LexUZ шарҳи
Мазкур қарор Ўзбекистон Республикаси Вазирлар Маҳкамасининг 2022 йил 21 июлдаги 396-сонли «Қонунчилик базасини янада тизимлаштириш чора-тадбирлари тўғрисида»ги қарорига асосан ўз кучини йўқотган.
Ўзбекистон Республикаси Президентининг «Янги ташкил этилаётган хўжалик юритувчи субъектлар фаолияти устидан банк ва солиқ назоратини кучайтириш тўғрисида» 1999 йил 29 мартдаги ПФ-2276-сон Фармонини бажариш юзасидан Вазирлар Маҳкамаси қарор қилади:
Ўзбекистон Республикаси Марказий банкига, тижорат банкларига Ўзбекистон Республикаси Давлат солиқ қўмитаси билан биргаликда корхоналар молия-хўжалик фаолиятини амалга оширмаганлиги муносабати билан уларни тугатиш учун белгиланган давр давомида хўжалик юритувчи субъектларнинг счётлари бўйича пул маблағлари ҳаракати тўхтатилиши тўғрисида хабар қилишнинг электрон тизимини уч ой муддатда ишлаб чиқиш ва жорий этиш;
тижорат банкларига хўжалик юритувчи субъектлар счётларида пул маблағлари ҳаракати мавжудлигини кузатиб бориш бўйича таркибий бўлинмалар ташкил этиш тавсия қилинсин.
Кейинги таҳрирга қаранг.
2. Ўзбекистон Республикаси Макроиқтисодиёт ва статистика вазирлиги Марказий банк билан биргаликда хўжалик юритувчи субъектларнинг очилган, тўхтатилган ва ёпилган счётлари тўғрисида тижорат банкларининг ҳар ойлик статистика ҳисоботлари шаклини бир ой муддатда ишлаб чиқсин ва 1999 йилнинг иккинчи чорагидан бошлаб жорий этсин.
3. Ўзбекистон Республикаси Давлат солиқ қўмитаси, Молия вазирлиги, Макроиқтисодиёт ва статистика вазирлиги, Давлат мулки қўмитаси, Адлия вазирлиги бир ой муддатда Вазирлар Маҳкамасига:
Тугатилаётган корхоналарнинг бюджетга ўз муддатида тўланмаган тўловларини ҳисобдан чиқариш тартиби лойиҳаларини киритсинлар.
4. Товар ишлаб чиқарувчилар ва тадбиркорлар палатаси Ўзбекистон Республикаси Макроиқтисодиёт ва статистика вазирлиги, Давлат солиқ қўмитаси билан биргаликда корхоналарнинг улар ёпилишига олиб келган молия-хўжалик фаолияти амалга оширилмаслиги сабабларини ўрганиб чиқсин ва ҳар чоракда Вазирлар Маҳкамасига ахборот берсин.
Кейинги таҳрирга қаранг.
5. Ўзбекистон Республикаси Ички ишлар вазирлиги рўйхатдан ўтказувчи орган ва давлат солиқ хизмати органининг тақдимномаси бўйича тугатилаётган хўжалик юритувчи субъектлар муассислари ва мансабдор шахслари рўйхатдан ўтказилган манзилда бўлмаган тақдирда уларнинг қидирилишини таъминласин.