Ўзбекистон Республикаси Президентининг «Ўзбекистон Республикаси Молия вазирлигининг Инсонпарварлик ёрдами ҳамда техник кўмаклашиш воситаларидан мақсадли фойдаланишни мувофиқлаштириш, ҳисобга олиш ва назорат қилиш департаментини ташкил этиш тўғрисида» 2008 йил 24 ноябрдаги ПҚ-1005-сон қарорига мувофиқ Вазирлар Маҳкамаси қарор қилади:

1. Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.

2. Ўзбекистон Республикаси Молия вазирлиги Ўзбекистон Республикаси Президентининг «Давлат бошқаруви республика органлари тизимини такомиллаштириш тўғрисида» 2003 йил 9 декабрдаги ПФ-3358-сон Фармони талабларига мувофиқ ўзининг янгиланган низомини ва ташкилий тузилмасини тасдиқлаш учун белгиланган тартибда икки ой муддатда Вазирлар Маҳкамасига киритсин.

3. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов зиммасига юклансин.

1. Вазирлар Маҳкамасининг «Ўзбекистон Республикасида ТАСИС дастурини амалга оширишни таъминлашда вазирликлар ва идораларнинг фаолиятини мувофиқлаштириш тўғрисида» 1997 йил 29 майдаги 274-сон қарорида (Ўзбекистон Республикаси ҚТ, 1997 й., 5-сон, 20-модда):

а) 2-банддаги «Вазирлар Маҳкамасининг Ташқи иқтисодий фаолиятни мувофиқлаштириш департаментига» сўзлари «Ўзбекистон Республикаси Вазирлар Маҳкамасининг Иқтисодиёт ва ташқи иқтисодий алоқалар масалалари йиғма ахборот-таҳлил департаментига» сўзлари билан алмаштирилсин;

б) Ўзбекистон Республикаси Европа Иттифоқи Комиссиясининг ТАСИС дастури доирасидаги лойиҳалар бўйича вазирликлар ва идораларнинг фаолиятини ташкил этиш тўғрисидаги низомда:

3-банд қуйидаги таҳрирда баён қилинсин:

«3. Ўзбекистондаги ТАСИС дастури фаолияти Ўзбекистон Республикаси Вазирлар Маҳкамасининг Иқтисодиёт ва ташқи иқтисодий алоқалар масалалари йиғма ахборот-таҳлил департаменти ҳузуридаги Ўзбекистонда Европа Иттифоқи Комиссиясининг техникавий ёрдамни мувофиқлаштириш Бюроси («ЎЗЕИКБЮРО») ҳамда Ўзбекистон Республикаси Молия вазирлигининг Инсонпарварлик ёрдами ҳамда техник кўмаклашиш воситаларидан мақсадли фойдаланишни мувофиқлаштириш, ҳисобга олиш ва назорат қилиш департаменти (кейинги ўринларда — Молия вазирлиги Департаменти деб аталади) томонидан мувофиқлаштирилади»;

6-банд қуйидаги таҳрирда баён қилинсин:

«6. Барча буюртманомалар ТАСИС дастури мақсадлари ва шартларига мувофиқ муайян мезонлар бўйича «ЎЗЕИКБЮРО»да дастлабки танловдан ўтади ва келишиш, ҳисобга олиш ва кейинчалик мониторинг олиб бориш учун Молия вазирлиги Департаментига юборилади. Танловдан ўтган ва келишилган таклифлар тасдиқлаш ва бўлажак хатти-ҳаракатлар дастурига киритиш учун Европа Комиссиясига юбориш учун Ўзбекистон Республикаси Вазирлар Маҳкамасининг Иқтисодиёт ва ташқи иқтисодий алоқалар масалалари йиғма ахборот-таҳлил департаментига юборилади»;

11-бандга «амалга оширилади ва» сўзларидан кейин «Молия вазирлиги Департаменти ва» сўзлари қўшилсин;

15-бандга «ЎЗЕИКБЮРО» сўзларидан кейин «Молия вазирлиги Департаментига» сўзлари қўшилсин;

16-бандга «ЎЗЕИКБЮРО» сўзларидан кейин «Молия вазирлиги Департаментига» сўзлари қўшилсин;

20-банддаги «рўйхатдан ўтказиш», «рўйхатдан ўтказганлик учун» сўзлари тегишли равишда «вақтинча рўйхатдан ўтказиш» ва «вақтинча рўйхатдан ўтказганлик учун» сўзлари билан алмаштирилсин;

28-банддаги «Ташқи иқтисодий алоқалар вазирлигида» сўзлари «Ташқи иқтисодий алоқалар, инвестициялар ва савдо вазирлигида» сўзлари билан алмаштирилсин;

29-банддаги «Ўздавстандарт» маркази» сўзлари «Ўзстандарт» агентлиги» сўзлари билан алмаштирилсин;

34-банддаги «Вазирлар Маҳкамасининг Ташқи иқтисодий фаолиятни мувофиқлаштириш департаментига» сўзлари «Вазирлар Маҳкамасининг Иқтисодиёт ва ташқи иқтисодий алоқалар масалалари йиғма ахборот-таҳлил департаментига» сўзлари билан алмаштирилсин.

2. Вазирлар Маҳкамасининг «Мурувват ёрдамидан ва беғараз техник кўмакдан мақсадли фойдаланилишини таъминлаш чора-тадбирлари тўғрисида» 2002 йил 26 июлдаги 268-сон қарорида (Ўзбекистон Республикаси ҚТ, 2002 й., 7-сон, 44-модда):

а) 2-бандда:

иккинчи хатбошига «ва Ўзбекистон Республикаси Молия вазирлигига» сўзлари қўшилсин;

учинчи хатбошидаги «Ташқи иқтисодий алоқалар, инвестициялар ва савдо вазирлигига» сўзлари «Молия вазирлигига» сўзлари билан алмаштирилсин;

б) 6-банднинг учинчи хатбошидаги «Вазирлар Маҳкамасига ва Ўзбекистон Республикаси Президенти Девонига» сўзлари «Ўзбекистон Республикаси Молия вазирлигининг Инсонпарварлик ёрдами ҳамда техник кўмаклашиш воситаларидан мақсадли фойдаланишни мувофиқлаштириш, ҳисобга олиш ва назорат қилиш департаментига» сўзлари билан алмаштирилсин.

3. Вазирлар Маҳкамасининг «Халқаро, хорижий ҳукумат ташкилотлари ва ҳукуматга қарашли бўлмаган ташкилотларидан олинадиган техник кўмаклашишнинг молиявий маблағлари, грантлар ва инсонпарварлик ёрдамини ҳисобга олиш самарадорлигини ошириш чора-тадбирлари тўғрисида» 2004 йил 4 февралдаги 56-сон қарорининг 3-банди қуйидаги таҳрирда баён қилинсин:

«3. Ўзбекистон Республикаси Молия вазирлиги инсонпарварлик ёрдами ва техник кўмаклашиш маблағлари олувчиларнинг Молия вазирлигининг Ғазначилиги томонидан умумлаштириладиган ҳисоботи ва статистика маълумотлари асосида Ўзбекистон Республикаси Президенти Девонига ва Ўзбекистон Республикаси Вазирлар Маҳкамасига ҳар чоракда инсонпарварлик ёрдами ва техник кўмаклашиш воситалари тушиши ва уларнинг ўзлаштирилиши тўғрисидаги ҳисоботлар ва таҳлилий маълумотларни тақдим этсин».

4. Вазирлар Маҳкамасининг «Инвестиция лойиҳаларини тасдиқлаш ва амалга ошириш мониторинги механизмларини такомиллаштириш, мурувват ёрдами юкларини ва техник кўмаклашиш маблағларини ҳисобга олиш ва назорат қилиш чора-тадбирлари тўғрисида» 2005 йил 15 ноябрдаги 251-сон қарорида (Ўзбекистон Республикаси ҚТ, 2005 й., 11-сон, 61-модда):

а) Мурувват ёрдами юклари қабул қилиниши, ҳисобга олиниши, аниқ йўналтирилган тарзда тақсимланиши ва улардан мақсадли фойдаланилишини назорат қилиш тартиби ҳамда мурувват лойиҳалари мониторинги тўғрисидаги низомда (3-илова):

8-бандда:

иккинчи хатбошидаги «Департаментга ҳамда Давлат статистика қўмитасига» сўзлари «Департаментга, Ўзбекистон Республикаси Давлат статистика қўмитасига ва Молия вазирлигининг Ғазначилигига (кейинги ўринларда — Ғазначилик деб аталади)» сўзлари билан алмаштирилсин;

қуйидаги мазмундаги хатбоши қўшилсин:

«Ўзбекистон Республикаси Давлат статистика қўмитаси ҳар чоракда ҳисобот чорагидан кейинги ойнинг 25-кунидан кечикмай Ғазначиликка инсонпарварлик ёрдами олинганлиги ва фойдаланилганлиги тўғрисидаги йиғма ахборотни тақдим этади»;

15-банддаги «ва тармоқ комиссиялари» сўзларидан кейин «Молия вазирлиги билан келишган ҳолда» сўзлари қўшилсин;

16-бандга қуйидаги мазмундаги хатбоши қўшилсин:

«Ҳудудий ва тармоқ комиссияларининг, шунингдек юқори бюджет ташкилотларининг инсонпарварлик ёрдами юкларидан мақсадли фойдаланилиши ва уларнинг аниқ йўналтирилган тарзда тақсимланишини назорат қилиш натижалари бўйича ҳисоботи ҳисобот давридан кейинги ойнинг 10-кунидан кечикмай Ўзбекистон Республикаси Молия вазирлигининг Инсонпарварлик ёрдами ҳамда техник кўмаклашиш воситаларидан мақсадли фойдаланишни мувофиқлаштириш, ҳисобга олиш ва назорат қилиш департаментига (кейинги ўринларда — Вазирлар Маҳкамаси Департаменти деб аталади) тақдим этилади»;

17-бандда:

биринчи хатбошидаги «ҳудудий ва тармоқ комиссиялари» сўзлари «тармоқ комиссиялари ва ҳудудий комиссиялар» сўзлари билан алмаштирилсин;

қуйидаги мазмундаги хатбошилар қўшилсин:

«Ҳузурида тегишли тармоқ комиссиялари ва ҳудудий комиссиялар ташкил этилган Ўзбекистон Республикаси вазирликлари ва идоралари, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, шунингдек олувчилар Ғазначиликка инсонпарварлик ёрдами юклари олинганлиги ва улардан мақсадли фойдаланилганлиги тўғрисидаги маълумотларни Ўзбекистон Республикаси Молия вазирлиги томонидан белгиланган шакллар бўйича ва муддатларда тақдим этадилар.

Ғазначилик ҳудудий ва тармоқ комиссиялари, Ўзбекистон Республикаси Давлат статистика қўмитаси, шунингдек олувчилар томонидан тақдим этилган маълумотлар умумлаштирилиши ва Молия вазирлиги Департаментига тақдим этилишини таъминлайди»;

23-бандда:

биринчи хатбошидаги «Департаментга» сўзидан кейин «ва Ғазначиликка» сўзлари қўшилсин;

иккинчи хатбошидаги «шакллантириш бўйича» сўзларидан кейин «Молия вазирлиги билан келишган ҳолда» сўзлари қўшилсин;

27-банднинг биринчи хатбошидаги «Департаментга» сўзидан кейин «Ғазначиликка» сўзи қўшилсин;

28-банд қуйидаги таҳрирда баён қилинсин:

«28. Ўзбекистон Республикаси Давлат статистика қўмитаси Давлат статистика ишлари дастурида белгиланган тартибда ва муддатларда Ғазначиликка инсонпарварлик ёрдами тўғрисидаги статистик ахборотни тақдим этади»;

Низомга 1 ва 4-иловалар қуйидаги таҳрирда баён қилинсин:

б) Техник кўмаклашиш маблағлари мониторинги ва улардан мақсадли фойдаланилишини назорат қилиш тартиби тўғрисидаги низомда:

4-банднинг биринчи хатбошига «Ташқи иқтисодий алоқалар, инвестициялар ва савдо вазирлигига» сўзларидан кейин «ва Ўзбекистон Республикаси Молия вазирлигининг Инсонпарварлик ёрдами ҳамда техник кўмаклашиш воситаларидан мақсадли фойдаланишни мувофиқлаштириш, ҳисобга олиш ва назорат қилиш департаменти (кейинги ўринларда Молия вазирлиги Департаменти деб юритилади) Молия вазирлиги билан келишилган ҳамда» сўзлари қўшилсин;

5-банд қуйидаги таҳрирда баён қилинсин:

«5. Ўзбекистон Республикаси вазирликлари, идоралари ва минтақалари бўйича ахборотларни туркумлаш ва техник кўмаклашишдан фойдаланиш самарадорлигини ошириш мақсадида Ташқи иқтисодий алоқалар, инвестициялар ва савдо вазирлиги ҳар чоракда ҳисобот чораги охирги ойининг 25-кунидан кечикмай Ўзбекистон Республикаси Давлат статистика қўмитаси ва Молия вазирлиги Департаментига техник кўмакни олувчилар тўғрисидаги маълумотларни белгиланган шакл бўйича тақдим этади (ушбу Низомга 2-илова).

Давлат статистика қўмитаси Давлат статистика ишлари дастурида назарда тутилган муддатларда статистик кузатувни ташкил этади ҳамда олинган ва ўзлаштирилган грант маблағлари тўғрисидаги статистик ҳисоботларнинг умумлаштирилган маълумотларини Ўзбекистон Республикаси Молия вазирлигининг Ғазначилигига (кейинги ўринларда Ғазначилик деб юритилади), Ташқи иқтисодий алоқалар, инвестициялар ва савдо вазирлигига, шунингдек тўлов баланси статистикасига киритиш учун — Ўзбекистон Республикаси Иқтисодиёт вазирлигига тақдим этади»;

6 ва 7-бандлар ўз кучини йўқотган деб ҳисоблансин;

8-банд қуйидаги таҳрирда баён қилинсин:

«8. Ташқи иқтисодий алоқалар, инвестициялар ва савдо вазирлиги лойиҳаларни амалга оширишда халқаро молиявий ва иқтисодий институтлар ҳамда хорижий ҳукумат ташкилотларини жалб этиш ҳамда уларнинг мажбуриятлари бажарилишининг доимий мониторингини амалга оширади.

Ташқи иқтисодий алоқалар, инвестициялар ва савдо вазирлиги халқаро молиявий ва иқтисодий институтлар ҳамда хорижий ҳукумат ташкилотларининг техник кўмаклашиш лойиҳасини молиялаштириш бўйича қабул қилган қарорлари тўғрисида Ташқи иқтисодий алоқалар, инвестициялар ва савдо вазирлигига тушаётган ахборот тўғрисида Молия вазирлиги Департаментига ўз вақтида хабар беради.

Молия вазирлиги ҳар чоракда ҳисобот давридан кейинги ойнинг 27-кунидан кечикмай халқаро молиявий ва иқтисодий институтлар ҳамда хорижий ҳукумат ташкилотларининг техник кўмаклашиш лойиҳаларининг Ўзбекистон Республикасида амалга оширилиши тўғрисидаги таҳлилий материалларни Ўзбекистон Республикаси Президенти Девонига ва Вазирлар Маҳкамасига тақдим этади»;

10-банднинг иккинчи хатбоши қуйидаги таҳрирда баён қилинсин:

«Ижро этувчи агентликлар уч кун мобайнида Ташқи иқтисодий алоқалар, инвестициялар ва савдо вазирлиги ҳамда Молия вазирлиги Департаментига халқаро молиявий ва иқтисодий институтлар ҳамда хорижий ҳукумат ташкилотларининг техник кўмаклашиш лойиҳаларини амалга ошириш доирасида олиб келинаётган товарлар (хизматлар) тушганлиги тўғрисида ахборот беради»;

11-банддаги «бир ой муддатда» сўзларидан кейин «Молия вазирлиги Департаменти ҳамда» сўзлари қўшилсин;

13-банддаги «Ташқи иқтисодий алоқалар, инвестициялар ва савдо вазирлиги» сўзларидан кейин «ҳамда Молия вазирлиги Департаменти» сўзлари қўшилсин;

14-банд қуйидаги таҳрирда баён қилинсин:

«14. Грант маблағларидан самарали ва мақсадли фойдаланилишини назорат қилишни кучайтириш мақсадида Молия вазирлиги техник кўмаклашиш лойиҳалари амалга оширилиши бўйича ижро этувчи агентликлар фаолиятини белгиланган тартибда текшириш учун Ўзбекистон Республикаси Иқтисодиёт вазирлиги, Ташқи иқтисодий алоқалар, инвестициялар ва савдо вазирлиги, Адлия вазирлиги, Марказий банк ва бошқа манфаатдор вазирликлар ва идоралар вакилларидан иборат ишчи гуруҳлар ташкил этишга ҳақлидир»;

15-банднинг иккинчи хатбошидаги «белгиланган тартибда» сўзларидан кейин «Ғазначиликка» сўзи қўшилсин;

16-банднинг биринчи хатбошидаги «Ташқи иқтисодий алоқалар, инвестициялар ва савдо вазирлиги» сўзлари «Молия вазирлиги» сўзлари билан алмаштирилсин;

Низомга 1-илова қуйидаги таҳрирда баён қилинсин:

5. Вазирлар Маҳкамасининг 2007 йил 20 мартдаги 53-сон қарори (Ўзбекистон Республикаси ҚТ, 2007 й., 2-3-сон, 15-модда) билан тасдиқланган Ўзбекистон Республикаси Молия вазирлигининг Ғазначилиги тўғрисида низомда:

а) 8-бандга қуйидаги мазмундаги хатбоши қўшилсин:

«Ўзбекистон Республикасига келаётган инсонпарварлик ёрдами ва техник кўмаклашиш воситалари, шу жумладан номоддий шаклдаги воситалар тўғрисидаги ахборотларни тўплаш ва ишлаш»;

б) 9-бандга қуйидаги мазмундаги хатбоши қўшилсин:

«Ўзбекистон Республикасига келаётган барча турдаги инсонпарварлик ёрдами ва техник кўмаклашиш воситалари, шу жумладан номоддий шаклдаги воситаларнинг тўлиқ ва тизимли ҳисобини юритади»;

в) 10-бандга қуйидаги мазмундаги хатбоши қўшилсин:

«белгиланган тартибда инсонпарварлик ёрдами ва техник кўмаклашиш воситалари олувчиларидан уларнинг шахсий банк ҳисоб рақамларидан кўчирмалар, шунингдек улар томонидан олинган инсонпарварлик ёрдами ва техник кўмаклашиш воситалари, шу жумладан номоддий шаклдаги воситалар тўғрисида ҳисоботлар ва ахборотлар олиш».