Ишлаб чиқариш-техника буюмлари парчалари ва рангли металлар чиқиндилари ўғирланиши ҳамда ноқонуний олиб чиқиб кетилишининг олдини олиш, республиканинг иқтисодий манфаатларини ҳимоя қилиш, шунингдек қимматли хом ашё ресурсларидан оқилона фойдаланиш мақсадида:
1. Ўзбекистон Республикаси Президентининг 1999 йил 5 февралдаги ПФ-2212-сон Фармонига мувофиқ рангли металлар парчалари ва чиқиндиларини Ўзбекистон Республикасидан ташқарига олиб чиқиб кетиш тақиқланганлиги қайд этиб ўтилсин.
2. Ўзбекистон Республикаси Давлат божхона қўмитаси Ўзбекистон Республикаси Ички ишлар вазирлиги ва Давлат чегараларини ҳимоя қилувчи қўмита билан биргаликда ишлаб чиқариш-техника буюмлари парчалари ва рангли металлар чиқиндиларининг чегара яқинидаги темир йўллар ва Ўзбекистон Республикаси Давлат чегараси бўйлаб жойлашган автомобиль ўтиш ва айланиб ўтиш йўллари орқали қонунга зид равишда олиб чиқиб кетилишини бартараф этиш юзасидан қатъий тезкор чора-тадбирлар кўрсин.
Кейинги таҳрирга қаранг.
3. Белгилансинки, фақат «Ўзиккиламчиранглиметалл» очиқ турдаги акциядорлик жамияти ва унинг минтақавий бўлинмалари Ўзбекистон Республикаси ҳудудида рангли металлар парчалари ва чиқиндиларини тайёрловчи ваколатли орган ҳисобланади.
Кейинги таҳрирга қаранг.
Олдинги таҳрирга қаранг.
4. Рангли металлар парчалари ва чиқиндиларининг жисмоний шахслар томонидан тайёрланиши ҳамда улардан «Ўзиккиламчиранглиметалл» жамияти тайёрловчи ташкилотларида қабул қилиниши тақиқлансин, жисмоний шахслардан ишлатиб бўлинган (кислотали-қўрғошинли батареялар) аккумуляторларни қабул қилиб олиш бундан мустасно.
Кейинги таҳрирга қаранг.
(4-банд Ўзбекистон Республикаси Президентининг 2005 йил 5 августдаги ПФ-3643-сонли Фармони таҳририда— ЎР ҚҲТ, 2005 й., 32-33-сон, 241-модда)
5. Белгилаб қўйилсинки, Ўзбекистон Республикаси Вазирлар Маҳкамаси ҳузуридаги Ўзбекистон Республикаси Давлат стандартлаш, метрология ва сертификация маркази, Соғлиқни сақлаш вазирлиги ҳамда уларнинг минтақавий органларининг рангли металлар парчалари ва чиқиндилари стандартлар талабларига ва санитария меъёрларига мувофиқлиги тўғрисидаги хулосалари мавжуд бўлган тақдирдагина улардан халқ истеъмол қиладиган озиқ-овқат маҳсулотлари ишлаб чиқаришда фойдаланишга йўл қўйилади.
Кейинги таҳрирга қаранг.
Олдинги таҳрирга қаранг.
5. Ўзбекистон Республикаси Иқтисодиёт вазирлиги ҳамда «Тошкент рангли металл парчалари, чиқиндиларини қайта ишлаш заводи» ОАЖ иккиламчи алюминийни ҳамда рангли металлар парчалари ва чиқиндиларини тақсимлаш чоғида халқ истеъмол моллари ишлаб чиқарувчи кичик бизнесга тегишли қайта ишлаш корхоналари эҳтиёжларини белгиланган тартибда назарда тутсинлар.
(5-банднинг иккинчи хатбошиси Ўзбекистон Республикаси Президентининг 2006 йил 14 сентябрдаги ПФ-3800-сонли Фармони таҳририда — ЎР ҚҲТ, 2006 й., 37-38-сон, 375-модда)
«Ўзиккиламчиранглиметалл» жамияти ва унинг минтақавий бўлинмаларига халқ ҳунармандчилиги ва амалий санъатни қўллаб-қувватлаш ҳамда ривожлантириш учун рангли металл парчалари ва чиқиндиларини сотишга рухсат этилсин.
Кейинги таҳрирга қаранг.
Кейинги таҳрирга қаранг.
6. Ўзбекистон Республикаси Адлия вазирлиги манфаатдор вазирликлар ва идоралар билан биргаликда бир ой муддатда рангли металлардан тайёрланган ишлаб чиқариш-техника буюмларини ўғирлаш, рангли металлар парчалари ва чиқиндиларини сотиб олиш ва ноқонуний равишда олиб чиқиб кетиш, ҳаво ва кабель линиялари ҳамда электрузаткичларга қасддан зарар етказганлик учун жиноий жавобгарликни кучайтириш тўғрисидаги таклифлар киритсин.
LexUZ шарҳи
7. Ўзбекистон Республикаси Прокуратураси рангли металлар парчалари ва чиқиндиларини тўплаш, тайёрлаш, сақлаш ва сотиш юзасидан назоратни кучайтирсин, рангли металлар парчалари ва чиқиндилари билан муомала қилиш бўйича ҳар бир ноқонуний хатти-ҳаракат юзасидан батафсил текшириш ўтказиб, айбдор шахсларни қонунчиликка мувофиқ равишда жавобгарликка тортсин.
8. Ўзбекистон Телерадиокомпанияси, Ўзбекистон Миллий ахборот агентлиги, оммавий ахборот воситалари аҳоли ўртасида рангли металлар парчалари ва чиқиндилари билан ноқонуний муомала қилиш ва уларни республика ҳудудидан олиб чиқиб кетиш, ҳаво ва кабел алоқа линиялари ҳамда электрузаткичларга қасддан зарар етказиш учун жавобгарлик ҳақида кенг тушунтириш ишларини олиб борсин.