LexUZ шарҳи
Мазкур қарор Ўзбекистон Республикаси Марказий банки Бошқарувининг 2017 йил 23 сентябрдаги 26/18-сонли «Ваколатли банкларнинг конверсион операциялар бўлими ҳамда айирбошлаш шохобчаси ходимларига қўйиладиган малакавий талаблар, уларни ишга қабул қилиш ва ротацияси регламентини тасдиқлаш тўғрисида»ги қарор, шунингдек унга ўзгартириш ва қўшимчани ўз кучини йўқотган деб топиш тўғрисида»ги қарорига (рўйхат рақами 2415-2 06.11.2017 й.) асосан ўз кучини йўқотган.
Ўзбекистон Республикасининг «Ўзбекистон Республикасининг Марказий банки тўғрисида»ги (Ўзбекистон Республикаси Олий Мажлисининг Ахборотномаси, 1995 й., 12-сон, 247-модда), «Банклар ва банк фаолияти тўғрисида»ги (Ўзбекистон Республикаси Олий Мажлисининг Ахборотномаси, 1996 й., 5-6-сон, 54-модда) қонунларига мувофиқ Ўзбекистон Республикаси Марказий банки Бошқаруви қарор қилади:
1. Ваколатли банкларнинг конверсион операциялар бўлими ҳамда айирбошлаш шохобчаси ходимларига қўйиладиган малакавий талаблар, уларни ишга қабул қилиш ва ротацияси регламенти иловага мувофиқ тасдиқлансин.
2. Ўзбекистон Республикаси Марказий банки Бошқарувининг 2002 йил 30 ноябрдаги 26/16-сон «Ваколатли банкларнинг валюта айирбошлаш шохобчалари ходимларини доимий ротация қилиш тартиби тўғрисидаги Регламентни тасдиқлаш ҳақида»ги қарори (рўйхат рақами 1203, 2003 йил 21 январь) ўз кучини йўқотган деб топилсин.
Мазкур Регламент Ўзбекистон Республикасининг «Ўзбекистон Республикасининг Марказий банки тўғрисида» (Ўзбекистон Республикаси Олий Мажлисининг Ахборотномаси, 1995 й., 12-сон, 247-модда), «Банклар ва банк фаолияти тўғрисида»ги (Ўзбекистон Республикаси Олий Мажлисининг Ахборотномаси, 1996 й., 5-6-сон, 54-модда) қонунларига мувофиқ ваколатли банкларнинг конверсион операциялар бўлими ҳамда айирбошлаш шохобчаси ходимларига қўйиладиган малакавий талабларни, уларни ишга қабул қилиш ва ротацияси тартибини белгилайди.
ваколатли банк — чет эл валютасида операцияларни амалга ошириш учун Ўзбекистон Республикаси Марказий банкининг лицензиясига эга бўлган банклар;
конверсион операциялар бўлими — ваколатли банкнинг (филиалнинг) миллий валютада шахсий банк карталари ва чет эл валютасида халқаро тўлов карталаридан фойдаланган ҳолда нақд пулсиз шаклда айирбошлаш операцияларини амалга ошириш мақсадида тузилган операцион таркибий тузилмаси.
2. Ваколатли банкларнинг раҳбарлари конверсион операциялар бўлими (кейинги ўринларда — бўлим деб юритилади) ва айирбошлаш шохобчаси ходимларини ишга қабул қилиш ва ротациясини мазкур Регламентда белгиланган тартибда амалга оширадилар.
бўлимда унга юклатиладиган функционал мажбуриятларни етарли даражада бажариш учун банк қонунчилиги соҳасида зарур билимларга эга бўлиши.
айирбошлаш шохобчаси назоратчиси олий иқтисодий ёки иқтисодий ўрта махсус касб-ҳунар маълумоти тўғрисидаги дипломга эга бўлиши;
айирбошлаш шохобчаси кассири ўрта маълумот тўғрисидаги аттестатга ёки иқтисодий ўрта махсус касб-ҳунар маълумоти тўғрисидаги дипломга эга бўлиши.
5. Бўлим ва айирбошлаш шохобчаси ходимлари билан меҳнат шартномасини тузиш ёки уларни лавозимига тайинлашда ваколатли банк ёки унинг филиаллари раҳбарлари ходимнинг олдинги иш жойидан (илгари ишлаган бўлса), доимий яшаш жойидан ва ички ишлар органларидан суриштириб, тегишли маълумотномаларни олган ҳолда, уларнинг касбга лаёқатлилигини аниқлаш мақсадида мажбурий суҳбат ўтказадилар.
6. Суҳбатдан ижобий ўтган ходимлар ваколатли банкларнинг штат жадвалига мувофиқ бўлим ва айирбошлаш шохобчаларига белгиланган тартибда буйруқ асосида тайинланади.
7. Ваколатли банклар ва уларнинг филиаллари раҳбарлари бўлим ва айирбошлаш шохобчаси ходимларини валюта операцияларини амалга ошириш ва унинг ҳисобини юритиш, қимматликларни сақлаш, қабул қилиш ва бериш, санаш ва ташиш қоидалари, қонун ҳужжатларидаги белгиланган тартибларни бузганлиги учун ходимларнинг жавобгарлиги тўғрисидаги қоидалар билан таништиради.
8. Ваколатли банклар томонидан бўлим ва айирбошлаш шохобчаларининг ишга тайинланган ходимларини малакасини ошириш чоралари кўрилиши, шу жумладан бир йилда камида бир марта тегишли ўқув курслари ташкил этилиши лозим.
(8-банд Ўзбекистон Республикаси Марказий банки Бошқарувининг 2013 йил 21 декабрдаги 26/2-сонли қарори (рўйхат рақами 2415-1, 31.12.2013 й.) таҳририда — ЎР ҚҲТ, 2014 й., 1-сон, 11-модда)
9. Ваколатли банклар томонидан бўлим ва айирбошлаш шохобчаларига касбий тайёрланган мутахассислар ичидан кадрлар захираси яратилади.
11. Бўлим штати, қоида тариқасида, бошлиқ, унинг ўринбосари ҳамда иккита мутахассисдан иборат бўлади.
Бўлим штати ва ходимларининг сони ваколатли банк раҳбари томонидан амалга ошириладиган валюта операцияларининг ҳажми ва банк томонидан хизмат кўрсатилаётган мижозларнинг сонидан келиб чиқиб ўзгартирилиши мумкин.
13. Бўлим ҳамда айирбошлаш шохобчасининг ходимлари ваколатли банклар буйруғига асосан ротация қилинишлари шарт.
15. Бўлим ходимлари ушбу банк филиалининг бошқа таркибий бўлинмасига ўтказиш асосида ротация қилинади.
16. Ваколатли банклар мазкур Регламент талабларидан келиб чиқиб, бўлим ва айирбошлаш шохобчаси ходимларини ротация қилиш бўйича ўз ички ҳужжатларини ишлаб чиқади.
18. Айирбошлаш шохобчасида олдинги кунда ишлаган кассир ва назоратчилар кейинги кунда турли айирбошлаш шохобчаларига тақсимланишлари лозим.
Битта валюта айирбошлаш шохобчасига эга бўлган ваколатли банклар филиаллари шохобча ходимларини шу банк филиалининг мазкур Регламент талабларига жавоб берадиган валюта айирбошлаш шохобчасида ишлаш кўникмасига эга бўлган кассирлари билан ротация қилишлари мумкин.
(18-банд Ўзбекистон Республикаси Марказий банки Бошқарувининг 2013 йил 21 декабрдаги 26/2-сонли қарорига (рўйхат рақами 2415-1, 31.12.2013 й.) асосан иккинчи хатбоши билан тўлдирилган — ЎР ҚҲТ, 2014 й., 1-сон, 11-модда)
19. Ваколатли банкларнинг раҳбарлари текширилган, ҳалол, мижозларнинг ҳуқуқ ва манфаатларини ҳурмат қилувчи, сифатли банк хизматлари кўрсата оладиган, банк обрўси ва мижозларнинг ишончини ошириш қобилиятига эга бўлган мутахассисларни ишга жалб қилишлари лозим.
20. Ўзбекистон Республикаси Марказий банки ваколатли банклар ва уларнинг филиаллари, бўлим ва айирбошлаш шохобчаси фаолиятида валюта операцияларини қонун ҳужжатлари талабларига риоя этилиши юзасидан белгиланган тартибда текширишларни ташкил этиш ва ўтказиш ҳуқуқига эгадир.
Ўзбекистон Республикаси Марказий банкининг ҳудудий Бош бошқармалари ўзларига тегишли ҳудудда жойлашган ваколатли банклар ва уларнинг филиаллари бўлим ва айирбошлаш шохобчаларининг фаолиятини чорак давомида камида бир маротаба текширилишини таъминлашлари лозим.
21. Ваколатли банклар мунтазам равишда ўзларига қарашли бўлган бўлим ва айирбошлаш шохобчалари фаолиятини ойида камида бир маротаба текширувдан ўтказишлари лозим.
22. Ваколатли банкларнинг раҳбарлари мазкур Регламент талабларига риоя қилинишини таъминлашга шахсан жавобгардирлар.