LexUZ шарҳи
Мазкур қарор Ўзбекистон Республикаси Вазирлар Маҳкамасининг 2020 йил 10 августдаги 472-сонли «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида (Ўзбекистон Республикасининг «Валютани тартибга солиш тўғрисида»ги Ўзбекистон Республикаси Қонунига ўзгартиш ва қўшимчалар киритиш ҳақида» 2019 йил 22 октябрдаги ЎРҚ-573-сон ва «Банклар ва банк фаолияти тўғрисида» Ўзбекистон Республикаси Қонунига ўзгартиш ва қўшимчалар киритиш ҳақида» 2019 йил 5 ноябрдаги ЎРҚ-580-сон қонунлари)»ги қарорига асосан 2020 йил 1 сентябрдан ўз кучини йўқотади.
«Валютани тартибга солиш тўғрисида»ги Ўзбекистон Республикаси Қонунининг 19-моддасига мувофиқ ҳамда Ўзбекистон Республикасининг нақд миллий валютасини олиб кириш ва олиб чиқишга доир операциялар ўтказилишини тартибга солиш мақсадида Вазирлар Маҳкамаси қарор қилади:
1. Белгилансинки, 2004 йил 1 мартдан бошлаб жисмоний шахслар — резидентлар ва норезидентлар томонидан Ўзбекистон Республикасининг нақд миллий валютаси — сўмни Ўзбекистон Республикасига олиб кириш ва республикадан ташқарига олиб чиқишга Ўзбекистон Республикасида белгиланган энг кам ойлик иш ҳақи миқдорининг 50 бараваридан ошмайдиган суммада рухсат берилади.
Кейинги таҳрирга қаранг.
Нақд миллий валютани юқорида кўрсатилган суммадан ортиқча олиб чиқишга Ўзбекистон Республикаси Марказий банкининг рухсатномаси билан йўл қўйилади.
2. Ўзбекистон Республикасининг нақд миллий валютаси юридик шахслар — резидентлар ва норезидентлар томонидан олиб кирилиши ва олиб чиқилишига йўл қўйилмайдиган тартиб ўрнатилсин, Ўзбекистон Республикаси Марказий банки, шунингдек Ўзбекистон Республикаси Марказий банкининг рухсатномаси бўлган тақдирда ваколатли банклар бундан мустасно.
3. Белгилансинки, Ўзбекистон Республикасининг нақд миллий валютаси Ўзбекистон Республикаси Марказий банки ва ваколатли банклар томонидан олиб кирилиши ва олиб чиқилишида божхона тўловлари ундирилмайди, божхона расмийлаштируви йиғимлари бундан мустасно.
4. Ўзбекистон Республикаси Марказий банки ва Давлат божхона қўмитаси Адлия вазирлиги билан биргаликда Ўзбекистон Республикасининг нақд миллий валютасини олиб кириш ва олиб чиқиш тартиби тўғрисидаги низомни бир ҳафта муддатда ишлаб чиқсин ва тасдиқласин.
LexUZ шарҳи
Қаранг: Ўзбекистон Республикаси Марказий банкининг Бошқаруви ва Давлат божхона қўмитасининг «Ўзбекистон Республикасининг нақд миллий валютасини олиб кириш ва олиб чиқиш тартиби тўғрисида Низом»ни тасдиқлаш тўғрисида»ги қарори (рўйхат № 1326, 16.03.2004 й.).
5. Мазкур қарорнинг бажарилишини назорат қилиш Ўзбекистон Республикасининг Бош вазири Ш.М. Мирзиёев ва Ўзбекистон Республикаси Марказий банки раиси Ф.М. Муллажонов зиммасига юклансин.