[
OKOZ:
1.
07.00.00.00 Moliya va kredit to‘g‘risidagi qonunchilik. Bank faoliyati / 07.10.03.00 Qo‘shimcha qiymat solig‘i / 07.10.03.04 Qo‘shimcha qiymat solig‘ini hisoblab chiqarish va to‘lash tartibi / 07.90.00.00 Umumdavlat soliqlari]
[
TSZ:
1.
Moliya / Soliqlar (yig‘imlar, bojlar)]
“TASDIQLANGAN”
O‘zbekiston Respublikasi Moliya vazirligi
21.01.1999-y. 04-02-05/171-son
“TASDIQLANGAN”
O‘zbekiston Respublikasi Davlat soliq qo‘mitasi
21.01.1999-y. 99-08-son
1999 YIL 1 YaNVAR HOLATIGA QOLDIQLAR HISOBLANUVChI MODDIY RESURSLAR BO‘YIChA QO‘ShILGAN QIYMAT SOLIG‘I SUMMASINI O‘ChIRISh TARTIBI to‘g‘risida
TUShUNTIRISh XATI
[O‘zbekiston Respublikasi Adliya vazirligi tomonidan 1999-yil 31-martda 684-son bilan davlat ro‘yxatidan o‘tkazilgan]
LexUZ sharhi
Mazkur tushuntirish xati O‘zbekiston Respublikasi Moliya vazirligi va Davlat soliq qo‘mitasining 2008-yil 21-yanvardagi 2, 2008-04-sonli “O‘zbekiston Respublikasi Moliya vazirligi va Davlat soliq qo‘mitasining ayrim normativ-huquqiy hujjatlarini o‘z kuchini yo‘qotgan deb topish to‘g‘risida”gi
qarori
(ro‘yxat raqami 1761, 21.01.2008-y.) bilan o‘z kuchini yo‘qotgan.
O‘zbekiston Respublikasi Moliya vazirligi va Davlat soliq qo‘mitasi O‘zbekiston Respublikasining Soliq
kodeksiga
, shuningdek, “Davlat soliq xizmati to‘g‘risida”gi O‘zbekiston Respublikasi Qonunining
7-moddasiga
muvofiq quyidagilarni tushuntiradi.
1999-yilning 1-yanvaridan boshlab budjetga to‘lanishi kerak bo‘lgan qo‘shilgan qiymat solig‘i soliq solinadigan oborotlar bo‘yicha hisoblangan soliq summasi bilan hisobot davri mobaynida haqiqatda kelib tushgan, shu jumladan, nol stavkasi bo‘yicha oborotni qo‘shgan holda soliqqa tortiladigan oborot uchun foydalaniladigan import qilingan tovarlar (ishlar, xizmatlar) uchun olingan hisobvaraq-fakturalar bo‘yicha to‘lanishi lozim bo‘lgan soliq summasi o‘rtasidagi farq sifatida aniqlanadi.
Bunda, 1999-yilning 1-yanvaridagi holati bo‘yicha qoldiqlarda hisobga olingan moddiy resurslar (tovarlar, xizmatlar) bo‘yicha QQS summasi budjet bilan hisob-kitoblarga kiritiladi va 68-“Budjet bilan hisob-kitoblar” hisobvarag‘ining debetida, ushbu moddiy resurslarning ishlab chiqarish yoki muomala xarajatlari yuzasidan hisobdan chiqarishning borishiga qarab, 1999-yilning 1-yanvariga qadar amal qilgan stavkalar bo‘yicha “Qo‘shilgan qiymat solig‘i” ilova hisobvarag‘ida aks ettiriladi.
Vazir o‘rinbosari E.F. Gadoyev
Raisning birinchi o‘rinbosari. B.A. Xo‘jayev
(O‘zbekiston Respublikasi vazirliklari, davlat qo‘mitalari va idoralarining me’yoriy hujjatlari axborotnomasi, 1999-y., 3-son)