Vazirlar Mahkamasi qayd etadiki, spirt, alkogolli mahsulotlar va aksiz solig‘i solinadigan tovarlarning boshqa turlarini ishlab chiqarish va sotishni tartibga solish yuzasidan ko‘rilayotgan chora-tadbirlarga qaramasdan jiddiy nuqsonlar va kamchiliklar mavjud. O‘tkazilgan tekshirishlar spirt, alkogolli mahsulotlarni yashirin ishlab chiqarish, ularning noqonuniy aylanishi holatlariga barham berilmaganligini ko‘rsatmoqda. Ishlab chiqarilayotgan va sotilayotgan mahsulotning sifati belgilangan texnik shartlar va standartlarga muvofiq emas. Alkogolli mahsulotlar va aksiz solig‘i solinadigan boshqa mahsulotlar savdo qoidalari qo‘pol ravishda buzilgan holda sotilmoqda.
Moliya vazirligi, “O‘zmevasabzavotuzumsanoat-xolding” xolding kompaniyasi etil spirti va alkogolli mahsulotlar ishlab chiqarayotgan korxonalar faoliyati ustidan zarur nazoratni ta’minlamayapti, buning natijasida hisobga olinmagan mahsulot ishlab chiqarish va sotishning, budjet va budjetdan tashqari jamg‘armalarga mablag‘larning tegishli ravishda to‘liq tushmasligining ko‘plab holatlari aniqlandi.
Spirt va alkogolli mahsulotlarning respublikaga kontrabanda yo‘li bilan olib kelinishi va sotilishiga barham berish yuzasidan O‘zbekiston Respublikasi Davlat soliq qo‘mitasi, Davlat bojxona qo‘mitasi va O‘zbekiston Respublikasi Bosh prokuraturasi huzuridagi Soliq va valyutaga oid jinoyatlarga qarshi kurashish departamenti tomonidan nihoyatda qoniqarsiz ish olib borilmoqda.
Bularning barchasi davlatning manfaatlariga sezilarli iqtisodiy zarar yetkazmoqda, kishilarning salomatligini xavf ostiga qo‘ymoqda, iste’molchilarning huquqlarini kamsitmoqda.
Iste’molchilarning huquqlari himoya qilinishini kuchaytirish, alkogolli mahsulotlar noqonuniy ishlab chiqarilishi, sifatsiz va kontrabanda yo‘li bilan olib kelingan alkogolli mahsulotlar sotilishiga yo‘l qo‘yilmasligi uchun nazoratni kuchaytirish, budjetga daromadlar to‘liq tushushini ta’minlash va o‘zaro hisob-kitoblarni tartibga solish maqsadida Vazirlar Mahkamasi qaror qiladi:
1. Moliya vaziri (Nurmurodov), Davlat soliq qo‘mitasi raisi (Sayfiddinov), Davlat bojxona qo‘mitasi raisi (Parpiyev), “O‘zmevasabzavotuzumsanoat-xolding” xolding kompaniyasi raisiga (Ayupov) spirt va alkogolli mahsulotlar noqonuniy ishlab chiqarilishi, kontrabanda yo‘li bilan olib kelinishi, sifatsiz mahsulot sotilishiga yo‘l qo‘yilmasligi, alkogolli mahsulotlar aylanishidan soliq to‘lovlari to‘liq va o‘z vaqtida tushishi uchun shaxsan javobgar ekanliklari qat’iy ko‘rsatib o‘tilsin.
O‘zbekiston Respublikasi Moliya vazirligi, Davlat soliq qo‘mitasi, Davlat bojxona qo‘mitasi ikki hafta muddatda Vazirlar Mahkamasiga spirt va alkogolli mahsulotlar ishlab chiqarilishi, sotilishi va aylanishi ustidan qattiq nazoratni ta’minlash, birinchi navbatda, bunga bevosita aloqador bo‘lgan barcha tuzilmalarning javobgarligini kuchaytirish chora-tadbirlari to‘g‘risida takliflar kiritsinlar, bunda ko‘rsatib o‘tilgan mahsulot davlat monopoliyasi obyekti ekanligi nazarda tutilsin.
2. Vazirlar Mahkamasining etil spirti va alkogolli mahsulotlar ishlab chiqarish faoliyatini litsenziyalash komissiyasi 1-ilovaga muvofiq tarkibda tashkil etilsin.
Keyingi tahrirga qarang.
Komissiya (K.S. Ismoilov) 10 kun muddatda Komissiya to‘g‘risidagi nizomni ishlab chiqsin va tasdiqlasin.
O‘zbekiston Respublikasi Moliya vazirligi, Iqtisodiyot vazirligi manfaatdor tuzilmalar bilan birgalikda yangi kalendar yilga Davlat budjeti loyihasini tayyorlashda joriy yilning 1-noyabridan kechikmay etil spirti va alkogolli mahsulotlar ishlab chiqarish va ulardan foydalanish balansini ishlab chiqadi va tasdiqlash uchun Vazirlar Mahkamasiga kiritadi;
etil spirti va alkogolli mahsulotlar ishlab chiqarish faoliyatini huquqi uchun arizalarni ko‘rib chiqish va litsenziya berishda Vazirlar Mahkamasining ko‘rsatib o‘tilgan Komissiyasi etil spirti va alkogolli mahsulotlar ishlab chiqarish va ulardan foydalanishning har yili tasdiqlanadigan balansi parametrlariga qat’iy amal qilishga majburdir;
etil spirti va alkogolli mahsulotlar ishlab chiqarish faoliyatini amalga oshirish huquqi uchun litsenziya ishlab chiqarilayotgan mahsulotning har bir turiga, ularni ishlab chiqarishning aniq hajmi ko‘rsatilgan holda alohida beriladi;
faoliyatning ayrim turlarini litsenziyalash to‘g‘risidagi qonun hujjatlari buzilganda, shuningdek etil spirti va alkogolli mahsulotlar ishlab chiqarish darajasi litsenziyada ko‘rsatilgan hajmlarda ta’minlanmaganda, uch oy va undan ko‘p oy mobaynida budjetga va budjetdan tashqari jamg‘armalarga to‘lovlar bo‘yicha muddatida to‘lanmagan qarzlar mavjud bo‘lganda, sifatsiz spirt va alkogolli mahsulotlar ishlab chiqarilishi va sotilishi aniqlanganda litsenziyaning amal qilishi belgilangan tartibda to‘xtatiladi.
Keyingi tahrirga qarang.
4. Etil spirti va alkogolli mahsulotlar ishlab chiqarish faoliyatini litsenziyalash to‘g‘risidagi nizom 2-ilovaga muvofiq tasdiqlansin.
Keyingi tahrirga qarang.
5. Vazirlar Mahkamasining etil spirti va alkogolli mahsulotlar ishlab chiqarish faoliyatini litsenziyalash komissiyasi 2004-yil 1-martgacha O‘zbekiston Respublikasi Iqtisodiyot vazirligi, Moliya vazirligi, “O‘zstandart” agentligi bilan birgalikda spirt va alkogolli mahsulotlar ishlab chiqaruvchi korxonalar faoliyatini tanqidiy o‘rganib chiqsin va mazkur qaror bilan tasdiqlangan Nizom talablariga muvofiq etil spirti va alkogolli mahsulotlar ishlab chiqarish faoliyatini amalga oshirish huquqini beruvchi litsenziyalarni qayta rasmiylashtirsin.
Belgilansinki, 2004-yil 1-martgacha litsenziyalarni qayta rasmiylashtirmagan korxonalarning ilgari berilgan litsenziyalari bekor qilinadi hamda ular etil spirti va alkogolli mahsulotlar ishlab chiqarish bilan shug‘ullanish huquqiga ega bo‘lmaydi.
6. O‘zbekiston Respublikasi Davlat bojxona qo‘mitasi, Davlat soliq qo‘mitasi, O‘zbekiston Respublikasi Bosh prokuraturasi huzuridagi Soliq va valyutaga oid jinoyatlarga qarshi kurashish departamenti spirt va alkogolli mahsulotlar noqonuniy ishlab chiqarilishi, kontrabanda yo‘li bilan olib kelinishi va sotilishi ustidan qattiq nazorat o‘rnatsinlar hamda ularni aniqlash bo‘yicha amaliy chora-tadbirlar ko‘rsinlar. Amalga oshirilayotgan ishlarning natijalari to‘g‘risida yilning har choragida Vazirlar Mahkamasiga axborot berilsin.
Keyingi tahrirga qarang.
7. “O‘zstandart” agentligi tegishli idoralar va tashkilotlar bilan birgalikda bir oy muddatda respublikada yetishtirilayotgan bug‘doyning navlari va klasslaridan kelib chiqib xomashyo sarfining va etil spirti chiqishining yagona normalarini ishlab chiqsin va tasdiqlasin.
8. 2004-yil 1-yanvardan boshlab alkogolli mahsulotlar ishlab chiqaruvchi 3-ilovaga muvofiq korxonalarda O‘zbekiston Respublikasi Moliya vazirligining moliya inspektorlari lavozimi joriy etilsin.
Keyingi tahrirga qarang.
O‘zbekiston Respublikasi Moliya vazirligi etil spirti va alkogolli mahsulotlar ishlab chiqaruvchi korxonalarga biriktirilgan moliya inspektorlari faoliyati ustidan nazoratni kuchaytirsin va 2004-yil 10-fevralgacha ularni attestatsiyadan o‘tkazsin.
10. O‘zbekiston Respublikasi Iqtisodiyot vazirligi, Moliya vazirligi, Davlat soliq qo‘mitasi, “O‘zstandart” agentligi, “O‘zmevasabzavotuzumsanoat-xolding” xolding kompaniyasi va “O‘zspirtsanoat” aksiyadorlik kompaniyasi ikki hafta muddatda etil spirti va alkogolli mahsulotlar ishlab chiqaruvchi korxonalar pasporti shaklini ishlab chiqsinlar va tasdiqlash uchun Etil spirti va alkogolli mahsulotlar ishlab chiqarish faoliyatini litsenziyalash komissiyasiga kiritsinlar.
11. O‘zbekiston Respublikasi Hukumatining 5-ilovaga muvofiq ayrim qarorlari o‘z kuchini yo‘qotgan deb hisoblansin va ba’zilariga o‘zgartirish va qo‘shimchalar kiritilsin.
O‘zbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda:
O‘zbekiston Respublikasi Vazirlar Mahkamasiga Hukumat qarorlariga mazkur qarorga muvofiq o‘zgartirish va qo‘shimchalar to‘g‘risida takliflar kiritsin;
12. Mazkur qarorning bajarilishini nazorat qilish O‘zbekiston Respublikasi Prezidentining Davlat maslahatchisi T.A. Xudaybergenov va O‘zbekiston Respublikasi Bosh vazirining o‘rinbosarlari R.S. Azimov va M.Z. Usmonov zimmasiga yuklansin.
Ismoilov K.S. | — | O‘zbekiston Respublikasi Prezidenti Davlat maslahatchisining o‘rinbosari, komissiya raisi |
Usmonov M.Z. | — | O‘zbekiston Respublikasi Bosh vazirining o‘rinbosari |
Nurmurodov M.B. | — | Moliya vaziri |
Sayfitdinov J.B. | — | Davlat soliq qo‘mitasi raisi |
Parpiyev B.R. | — | Davlat bojxona qo‘mitasi raisi |
Saidova G.K. | — | Iqtisodiyot vazirining birinchi o‘rinbosari |
Bo‘riyev R.A. | — | “O‘zstandart” agentligining bosh direktori |
Ayupov A.M. | — | “O‘zmevasabzavotuzumsanoat-xolding” xolding kompaniyasi raisi |
lavozimiga ko‘ra | — | “O‘zspirtsanoat” aksiyadorlik kompaniyasi raisi |
Yoqubov Z. | — | “O‘zmevasabzavotuzumsanoat-xolding” xolding kompaniyasining maxsus inspektorlik bo‘limi boshlig‘i |
Obidov M.X. | — | Vazirlar Mahkamasining bosh mutaxassisi, komissiyaning mas’ul kotibi |
Keyingi tahrirga qarang.
1. Ushbu Nizom etil spirti va alkogolli mahsulotlar ishlab chiqarish faoliyatini litsenziyalash tartibini belgilaydi.
a) oziq-ovqat spirti, tozalangan spirt, shu jumladan uzum va meva-rezavor mevadan tayyorlangan spirt;
g) uzum va meva-rezavor mevadan tayyorlangan vinomateriallar (tozalangan va tozalanmagan), shuningdek g‘alladan tayyorlangan yarim tayyor spirtli mahsulotlar;
k) vino ichimliklari: o‘tkirligi 4 hajmli foizdan 8 hajmli foizgacha bo‘lgan past darajali ichimliklar, o‘tkirligi 9 hajmli foizdan 28 hajmli foizgacha bo‘lgan o‘tkir ichimliklarni sanoat asosida ishlab chiqarish faoliyati litsenziyalanadi.
3. Etil spirti va alkogolli mahsulotlar ishlab chiqarish faoliyati faqat yuridik shaxslar tomonidan amalga oshiriladi.
4. Etil spirti va alkogolli mahsulotlar ishlab chiqarish faoliyatini amalga oshirish huquqiga namunaviy (oddiy) litsenziyalar beriladi.
Litsenziya mazkur Nizomning 2-bandida ko‘rsatilgan har bir mahsulot turini ishlab chiqarishga alohida beriladi.
5. Etil spirti va alkogolli mahsulotlar ishlab chiqarish faoliyatini amalga oshirish huquqiga litsenziya 5 yil muddatga beriladi. Litsenziya 5 yildan kam muddatga faqat litsenziya talabgorining arizasiga ko‘ra berilishi mumkin.
6. Litsenziyalarni berish va bekor qilish, ularning amal qilishini to‘xtatish, to‘xtatib turish va uzaytirish to‘g‘risidagi qarorlar Vazirlar Mahkamasining etil spirti va alkogolli mahsulotlar ishlab chiqarish faoliyatini litsenziyalash komissiyasi (keyingi o‘rinlarda Komissiya deb ataladi) tomonidan qabul qilinadi.
Hujjatlarni qabul qilish, ular yuzasidan ekspert xulosasi va Komissiya qarorlarlari loyihalarini tayyorlash, litsenziyalarni rasmiylashtirish, qayta rasmiylashtirish va berish, litsenziyalar reyestrini yuritish, litsenziya bitimini tuzish va uning bajarilishini nazorat qilish uchun Komissiya huzurida “O‘zstandart” agentligi huzuridagi Alkogolli mahsulotlar sifati bo‘yicha davlat inspeksiyasi, Moliya vazirligi, Davlat soliq qo‘mitasi, Iqtisodiyot vazirligi, “O‘zmevasabzavotuzumsanoat-xolding” xolding kompaniyasi, “O‘zspirtsanoat” aksiyadorlik kompaniyasi hamda davlat va xo‘jalik boshqaruvi boshqa organlari mutaxassislaridan ishchi guruh (keyingi o‘rinlarda ishchi guruh deb ataladi) tuziladi. Ishchi guruh faoliyatiga Komissiyaning mas’ul kotibi rahbarlik qiladi. Ishchi guruhning shaxsiy tarkibi Komissiya tomonidan tasdiqlanadi.
7. Etil spirti va alkogolli mahsulotlar ishlab chiqarish faoliyatini amalga oshirishdagi litsenziya talablariga quyidagilar kiradi:
etil spirti va alkogolli mahsulotlar ishlab chiqarish sohasidagi qonun hujjatlariga majburiy rioya etish;
ishlab chiqarish xavfsizligini, texnika xavfsizligini, yong‘in xavfsizligi, ishlab chiqarish sanitariyasi va ekologiya talablari va normalarini ta’minlash;
litsenziyalanadigan faoliyatni amalga oshirish uchun amaldagi qonun hujjatlarida nazarda tutilgan zarur guvohnomalar, sertifikatlar va boshqa hujjatlarning mavjud bo‘lishi;
mahsulotning har bir turi bo‘yicha standartlar talablariga muvofiq ishlab chiqilgan, “O‘zmevasabzavotuzumsanoat-xolding” xolding kompaniyasi yoki “O‘zspirtsanoat” aksiyadorlik kompaniyasi tomonidan tasdiqlangan texnologiya yo‘riqnomalarining mavjud bo‘lishi;
spirt va alkogolli mahsulotlar ishlab chiqarish sohasida tegishli malakaga ega bo‘lgan kamida ikki mutaxassisning mavjud bo‘lishi;
moddiy-texnika bazasi va texnologiya asbob-uskunalarining belgilangan normativ-texnik talablarga muvofiq bo‘lishi;
8. Litsenziya berishda va uning amal qilish muddatini uzaytirishda, shuningdek spirt va alkogolli mahsulotlar ishlab chiqarishga davlat monopoliyasini belgilovchi hamda mazkur Nizomning III bo‘limida nazarda tutilgan shartlar ham hisobga olinadi.
9. Ilgari tegishli mahsulot turini ishlab chiqarishga litsenziya olmagan litsenziya talabgorlariga litsenziya berish quyidagi shartlarni hisobga olgan holda amalga oshiriladi:
a) yangi kalendar yil uchun Davlat budjeti loyihasini tayyorlashda O‘zbekiston Respublikasi Iqtisodiyot vazirligi, Moliya vazirligi tomonidan manfaatdor tuzilmalar bilan birgalikda har yili ishlab chiqiladigan parametrlarga hamda Vazirlar Mahkamasi tomonidan tasdiqlanadigan etil spirti va alkogolli mahsulotlar ishlab chiqarish hamda ulardan foydalanish balanslariga qat’iy rioya qilishdan kelib chiqqan holda;
b) etil spirti va alkogolli mahsulotlar ishlab chiqarish bo‘yicha yangi ishlab chiqarish quvvatlarini qurish va ishga tushirish O‘zbekiston Respublikasi Iqtisodiyot vazirligi bilan kelishgan holda amalga oshiriladi, Vazirlik etil spirti va alkogolli mahsulotlar ishlab chiqarish hamda ulardan foydalanish balansidan kelib chiqqan holda etil spirti va alkogolli mahsulotlar ishlab chiqarish bo‘yicha taklif etilayotgan quvvatlarning iqtisodiy jihatdan maqsadga muvofiqligi to‘g‘risida xulosa beradi;
v) aroq, likyor-aroq mahsulotlari va vino litsenziya talabgori tomonidan litsenziya olishda ko‘rsatilgan, yillar bo‘yicha taqsimlangandan kam bo‘lmagan hajmda ishlab chiqariladi. Bunda ishlab chiqarish hajmi litsenziya talabgori tomonidan ishlab chiqarish quvvatidan, aroq va likyor-aroq mahsulotlari ishlab chiqaruvchi korxonalar uchun — absolyut alkogolga qayta hisoblaganda yiliga 20 ming dekalitr va undan ortiq, vino quyuvchi ixtisoslashtirilgan korxonalar uchun — yiliga 60 ming dekalitr va undan ortiq vino oborotidan kelib chiqqan holda ko‘rsatiladi;
g) texnologiya va texnologiya liniyalari, asbob-uskunalar, ishlab chiqarish laboratoriyasi va uning jihozlanishi, chiqarilayotgan mahsulot sifati davlat standartlari talablariga muvofiq bo‘lishi;
e) korxonalarning ishlab chiqarish laboratoriyalari zarur asbob-uskunalar, priborlar, kimyoviy reaktivlar bilan jihozlangan va davlat standartlarida nazarda tutilgan barcha zarur fizik-kimyoviy, mikrobiologik va boshqa ko‘rsatkichlarni analiz qilish imkonini beruvchi sinov usullariga doir normativ-texnik hujjatlar bilan ta’minlangan bo‘lishi kerak. Ishlab chiqarish laboratoriyalari “O‘zstandart” agentligi organlari tomonidan attestatsiyadan o‘tkazilgan bo‘lishi lozim.
10. Litsenziyaning amal qilish muddatini uzaytirishda mazkur Nizomning 9-bandida nazarda tutilgan shartlar bilan bir qatorda quyidagi shartlar ham hisobga olinadi:
a) ilgari berilgan litsenziyaning amal qilish davrida litsenziat tomonidan litsenziya talablari va shartlari, shu jumladan Nizomning ushbu bo‘limida nazarda tutilgan talablar va shartlar buzilmagan bo‘lishi kerak;
b) korxonalardagi mavjud ishlab chiqarish sexlari, uchastkalari va filiallari belgilangan talablarga muvofiq bo‘lishi, texnologiya yo‘riqnomalariga, davlat standartlariga va boshqa normativ hujjatlarga ega bo‘lishi kerak;
v) ishlab chiqarilayotgan mahsulot “O‘zstandart” agentligining akkreditatsiya qilingan organlari tomonidan berilgan muvofiqlik sertifikatiga ega bo‘lishi kerak;
g) alkogolli ichimliklar ishlab chiqarayotgan litsenziatlar mavjud ishlab chiqarish quvvatlaridan kamida 60 foiz foydalanilishini ta’minlashi kerak, ishlab chiqarish quvvatlari litsenziatga bog‘liq bo‘lmagan holatlarga ko‘ra foydalanilmagan hollar bundan mustasno;
d) chiqarilayotgan mahsulot namunalari har chorakda chiqarilayotgan mahsulotning standartlar talablariga muvofiqligi to‘g‘risida xulosa olish uchun “O‘zmevasabzavotuzumsanoat-xolding” xolding kompaniyasining Respublika markaziy degustatsiya komissiyasiga taqdim etilishi kerak;
e) litsenziatning ilgari berilgan litsenziyaning amal qilishi davrida budjetga va davlat maqsadli fondlariga to‘lovlar bo‘yicha qarzlari bo‘lmasligi kerak;
j) faoliyat davrida litsenziat ma’naviy va jismoniy eskirgan asbob-uskunalarni modernizatsiya qilingan yangi, chiqarilayotgan mahsulot sifatini yaxshilovchi asbob-uskunalarga bosqichma-bosqich almashtirilishini ta’minlagan bo‘lishi kerak.
litsenziya berish to‘g‘risidagi ariza, unda quyidagilar ko‘rsatiladi: yuridik shaxsning nomi va tashkiliy-huquqiy shakli, uning joylashgan joyi (pochta manzili), bank muassasasining nomi va bankdagi hisob raqami, litsenziyalanayotgan faoliyat turi (yoxud uning bir qismi) va ushbu faoliyat turi amalga oshiriladigan muddat;
yuridik shaxsning davlat ro‘yxatidan o‘tkazilganligi to‘g‘risidagi guvohnomaning notarial tasdiqlangan nusxasi;
O‘zbekiston Respublikasi Iqtisodiyot vazirligining etil spirti va alkogolli mahsulotlar ishlab chiqarish bo‘yicha taklif etilayotgan quvvatlarni foydalanishga topshirishning iqtisodiy jihatdan maqsadga muvofiqligi to‘g‘risidagi xulosasi;
belgilangan talablarga muvofiq ishlab chiqarish uchun zarur shart-sharoitlarning mavjudligi to‘g‘risida “O‘zstandart” agentligi (uning hududiy boshqarmalari)ning “O‘zmevasabzavotuzumsanoat-xolding” xolding kompaniyasi bilan birgalikda berilgan xulosasi;
litsenziya talabgorining arizasi ko‘rib chiqilganligi uchun litsenziya talabgorining yig‘imni to‘laganini tasdiqlovchi hujjat;
ishlab chiqarish laboratoriyasining “O‘zstandart” agentligi organlarida attestatsiyadan o‘tganligi to‘g‘risidagi guvohnomaning nusxasi;
sanitariya-epidemiologiya nazorati organlarining mahsulotning, ishlab chiqarish sharoitlari va asbob-uskunalarning sanitariya-gigiyena talablariga muvofiqligi to‘g‘risidagi xulosasi, shuningdek texnologiya asbob-uskunalarining gigiyena sertifikatlari nusxalari;
O‘zbekiston Respublikasi Mehnat va aholini ijtimoiy muhofaza qilish vazirligi hududiy organlarining ishlab chiqarishning mehnatni muhofaza qilish va texnika xavfsizligi talablariga muvofiqligi to‘g‘risidagi xulosasi;
yong‘in nazorati organlarining ishlab chiqarishning yong‘in xavfsizligi talablariga muvofiqligi to‘g‘risidagi xulosasi;
soliq organining budjetga va davlat maqsadli fondlariga to‘lovlar bo‘yicha qarzlar mavjud emasligi to‘g‘risidagi ma’lumotnomasi (litsenziyaning amal qilish muddati uzaytirilganda);
korxonaning Vazirlar Mahkamasining etil spirti va alkogolli mahsulotlar ishlab chiqarish faoliyatini litsenziyalash komissiyasi tomonidan belgilanadigan shakl bo‘yicha pasporti.
12. Litsenziya talabgoridan ushbu Nizomda nazarda tutilmagan hujjatlarni taqdim etishni talab qilishga yo‘l qo‘yilmaydi.
13. Hujjatlar litsenziyalovchi organga litsenziya talabgori tomonidan bevosita yoxud ularning olinganligi to‘g‘risidagi bildirishnoma bilan pochta aloqa vositasi orqali yetkazib beriladi.
Hujjatlar ishchi guruh rahbari tomonidan ro‘yxat bo‘yicha qabul qilinadi, ro‘yxatning nusxasi hujjatlar qabul qilib olingan sana to‘g‘risida belgi qo‘yilgan holda ariza beruvchiga yuboriladi (topshiriladi).
14. Ishonchli bo‘lmagan yoki buzilgan ma’lumotlar taqdim etilganligi uchun litsenziya talabgori qonun hujjatlariga muvofiq javob beradi.
15. Litsenziya talabgorining arizasi ko‘rib chiqilganligi uchun O‘zbekiston Respublikasi qonun hujjatlarida belgilangan eng kam oylik ish haqining besh baravari miqdorida yig‘im undiriladi.
Arizani ko‘rib chiqqanlik uchun yig‘im summasi litsenziyalovchi organning maxsus hisob raqamiga o‘tkaziladi. Litsenziya talabgori berilgan arizadan voz kechgan taqdirda to‘langan yig‘im qaytarilmaydi.
16. Etil spirti va alkogolli mahsulotlar ishlab chiqarish faoliyatini litsenziyalash mazkur Nizomga ilova qilinayotgan sxemaga muvofiq amalga oshiriladi.
Litsenziya talabgoriga litsenziya berish yoki litsenziya berishni rad etish to‘g‘risidagi qaror litsenziya talabgorining arizasi olingan kundan boshlab o‘ttiz kundan ortiq bo‘lmagan muddatda qabul qilinadi.
Ishchi guruh ariza olingan kundan boshlab o‘n besh kundan ortiq bo‘lmagan muddatda hujjatlarni ko‘rib chiqadi va ular yuzasidan ekspert xulosasi tayyorlaydi hamda litsenziya talabgoriga litsenziya berish yoki litsenziya berishni rad etish to‘g‘risidagi taklifni Komissiyaga tegishli qaror protokoli loyihasi bilan birga taqdim etadi. Bunda ishchi guruh zaruriyat bo‘lganda, joylarga borib yoki davlat tegishli organlari mutaxassislarini jalb etib ishlab chiqarish shart-sharoitlarining ko‘rib chiqish uchun taqdim etilgan hujjatlarga muvofiqligini tekshirishga haqlidir.
Komissiya ishchi guruhning taklifi olingan kundan keyin o‘n besh kundan ortiq bo‘lmagan muddatda uni ko‘rib chiqadi va qabul qilingan qaror protokolini tasdiqlaydi. Komissiya tomonidan qabul qilingan qaror protokoli Komissiya raisi tomonidan imzolanadi. Zarur hollarda Komissiya qarori so‘rov yo‘li bilan qabul qilinishi mumkin.
17. Ko‘rsatib o‘tilgan Komissiya etil spirti va alkogolli mahsulotlar ishlab chiqarish faoliyatini amalga oshirish huquqi uchun litsenziya berish to‘g‘risidagi arizani ko‘rib chiqish hamda litsenziya berishda etil spirti va alkogolli mahsulotlar ishlab chiqarish va ulardan foydalanish balansining har yili tasdiqlanadigan parametrlariga qat’iy amal qilishi shart.
18. Ishchi guruh litsenziya talabgorini qabul qilingan qaror to‘g‘risida tegishli qaror qabul qilingandan keyin uch kun mobaynida xabardor qiladi.
Litsenziya berishga qaror qilinganligi to‘g‘risidagi bildirishnoma litsenziya talabgoriga bank hisob raqami rekvizitlari, davlat boji to‘lash muddati ko‘rsatilgan holda yozma shaklda yuboriladi (topshiriladi).
Litsenziya berish haqida qaror qilingani to‘g‘risidagi bildirishnoma bilan bir vaqtda litsenziya talabgoriga imzolash uchun litsenziya shartnomasi yuboriladi.
Litsenziya bitimi litsenziyalovchi organ va litsenziat o‘rtasida tuziladi, unda quyidagilar bo‘lishi kerak:
litsenziat tomonidan litsenziya bitimi talablari va shartlari bajarilishini ishchi guruh tomonidan nazorat qilish tartibi;
Litsenziya bitimi ikki nusxada — litsenziat va litsenziyalovchi organ uchun bir nusxadan tuziladi. Litsenziya bitimini litsenziyalovchi organ nomidan ishchi guruh rahbari imzolaydi.
19. Litsenziyalar ishchi guruh tomonidan belgilangan namunadagi blankalarda rasmiylashtiriladi va Komissiya raisi tomonidan imzolanadi.
Litsenziya blankalari qat’iy hisobda turadigan hujjatlar hisoblanadi, hisobga olish seriyasiga, tartib raqamiga va himoyalanganlik darajasiga ega bo‘ladi.
Litsenziya blankalarini tayyorlash, ularni hisobga olish, saqlash va rasmiylashtirish O‘zbekiston Respublikasi Vazirlar Mahkamasining 2001-yil 2-maydagi 200-son qaroriga muvofiq amalga oshiriladi.
20. Litsenziya litsenziya talabgori tomonidan davlat boji to‘langanini tasdiqlovchi hujjat taqdim etilgandan va u litsenziya bitimini imzolagandan keyin uch kun muddatda beriladi.
21. Agar litsenziat litsenziya berish to‘g‘risida qaror qabul qilinganligi haqidagi bildirishnoma yuborilgan (topshirilgan) vaqtdan boshlab uch oy mobaynida litsenziyalovchi organga litsenziya berilganligi uchun davlat boji to‘langanligini tasdiqlovchi hujjatni taqdim etmasa yoxud litsenziya bitimini imzolamasa, Komissiya litsenziyani bekor qilish to‘g‘risida qaror qabul qilishga haqlidir.
22. Litsenziya berish “Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 17-moddasida nazarda tutilgan asoslar bo‘yicha rad etilishi mumkin.
Litsenziya talabgori litsenziya berishni rad etish to‘g‘risidagi qaror, shuningdek ishchi guruhning mansabdor shaxsi xatti-harakatlari (harakatsizligi) yuzasidan qonun hujjatlarida belgilangan tartibda shikoyat qilish huquqiga egadir.
23. Litsenziya berishni rad etish to‘g‘risida qaror qabul qilingan taqdirda rad etish to‘g‘risidagi bildirishnoma litsenziya talabgoriga rad etishning aniq sabablari va litsenziya talabgori ko‘rsatib o‘tilgan sabablarni bartaraf etib hujjatlarni takroran ko‘rib chiqishga taqdim etishi uchun yetarli bo‘lgan muddat ko‘rsatilgan holda yozma shaklda yuboriladi (topshiriladi).
24. Litsenziya berishni rad etish uchun asos bo‘lgan sabablar litsenziya talabgori tomonidan bartaraf etilgan taqdirda, hujjatlarni takroran ko‘rib chiqish litsenziya talabgorining arizasi barcha zarur hujjatlar bilan birgalikda olingan kundan boshlab o‘n kundan ortiq bo‘lmagan muddatda amalga oshiriladi.
Bunda ishchi guruh hujjatlar qayta taqdim etilgandan keyin uch kun mobaynida ular yuzasidan Komissiya majlisida ko‘rib chiqish uchun ekspert xulosasi tayyorlaydi.
Komissiya ishchi guruhning taklifi olingandan keyin yetti kun muddatda uni ko‘rib chiqadi va qabul qilingan qaror protokolini tasdiqlaydi. Komissiya tomonidan qabul qilingan qaror protokoli Komissiya raisi tomonidan imzolanadi.
Litsenziya berish rad etilganligi to‘g‘risidagi bildirishnomada ko‘rsatilgan muddat o‘tgandan keyin berilgan ariza yangidan berilgan ariza hisoblanadi.
25. Litsenziat qayta tashkil etilgan, uning nomi yoki joylashgan joyi (pochta manzili) o‘zgargan taqdirda, litsenziat yoki uning huquqiy vorisi qayta ro‘yxatdan o‘tkazilgandan keyin bir hafta muddatda litsenziyalovchi organga ko‘rsatib o‘tilgan ma’lumotlarni tasdiqlovchi tegishli hujjatlar ilova qilingan holda litsenziyani qayta rasmiylashtirish to‘g‘risida ariza berishi shart.
26. Litsenziat litsenziya qayta rasmiylashtirilgunga qadar unda ko‘rsatilgan faoliyatni ilgari berilgan litsenziya asosida amalga oshiradi.
27. Litsenziyani qayta rasmiylashtirishda ishchi guruh litsenziyalar reyestriga tegishli o‘zgartirishlar kiritadi. Litsenziyani qayta rasmiylashtirish ishchi guruh tomonidan tegishli hujjatlar ilova qilingan holda litsenziyani qayta rasmiylashtirish to‘g‘risida ariza olingan kundan boshlab besh kun mobaynida amalga oshiriladi.
Litsenziyalarni qayta rasmiylashtirishda litsenziya talabgorining litsenziya berish to‘g‘risidagi arizasi ko‘rib chiqilganligi uchun to‘lanadigan summaning yarmi miqdorida yig‘im undiriladi. Yig‘im summasi litsenziyalovchi organning bankdagi hisob maxsus raqamiga o‘tkaziladi.
28. Litsenziyaning amal qilish muddatini uzaytirish litsenziatning arizasiga ko‘ra amalga oshiriladi.
Litsenziyaning amal qilish muddatini uzaytirish to‘g‘risidagi ariza litsenziyalovchi organga litsenziyaning amal qilish muddati o‘tgunga qadar ikki oydan kechikmay berilishi kerak.
Litsenziyaning amal qilish muddatini uzaytirish yoki uzaytirishni rad etish to‘g‘risidagi qaror litsenziya berish uchun nazarda tutilgan tartibda qabul qilinadi.
29. Amal qilish muddati o‘tmagan yo‘qolgan yoki yaroqsiz holga kelgan litsenziya o‘rniga litsenziatning arizasiga ko‘ra dublikat berilishi mumkin. Bunda litsenziat ommaviy axborot vositalarida yo‘qolgan litsenziyaning haqiqiy emasligi to‘g‘risida xabar berishi, shuningdek xabarni litsenziyalovchi organga taqdim etishi kerak.
Litsenziya dublikatini berishda litsenziya talabgorining litsenziya berish to‘g‘risidagi arizasi ko‘rib chiqilganligi uchun to‘lanadigan summaning yarmi miqdorida yig‘im undiriladi. Yig‘im summasi litsenziyalovchi organning maxsus hisob raqamiga o‘tkaziladi.
30. Litsenziat tomonidan litsenziya talablari va shartlariga rioya etilishi ustidan nazorat ishchi guruh tomonidan, qonun hujjatlarida belgilangan tartibda amalga oshiriladi.
31. Litsenziya talablari va shartlariga rioya etilishi ustidan nazoratni amalga oshirishda ishchi guruh o‘z vakolatlari doirasida:
litsenziat tomonidan litsenziya talablari va shartlariga rioya etilishini qonun hujjatlarida belgilangan tartibda rejali tekshirish;
litsenziya talablari va shartlari litsenziat tomonidan buzilganligidan dalolat beruvchi hollar mavjud bo‘lgan taqdirda litsenziatning ularga rioya etishini qonunda belgilangan tartibda rejadan tashqari tekshirish;
litsenziya talablari va shartlariga rioya etilishini tekshirish chog‘ida paydo bo‘ladigan masalalar yuzasidan litsenziatdan zarur axborotni so‘rash va olish;
tekshirishlar natijalari asosida, litsenziat tomonidan litsenziya talablari va shartlarining aniq buzilishlarini ko‘rsatgan holda dalolatnomalar (ma’lumotnomalar) tuzish;
litsenziatga aniqlangan buzilishlarni bartaraf etish majburiyatini yuklovchi qarorlar chiqarish, bunday buzilishlarni bartaraf etish muddatlarini belgilash;
litsenziyaning amal qilishini to‘xtatib turish, to‘xtatish yoki litsenziyani bekor qilish to‘g‘risida Komissiyaga ko‘rib chiqish uchun taklif kiritish;
xo‘jalik yurituvchi subyektlar tomonidan etil spirti va alkogolli mahsulotlar ishlab chiqarish faoliyatini litsenziyasiz amalga oshirishning aniqlangan hollari to‘g‘risidagi materiallarni qonun hujjatlarida nazarda tutilgan choralar ko‘rish uchun belgilangan tartibda soliq organlariga yuborish huquqiga ega.
32. Litsenziya talablari va shartlariga rioya etilishini tekshirish chog‘ida ishchi guruh tomonidan ikki nusxada dalolatnoma tuziladi, uning bir nusxasi litsenziatga beriladi, ikkinchi nusxasi litsenziyalovchi organda qoladi.
Litsenziya talablari va shartlariga rioya etilishini tekshirish uchun Komissiya yoki ishchi guruh qaroriga binoan “O‘zstandart” agentligi huzuridagi Alkogolli mahsulotlar sifati bo‘yicha davlat inspeksiyasi inspektorlari va davlat boshqa organlari vakillari jalb etilishi mumkin.
33. Litsenziyaning amal qilishini to‘xtatib turish, to‘xtatish va litsenziyani bekor qilish “Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 22—24-moddalarida nazarda tutilgan hollarda va tartibda Komissiya qaroriga ko‘ra amalga oshiriladi.
etil spirti va alkogolli mahsulotlarni ishlab chiqarish va sotish darajasini litsenziya olish vaqtida ko‘rsatilgan hajmlarda ta’minlamaganda hamda u ushbu Nizomning 9-bandi “v” kichik bandida nazarda tutilgan darajadan past bo‘lganda — O‘zbekiston Respublikasi Iqtisodiyot vazirligi va Moliya vazirligi xulosasiga binoan;
uch oy va undan ko‘p vaqt oy mobaynida budjetga va davlat maqsadli fondlariga muddati o‘tib ketgan to‘lovlar mavjud bo‘lganda — O‘zbekiston Respublikasi Davlat soliq qo‘mitasi va Moliya vazirligi xulosasiga binoan;
sifatsiz spirt va alkogolli mahsulotlar ishlab chiqarilgani yoki sotilgani aniqlanganda — “O‘zstandart” agentligi xulosasiga binoan litsenziyaning amal qilishini to‘xtatib turish va to‘xtatish, litsenziyani bekor qilish to‘g‘risida qaror qabul qiladi.
34. Komissiyaning litsenziyaning amal qilishini to‘xtatib turish va to‘xtatish, litsenziyani bekor qilish to‘g‘risidagi qarori yuzasidan sudga shikoyat qilinishi mumkin. Litsenziyalovchi organ qarorining asossiz ekanligi sud tomonidan e’tirof etilgan taqdirda, Komissiya litsenziat oldida litsenziat ko‘rgan zarar miqdorida javob beradi.
litsenziyalarni qayta rasmiylashtirish, ularning amal qilish muddatini uzaytirish, to‘xtatib turish va tiklashning asoslari va sanasi;
36. Litsenziyalar reyestridagi mavjud ma’lumot yuridik va jismoniy shaxslarning u bilan tanishishi uchun ochiq hisoblanadi, ular haqini to‘lagan holda aniq litsenziatlar haqida litsenziyalar reyestridan ko‘chirma tarzida ma’lumot olishga haqlidirlar.
Litsenziyalar reyestridan ma’lumot berilganligi uchun eng kam oylik ish haqining yarmi miqdoridagi to‘lov litsenziyalovchi organning maxsus hisob raqamiga o‘tkaziladi.
37. Etil spirti va alkogolli mahsulotlar ishlab chiqarish faoliyatini amalga oshirish huquqi uchun litsenziya berganlik va uning amal qilish muddatini uzaytirganlik uchun:
ushbu Nizom 2-bandining “a”, “v”, “e” va “j” kichik bandlarida nazarda tutilgan mahsulotlarni ishlab chiqarishga — eng kam oylik ish haqining 200 baravari miqdorida;
ushbu Nizom 2-bandining “b”, “d”, “z”, “i” va “k” kichik bandlarida nazarda tutilgan mahsulotlarni ishlab chiqarishga — eng kam oylik ish haqining 100 baravari miqdorida;
ushbu Nizom 2-bandining “g” kichik bandida nazarda tutilgan mahsulotlarni ishlab chiqarishga — eng kam oylik ish haqining 50 baravari miqdorida davlat boji undiriladi.
Etil spirti va alkogolli mahsulotlar ishlab chiqarish faoliyatini litsenziyalash to‘g‘risidagi nizomga
ILOVA
ILOVA
Keyingi tahrirga qarang.
T/r | Korxonalarning | Joylashgan joyi |
1. | “Bo‘ston” ochiq aksiyadorlik jamiyati | Qoraqalpog‘iston Respublikasi |
2. | “Navigul” qo‘shma korxonasi | Andijon viloyati |
3. | “Dacha” yopiq aksiyadorlik jamiyati | Andijon viloyati |
4. | “Nur” sho‘ba korxonasi | Buxoro viloyati |
5. | “G‘allaorol-Belogorsk” qo‘shma korxonasi | Jizzax viloyati |
6. | M.Ulug‘bek nomidagi ochiq aksiyadorlik jamiyati | Samarqand viloyati |
7. | “Bog‘izag‘on” ochiq aksiyadorlik jamiyati | Samarqand viloyati |
8. | “Oltinsoy sharob” ochiq aksiyadorlik jamiyati | Surxondaryo viloyati |
9. | “Karvon” qo‘shma korxonasi | Toshkent viloyati |
10. | “Afsar LTD” qo‘shma korxonasi | Toshkent viloyati |
11. | “Hamkor-Osiyo" qo‘shma korxonasi | Toshkent viloyati |
12. | “Bonu-Golding” qo‘shma korxonasi | Toshkent viloyati |
13. | “GMX Zarkent” qo‘shma korxonasi | Toshkent viloyati |
14. | “Far-Ital” qo‘shma korxonasi | Toshkent viloyati |
15. | “Mehnat” agrofirmasi | Toshkent viloyati |
16. | “Matonat” mas’uliyati cheklangan jamiyati | Toshkent viloyati |
17. | “Asl-Billur” qo‘shma korxonasi | Toshkent shahri |
18. | “Elsun-sharob” qo‘shma korxonasi | Toshkent shahri |
Keyingi tahrirga qarang.
1. Vazirlar Mahkamasining “O‘zbekiston Respublikasi Prezidentining “Alkogolli mahsulot ishlab chiqarishga davlat monopoliyasini joriy etish to‘g‘risida”gi Farmonini bajarishga oid chora-tadbirlar to‘g‘risida” 1997-yil 14-avgustdagi 398-son qarori (O‘zbekiston Respublikasi QT, 1997-y., 8-son, 28-modda).
2. Vazirlar Mahkamasining “Spirt va alkogolli mahsulotlar ishlab chiqarish va ularning aylanishi ustidan davlat nazoratini mustahkamlash yuzasidan qo‘shimcha chora-tadbirlar to‘g‘risida” 1999-yil 5-yanvardagi 2-son qarorining (O‘zbekiston Respublikasi QT, 1999-y., 1-son, 2-modda) 1-4-bandlari, shuningdek qarorga 1, 2 va 5-ilovalar.
3. Vazirlar Mahkamasining “O‘zbekiston Respublikasi Vazirlar Mahkamasining Hukumat komissiyalarini tashkil etish masalalari bo‘yicha ayrim qarorlariga o‘zgartirish, qo‘shimchalar kiritish, ba’zilarini o‘z kuchini yo‘qotgan deb hisoblash haqida” 2000-yil 19-sentabrdagi 359-son qaroriga 1-ilova 16-bandining uchinchi—yettinchi xatboshi.
4. Vazirlar Mahkamasining “O‘zbekiston Respublikasi Hukumatining qarorlari bilan tashkil etilgan komissiyalar va kengashlar tarkibini tasdiqlash haqida” 2000-yil 30-sentabrdagi 374-son qaroriga 9-ilova.
5. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida” 2003-yil 13-yanvardagi 14-son qaroriga ilovaning 11-bandi (O‘zbekiston Respublikasi QT, 2003-y., 1-son, 5-modda).
II. Vazirlar Mahkamasining 2000-yil 17-yanvardagi 13-son qarori bilan tasdiqlangan O‘zbekiston davlat standartlash, metrologiya va sertifikatsiya agentligi huzuridagi Alkogolli mahsulotlar sifati bo‘yicha davlat inspeksiyasi to‘g‘risidagi nizomga kiritilayotgan o‘zgartirish va qo‘shimchalar
1. 11-bandning o‘ninchi xatboshidagi “spirt va alkogolli mahsulotlar ishlab chiqarish va sotishga berilgan litsenziyalarni bekor qilish” so‘zlari “etil spirti va alkogolli mahsulotlar ishlab chiqarish faoliyatini amalga oshirish uchun berilgan litsenziyaning amal qilishini to‘xtatib turish, to‘xtatish yoki uni bekor qilish” so‘zlari bilan almashtirilsin.
“14. Alkogolli mahsulotlar sifati bo‘yicha davlat inspeksiyasi Vazirlar Mahkamasining etil spirti va alkogolli mahsulotlar ishlab chiqarish faoliyatini litsenziyalash komissiyasi bilan belgilangan tartibda o‘zaro hamkorlik qiladi. Komissiya yoki ishchi guruh qaroriga ko‘ra Alkogolli mahsulotlar sifati bo‘yicha davlat inspeksiyasi inspektorlari litsenziya talablari va shartlariga litsenziatlar tomonidan rioya etilishini tekshirishga jalb qilinishi mumkin”.
Keyingi tahrirga qarang.