LexUZ шарҳи
Мазкур Фармон Ўзбекистон Республикаси Президентининг 2020 йил 27 сентябрдаги ПФ-6075-сонли «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида»ги Фармонига асосан ўз кучини йўқотган.
Қурилишда иқтисодий ислоҳотларни чуқурлаштиришнинг 1998 — 2000 йилларга мўлжалланган Дастурига мувофиқ, шунингдек, капитал қурилишда бошқариш тизимини янада такомиллаштириш, қурилиш соҳасидаги бошқарув тузилмаларини монополиядан чиқариш ва ихчамлаштириш, пудрат ишлари бозорини шакллантириш мақсадида:
1. Капитал қурилишда иқтисодий ислоҳотлар ўтказилишини мувофиқлаштирувчи Республика комиссияси, Ўзбекистон Республикаси Давлат мулки қўмитаси, тегишли қурилиш корпорацияси, уюшмаси ва бирлашмаси муассисларининг қуйидагиларни тугатиш тўғрисидаги таклифи қабул қилинсин:
Ўзбекистон Республикаси Вазирлар Маҳкамаси ҳузуридаги Республика ишлаб чиқариш давлат-кооператив қурилиш бирлашмаси — «Ўздеҳқончиликқурилиш»;
Ўзбекистон Республикаси Вазирлар Маҳкамаси ҳузуридаги Республика ишлаб чиқариш давлат-кооператив корхоналари уюшмаси — «Ўзжамоақурилиш».
Капитал қурилишда иқтисодий ислоҳотлар ўтказилишини мувофиқлаштирувчи Республика комиссияси икки ҳафта муддатда «Ўзсаноатхўжаликқурилиш» корпорациясини, «Ўздеҳқончиликқурилиш» бирлашмасини ва «Ўзжамоақурилиш» уюшмасини тугатиш бўйича белгиланган тартибда тугатувчи комиссияларни тузсин.
2. Белгилаб қўйилсинки, тугатилаётган «Ўзсаноатхўжаликқурилиш» корпорацияси, «Ўздеҳқончиликқурилиш» бирлашмаси ва «Ўзжамоақурилиш» уюшмаси таркибига кирувчи пудрат қурилиш трестлари, бошқармалар, бирлашмалар, саноат ва транспорт корхоналари ҳамда бошқа хўжалик юритувчи субъектлар мустақил юридик шахслар сифатида сақлаб қолинади ва улар хўжалик фаолиятини белгиланган тартибда амалга оширадилар.
3. Капитал қурилишда иқтисодий ислоҳотларни ўтказилишини мувофиқлаштирувчи Республика комиссияси тегишли ҳудудий комиссиялар билан бирга икки ҳафта муддатда ҳудудлар бўйича қурилиш ташкилотлари тизими ва тузилмасини такомиллаштиришга оид таклифларни Вазирлар Маҳкамасига киритсин, бунда ортиқча бўғинлар ва бўлинмаларни тугатишни, ишлаб турган пудрат қурилиш ташкилотларининг ташкилий тузилмасини маъқулланган намунавий бошқарув тузилмасига мувофиқ ҳолга келтиришни, кенг кўламда акциялашни таъминланган ҳолда уларни ташкилий-ҳуқуқий шакллари бундан буён ҳам ўзгартириб борилишини назарда тутсин.
тегишли лойиҳа ҳужжатлари бўлмаган ва молиялаш манбалари тасдиқланмаган объектлар қурилишига йўл қўймасинлар, қурилиш қиймати ошиб кетишига олиб келадиган унумсиз харажатларини кескин қисқартириш чораларини кўрсинлар;
объектлар қурилишига, шу жумладан объектларни тўлиқ қуриб топшириш шарти билан, буюртмаларни тендер (танлов) асосида жойлаштириш тизими кенг жорий этилишини таъминласинлар;
Олдинги таҳрирга қаранг.
хусусий қурилиш фирмалари, кичик пудрат қурилиш ташкилотлари барпо этиш ва уларнинг фаолият кўрсатишига, пудрат ишлари бозори, қурилиш моллари улгуржи бозорларини шакллантиришга бутун чоралар билан кўмак берсинлар.
(4-банднинг тўртинчи хатбошиси Ўзбекистон Республикаси Президентининг 2004 йил 8 январдаги ПФ-3376-сонли Фармони таҳририда — ЎР ҚҲТ, 2004 й., 1-2-сон, 9-модда)
5. Ўзбекистон Республикаси Президентининг «Ўзбекистон саноат ва хўжалик қурилиши давлат корпорацияси («Ўзсаноатхўжаликқурилиш»)ни ташкил қилиши тўғрисида» 1992 йил 25 декабрдаги ПФ-519-сон Фармони ўз кучини йўқотган деб ҳисоблансин.
6. Ўзбекистон Республикаси Вазирлар Маҳкамаси икки ҳафта муддатда ушбу Фармонни амалга ошириш юзасидан қарор қабул қилсин.