофаза қилиш маркази;

Ўзбекистон меҳнат, иш билан таъминлаш ва аҳолини ижтимоий муҳофаза қилиш муаммоларини ўрганиш республика маркази;

Ахборот-компьютер маркази;

Уруш ва меҳнат фахрийлари учун пансионат ва санаторийлар;

Техникум (2001 йилда касб-ҳунар коллежига айлантирилади);

Ногиронлар учун республика касб-ҳунар-техника билим юрти (2004 йилда касб-ҳунар коллежига айлантирилади.

1. Ташқи меҳнат миграцияси масалалари агентлиги (кейинги ўринларда Агентлик деб аталади) юридик шахс ҳуқуқига эга бўлган ҳамда Меҳнат ва аҳолини ижтимоий муҳофаза қилиш вазирлигига қарашли давлат муассасаси ҳисобланади.

Агентлик Ўзбекистон Республикаси қонун ҳужжатларига мувофиқ халқаро ҳуқуқий нормалар ва қоидаларга асосланган меҳнат миграцияси жараёнларини тартибга солиб боришга доир фаолиятни республиканинг миллий манфаатларини ҳисобга олган ҳолда амалга оширади.

Агентлик мустақил балансга, банкларда ҳисоб рақамларига, валюта ва бошқа ҳисоб рақамларига, штампга, ўз номи ёзилган бланкаларга эга бўлади.

2. Агентлик ўз фаолиятида Ўзбекистон Республикаси Конституциясига, Ўзбекистон Республикаси қонунларига, Олий Мажлис қарорларига ва бошқа ҳужжатларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, Ўзбекистон Республикаси Меҳнат ва аҳолини ижтимоий муҳофаза қилиш вазирлигининг буйруқларига ҳамда ҳайъати қарорларига, шунингдек ушбу Низомга амал қилади.

3. Агентликнинг Қорақалпоғистон Республикаси ва вилоятларда ўз вакиллари бўлади. Агентлик вакилларини тайинлаш бевосита Агентлик бошлиғи томонидан Қорақалпоғистон Республикаси Меҳнат ва аҳолини ижтимоий муҳофаза қилиш вазирининг ҳамда вилоятлар ҳокимликлари меҳнат ва аҳолини ижтимоий муҳофаза қилиш бош бошқармалари бошлиқларининг тақдимномасига кўра, Ўзбекистон Республикаси Меҳнат ва аҳолини ижтимоий муҳофаза қилиш вазирлиги билан келишган ҳолда амалга оширилади.

4. Агентликнинг Ўзбекистон Республикаси Давлат герби тасвири туширилган, ўз номи давлат ва инглиз тилларида ёзилган муҳри бўлади.

5. Қуйидагилар Агентликнинг асосий вазифалари ҳисобланади:

Ўзбекистон Республикаси фуқароларининг чет элдаги ва хорижий фуқароларнинг Ўзбекистон Республикасидаги касб бўйича фаолиятини мувофиқлаштириб бориш;

меҳнат миграцияси соҳасидаги халқаро ҳамкорлик лойиҳаларини ишлаб чиқиш ва амалга ошириш;

хорижий давлатларнинг ваколатли органлари билан Ўзбекистон Республикаси фуқароларини чет элда ва хорижий фуқароларни Ўзбекистон Республикасида ишга жойлаштириш учун квоталар ажратиш ва рухсатномалар бериш масалалари бўйича ҳамкорлик қилиш;

Ўзбекистон Республикаси фуқароларига уларнинг чет элда касб бўйича фаолиятга бўлган ҳуқуқини ишга жойлаштириш, чет элда ишга жойлаштиришга номзодлар билан дастлабки мослашув тадбирларини ўтказиш йўли билан рўёбга чиқаришда кўмаклашиш;

хорижий ишчи кучларини ёлловчи чет эл фирмалари (корхоналар, муассасалар, компаниялар) билан ҳамкорликни ривожлантириш;

Ўзбекистон Республикаси фуқароларига чет элда меҳнат фаолиятини амалга ошириш учун идоралараро комиссия тавсияномаларига мувофиқ рухсатномалар бериш;

юридик шахсларга хорижий ишчи кучларини жалб этиш учун рухсатномалар бериш, шунингдек Қорақалпоғистон Республикаси Меҳнат ва аҳолини ижтимоий муҳофаза қилиш вазирлиги, вилоятлар ва Тошкент шаҳар ҳокимликларининг меҳнат ва аҳолини ижтимоий муҳофаза қилиш бош бошқармалари таклифларига мувофиқ ҳамда ташқи меҳнат миграцияси жараёнлари таҳлилини, аҳоли меҳнат миграциясини ривожлантиришнинг узоқ муддатли ва ўртача муддатли прогнозларини ҳисобга олган ҳолда хорижий фуқароларга Ўзбекистон Республикаси ҳудудида касб бўйича меҳнат фаолиятига тасдиқномалар бериш.

6. Агентлик ўзига юкланган вазифаларга мувофиқ:

тегишли қарорларнинг ҳамда Ўзбекистон Республикасининг хорижий мамлакатлар билан Ўзбекистон фуқароларини чет элда ишга жойлаштириш масалалари бўйича ҳамкорлик қилиш тўғрисидаги шартномалари, битимлари ва протоколларидан келиб чиқадиган мажбуриятларнинг бажарилишини мувофиқлаштириб боради;

хорижий манбаларнинг меҳнат ва ижтимоий масалалар соҳасидаги ахборотларини тўплаш, туркумлаш ва таҳлил қилишни амалга оширади, Ўзбекистон Республикаси Меҳнат ва аҳолини ижтимоий муҳофаза қилиш вазирлиги фаолиятида чет эл тажрибасидан самарали фойдаланишга йўналтирилган таклифлар тайёрлайди;

Ўзбекистон Республикаси фуқароларини чет элда ишга жойлаштириш йўналишлари бўйича таклифлар ишлаб чиқади ҳамда фуқароларни чет элда ишга жойлаштириш учун квоталар ажратиш масаласи бўйича шартномалар, битимлар ва протоколлар лойиҳаларини тайёрлашни ўз ваколати доирасида амалга оширади;

Ўзбекистон Республикаси ҳудудидаги корхоналар, ташкилотлар ва муассасаларда белгиланган тартибда берилган рухсатномалар асосида ишлаётган хорижий фуқароларни ҳисобга олади;

Ўзбекистон Республикасида хорижий ишчи кучларидан фойдаланишни тартибга солувчи қонун ҳужжатларига ва норматив ҳужжатларга иш берувчилар томонидан риоя этилишини назорат қилади;

ҳуқуқни муҳофаза қилиш органлари билан биргаликда Ўзбекистон Республикасида меҳнат фаолияти ҳуқуқини берувчи тасдиқномага эга бўлган хорижий фуқаролар томонидан республика ҳудудида касб бўйича фаолиятни амалга оширишнинг белгиланган тартибига риоя этилишини назорат қилади;

меҳнат миграцияси соҳасидаги халқаро ҳамкорлик лойиҳаларига мувофиқ чет элга ишлаш учун жўнаб кетаётган фуқароларни ишга жойлашиладиган мамлакатда бўлиш хусусиятлари, хорижий иш берувчилар билан меҳнат шартномалари тузишнинг ҳуқуқий жиҳатлари тўғрисида хабардор қилади, зарурат бўлганда, уларнинг хўжалик ҳисоби асосида хорижий тилни ўрганишига кўмаклашади;

Ўзбекистон Республикаси Ташқи ишлар вазирлиги кўмагида, Ўзбекистон Республикасининг чет элдаги дипломатик ваколатхоналари ва консуллик муассасалари орқали, белгиланган тартибда чет элда ишлаётган Ўзбекистон Республикаси фуқароларининг меҳнат фаолияти мониторингини амалга оширади;

чет элда меҳнат фаолиятини амалга ошираётган Ўзбекистон Республикаси фуқароларининг ижтимоий муҳофазасини, шу жумладан ходим билан иш берувчи ўртасида тузилган меҳнат контрактига мувофиқ ижтимоий суғурта қилинишини таъминлайди;

чет элда меҳнат фаолиятини амалга оширишни хоҳловчи Ўзбекистон Республикаси фуқаролари тўғрисидаги маълумотлар базасини шакллантиради;

хорижий мамлакатларнинг меҳнат бозорини ўрганади, хорижий иш берувчиларни қидиради ва Ўзбекистон Республикаси фуқароларини чет элда ишга жойлаштириш тўғрисида битимлар тузади;

чет элда меҳнат фаолиятини амалга оширишни хоҳловчи фуқаролар тўғрисидаги ахборотларни хорижий иш берувчилар ўртасида, шу жумладан «Интернет» тармоқлари орқали тарқатади.

7. Агентлик ўзига юкланган вазифалар ва функцияларни амалга ошириш учун қуйидаги ҳуқуқларга эга:

меҳнат миграцияси соҳасидаги давлатлараро ҳамкорлик лойиҳаларига мувофиқ чет элга ишлашга жўнатиладиган номзодлар тўғрисида маълумотлар олиш учун фуқароларнинг ўзини ўзи бошқариш органларига ва ваколатли органларга мурожаат қилиш;

тузилган контрактларга мувофиқ чет элда ишлаш учун кадрларни танлаш, уларни касб бўйича лаёқатликни аниқлаш учун тест синовидан ўтказиш, уларга бориладиган мамлакатларнинг асосий қонунларини ўргатиш;

касб бўйича дастлабки танловдан ўтган ишчилар ва мутахассислар билан меҳнат контрактлари тузиш;

мулкчилик шаклларидан қатъи назар, юридик шахслардан Ўзбекистон Республикаси ҳудудида ушбу юридик шахслар билан тузилган меҳнат шартнома (контракт)лари бўйича меҳнат (касб бўйича) фаолиятини амалга оширувчи хорижий фуқаролар тўғрисида маълумотлар олиш;

хорижий ишчи кучларини ёлловчи ва бундай ёллашга кўмаклашувчи хорижий компаниялар (фирмалар) билан ўз ваколати доирасида бевосита ўзаро ҳамкорлик қилиш;

зарурат бўлганда, ушбу Низомда назарда тутилган айрим функцияларни амалга ошириш учун ўқитувчиларни, вазирликлар ва идораларнинг мутахассисларини ва бошқа фуқароларни шартномалар (контрактлар) бўйича жалб этиш.

8. Агентликнинг мол-мулки асосий фондлардан ва айланма маблағлардан, шунингдек қиймати мустақил балансда акс эттирилган бошқа бойликлардан иборат бўлади.

9. Агентликнинг мол-мулки Ўзбекистон Республикаси қонун ҳужжатларига мувофиқ унга тўлиқ хўжалик юритиш ҳуқуқи билан тегишли бўлади.

10. Агентликни Ўзбекистон Республикаси Меҳнат ва аҳолини ижтимоий муҳофаза қилиш вазири томонидан лавозимга тайинланадиган ва лавозимдан озод этиладиган Агентлик бошлиғи бошқаради.

Агентлик бошлиғи:

Агентликнинг жорий фаолиятини ташкил қилади ва юкланган вазифаларнинг бажарилиши учун жавоб беради;

Агентлик ходимларини лавозимга тайинлайди ва лавозимдан озод қилади;

давлат органлари, юридик ва жисмоний шахслар, шу жумладан хорижий давлатлар юридик ва жисмоний шахслари, шунингдек халқаро ташкилотлар олдида Агентлик манфаатларини ифодалайди;

Ўзбекистон Республикаси Меҳнат ва аҳолини ижтимоий муҳофаза қилиш вазирлиги билан келишилган ҳолда штат жадвалини, Агентлик аппарати таъминоти харажатлари сметасини тасдиқлайди;

ўзига юкланган вазифаларни бажариш учун буйруқлар ва фармойишлар чиқаради;

Ўзбекистон Республикаси фуқароларига чет элда меҳнат фаолиятини амалга ошириш учун рухсатномалар ҳамда юридик шахсларга хорижий ишчи кучларини жалб этиш учун рухсатномалар, шунингдек қонун ҳужжатларига мувофиқ Ўзбекистон Республикаси ҳудудида ишга жойлашиш учун хорижий фуқароларнинг касб бўйича фаолиятига тасдиқномалар беради.

11. Агентлик бошлиғининг ўринбосари Ўзбекистон Республикаси Меҳнат ва аҳолини ижтимоий муҳофаза қилиш вазири томонидан лавозимга тайинланади ва лавозимдан озод қилинади.

12. Таркибий бўлинмалар раҳбарлари Ўзбекистон Республикаси Меҳнат ва аҳолини ижтимоий муҳофаза қилиш вазирлиги билан келишган ҳолда Агентлик бошлиғи томонидан лавозимга тайинланади ва лавозимдан озод қилинади.

13. Солиқлар ҳамда давлат бюджетига, шунингдек бюджетдан ташқари жамғармаларга бошқа мажбурий тўловлар тўлангандан кейин қолган фойда (даромад) Агентлик молиявий фаолиятининг асосий умумлаштирувчи кўрсаткичи ҳисобланади ҳамда ундан Ўзбекистон Республикаси Меҳнат ва аҳолини ижтимоий муҳофаза қилиш вазирлиги билан келишилган ҳолда Агентликни ривожлантиришда фойдаланилади.

14. Қуйидагилар Агентликнинг молиявий ресурсларини шакллантириш манбалари ҳисобланади:

хўжалик ҳисобидаги фаолиятдан олинган фойда (даромад);

Молия вазирлиги билан келишган ҳолда Меҳнат ва аҳолини ижтимоий муҳофаза қилиш вазирлиги томонидан тасдиқланган тарифга мувофиқ Ўзбекистон Республикаси фуқароларининг чет элда ва хорижий фуқароларнинг Ўзбекистонда касб бўйича фаолиятни амалга оширишга рухсатномаларни расмийлаштирганлик учун тўлов ҳисобига олинган маблағлар;

чет элда касб бўйича фаолиятни амалга ошириш учун ҳужжатларни расмийлаштиришда шартнома асосида фуқароларга кўрсатиладиган хизматлар учун тўлов ундиришдан олинган даромад;

қонун ҳужжатларига мувофиқ бошқа тушумлар.

Агентлик пул маблағларини сақлаш ҳамда республика қонун ҳужжатларига зид бўлмаган барча турдаги ҳисоб-китоб ва касса операцияларини амалга ошириш учун тижорат банкларида ҳисоб-китоб, валюта ва бошқа ҳисоб рақамларини очиш ҳуқуқига эгадир.

15. Валюта тушуми Агентликнинг валюта ҳисоб рақамига ўтказилади ва ундан Ўзбекистон Республикаси Меҳнат ва аҳолини ижтимоий муҳофаза қилиш вазирлиги билан келишган ҳолда фойдаланилади. Илгари қилинган харажатларни қоплашдан ортиб қолган ва Агентлик ҳисоб рақамига тушадиган валюта маблағларини мажбурий сотиш қонун ҳужжатларида белгиланган тартибда амалга оширилади.

16. Агентлик вазифалар ва функцияларни бажариш учун Ўзбекистон Республикаси қонунчилигига мувофиқ ташқи иқтисодий фаолиятни амалга ошириш ҳуқуқига эгадир.

17. Агентлик ўз ишларининг тезкор ва бухгалтерия ҳисобини амалга оширади, статистика ҳисоботи юритади.

18. Агентликни қайта ташкил этиш ва тугатиш қонунда белгиланган тартибда амалга оширилади.

Тошкент шаҳри, Космонавтлар шоҳ кўчаси, 6-уй.

1. Ўзбекистон Республикаси Вазирлар Маҳкамасининг «Аҳолини иш билан таъминлаш тўғрисида»ги Ўзбекистон Республикаси Қонунини амалга ошириш чора-тадбирлари тўғрисида» 1992 йил 13 майдаги 235-сон қарори (Ўзбекистон Республикаси ҚТ, 1992 й., 5-сон, 18-модда)нинг 2, 3 ва 6-бандларидаги, шунингдек ушбу қарорга 5-илованинг еттинчи ва саккизинчи хатбошиларидаги «Меҳнат вазирлиги», «Меҳнат вазирлигига», «Меҳнат вазирлиги томонидан» сўзлари «Меҳнат ва аҳолини ижтимоий муҳофаза қилиш вазирлиги», «Меҳнат ва аҳолини ижтимоий муҳофаза қилиш вазирлигига» «Меҳнат ва аҳолини ижтимоий муҳофаза қилиш вазирлиги томонидан» сўзлари билан алмаштирилсин.

2. Ўзбекистон Республикаси Вазирлар Маҳкамасининг «Ўзбекистон Республикаси Меҳнат вазирлигининг Давлат меҳнат ҳуқуқ инспекцияси тўғрисидаги Низомни ва Меҳнат шарт-шароитлари давлат экспертизаси тўғрисидаги Низомни тасдиқлаш ҳақида» 1993 йил 29 июлдаги 378-сон қарорида (Ўзбекистон Республикаси ҚТ, 1993 й., 7-сон, 29-модда):

қарорнинг номи ва матнидаги, низомлар ва уларга иловалар матнларидаги Меҳнат вазирлигига кўрсатмалар Меҳнат ва аҳолини ижтимоий муҳофаза қилиш вазирлигига кўрсатмалар билан алмаштирилсин;

Меҳнат шарт-шароитлари давлат экспертизаси тўғрисидаги Низомнинг 6-бандидаги «вилоятлар ва Тошкент шаҳар меҳнат, аҳолини иш билан таъминлаш ва ижтимоий ҳимоя қилиш бош бошқармалари, туман ва шаҳар меҳнат органлари томонидан» сўзлари «ҳудудий бош бошқармалар, меҳнат, иш билан таъминлаш ва аҳолини ижтимоий муҳофаза қилиш туман (шаҳар) бўлимлари» сўзлари билан алмаштирилсин;

Ўзбекистон Республикаси Меҳнат ва аҳолини ижтимоий муҳофаза қилиш вазирлигининг Давлат меҳнат ҳуқуқ инспекцияси тўғрисидаги Низомнинг I бўлими 5 ва 6-бандлари қуйидаги таҳрирда баён қилинсин:

5. Ўзбекистон Республикаси Меҳнат ва аҳолини ижтимоий муҳофаза қилиш вазирлиги, Қорақалпоғистон Республикаси Меҳнат ва аҳолини ижтимоий муҳофаза қилиш вазирлиги, вилоятлар ва Тошкент шаҳар меҳнат ва аҳолини ижтимоий муҳофаза қилиш бош бошқармаларининг давлат ҳуқуқ меҳнат инспекторларига хизмат гувоҳномалари Ўзбекистон Республикаси Меҳнат ва аҳолини ижтимоий муҳофаза қилиш вазирлиги томонидан берилади.

6. Меҳнат, иш билан таъминлаш ва аҳолини ижтимоий муҳофаза қилиш туман (шаҳар) бўлимларининг давлат ҳуқуқ меҳнат инспекторларига хизмат гувоҳномалари Қорақалпоғистон Республикаси Меҳнат ва аҳолини ижтимоий муҳофаза қилиш вазирлиги, вилоятлар ва Тошкент шаҳар меҳнат ва аҳолини ижтимоий муҳофаза қилиш бош бошқармалари томонидан берилади»;

Ўзбекистон Республикаси Меҳнат ва аҳолини ижтимоий муҳофаза қилиш вазирлигининг Давлат меҳнат ҳуқуқ инспекцияси тўғрисидаги Низомнинг IV бўлими 1, 2, 3-бандларидаги «Меҳнат вазири» сўзлари «Меҳнат ва аҳолини ижтимоий муҳофаза қилиш вазири» сўзлари билан алмаштирилсин;

Ўзбекистон Республикаси Меҳнат ва аҳолини ижтимоий муҳофаза қилиш вазирлигининг Давлат меҳнат ҳуқуқ инспекцияси тўғрисидаги Низомнинг V бўлимининг номи қуйидаги таҳрирда баён қилинсин:

«V. Қорақалпоғистон Республикаси Меҳнат ва аҳолини ижтимоий муҳофаза қилиш вазирлиги, вилоятлар ва Тошкент шаҳар меҳнат ва аҳолини ижтимоий муҳофаза қилиш бош бошқармалари инспекцияларининг ваколатлари»;

Ўзбекистон Республикаси Меҳнат ва аҳолини ижтимоий муҳофаза қилиш вазирлигининг Давлат меҳнат ҳуқуқ инспекцияси тўғрисидаги Низомнинг V бўлимининг 4-бандидаги «меҳнат бўйича туман органлари» сўзлари «меҳнат, иш билан таъминлаш ва аҳолини ижтимоий муҳофаза қилиш туман (шаҳар) бўлимлари» сўзлари билан алмаштирилсин;

Ўзбекистон Республикаси Меҳнат ва аҳолини ижтимоий муҳофаза қилиш вазирлигининг Давлат меҳнат ҳуқуқ инспекцияси тўғрисидаги Низомнинг VI бўлимининг номи қуйидаги таҳрирда баён қилинсин:

«Меҳнат, иш билан таъминлаш ва аҳолини ижтимоий муҳофаза қилиш туман (шаҳар) бўлимлари давлат ҳуқуқ инспекторларининг ҳуқуқ ва мажбуриятлари».

3. Вазирлар Маҳкамасининг 1994 йил 1 февралдаги 48-сон қарори (Ўзбекистон Республикаси ҚТ, 1994 й., 2-сон, 7-модда) билан тасдиқланган Ходимларга уларнинг меҳнат вазифаларини бажариш билан боғлиқ ҳолда жароҳатланиши, касб касалликларига чалиниши ва саломатликнинг бошқа хил шикастланиши туфайли етказилган зарарни иш берувчилар томонидан тўлаш қоидалари 28-бандининг иккинчи хатбошидаги «ижтимоий таъминот органлари» сўзлари «ижтимоий таъминот бўлимлари» сўзлари билан алмаштирилсин.

4. Вазирлар Маҳкамасининг «Фуқароларнинг давлат пенсия таъминоти тўғрисида»ги Ўзбекистон Республикаси Қонунини рўёбга чиқариш учун зарур бўлган норматив ҳужжатларни тасдиқлаш ҳақида» 1994 йил 11 майдаги 249-сон қароридаги:

12-илованинг 31-бандидаги «ижтимоий таъминот органи» сўзлари «ижтимоий таъминот бўлими» сўзлари билан алмаштирилсин;

15-илованинг 2, 3, 8, 12 ва 13-бандларидаги «ижтимоий таъминот органлари» сўзлари «ижтимоий таъминот бўлимлари» сўзлари билан алмаштирилсин.

5. Вазирлар Маҳкамасининг 1994 йил 12 майдаги 250-сон қарори билан тасдиқланган 3-сон Рўйхатдаги:

XXV бўлим номидаги ва 1754 б-бандининг «г» кичик бандидаги «ва ижтимоий таъминот», «ижтимоий таъминот» сўзлари тегишлича «меҳнат ва аҳолини ижтимоий муҳофаза қилиш» сўзлари билан алмаштирилсин;

VIII қисмнинг 3-банди номидаги ва IX қисм номидаги «ижтимоий таъминот» сўзлари «меҳнат ва аҳолини ижтимоий муҳофаза қилиш» сўзлари билан алмаштирилсин;

IX қисм «мутахассислари» сўзи олдидан «ижтимоий таъминот туман ва шаҳар бўлимлари» сўзлари қўшилсин.

6. Вазирлар Маҳкамасининг 1994 йил 24 июндаги 319-сон қарори (Ўзбекистон Республикаси ҚТ, 1994 й., 6-сон, 33-модда) билан тасдиқланган Болаликдан ногиронларга нафақалар тайинлаш ва тўлаш тартиби тўғрисида Низомнинг:

7-бандидаги «ижтимоий таъминот органи» сўзлари «меҳнат ва аҳолини ижтимоий муҳофаза қилиш органи» сўзлари билан алмаштирилсин;

11-банднинг биринчи хатбошидаги ва 12-банднинг иккинчи хатбошидаги «ижтимоий таъминот органлари», «ижтимоий таъминот органи» сўзлари тегишлича «ижтимоий таъминот бўлимлари», «ижтимоий таъминот бўлими» сўзлари билан алмаштирилсин.

7. Вазирлар Маҳкамасининг 1994 йил 24 июндаги 319-сон қарори (Ўзбекистон Республикаси ҚТ, 1994 й., 6-сон, 33-модда) билан тасдиқланган Пенсия тайинлаш учун зарур бўлган иш стажига эга бўлмаган қарияларга ва меҳнатга лаёқатсиз фуқароларга нафақалар тайинлаш ва тўлаш тартиби тўғрисида Низомнинг:

6-бандига изоҳдаги ва 16-банднинг биринчи хатбошидаги «ижтимоий таъминот органлари» сўзлари «ижтимоий таъминот бўлимлари» сўзлари билан алмаштирилсин;

28-бандининг биринчи хатбошидаги «Ижтимоий таъминот вазирлиги» сўзлари «Меҳнат ва аҳолини ижтимоий муҳофаза қилиш вазирлиги» сўзлари билан алмаштирилсин.

8. Вазирлар Маҳкамасининг «Халқ таълими ходимлари меҳнатига ҳақ тўлаш шартларини тартибга солиш тўғрисида» 1994 йил 29 сентябрдаги 490-сон қарорига 2-илованинг IV бўлимига изоҳнинг 1-банди иккинчи хатбошидаги ва 2-бандидаги «Ижтимоий таъминот вазирлиги» сўзлари «Меҳнат ва аҳолини ижтимоий муҳофаза қилиш вазирлиги» сўзлари билан алмаштирилсин.

9. Вазирлар Маҳкамасининг 1995 йил 6 январдаги 8-сон қарори (Ўзбекистон Республикаси ҚТ, 1995 й., 1-сон, 1-модда) билан тасдиқланган Ўзбекистон Республикаси фуқароларининг чет элга боришлари тартиби II бўлими 4-бандидаги «Меҳнат вазирлиги» сўзлари «Меҳнат ва аҳолини ижтимоий муҳофаза қилиш вазирлиги» сўзлари билан алмаштирилсин.

10. Вазирлар Маҳкамасининг «Ўзбекистон Республикасида мурувват ёрдами дастурларини мувофиқлаштириш тўғрисида» 1995 йил 25 апрелдаги 146-сон қарорининг 10-бандидаги «Ижтимоий таъминот вазирлиги, Меҳнат вазирлиги» сўзлари «Меҳнат ва аҳолини ижтимоий муҳофаза қилиш вазирлиги» сўзлари билан алмаштирилсин.

11. Вазирлар Маҳкамасининг 1995 йил 26 июлдаги 291-сон қарори (Ўзбекистон Республикаси ҚТ, 1995 й., 7-сон, 24-модда) билан тасдиқланган Хусусий тадбиркорлик ва кичик бизнесга Бизнес-фонд томонидан кредит беришнинг асосий шартлари I бўлимининг 1 ва 3-бандларидаги «Меҳнат вазирлиги» сўзлари «Меҳнат ва аҳолини ижтимоий муҳофаза қилиш вазирлиги» сўзлари билан алмаштирилсин.

12. Вазирлар Маҳкамасининг «Вазирлар Маҳкамасининг 1994 йил 11 майдаги 249-сон қарори билан тасдиқланган Пенсия тайинлаш учун меҳнат стажини тасдиқлаш тартиби тўғрисидаги Низомга қўшимча киритиш ҳақида» 1995 йил 8 августдаги 311-сон қарори (Ўзбекистон Республикаси ҚТ, 1995 й., 8-сон, 27-модда)нинг тўртинчи хатбошидаги «ижтимоий таъминот органлари» сўзлари «ижтимоий таъминот бўлимлари» сўзлари билан алмаштирилсин.

13. Вазирлар Маҳкамасининг «Ўзбекистон Республикаси фуқароларининг чет элдаги ҳамда хорижий фуқароларнинг республикадаги касб фаолияти тўғрисида» 1995 йил 19 октябрдаги 408-сон қарори (Ўзбекистон Республикаси ҚТ, 1995й., 10-сон, 41-модда)нинг:

1) 1-бандидаги «Меҳнат вазирлиги» сўзлари «Меҳнат ва аҳолини ижтимоий муҳофаза қилиш вазирлиги» сўзлари билан алмаштирилсин;

2) 3-бандидаги «Ўзбекистон Республикаси Меҳнат вазирлиги» сўзлари «Ташқи меҳнат миграцияси масалалари агентлиги» сўзлари билан алмаштирилсин;

3) Ўзбекистон Республикаси фуқароларининг чет элдаги касб фаолияти тартиби тўғрисида Низом (қарорга 1-илова)нинг:

муқаддимаси ва 1-банди қуйидаги таҳрирда баён қилинсин:

«Мазкур Низом «Аҳолини иш билан таъминлаш тўғрисида»ги Ўзбекистон Республикаси Қонунига мувофиқ ишлаб чиқилган ва у меҳнат фаолиятини амалга ошириш учун чет элга чиқиб кетаётган Ўзбекистон Республикаси фуқароларига жорий этилади.

1. Ўзбекистон Республикаси фуқаролари Ўзбекистон Республикаси қонунчилигига мувофиқ идоралараро шартномалар, ишга жойлашиш тўғрисидаги битимлар, шунингдек хусусий меҳнат контрактлари асосида ўз касб фаолиятларини амалга ошириш мақсадида чет элга фақат Ташқи меҳнат миграцияси масалалари агентлиги кўмагида чиқиш ҳуқуқига эгадирлар»;

2—6-бандлардаги Ўзбекистон Республикаси Меҳнат вазирлигига кўрсатмалар Ташқи меҳнат миграцияси масалалари агентлигига кўрсатмалар билан алмаштирилсин;

4-банднинг учинчи хатбоши «контракт нусхаси» сўзидан олдин «нотариал тасдиқланган ва Ўзбекистон Республикасининг чет элдаги консуллик муассасасида расмийлаштирилган» сўзлари қўшилсин»;

7-банд қуйидаги таҳрирда баён қилинсин:

«7. Фуқароларга чет элда меҳнат фаолиятини амалга ошириш учун рухсатнома Ташқи меҳнат миграцияси масалалари агентлиги томонидан Ўзбекистон Республикаси фуқаролари мазкур Низомнинг 4-бандида назарда тутилган ҳужжатларни берган кундан бошлаб 15 кун мобайнида берилади»;

Ўзбекистон Республикаси фуқароларининг чет элдаги касб фаолияти тартиби тўғрисидаги Низомга иловадаги Меҳнат вазирлигига кўрсатмалар Меҳнат ва аҳолини ижтимоий муҳофаза қилиш вазирлигига кўрсатмалар билан алмаштирилсин;

4) Ўзбекистон Республикасида хорижий ишчи кучларини жалб қилиш ва улардан фойдаланиш тартиби тўғрисида Низом (қарорга 2-илова)нинг:

5-банди қуйидаги таҳрирда баён қилинсин:

«5. Рухсатнома бериш Ташқи меҳнат миграцияси масалалари агентлиги (кейинги ўринларда Агентлик деб юритилади) томонидан амалга оширилади»;

7, 8, 9 ва 16-бандлардаги меҳнат бўйича ҳудудий органларга кўрсатмалар Агентликка кўрсатмалар билан алмаштирилсин;

9-банддаги «15 кун мобайнида» сўзлари «30 кун мобайнида» сўзлари билан алмаштирилсин;

13 ва 14-бандлардаги Ўзбекистон Республикаси Меҳнат вазирлигига кўрсатмалар Агентликка кўрсатмалар билан алмаштирилсин;

16-банддаги «Меҳнат вазирлиги» сўзлари «Меҳнат ва аҳолини ижтимоий муҳофаза қилиш вазирлиги» сўзлари билан алмаштирилсин.

14. Вазирлар Маҳкамасининг «Ўзбекистон Телерадиокомпаниясини ташкил этиш ва унинг фаолияти масалалари» ҳақида 1996 йил 24 майдаги 190-сон қарори (Ўзбекистон Республикаси ҚТ, 1996 й., 6-сон, 18-модда)нинг 3-бандидаги «Меҳнат вазирлиги» сўзлари «Меҳнат ва аҳолини ижтимоий муҳофаза қилиш вазирлиги» сўзлари билан алмаштирилсин.

15. Вазирлар Маҳкамасининг «Тошкент шаҳри аҳолисига йўловчи ташиш транспорти хизмати кўрсатишни тубдан яхшилаш чора-тадбирлари тўғрисида» 1996 йил 19 августдаги 291-сон қарорининг 10 ва 12-бандларидаги «Меҳнат вазирлиги» ҳамда «Меҳнат вазирлиги ва Ижтимоий таъминот вазирлиги» сўзлари «Меҳнат ва аҳолини ижтимоий муҳофаза қилиш вазирлиги» сўзлари билан алмаштирилсин.

16. Вазирлар Маҳкамасининг 1996 йил 21 ноябрдаги 408-сон қарори билан тасдиқланган Хорижий фуқаролар ва фуқаролиги бўлмаган шахсларнинг Ўзбекистон Республикасига келишлари ва Ўзбекистон Республикасидан кетишлари тартибининг:

6-банди «в» кичик бандидаги «Ўзбекистон Республикаси Меҳнат вазирлиги» сўзлари «Ташқи меҳнат миграцияси масалалари агентлиги» сўзлари билан алмаштирилсин;

10-банднинг тўртинчи хатбошидаги «Меҳнат вазирлигининг ҳудудий органлари томонидан» сўзлари «Ташқи меҳнат миграцияси масалалари агентлиги томонидан» сўзлари билан алмаштирилсин.

17. Вазирлар Маҳкамасининг «Болали оилаларни ижтимоий қўллаб-қувватлашни кучайтириш чора-тадбирлари тўғрисида» 1996 йил 10 декабрдаги 437-сон қарорида (Ўзбекистон Республикаси ҚТ, 1996 й., 12-сон, 35-модда):

2-банднинг тўртинчи хатбошидаги, 3, 5 ва 7-бандлардаги Меҳнат вазирлигига кўрсатмалар Меҳнат ва аҳолини ижтимоий муҳофаза қилиш вазирлигига кўрсатмалар билан алмаштирилсин;

4-банддаги «Молия вазири Б.С. Ҳамидовнинг, Меҳнат вазири» сўзлари «Макроиқтисодиёт ва статистика вазири Р.С.Азимовнинг, Меҳнат ва аҳолини ижтимоий муҳофаза қилиш вазири» сўзлари билан алмаштирилсин;

5-банддан тўртинчи хатбоши чиқариб ташлансин.

18. Вазирлар Маҳкамасининг «Касб-ҳунар таълими ўқув юртлари тўғрисидаги низомларни тасдиқлаш ҳақида» 1996 йил 11 декабрдаги 439-сон қарори (Ўзбекистон Республикаси ҚТ, 1996й., 12-сон, 36-модда)га 1-илованинг VII бўлими 2-бандидаги, 3-илованинг VII бўлими 2-бандидаги «Меҳнат вазирлиги» сўзлари «Меҳнат ва аҳолини ижтимоий муҳофаза қилиш вазирлиги» сўзлари билан алмаштирилсин.

19. Вазирлар Маҳкамасининг «Ўзбекистон Республикасининг Меҳнат кодексини амалга ошириш учун зарур бўлган норматив ҳужжатларни тасдиқлаш тўғрисида» 1997 йил 11 мартдаги 133-сон қарори (Ўзбекистон Республикаси ҚТ, 1997й., 3-сон, 11-модда)га 4-илованинг 10-бандидаги «ва ижтимоий таъминот» сўзлари «меҳнат ва ижтимоий таъминот» сўзлари билан алмаштирилсин.

20. Вазирлар Маҳкамасининг «Ўзбекистон Республикаси Вазирлар Маҳкамасининг Ахборот-таҳлил бошқармасини ташкил этиш тўғрисида» 1997 йил 16 апрелдаги 199-сон қарорида:

4-банднинг иккинчи хатбошидаги ва 6-банднинг учинчи хатбошидаги «Ўзистиқболстат» давлат қўмитаси» ва «Меҳнат вазирлиги» сўзлари тегишли равишда «Макроиқтисодиёт ва статистика вазирлиги» ҳамда «Меҳнат ва аҳолини ижтимоий муҳофаза қилиш вазирлиги» сўзлари билан алмаштирилсин;

ушбу қарор билан тасдиқланган «Ўзбекистон Республикаси Вазирлар Маҳкамасининг Ахборот-таҳлил бошқармаси тўғрисидаги Низомнинг IV бўлими иккинчи ва еттинчи хатбошларидаги «Ўзистиқболстат» давлат қўмитасининг», «Меҳнат вазирлигининг», «Ўзистиқболстат» давлат қўмитасида», «Меҳнат вазирлигида» сўзлари тегишли равишда «Макроиқтисодиёт ва статистика вазирлигининг», «Меҳнат ва аҳолини ижтимоий муҳофаза қилиш вазирлигининг», «Макроиқтисодиёт ва статистика вазирлигида», «Меҳнат ва аҳолини ижтимоий муҳофаза қилиш вазирлигида» сўзлари билан алмаштирилсин.

21. Ўзбекистон Республикаси Вазирлар Маҳкамасининг 1997 йил 6 июндаги 286-сон қарори (Ўзбекистон Республикаси ҚТ, 1997 й., 6-сон, 21-модда) билан тасдиқланган Ишлаб чиқаришдаги бахтсиз ҳодисаларни ва ходимлар саломатлигининг бошқа хил зарарланишини текшириш ва ҳисобга олиш тўғрисидаги Низомда:

III ва IV бўлимлар матнидаги Ўзбекистон Республикаси Меҳнат вазирлигига кўрсатмалар Ўзбекистон Республикаси Меҳнат ва аҳолини ижтимоий муҳофаза қилиш вазирлигига кўрсатмалар билан алмаштирилсин;

III бўлимнинг 2-банди тўртинчи хатбоши қуйидаги таҳрирда баён қилинсин:

«Ўзбекистон Республикаси Меҳнат ва аҳолини ижтимоий муҳофаза қилиш вазирлигига, вилоят (Тошкент шаҳар) меҳнат ва аҳолини ижтимоий муҳофаза қилиш бош бошқармасига»;

III бўлимнинг 3-банди биринчи хатбошидаги «вилоят (Қорақалпоғистон Республикаси, Тошкент шаҳар) меҳнат бошқармаси» сўзлари «Қорақалпоғистон Республикаси Меҳнат ва аҳолини ижтимоий муҳофаза қилиш вазирлиги, вилоят (Тошкент шаҳар) меҳнат ва аҳолини ижтимоий муҳофаза қилиш бош бошқармаси» сўзлари билан алмаштирилсин;

III бўлим 8-бандининг учинчи хатбоши қуйидаги таҳрирда баён қилинсин:

«махсус текширишнинг барча материаллари нусхаларини вилоят (Тошкент шаҳар) меҳнат ва аҳолини ижтимоий муҳофаза қилиш бош бошқармасига, Қорақалпоғистон Республикаси Меҳнат ва аҳолини ижтимоий муҳофаза қилиш вазирлигига, Ўзбекистон Республикаси Меҳнат ва аҳолини ижтимоий муҳофаза қилиш вазирлигига, шунингдек тегишли вазирликка (корпорация, уюшма, концернга), корхонага ва унинг юқори турувчи хўжалик органига, жабрланган ходимни юборган ташкилотга юборади»;

IV бўлимнинг 6-бандидаги «Қорақалпоғистон Республикаси Меҳнат вазирлиги ҳайъатида, вилоят (Тошкент шаҳар) меҳнат бошқармаси кенгашида», «Қорақалпоғистон Республикаси Меҳнат вазирлиги ҳайъати, вилоят (Тошкент шаҳар) меҳнат бошқармаси кенгаши» сўзлари тегишли равишда «Қорақалпоғистон Республикаси Меҳнат ва аҳолини ижтимоий муҳофаза қилиш вазирлиги ҳайъатида, вилоят (Тошкент шаҳар) меҳнат ва аҳолини ижтимоий муҳофаза қилиш бош бошқармаси кенгашида», «Қорақалпоғистон Республикаси Меҳнат ва аҳолини ижтимоий муҳофаза қилиш вазирлиги ҳайъати, вилоят (Тошкент шаҳар) меҳнат ва аҳолини ижтимоий муҳофаза қилиш бош бошқармаси кенгаши», сўзлари билан алмаштирилсин.

22. Вазирлар Маҳкамасининг 1997 йил 25 октябрдаги 486-сон қарори билан тасдиқланган Шахсий ёрдамчи ва деҳқон хўжаликларини қўллаб-қувватлаш жамғармаси тўғрисидаги Низомнинг VI бўлими биринчи хатбошидаги «Меҳнат вазирлиги» сўзлари «Меҳнат ва аҳолини ижтимоий муҳофаза қилиш вазирлиги» сўзлари билан алмаштирилсин.

23. Вазирлар Маҳкамасининг 1997 йил 2 декабрдаги 532-сон қарори (Вазирлар Маҳкамасининг 2000 йил 5 сентябрдаги 344-сон қарори таҳририда)га 2-илова 5-бандидаги «Ижтимоий таъминот органларининг» сўзлари «Ижтимоий таъминот бўлимларининг» сўзлари билан алмаштирилсин.

24. Вазирлар Маҳкамасининг «Ўзбекистон Республикасида ташқи савдо фаолиятини эркинлаштириш бўйича қўшимча чора-тадбирлар тўғрисида» 1998 йил 31 мартдаги 137-сон қарорига 2-иловадаги «Меҳнат вазирлиги» сўзлари «Меҳнат ва аҳолини ижтимоий муҳофаза қилиш вазирлиги» сўзлари билан алмаштирилсин.

25. Вазирлар Маҳкамасининг 1998 йил 22 августдаги 361-сон қарори (Ўзбекистон Республикаси ҚТ, 1998 й., 8-сон, 31-модда) билан тасдиқланган Давлатга тегишли акциялар пакетларини ишончли бошқарувга бериш тартибининг 7.2-бандидаги ва Давлатга тегишли акциялар пакетларини ишончли бошқаришнинг намунавий шартномаси (кўрсатиб ўтилган Тартибга илова)нинг 8.1-бандидаги «Меҳнат вазирлиги» сўзлари «Меҳнат ва аҳолини ижтимоий муҳофаза қилиш вазирлиги» сўзлари билан алмаштирилсин.

26. Ўзбекистон Республикаси Вазирлар Маҳкамасининг «Ижтимоий ҳимояга муҳтож шахсларни ишга жойлаштириш учун иш жойларининг энг кам миқдорини белгилаш тартиби тўғрисидаги Низомни ва Аҳолини иш билан таъминлаш тўғрисидаги қонун ҳужжатларини бузганлик учун жарималар солиш тартиби тўғрисидаги Низомни тасдиқлаш ҳақида» 1998 йил 1 декабрдаги 504-сон қарорида (Ўзбекистон Республикаси ҚТ, 1998й., 12-сон 44-модда):

1-иловада:

5-банднинг иккинчи хатбошидаги ва 22-банднинг иккинчи хатбошидаги «Меҳнат вазирлиги» сўзлари «Меҳнат ва аҳолини ижтимоий муҳофаза қилиш вазирлиги» сўзлари билан алмаштирилсин;

11-бандда, 13-банднинг иккинчи хатбошида, 14-банднинг учинчи хатбошида, 15-бандда, 16-банднинг иккинчи хатбошида ва 22-банднинг биринчи хатбошидаги шаҳар (туман) меҳнат бўлими ва меҳнат органларига кўрсатмалар меҳнат, аҳолини иш билан таъминлаш ва ижтимоий муҳофаза қилиш туман (шаҳар) бўлимларига кўрсатмалар билан алмаштирилсин;

2-илованинг 4-бандидаги «Ўзбекистон Республикаси Меҳнат вазирлиги ва унинг маҳаллий органлари» сўзлари «Ўзбекистон Республикаси Меҳнат ва аҳолини ижтимоий муҳофаза қилиш вазирлиги, Қорақалпоғистон Республикаси Меҳнат ва аҳолини ижтимоий муҳофаза қилиш вазирлиги, вилоятлар ва Тошкент шаҳар меҳнат, аҳолини ижтимоий муҳофаза қилиш бош бошқармалари, меҳнат, аҳолини иш билан таъминлаш ва ижтимоий муҳофаза қилиш туман (шаҳар) бўлимлари» сўзлари билан алмаштирилсин.

27. Вазирлар Маҳкамасининг 1999 йил 26 июлдаги 362-сон қарори (Ўзбекистон Республикаси ҚТ, 1999 й., 7-сон, 42-модда) билан тасдиқланган Иқтисодий ночор корхоналар ишлари қўмитаси ҳузуридаги Корхоналарни санациялаш жамғармаси тўғрисидаги Низомнинг 2-банди иккинчи хатбошидаги «Меҳнат вазирлиги» сўзлари «Меҳнат ва аҳолини ижтимоий муҳофаза қилиш вазирлиги» сўзлари билан алмаштирилсин.

28. Вазирлар Маҳкамасининг «Ижтимоий суғуртага бадаллар миқдорлари тўғрисида» 1999 йил 30 июлдаги 372-сон қарорида:

1-бандда: «Меҳнат вазирлиги, Ижтимоий таъминот вазирлиги» сўзлари «Меҳнат ва аҳолини ижтимоий муҳофаза қилиш вазирлиги» сўзлари билан алмаштирилсин;

3-бандда «ижтимоий таъминот» сўзлари «меҳнат ва аҳолини ижтимоий муҳофаза қилиш» сўзлари билан алмаштирилсин.

29. Вазирлар Маҳкамасининг 2000 йил 27 январдаги 24-сон қарори (Ўзбекистон Республикаси ҚТ, 2000 й., 1-сон, 7-модда) билан тасдиқланган Хизмат турар жойлари олиш ҳуқуқига эга бўлган шахслар рўйхатининг 1-бандидаги «ижтимоий таъминот муассасалари» сўзлари «меҳнат ва аҳолини ижтимоий муҳофаза қилиш муассасалари» сўзлари билан алмаштирилсин.

30. Вазирлар Маҳкамасининг 2000 йил 7 апрелдаги 130-сон қарори (Ўзбекистон Республикаси ҚТ, 2000 й., 4-сон, 17-модда) билан тасдиқланган Саноатда ва кончиликда ишларнинг бехатар олиб борилишини назорат қилиш агентлиги тўғрисидаги Низом 2-бандининг биринчи ва иккинчи хатбошиларидаги «Меҳнат вазирлиги» сўзлари «Меҳнат ва аҳолини ижтимоий муҳофаза қилиш вазирлиги» сўзлари билан алмаштирилсин.

31. Вазирлар Маҳкамасининг «Меҳнатни муҳофаза қилишга доир меъёрий ҳужжатларни қайта кўриб чиқиш ва ишлаб чиқиш тўғрисида» 2000 йил 12 июлдаги 267-сон қарорининг 2-бандидаги, 4-бандининг иккинчи хатбошидаги ва 5-бандидаги, шунингдек 1-илованинг II бўлими 3-бандидаги, V бўлимнинг иккинчи хатбошидаги, VI бўлимнинг 16-18-бандларидаги, 2-илованинг 22-банди тўққизинчи хатбошидаги, 23-бандидаги Меҳнат вазирлигига кўрсатмалар Меҳнат ва аҳолини ижтимоий муҳофаза қилиш вазирлигига кўрсатмалар билан алмаштирилсин.

32. Вазирлар Маҳкамасининг «Вояга етмаганлар ишлари бўйича комиссиялар фаолиятини такомиллаштириш ҳақида» 2000 йил 21 сентябрдаги 360-сон қарори (Ўзбекистон Республикаси ҚТ, 2000 й., 9-сон, 60-модда)нинг 9-бандидаги «Меҳнат вазирлиги» сўзлари «Меҳнат ва аҳолини ижтимоий муҳофаза қилиш вазирлиги» сўзлари билан алмаштирилсин.

33. Вазирлар Маҳкамасининг 2000 йил 23 октябрдаги 410-сон қарори (Ўзбекистон Республикаси ҚТ, 2000 й., 10-сон, 68-модда) билан тасдиқланган Хорижий тижорат ташкилотларининг Ўзбекистон Республикаси ҳудудидаги ваколатхоналарини аккредитация қилиш тартиби ва уларнинг фаолияти тўғрисидаги Низомнинг 31-бандидаги «Ўзбекистон Республикаси Меҳнат вазирлиги» сўзлари «Ташқи меҳнат миграцияси масалалари агентлиги» сўзлари билан алмаштирилсин.

34. Вазирлар Маҳкамасининг «Ўзбекистон Республикаси пенсия таъминоти тизимини такомиллаштириш чора-тадбирлари тўғрисида» 2000 йил 15 ноябрдаги 444-сон қарори (Ўзбекистон Республикаси ҚТ, 2000 й., 11-сон, 71-модда)нинг:

8-бандидаги:

«Ижтимоий таъминот вазирлигига» сўзлари «Меҳнат ва аҳолини ижтимоий муҳофаза қилиш вазирлигига» сўзлари билан алмаштирилсин;

учинчи ва бешинчи хатбошларидаги «ижтимоий таъминот органлари» сўзлари «ижтимоий таъминот бўлимлари» сўзлари билан алмаштирилсин;

9-банддаги «Ижтимоий таъминот вазири», «ижтимоий таъминот органларининг раҳбарлари» сўзлари тегишлича «Меҳнат ва аҳолини ижтимоий муҳофаза қилиш вазири», «меҳнат ва аҳолини ижтимоий муҳофаза қилиш органларининг раҳбарлари» сўзлари билан алмаштирилсин.

35. Ўзбекистон Республикаси Вазирлар Маҳкамасининг «Иқтисодий тадқиқотларни ташкил этишни такомиллаштириш чора-тадбирлари тўғрисида» 2000 йил 29 ноябрдаги 464-сон қарорининг 7-бандидаги «Меҳнат вазирлиги» сўзлари «Меҳнат ва аҳолини ижтимоий муҳофаза қилиш вазирлиги» сўзлари билан алмаштирилсин.

36. Вазирлар Маҳкамасининг 2000 йил 23 декабрдаги 498-сон қарори (Ўзбекистон Республикаси ҚТ, 2000 й., 12-сон, 80-модда) билан тасдиқланган «Ўзбекистон Республикаси бюджетдан ташқари Пенсия жамғармаси маблағларини шакллантириш ва сарфлаш тартиби тўғрисида»ги Низомнинг:

— 2 ва 3-бандлари қуйидаги таҳрирда баён қилинсин:

«2. Жамғарма маблағлари Ўзбекистон Республикаси Меҳнат ва аҳолини ижтимоий муҳофаза қилиш вазирлиги, Қорақалпоғистон Республикаси Меҳнат ва аҳолини ижтимоий муҳофаза қилиш вазирлиги, вилоятлар ва Тошкент шаҳар меҳнат ва аҳолини ижтимоий муҳофаза қилиш бош бошқармалари ижтимоий таъминот туман (шаҳар) бўлимларининг ҳисоб рақамларида жамланади.

3. Ўзбекистон Республикаси Меҳнат ва аҳолини ижтимоий муҳофаза қилиш вазири, Қорақалпоғистон Республикаси Меҳнат ва аҳолини ижтимоий муҳофаза қилиш вазири, вилоятлар ва Тошкент шаҳар меҳнат ва аҳолини ижтимоий муҳофаза қилиш бош бошқармалари, ижтимоий таъминот туман (шаҳар) бўлимлари раҳбарлари Жамғарма маблағларини тасарруф этувчилар ҳисобланадилар»;

— 6-банднинг учинчи хатбоши қуйидаги таҳрирда баён қилинсин:

«давлат ижтимоий суғуртасига мажбурий бадаллар ва ажратмаларни Ўзбекистон Республикаси Меҳнат ва аҳолини ижтимоий муҳофаза қилиш вазирлиги, Қорақалпоғистон Республикаси Меҳнат ва аҳолини ижтимоий муҳофаза қилиш вазирлиги, вилоятлар ва Тошкент шаҳар меҳнат ва аҳолини ижтимоий муҳофаза қилиш бош бошқармалари, ижтимоий таъминот туман (шаҳар) бўлимларининг махсус мақсадли бюджетдан ташқари ҳисоб рақамларида жамлаш»;

— 7-банднинг иккинчи хатбоши, 9-банднинг еттинчи хатбоши, 12-банднинг иккинчи хатбоши, 16-банднинг биринчи хатбоши, 19-20-бандлар, 21-банднинг биринчи ва тўртинчи хатбошилари, 23, 27-бандлар, 28-банднинг иккинчи хатбошидаги Ижтимоий таъминот вазирлиги ва Меҳнат вазирлигига кўрсатмалар Меҳнат ва аҳолини ижтимоий муҳофаза қилиш вазирлигига кўрсатмалар билан алмаштирилсин;

— 7-банднинг йигирма тўртинчи хатбоши, 11-банднинг иккинчи хатбоши ва 12-банднинг биринчи хатбошидаги ижтимоий таъминот органларига кўрсатмалар ижтимоий таъминот бўлимларига кўрсатмалар билан алмаштирилсин;

— 13 ва 14-бандлар қуйидаги таҳрирда баён қилинсин:

«13. Жамғарманинг ижтимоий таъминот туман (шаҳар) бўлимларининг махсус ҳисоб рақамларидаги етишмаган маблағлари Жамғарманинг бўш маблағларини ижтимоий таъминот туман (шаҳар) бўлимлари ўртасида қайта тақсимлаш йўли билан Қорақалпоғистон Республикаси Меҳнат ва аҳолини ижтимоий муҳофаза қилиш вазирлиги, вилоятлар ва Тошкент шаҳар меҳнат ва аҳолини ижтимоий муҳофаза қилиш бош бошқармалари томонидан қопланади.

14. Жамғарманинг Қорақалпоғистон Республикаси Меҳнат ва аҳолини ижтимоий муҳофаза қилиш вазирлиги, вилоятлар ва Тошкент шаҳар меҳнат ва аҳолини ижтимоий муҳофаза қилиш бош бошқармаларининг махсус ҳисоб рақамларидаги етишмаган маблағлари Жамғарманинг бўш маблағларини Қорақалпоғистон Республикаси Меҳнат ва аҳолини ижтимоий муҳофаза қилиш вазирлиги ва меҳнат ва аҳолини ижтимоий муҳофаза қилиш ҳудудий бош бошқармалар ўртасида қайта тақсимлаш йўли билан Ўзбекистон Республикаси Меҳнат ва аҳолини ижтимоий муҳофаза қилиш вазирлиги томонидан қопланади».

1. Ўзбекистон Республикаси Вазирлар Маҳкамасининг «Ўзбекистон Республикаси Меҳнат вазирлиги тўғрисидаги Низомни тасдиқлаш тўғрисида» 1993 йил 18 майдаги 233-сон қарори (Ўзбекистон Республикаси ҚТ, 1993 й., 5-сон, 18-модда).

2. Ўзбекистон Республикаси Вазирлар Маҳкамасининг «Ишчи кучларини четдан келтириш ва четга чиқариш масалаларини бошқариш тўғрисида» 1993 йил 14 июлдаги 353-сон қарори (Ўзбекистон Республикаси ҚТ, 1993 й., 7-сон, 27-модда).

3. Ўзбекистон Республикаси Вазирлар Маҳкамасининг «Ўзбекистон Республикаси Ижтимоий таъминот вазирлиги тўғрисидаги Низомни, ҳудудий ижтимоий таъминот бошқармаси, туман (шаҳар) ижтимоий таъминот бўлими тўғрисидаги намунавий низомларни тасдиқлаш ҳақида» 1993 йил 30 сентябрдаги 476-сон қарори (Ўзбекистон Республикаси ҚТ, 1993 й., 9-сон, 35-модда).

4. Ўзбекистон Республикаси Вазирлар Маҳкамасининг «Меҳнатни муҳофаза қилишни давлат томонидан бошқариш тўғрисида» 1994 йил 7 ноябрдаги 538-сон қарори (Ўзбекистон Республикаси ҚТ, 1994 й., 11-сон, 50-модда).

5. Ўзбекистон Республикаси Вазирлар Маҳкамасининг 1997 йил 11 февралдаги 74-сон қарори (Ўзбекистон Республикаси ҚТ, 1997 й., 2-сон, 5-модда) билан тасдиқланган Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчаларнинг 3, 4 ва 5-бандлари.

6. Ўзбекистон Республикаси Вазирлар Маҳкамасининг 1998 йил 23 июлдаги 310-сон қарори (Ўзбекистон Республикаси ҚТ, 1998 й., 7-сон, 27-модда) билан тасдиқланган Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчаларнинг 4-банди.

7. Ўзбекистон Республикаси Вазирлар Маҳкамасининг 1999 йил 30 апрелдаги 202-сон қарори (Ўзбекистон Республикаси ҚТ, 1999 й., 4-сон, 22-модда) билан тасдиқланган Ўзбекистон Республикаси Ҳукуматининг ўзгартириш ва қўшимчалар киритилаётган қарорлари рўйхатининг 3-банди.