Ўзбекистон Республикаси Президентининг 2023 йил 21 декабрдаги «Маҳалла институтининг жамиятдаги ролини тубдан ошириш ва унинг аҳоли муаммоларини ҳал этишда биринчи бўғин сифатида ишлашини таъминлашга қаратилган чора-тадбирлар тўғрисида»ги 209-сонли фармони, 2023 йил 21 декабрдаги «Ўзбекистон маҳаллалари уюшмаси фаолиятини йўлга қўйиш ва маҳаллаларда бошқарув тизимини такомиллаштиришга оид қўшимча чора-тадбирлар тўғрисида»ги 402-сонли қарори ҳамда Вазирлар Маҳкамасининг «Шаҳарлар, шаҳарчалар, қишлоқлар ва овулларнинг маҳаллаларини тузиш, бирлаштириш, бўлиш ва тугатиш, шунингдек, уларнинг чегараларини белгилаш ва ўзгартириш, уларга ном бериш ва уларнинг номини ўзгартириш тартиби тўғрисидаги низомни тасдиқлаш ҳақида» 2014 йил 4 мартдаги 48-сонли қарорига ўзгартириш ва қўшимчалар киритиш тўғрисида»ги 2024 йил 20 майдаги 294-сонли қарори, вилоят ҳокимининг 2025 йил 20 мартдаги 01-02/171-сонли вилояти ҳокимлиги ҳузуридаги Маҳаллаларни тузиш, бирлаштириш, бўлиш ва тугатиш, шунингдек, уларнинг чегараларини белгилаш ва ўзгартириш масалалари бўйича идоралараро доимий комиссиясининг баённомаси, Вилоят ҳокимлиги ҳузуридаги Маҳаллаларни тузиш, бирлаштириш, бўлиш ва тугатиш, шунингдек, уларнинг чегараларини белгилаш ва ўзгартириш масалалари бўйича идоралараро доимий комиссиянинг 2025 йил 19 июндаги хулосаси, халқ депутатлари Навоий вилоят Кенгашининг 2025 йил 9 июлдаги VII-14-83-5-0-К/25-сонли қарори, Кадастр агентлигининг давлат кадастрлари палатаси Навоий вилояти бошқармасининг 2026 йил 15 майдаги 01-20/4016-сонли хати, вилоят адлия бошқармасининг 2026 йил 13 июлдаги 1329-сонли хулосаси, Навоий шаҳар, Кармана, Навбаҳор ва Конимех, Нурота туманлари ҳокимлиги хатлари, халқ депутатлари вилоят Кенгашининг маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссиясининг 2026 йил 11 июндаги ДКҚ 03-01/70-26-сонли қарори, бошқа тегишли ҳужжатларни кўриб чиқиб, билдирилган таклиф, фикр-мулоҳазаларни инобатга олиб, «Маҳаллий давлат ҳокимияти тўғрисида»ги Ўзбекистон Республикаси Қонунининг 24-моддасига мувофиқ, халқ депутатлари вилоят Кенгаши, қарор қилади:

1. Давлат кадастрлари палатаси вилоят бошқармаси бошлиғи ўринбосари Ж.Олимов вилоятдаги айрим маҳалла фуқаролар йиғинлари ҳудудининг чегараларини белгилаш ва ўзгартириш тўғрисидаги ахбороти маълумот учун қабул қилинсин.

2. Вилоят ҳокимлиги ҳузуридаги Маҳаллаларни тузиш, бирлаштириш, бўлиш ва тугатиш, шунингдек, уларнинг чегараларини белгилаш ва ўзгартириш масалалари бўйича идоралараро доимий комиссияси томонидан Навоий шаҳри, Кармана, Конимех, Қизилтепа, Нурота, Навбаҳор туманларидаги жами 20 та маҳалла фуқаролар йиғинларининг чегаралари бўйича киритилган таклифлар қаноатлантирисин.

3. Қуйидагилар:

Навоий шаҳридаги «Зарафшон», «Ўзбекистон», «Хумо» «Олтин Водий», «Матонат», «Турон», «Мустақиллик» маҳалла фуқаролар йиғинларининг чегараларини белгилаш тавсифи ва чегаларини белгилаш тархи 1-7-иловаларга;

Карманатуманидаги «Мирсаид Баҳром», «Каловот», «Сардоба», «Талқоқ» маҳалла фуқаролар йиғинларининг чегараларини белгилаш тавсифи ва чегаларини белгилаш тархи 8-11-иловаларга;

Конимех туманидаги «Тўққизтепа», «Бирлик» маҳалла фуқаролар йиғинларининг чегараларини белгилаш тавсифи ва чегаларини белгилаш тархи 12-13-иловаларга;

Нурота туманидаги «Сайдато», «Алишер Навоий», «Оқмачит» маҳалла фуқаролар йиғинларининг чегараларини белгилаш тавсифи ва чегаларини белгилаш тархи 14-16-иловаларга;

Қизилтепа туманидаги «Консурун», «Фурқат», «Ғойибон», «Суфиён», «Зарметан» маҳалла фуқаролар йиғинларининг чегараларини белгилаш тавсифи ва чегаларини белгилаш тархи 17-21-иловаларга;

Навбаҳор туманидаги «Армижон», «Хашман», «Қалқонота» маҳалла фуқаролар йиғинларининг чегараларини белгилаш тавсифи ва чегаларини белгилаш тархи 22-24-иловаларга мувофиқ тасдиқлансин.

4. Давлат кадастлари палатасининг вилоят бошқармаси (Э.Зайниддинов) тегишли туман ва шаҳар ҳокимликлари билан биргаликда мазкур қарордан келиб чиқиб, чегаралари белгиланаётган МФЙлар бўйича тегишли ҳужжатларни белгиланган тартибда расмийлаштириш чораларини кўриш.

5. Вилоят ҳокимининг матбуот котиби – ахборот сиёсати масалалари бўйича маслаҳатчиси (Ш.Раубаева), вилоят телерадиокомпанияси (А.Мукимов), «Дўстлик байроғи» ва «Знамя дружбы» газеталари таҳририяти давлат корхонаси (Б.Умаров)га олиб борилаётган ишларни доимий равишда оммавий ахборот воситаларида кенг ёритиб бориш тавсия этилсин.

6. Ушбу қарор расмий эълон қилингандан бошлаб, 15 кундан сўнг кучга киради.

7. Мазкур қарорнинг ижросини таъминлаш вилоят ҳокимининг ўринбосарлари (Р.Сулаймонов, Ж.Ходжаев, А.Ниёзов), назорат қилиш халқ депутатлари вилоят Кенгашининг маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссияси (Н.Исоқов) зиммаларига юклатилсин.