Т/р | Тадбир номи | Амалга ошириш шакли | Бажариш муддатлари | Масъул бажарувчилар |
I. Банкдан ташқари муомаланинг манбалари ва йўлларини аниқлаш | ||||
1. | Ишлаб турган корхоналарда ишлаб чиқариш ҳақиқий ҳажмларининг статистика ва бухгалтерия ҳисоботи маълумотларига, хом ашё ва материаллар харид қилиш ҳажмларига мувофиқлигини ўрганиш | Текширишлар, рейдларни ташкил этиш, ҳисоботларни аниқлаштириш | 2002 йилнинг 15 сентябрига қадар, кейинчалик мунтазам равишда | Давлат солиқ қўмитаси, Макроиқтисодиёт ва статистика вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари |
2. | Савдо шохобчаларини улар белгиланган тартибда рўйхатдан ўтказилганлиги, назорат-касса машиналари билан жиҳозланганлиги ва уларнинг созлиги, инкасса билан қамраб олинганлиги ва савдо тушумини тўлиқ топшириш юзасидан қисқа муддатли текшириш | Текшириш материаллари, ҳисоботларни аниқлаштириш | Мунтазам равишда | Давлат солиқ қўмитаси, Солиққа оид жиноятларга қарши курашиш департаменти, Марказий банк, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари |
3. | Ишлаб чиқариш, қурилиш, савдо ва хизматлар соҳасида юридик шахслар билан хусусий тадбиркорлар ўртасида тузилаётган шартномалар мазмуни ва уларнинг бажарилишини ўрганиб чиқиш, бунда нархларнинг сунъий равишда оширилиши ёки пасайтирилиши ҳолларига, шунингдек солиқ солишдан қочиш мақсадида товарлар ҳаракати ва улар учун ҳисоб-китоб қилишда қўлланилаётган схемаларга алоҳида эътиборни қаратиш | Таҳлилий материаллар | 2002 йилнинг 20 августига қадар, кейинчалик мунтазам равишда | Адлия вазирлиги, Давлат солиқ қўмитаси, Солиққа оид жиноятларга қарши курашиш департаменти |
4. | Иқтисодиётнинг турли тармоқларида тушумни ва даромад миқдорини яшириш, солиқ солишдан қочиш мақсадида юридик шахсларнинг якка тартибдаги тадбиркорларга айлантирилиши ҳолларини ўрганиш | Аниқ таклифлар билан биргаликда таҳлилий маълумотнома | 2002 йилнинг 15 августига қадар | Давлат солиқ қўмитаси, Солиққа оид жиноятларга қарши курашиш департаменти |
II. Нақд пул маблағларининг банкдан ташқари муомалага чиқиб кетишининг олдини олиш ҳамда хўжалик юритувчи субъектлар томонидан тўловлар ва ҳисоб-китоблар бўйича мажбуриятлар бажарилиши механизмларини ишлаб чиқиш | ||||
5. | Товар айланмасининг реал ҳажмларини аниқлаган ҳолда мунтазам равишда назорат текширишлари ўтказиш ва хўжалик юритувчи субъектлар томонидан нақд тушум тўлиқ кирим қилинишини мониторингини олиб бориш | Назорат текширишлари далолатномалари | Доимий равишда | Давлат солиқ қўмитаси, тижорат банклари, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари |
6. | Аниқланган қоида бузишлар бўйича қаттиқ чора-тадбирлар кўрган ҳолда чакана савдо, умумий овқатланиш ва пулли хизматлар соҳасида савдо қоидаларига ва нақд тушумни тўлиқ топширишга риоя этилиши устидан қатъий назоратни таъминлаш | Текширишлар, шу жумладан нақд тушумни инкасса қилиш чоғидаги текширишлар | Доимий равишда | Давлат солиқ қўмитаси, Солиққа оид жиноятларга қарши курашиш департаменти, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари |
7. | Эски моделдаги назорат-касса машиналарини фискаль хотирали назорат-касса машиналари билан босқичма-босқич алмаштириш | Комплекс чора-тадбирлар | 2003 йилнинг 1 июлига қадар | Давлат солиқ қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари |
8. | Алоҳида йирик миқдорлардаги пул маблағлари муомаласи, шу жумладан нақд пул берилиши бўйича ахборотларни электрон айирбошлаш тизимини ишлаб чиқиш ва жорий этиш | Ахборотларни айирбошлашнинг электрон тизими | 2002 йилнинг 1 сентябрига қадар | Давлат солиқ қўмитаси, Марказий банк, тижорат банклари |
9. | Транспорт хизматлари кўрсатиш соҳасидаги фаолиятни тартибга солиш, ушбу соҳада рақобат муҳитини ривожлантириш, умумий фойдаланишдаги транспортнинг йўналишли линияларида чипталар сотилиши устидан назоратни кучайтириш | Комплекс чора-тадбирлар | 2002 йилнинг 1 октябрига қадар | Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Автомобиль ва дарё транспорти агентлиги |
10. | Қоида бузувчиларга нисбатан молиявий жазолар қўллаган ҳолда ишлаб чиқарувчи корхоналар ва улгуржи етказиб берувчилар томонидан халқ истеъмол товарлари улгуржи сотилиши тартибига риоя этилиши устидан назоратни кучайтириш | Текширишлар материаллари | Мунтазам равишда | Давлат солиқ қўмитаси, Солиққа оид жиноятларга қарши курашиш департаменти |
11. | Оммавий ахборот воситалари орқали банкдан ташқари муомалани чеклаш, солиқ ҳақидаги қонунлар бузилишига йўл қўйилмаслиги ва солиқ тўлашдан бўйин товлаганлик учун жазонинг муқаррарлиги юзасидан амалга оширилаётган чора-тадбирларнинг муҳимлиги ва мазмунини тушунтиришга доир кенг ишлар олиб бориш | Чиқишлар, мақолалар, телекўрсатувлар ва радиоэшиттиришлар | Мунтазам равишда | Солиққа оид жиноятларга қарши курашиш департаменти, Давлат солиқ қўмитаси, «Ўзтелерадио» компанияси, Матбуот ва ахборот агентлиги |
12. | Солиқ ҳақидаги қонунлар бузилганлиги учун амалдаги молиявий жазоларни қайта кўриб чиқиш ва янги молиявий жазолар жорий этиш, бунда қуйидагилар учун жавобгарликни кучайтириш: | Қонун ҳужжатларига ўзгартиришлар киритиш лойиҳаси | 2002 йилнинг 1 октябрига қадар | Молия вазирлиги, Давлат солиқ қўмитаси, Адлия вазирлиги |
III. Нақд пулсиз ҳисоб-китобларни рағбатлантириш ва банк тизимига пул маблағларини жалб этиш | ||||
13. | Аҳолининг пул маблағлари банкларга жалб этилишини рағбатлантириш, энг аввало омонатларнинг жалб этувчанлигини ошириш, янги воситаларни жорий этиш, аҳоли омонатлари ўсганлиги учун банкларнинг ходимларини моддий рағбатлантириш тизимини қўллаш йўли билан ўртача муддатли ва узоқ муддатли депозитларга жалб этишни рағбатлантириш | Тадбирлар | Доимий равишда | Марказий банк, тижорат банклари |
14. | Аҳолининг банклардаги омонатларини кафолатлаш жамғармасини шакллантириш асосида аҳолининг банклардаги омонатларини кафолатлаш тизимини жорий этиш | Комплекс чора-тадбирлар | 2003 йилнинг 1 январига қадар | Марказий банк, тижорат банклари |
15. | Банк омонатларининг мавжуд турлари жалб этувчанлиги тўғрисида кенг кўламли рекламани амалга ошириш | Чиқишлар, мақолалар, телекўрсатувлар ва радиоэшиттиришлар | Доимий равишда | «Ўзтелерадио» компанияси, Матбуот ва ахборот агентлиги, тижорат банклари |
16. | Банк сирини таъминлаш институтини такомиллаштириш, тижорат банклари томонидан мижозларнинг операциялари ва ҳисоб рақамлари бўйича ахборот тақдим этилишига доир қатъий чегараларни белгилаш | «Банк сири тўғрисида»ги Қонун лойиҳаси | 2003 йилнинг 1 январига қадар | Марказий банк |
17. | Тижорат банкларининг кредит пластик карточкаларини муомалага чиқаришни ташкил этиш | Тадбирлар | 2002 йилнинг 1 октябрига қадар | Марказий банк, тижорат банклари |
18. | Тошкент шаҳрида пластик карточкалардан фойдаланиш йўли билан иш ҳақи, стипендиялар ва пенсиялар тўлаш юзасидан тажриба ўтказиш | Тадбирлар | 2003 йилнинг 1 январидан бошлаб | Молия вазирлиги, Марказий банк, тижорат банклари |
IV. Улгуржи ва фирма савдоси тизимини ривожлантириш | ||||
19. | Халқ истеъмол товарлари ишлаб чиқарувчи республика корхоналарининг фирма чакана дўконлари шохобчасини кенгайтириш, уларни аҳоли зич жойлашган туманларда, бозорларда ва оммавий савдо қилинадиган бошқа жойларда жойлаштириш | Комплекс чора-тадбирлар | 2003 йилнинг 1 январига қадар | Вазирлар Маҳкамасининг комплекслари, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари |
20. | Бозорларда, турар жой мавзеларида ва аҳоли учун қулай бўлган махсус ажратилган бошқа жойларда қишлоқ хўжалиги маҳсулотлари ярмаркасини ўтказиш йўли билан нақд пул маблағларининг энг кўп қайтишини таъминлаш, савдо тушуми белгиланган тартибда инкасса қилинишини ташкил этган ҳолда пахта йиғим-терими даврида кўчма савдони ташкил этиш | Тадбирлар | 2002 йилнинг III-IV чораклари мобайнида | «Ўзбекбирлашув», «Ўзбексавдо» компаниялари, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари |
21. | Қонун ҳужжатларига мувофиқ нархлари декларацияланадиган маҳсулотлар рўйхатини мақбул равишда қисқартириш. Монополист корхоналар томонидан реал талаб ва таклифни ҳисобга олган ҳолда нархларни декларациялаш механизмини такомиллаштириш | Норматив ҳужжатларга ўзгартиришлар киритиш лойиҳаси | 2002 йилнинг 1 октябрига қадар | Молия вазирлиги, Монополиядан чиқариш ва рақобатни ривожлантириш давлат қўмитаси |
V. Пул муомаласини такомиллаштириш ва солиқ солиш механизмини самарадорлигини ошириш | ||||
22. | Йирик харидларни содир этиш ва белгиланган даражадан ортиқча бошқа харажатлар чоғида жисмоний шахслар томонидан даромадларни декларациялаш ва солиқ тўлаш тизимини ишлаб чиқиш | Ҳукумат қарори лойиҳаси | 2002 йилнинг 1 декабрига қадар | Молия вазирлиги, Давлат солиқ қўмитаси |
23. | Нақд тарзда содир этиладиган тўловларнинг энг юқори даражаси миқдорини жорий этган ҳолда тижорат банклари ва хўжалик юритувчи субъектлар томонидан биринчи талаб бўйича ўз ҳисоб рақамларидан нақд пул олинишига чеклашларни бекор қилиш | Ҳукумат қарори лойиҳаси | 2003 йилнинг 1 январига қадар | Марказий банк |
Ўзбекистон Республикаси Вазирлар Маҳкамасининг қарори, 05.08.2002 йилдаги 280-сон
Кучга кириш санаси
05.08.2002
Рус
Ўзб
O’zb
Ўзб|Рус
Ҳужжат кучини йўқотган 18.10.2021
|
Ҳужжат 05.08.2002 санаси ҳолатига
Амалдаги версияга ўтиш |
LexUZ шарҳи
Мазкур қарор Ўзбекистон Республикаси Президентининг 2021 йил 18 октябрдаги ПФ-6325-сонли «Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларини ўз кучини йўқотган деб ҳисоблаш тўғрисида»ги Фармонига асосан ўз кучини йўқотган.
Пул муомаласини янада такомиллаштириш, нақд пулсиз ҳисоб-китоблар тизимини кенгайтириш, банкдан ташқари муомалани қисқартириш ва солиқ тўлашдан бўйин товлашнинг олдини олиш мақсадида Вазирлар Маҳкамаси қарор қилади:
1. Ўзбекистон Республикаси Марказий банки, Давлат солиқ қўмитаси ва Молия вазирлиги томонидан ишлаб чиқилган Пул маблағларининг банкдан ташқари муомаласини янада қисқартириш чора-тадбирлари дастури иловага мувофиқ маъқуллансин.
2. Белгилансинки, 2002 йил 5 августдан бошлаб хўжалик юритувчи субъектларнинг нақд пул тушумини инкасса қилишда инкасса гуруҳи таркибига давлат солиқ хизматининг инкасса қилинадиган объектларда текшириш ўтказиш ҳуқуқига эга бўлган мансабдор шахслари мажбурий тартибда киритилади.
Кейинги таҳрирга қаранг.
Давлат солиқ хизмати органлари ва Ўзбекистон Республикаси Прокуратураси ҳузуридаги Солиққа оид жиноятларга қарши курашиш департаментининг мансабдор шахсларига Назорат органлари фаолиятини мувофиқлаштирувчи Республика кенгаши билан келишган ҳолда улгуржи ва чакана савдода, умумий овқатланиш ва пулли хизматлар кўрсатиш соҳасида савдо ва нақд тушумни топшириш қоидаларига риоя қилинишини режадан ташқари тезкор текширишларни амалга ошириш ҳуқуқи берилсин.
Кейинги таҳрирга қаранг.
Қорақалпоғистон Республикаси Вазирлар Кенгаши, вилоятлар, шаҳарлар ва туманлар ҳокимликлари белгиланган савдо ва нақд тушумни топшириш қоидалари бузилишининг солиқ органлари томонидан аниқланган ҳоллари бўйича чакана савдо ва пулли хизматлар кўрсатиш ҳуқуқини берувчи рухсатномаларнинг амал қилишини тўхтатишгача бўлган қаттиқ чоралар кўрсинлар.
Кейинги таҳрирга қаранг.
3. 2002 йил 1 сентябрдан бошлаб мулкчилик шаклларидан қатъи назар, хўжалик юритувчи субъектларга тижорат банкларидаги ўз ҳисоб рақамларидан нақд маблағларни топширилган нақд тушум доирасида белгиланган тартибда биринчи талаб бўйича олиш ҳуқуқи берилсин.
Кейинги таҳрирга қаранг.
4. 2002 йил 1 октябрдан бошлаб мулкчилик шаклларидан қатъи назар, корхоналар ва ташкилотларда меҳнатга ҳақ тўлашга йўналтириладиган маблағларнинг давлат томонидан тартибга солиниши бекор қилинсин.
Белгилансинки, 2002 йилнинг тўртинчи чорагидан бошлаб мулкчилик шаклларидан қатъи назар, юридик шахслар ёлланиб ишловчиларга меҳнатга ҳақ тўлаш сифатида ҳисобланган ва амалда тўланган суммалар ҳамда бошқа даромадлар тўғрисидаги маълумотларни, шунингдек ушбу даромадлардан солиқ суммалари тўғрисидаги маълумотларни давлат солиқ хизмати органларига ҳар чоракда тақдим этадилар.
Кейинги таҳрирга қаранг.
5. Ўзбекистон Республикаси Давлат солиқ қўмитаси ва Марказий банки бир ой муддатда алоҳида йирик миқдордаги пул маблағлари муомаласи, шу жумладан нақд пул берилиши бўйича ахборотларни электрон айирбошлаш тизимини ишлаб чиқсин ва жорий этсин.
6. Турғун савдо ва хизматлар кўрсатиш шохобчалари орқали аҳоли билан нақд пул ҳисоб-китобларини амалга ошираётган якка тартибдаги тадбиркорларга нисбатан корхоналар ва ташкилотлар учун амалдаги қонун ҳужжатларида назарда тутилган савдо қоидалари бузилганлиги учун жавобгарликнинг қуйидаги чоралари белгилансин:
нақд пул тушуми яширилиши ҳолати аниқланган тақдирда солиқ органининг қарорига кўра яширилган нақд пул тушуми миқдорида белгиланган тартибда жарима ундирилади;
назорат-касса машиналари қўлланилмасдан, кўчирма ёки бундай ҳужжатлар бериш мажбурий бўлган тақдирда квитанцияларнинг кўчирмасисиз, талонлар, чипталар ёки уларга тенглаштирилган бошқа чеклар берилмасдан савдо қилинганда ва хизматлар кўрсатилганда ундирилган сумма давлат бюджетига йўналтирилган ҳолда энг кам ойлик иш ҳақининг 20 баравари миқдорида жарима ундирилади, жарима жазолари қўлланилгандан кейин бир йил мобайнида такрорий ҳуқуқбузарлик содир этилган тақдирда –энг кам ойлик иш ҳақининг 40 баравари миқдорида жарима ундирилади.
Кейинги таҳрирга қаранг.
7. Белгилансинки, Вазирлар Маҳкамасининг 1999 йил 19 мартдаги 125-сон қарори билан белгиланган юридик шахслар (товар ишлаб чиқарувчи корхоналар ва уларни улгуржи етказиб берувчилар) томонидан товарларни улгуржи сотиш тартиби бузилганлиги учун хўжалик юритувчи субъектлардан ушбу фаолиятдан олинган бутун даромад (фойда) ундириб олинади ва айбдор мансабдор шахслар қонун ҳужжатларига мувофиқ жавобгарликка тортилган ҳолда шу миқдорда жарима солинади.
Кейинги таҳрирга қаранг.
8. Ўзбекистон Республикаси Давлат солиқ қўмитаси, Ўзбекистон Республикаси Прокуратураси ҳузуридаги Солиққа оид жиноятларга қарши курашиш департаменти юридик шахслар ва юридик шахс бўлмаган якка тартибдаги тадбиркорлар томонидан белгиланган савдо қоидаларига сўзсиз риоя этилиши таъминланиши устидан қаттиқ назорат ўрнатсинлар, бунда товарларни нақд пулга улгуржи сотишга йўл қўймасликка, назорат-касса машиналари мавжудлигига, нақд пул маблағлари ўз вақтида инкасса қилинишига алоҳида эътибор берилсин. Айбдор шахсларга нисбатан жиноий жазога тортишгача қонун ҳужжатларида белгиланган жавобгарлик чоралари қўлланилсин.
Кейинги таҳрирга қаранг.
9. Ўзбекистон Республикаси Марказий банки, тижорат банклари Молия вазирлиги билан биргаликда 2003 йил 1 январдан бошлаб Тошкент шаҳрида тажриба тарзида пластик карточкалардан фойдаланиш йўли билан иш ҳақи тўлашга босқичма-босқич ўтишни ишлаб чиқсин ва амалга оширсин.
10. Ўзбекистон Республикаси Марказий банки тижорат банклари билан биргаликда 2002 йил 1 октябргача кредит пластик карточкаларни муомалага чиқариш юзасидан комплекс чора-тадбирларни ишлаб чиқсин.
Тижорат банклари чакана савдо ва хизматлар кўрсатиш билан шуғулланувчи хўжалик юритувчи субъектлар билан биргаликда товарлар ва хизматларга ҳақ тўлаш сифатида пластик дебет карточкалари қабул қилинишини таъминловчи терминаллар тармоғини кенгайтирсин.
11. Вазирлар Маҳкамаси комплекслари Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, вазирликлар ва идоралар билан биргаликда икки ой муддатда истеъмол товарлари ишлаб чиқарувчи корхоналарнинг фирма дўконлари очиши чора-тадбирларини кўрсин, улар аҳоли зич жойлашган туманларда, бозорларда ва оммавий савдо қилинадиган бошқа жойларда жойлаштирилсин.
12. Ўзбекистон Республикаси Давлат солиқ қўмитаси, Марказий банки «Ўзтелерадио» компанияси, Ўзбекистон матбуот ва ахборот агентлиги билан биргаликда банкдан ташқари муомалани чеклаш юзасидан амалга оширилаётган чора-тадбирларнинг муҳимлиги ва мазмунини, солиқ ҳақидаги қонунлар бузилишига йўл қўйилмаслиги ва солиқ тўлашдан бўйин товлаганлик учун жазонинг муқаррарлигини оммавий ахборот воситаларида мунтазам ёритсинлар.
13. Ўзбекистон Республикаси Давлат солиқ қўмитаси, Марказий банки, Молия вазирлиги Ўзбекистон Республикаси Адлия вазирлиги, бошқа манфаатдор вазирликлар ва идоралар билан биргаликда бир ой муддатда:
мазкур қарор қоидаларидан келиб чиққан ҳолда тегишли идоравий норматив ҳужжатларни белгиланган тартибда ишлаб чиқсинлар ва тасдиқласинлар;
Вазирлар Маҳкамасига қонун ҳужжатларига мазкур қарордан келиб чиқувчи ўзгартириш ва қўшимчалар тўғрисида таклифлар киритсинлар.
14. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Азимов ва Ўзбекистон Республикаси Марказий банки раиси Ф.М. Муллажонов зиммасига юклансин.
Кейинги таҳрирга қаранг.