1.

Ruxsat etish xususiyatiga ega hujjatning nomi:

Parvozlar xavfsizligiga xavf solishi mumkin boʻlgan faoliyatni amalga oshirish uchun ruxsatnoma

2.

Amalga oshirilishi uchun ruxsat etish xususiyatiga ega hujjatni olish talab etiladigan faoliyat (harakatlar):

Parvozlar xavfsizligiga xavf solishi mumkin boʻlgan faoliyatni amalga oshirish

3.

Ariza beruvchilar toifasi:

Yuridik va jismoniy shaxslar (yakka tartibdagi tadbirkor)

4.

Ruxsat etish tartib-taomillari sohasidagi vakolatli organ:

Oʻzbekiston Respublikasi Transport vazirligi huzuridagi Fuqaro aviatsiyasi agentligi (“Oʻzaviatsiya” agentligi)

5.

Ruxsat etish xususiyatiga ega hujjatni olish uchun taqdim qilinadigan hujjatlar:

a) ruxsatnoma olish uchun obyektning nomi, maqsadi va manzili koʻrsatilgan ariza.

Arizada quyidagilar koʻrsatiladi:

yuridik shaxs boʻlgan talabgor uchun — soliq toʻlovchining identifikatsiya raqami (STIR), telefon raqami, elektron pochta manzili (mavjud boʻlganda);

jismoniy shaxs boʻlgan talabgor uchun — familiyasi, ismi va otasining ismi, jismoniy shaxsning shaxsini tasdiqlovchi hujjat maʼlumotlari yoki jismoniy shaxsning shaxsiy identifikatsiya raqami (JSHSHIR), telefon raqami, elektron pochta manzili (mavjud boʻlganda);

b) obyekt joylashgan joydagi yerning dengiz sathidan mutlaq balandligi, obyektning balandligi, eng yaqin aerodrom uchish-qoʻnish yoʻlagining ikki tarafi boshlanish joyidan X va U boʻyicha koordinatalari haqidagi maʼlumotlar;

v) obyektning 1984-yilgi butunjahon geodeziya koordinatalar tizimi WGS-84dagi geografik koordinatalari (kenglik va uzunlik);

g) radioaloqa liniyalari va elektr uzatish liniyalari (shu jumladan, yuqori voltli), radio va elektromagnit nurlanishlar tarqatuvchi obyektlar, elektr yoritish obyektlari, shuningdek, ish jarayonida samoviy hududda elektromagnit, yorugʻlik, akustik, korpuskulyar va boshqa turdagi nurlanishlar paydo boʻlishiga sabab boʻladigan obyektlarning texnik parametrlari;

d) radioaloqa liniyalari va elektr uzatish liniyalarining nomlari, elektr uzatish liniyalarining kuchlanishi, aerodromlarning nazorat nuqtasidan 46 km radiusdagi barcha tayanch ustunlarining balandligi va koordinatalari, ular oʻtadigan tuman va viloyatlar, shuningdek, ularning boshlangʻich va tugash punktlari haqidagi maʼlumotlar.

6.

Arizani koʻrib chiqish uchun toʻlanadigan yigʻim miqdori:

Yigʻim undirilmaydi

7.

Ruxsat etish xususiyatiga ega hujjat berilganligi uchun undiriladigan yigʻim:

Har bir obyektga ruxsatnoma berish uchun bazaviy hisoblash miqdorining 23 baravariga teng boʻlgan miqdorda yigʻim shartnoma tuzmasdan undiriladi.

Yigʻim summasi quyidagi tartibda taqsimlanadi:

10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga;

11,25 foizi — Yagona interaktiv davlat xizmatlari portali orqali davlat xizmatlarini koʻrsatganlik uchun, shuningdek, 0,5 foizi Yagona billing tizimi orqali davlat xizmatlari koʻrsatganlik uchun Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

qolgan mablagʻlarning 60 foizi — vakolatli organning hisobvaragʻiga, 40 foizi — Oʻzbekiston Respublikasi Transport vazirligi huzuridagi Transport va logistikani rivojlantirish jamgʻarmasiga yoʻnaltiriladi.

8.

Arizani koʻrib chiqish muddati:

15 kun

9.

Ruxsat etishga oid talab va shartlar:

Quyidagilarni loyihalashtirish, qurish, kengaytirish, rekonstruksiya qilish va texnik qayta jihozlash uchun ruxsatnoma olish zarur:

aerodrom nazorat nuqtasidan 46 km radiusda joylashtiriladigan binolar, inshootlar, shuningdek, odamlar, qushlar hamda yovvoyi hayvonlar (kemiruvchilar) koʻplab toʻplanishiga sabab boʻladigan obyektlar;

aerodrom nazorat nuqtasidan 46 km radiusda joylashtiriladigan radioaloqa liniyalari va elektr uzatish liniyalari (shu jumladan, yuqori kuchlanishli), radio va elektromagnit nurlanishli boshqa obyektlar, shuningdek, yoritish texnikasi obyektlari;

aerodrom nazorat nuqtasidan 15 km radiusda joylashtiriladigan portlash xavfi boʻlgan obyektlar (balandligidan qatʼi nazar);

joylashtiriladigan joyidan qatʼi nazar, chiqarib yuboriladigan gazlarni favqulodda yoqish uchun mashʼala qurilmalari;

aerodrom nazorat nuqtasidan 46 km radiusda joylashtiriladigan sanoat va boshqa korxonalar hamda inshootlar, parvoz koʻrinishini va aerodrom uchish maydonlarining holatini yomonlashtiruvchi obyektlar;

joylashtiriladigan yeridan qatʼi nazar, mutlaq balandligi 50 m va undan ortiq boʻlgan obyektlar.

10.

Ruxsat etish xususiyatiga ega hujjatni berishda kelishiladigan organlar:

Oʻzbekiston Respublikasi Mudofaa vazirligi

11.

Ruxsat etish xususiyatiga ega hujjatning amal qilish muddati:

Cheklanmagan

12.

Izoh:

1. Oʻzbekiston Respublikasi Mudofaa vazirligi joylashtiriladigan joyidan qatʼi nazar, mutlaq balandligi 50 m va undan ortiq boʻlgan obyektlar boʻyicha taqdim etilgan hujjatlarni koʻrib chiqadi va hujjatlar qabul qilingan sanadan boshlab 5 kun muddat ichida kelishadi.

2. Ruxsatnoma Maxsus elektron tizim orqali ruxsat etish xususiyatiga ega ayrim hujjatlarni berish tartib-taomillari toʻgʻrisidagi yagona nizomning 4-bobida koʻrsatilgan hollarda va belgilangan tartibda qayta rasmiylashtiriladi.

Har bir obyektga ruxsatnomani qayta rasmiylashtirish uchun mazkur Pasportning 7-bandida nazarda tutilgan yigʻimning yarmi undiriladi.

3. Vakolatli organ arizani koʻrib chiqish muddati davomida amalga oshiriladigan oʻrganishlarni oʻtkazishi uchun xarajatlar (xizmat safari va yoʻlda boʻlgan vaqt uchun kundalik xarajatlar, mehmonxonalarda yashash xarajatlari, transport xarajatlari, kirish vizasini rasmiylashtirish va sugʻurta polisini sotib olish xarajatlari) haqiqiy xarajatlar summasi boʻyicha talabgor (ariza beruvchi) tomonidan yozma shartnomaga koʻra qoplanadi.

4. Arizaning namunaviy shakli

Oʻzbekiston Respublikasi Transport vazirligi huzuridagi Fuqaro aviatsiyasi agentligiga

Parvozlar xavfsizligiga xavf solishi mumkin boʻlgan faoliyatni amalga oshirish uchun ruxsatnoma berish haqida

ARIZA

Izoh. Jismoniy shaxslar uchun familiyasi, ismi, otasining ismi, fuqaroning shaxsini tasdiqlovchi hujjat toʻgʻrisidagi maʼlumotlar koʻrsatiladi.

5. Arizaga ilova etiladigan maʼlumotnomaning namunaviy shakli

Ruxsatnoma olinishi zarur boʻlgan obyektning joylashgan joyi haqida

MAʼLUMOTLAR

Izoh. Mazkur maʼlumotnoma ushbu yoʻnalishda tegishli litsenziyaga ega geodeziya tashkiloti tomonidan tayyorlanadi va tasdiqlanib, arizaga ilova qilingan holatda ariza beruvchi tomonidan taqdim etiladi.

6. Ruxsatnomaning namunaviy shakli

Ariza beruvchiga

1.

Ruxsat etish xususiyatiga ega hujjatning nomi:

Oʻzbekiston Respublikasi fuqaro aviatsiyasida ekspluatant sertifikati

2.

Amalga oshirilishi uchun ruxsat etish xususiyatiga ega hujjatni olish talab etiladigan faoliyat (harakatlar):

Fuqaro aviatsiyasi xalqaro tashkiloti (IKAO) standartlari talablariga va tavsiya qilingan amaliyotga muvofiq yuridik yoki jismoniy shaxslar tomondan fuqaro havo kemasidan foydalanish bilan bogʻliq fuqaro aviatsiyasidagi faoliyatni amalga oshirish

3.

Ariza beruvchilar toifasi:

Yuridik yoki jismoniy shaxslar

4.

Ruxsat etish tartib-taomillari sohasidagi vakolatli organ:

Oʻzbekiston Respublikasi Transport vazirligi huzuridagi Fuqaro aviatsiyasi agentligi (“Oʻzaviatsiya” agentligi)

5.

Ruxsat etish xususiyatiga ega hujjatni olish uchun taqdim qilinadigan hujjatlar:

a) Ekspluatant sertifikatini olish uchun ariza.

Arizada quyidagilar koʻrsatiladi:

1. yuridik shaxsning toʻliq nomi yoki jismoniy shaxsning F.I.O.

2. Quyidagilarni belgilash:

ekspluatant sertifikatini berish;

ekspluatant sertifikatining amal qilish muddatini uzaytirish;

ekspluatant sertifikatini qayta rasmiylashtirish;

ekspluatant sertifikatining amal qilishini tiklash;

ekspluatant sertifikatining dublikatini berish;

ekspluatant sertifikatining amal qilishini toʻxtatish;

ekspluatant sertifikatini bekor qilish.

3. Ariza beruvchi toʻgʻrisidagi maʼlumotlar:

yuridik shaxslar uchun:

1) Tashkilotning tashkiliy-huquqiy shakli koʻrsatilgan toʻliq nomi;

2) Joylashgan joyi (pochta manzili);

3) Telefon raqamlari;

jismoniy shaxslar uchun:

1) Familiyasi, ismi, otasining ismi;

2) Fuqaroning shaxsini tasdiqlovchi hujjat maʼlumotlari;

3) Turar joy manzili;

4) Telefon raqamlari.

4. Ilova (hujjatlar nomi, ularning raqamlari, imzolangan sana, varaqlar soni, taqdim qilish shakli);

b) Arizaga ilova qilinadigan hujjatlar roʻyxati.

Yuridik shaxslar uchun:

1. Havo kemasi joylashgan manzil, taklif qilinadigan parvozlar va faoliyat turlari, foydalanish geografik zonalari (regionlari) haqida maʼlumotlar.

2. Ariza beruvchi tashkilotning tasdiqlangan tarkibiy sxemasi.

3. Havo kemasiga egalik huquqini tasdiqlovchi hujjatlar.

4. Mazkur Pasportning 9-pozitsiyasidagi talablar va shartlarning 5-bandida koʻrsatilgan boshqaruv xodimlari boʻyicha ularning oʻrnini bosuvchi shaxslar lavozimlari, familiyasi, ismi, otasining ismi, ularning malakalari va fuqaro aviatsiyasida tegishli rahbarlik ishidagi tajribasi koʻrsatilgan maʼlumotlar.

5. Aviatsiya ekipajlari tarkibi va texnik-muhandis xodimlarning malakalari va ruxsatnomalari toʻgʻrisida nomma-nom maʼlumotlar.

6. Foydalaniladigan havo kemalarining turi, modeli, seriyasi, tanish belgilari, parvozga yaroqlilik holati koʻrsatilgan maʼlumotlar.

7. Havo kemalari joylashgan aeroportda parvozlarni taʼminlash turlari uchun shartnomalar nusxalari.

8. Barcha turdagi majburiy sugʻurtalash boʻyicha sugʻurta polislari nusxalari.

9. Parvozlarni amalga oshirishga doir qoʻllanma, havo kemasi ekspluatantining texnik xizmat koʻrsatishni boshqarishga doir qoʻllanmasi, havo kemasiga yer ustida xizmat koʻrsatishga doir qoʻllanma, xavfli yuklarni tashish boʻyicha taʼlim va tartibotlarga doir qoʻllanma, havo kemasi ogʻirligi va markazlanishini rostlashga doir qoʻllanma, ekipajning yer ustida va parvozdagi tayyorgarlik dasturi, ekspluatantning aviatsiya xavfsizligini taʼminlash dasturi.

10. Havo kemasidan foydalanishga doir qoʻllanma (har bir turdagi havo kemasi uchun), aviatsiyada havo kemasidan foydalanishga doir qoʻllanma (har bir turdagi havo kemasi uchun), texnik xizmat koʻrsatish dasturi (har bir turdagi havo kemasi uchun), minimal uskunalar roʻyxati (har bir turdagi havo kemasi uchun), asosiy minimal uskunalar roʻyxati (har bir turdagi havo kemasi uchun), konfiguratsiyadan ogʻishlar roʻyxati (har bir turdagi havo kemasi uchun).

Jismoniy shaxslar uchun:

1. Havo kemasi joylashgan manzil, taklif qilinadigan parvozlar, parvozlarning geografik zonalari (regionlari) haqida maʼlumotlar.

2. Havo kemasiga egalik huquqini tasdiqlovchi hujjatlar.

3. Ariza beruvchining havo kemasida parvozlarni bajarish uchun malakalari va ruxsatnomalari toʻgʻrisida maʼlumotlar.

4. Havo kemalarining turi, modeli, seriyasi, tanish belgilari, parvozga yaroqlilik holati koʻrsatilgan maʼlumotlar.

5. Havo kemalariga texnik xizmat koʻrsatish boʻyicha tashkilot bilan tuzilgan shartnoma nusxalari.

6. Havo kemalari joylashgan aeroportda parvozlarni taʼminlash turlari uchun shartnomalar nusxalari.

7. Barcha turdagi majburiy sugʻurtalash boʻyicha sugʻurta polislari nusxalari.

8. Parvozlarni amalga oshirishga doir qoʻllanma, havo kemasining ekspluatatsiyasiga doir qoʻllanma, havo kemasining uchish ekspluatatsiyasi boʻyicha qoʻllanma, havo kemasiga texnik xizmat koʻrsatish dasturi, ekspluatantining aviatsiya xavfsizligini taʼminlash dasturi.

6.

Arizani koʻrib chiqish uchun toʻlanadigan yigʻim miqdori:

Yigʻimlar summasi quyidagi tartibda taqsimlanadi:

10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga;

11,25 foizi — Yagona interaktiv davlat xizmatlari portali orqali davlat xizmatlarini koʻrsatganlik uchun, shuningdek, 0,5 foizi Yagona billing tizimi orqali davlat xizmatlari koʻrsatganlik uchun Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

qolgan mablagʻlarning 60 foizi — vakolatli organning hisobvaragʻiga, 40 foizi — Oʻzbekiston Respublikasi Transport vazirligi huzuridagi Transport va logistikani rivojlantirish jamgʻarmasiga yoʻnaltiriladi.

7.

Ruxsat etish xususiyatiga ega hujjat berilganligi uchun undiriladigan yigʻim:

Bazaviy hisoblash miqdorining 57,3 baravari.

Yigʻim summasi quyidagi tartibda taqsimlanadi:

10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga;

11,25 foizi — Yagona interaktiv davlat xizmatlari portali orqali davlat xizmatlarini koʻrsatganlik uchun, shuningdek, 0,5 foizi Yagona billing tizimi orqali davlat xizmatlari koʻrsatganlik uchun Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

qolgan mablagʻlarning 60 foizi — vakolatli organning hisobvaragʻiga, 40 foizi — Oʻzbekiston Respublikasi Transport vazirligi huzuridagi Transport va logistikani rivojlantirish jamgʻarmasiga yoʻnaltiriladi.

8.

Arizani koʻrib chiqish muddati:

60 ish kuni

9.

Ruxsat beruvchi talablar va shartlar:

Ekspluatant tomonidan faoliyatni amalga oshirishda ruxsat beruvchi talablar va shartlar quyidagilardan iborat:

a) qonunchilik hujjatlariga majburiy rioya qilish;

b) ariza beruvchi oʻzgargan (yuridik shaxs uchun — uning nomi yoki joylashgan manzili (pochta manzili) oʻzgargan, jismoniy shaxs uchun — uning familiyasi, ismi, otasining ismi yoki faoliyat joyi oʻzgargan) holatda qayta roʻyxatdan oʻtkazilgandan soʻng yetti ish kuni mobaynida “Oʻzaviatsiya” agentligini xabardor qilish;

v) havo kemasi ekspluatantining belgilangan ruxsat beruvchi talablar va quyida keltirilgan shartlarga muvofiqligi:

yuridik shaxslar uchun:

1. Ekspluatant havo kemasiga (mulkka egalik huquqlarida yoki ekipajsiz ijara shartlarida), parvozlarni tashkil etish, amalga oshirish va taʼminlash uchun aviatsiya xodimlariga va ishlab chiqarish bazasiga ega boʻlishi shart. Ekspluatantning asosiy faoliyat yuritish va havo kemasini joylashtirish manzili Oʻzbekiston Respublikasi hududida boʻlishi shart.

2. Ekspluatantning havo kemasi belgilangan turlardagi va mintaqalardagi parvozlarni amalga oshirishi uchun tegishli ravishda jihozlangan boʻlishi, aviatsiya xodimlari esa zarur malakaga va tayyorgarlikka ega boʻlishlari shart.

3. Ekspluatant belgilangan turdagi faoliyatni amalga oshirish uchun yetarlicha moliyaviy resurslar mavjudligini tasdiqlashi shart.

4. Ekspluatant quyidagilarga ega boʻlishi shart:

aviatsiya xizmati;

texnik xizmat;

ishlab chiqarish-dispetcherlik boʻlinmasi yoki parvozlarni tashkiliy taʼminlash boʻyicha tegishli ravishda tayyorlangan xodim (dispetcher);

parvozlar xavfsizligi boʻyicha inspeksiya yoki parvozlar xavfsizligi boʻyicha ekspluatant rahbarining oʻrinbosari (maslahatchisi);

aviatsiya xavfsizlik xizmati yoki aviatsiya xavfsizligi boʻyicha ekspluatant rahbarining oʻrinbosari;

havoda tashishlar va/yoki aviatsiya ishlarini tashkil etish xizmati yoki havoda tashishlar va/yoki aviatsiya ishlarini tashkil etish uchun masʼul tegishli ravishda tayyorlangan xodim;

tibbiy boʻlinma yoki parvozlarning tibbiy taʼminotini tashkil etish uchun masʼul shifokor;

parvozlarning qidiruv, avariya-qutqaruv taʼminot xizmati yoki parvozlarning avariya-qutqaruv taʼminoti uchun tegishli ravishda tayyorlangan masʼul xodim;

aeronavigatsion taʼminot xizmati yoki aeronavigatsiya taʼminotini tashkil etish uchun tegishli ravishda tayyorlangan masʼul xodim.

5. Ekspluatant quyidagilar uchun masʼul boshqaruv xodimlariga ega boʻlishi shart:

havo kemasidan aviatsiyada foydalanish va aviatsiya ishlarini tashkil etish qoidalariga rioya etish (fuqaro aviatsiyasi uchuvchisining amaldagi guvohnomasi bilan);

havo kemasiga texnik xizmat koʻrsatishni tashkil etish va uning qoidalariga rioya etish;

parvozlarni tashkil etish, rejalashtirish va amalga oshirishning operativ nazoratini taʼminlash;

havoda tashishlar va/yoki aviatsiya ishlari taʼminlanishini tashkil etish;

aviatsiya xavfsizligini taʼminlash;

parvozlar xavfsizligini taʼminlash nazoratini tashkil etish.

6. Ekspluatant havo kemasining ekipajini tashkil etuvchi, ekspluatantning belgilangan parvozlar dasturini bajarish uchun yetarli miqdorda xodimlarga va havo kemasi ekspluatantining texnik xizmat koʻrsatishni boshqarishga doir qoʻllanmasiga muvofiq havo kemasiga texnik xizmat koʻrsatishni tashkil etish va bajarish uchun texnik-muhandis xodimlarga ega boʻlishi shart.

7. Aviatsiya tarkibi va ekipajning xizmat koʻrsatuvchi xodimlari, ekspluatantning texnik-muhandis xodimlari aviatsiya mutaxassisining kerakli malakaviy belgilar va ruxsatlar qayd etilgan amaldagi guvohnomalari bilan tasdiqlangan tegishli maxsus tayyorgarlikka va malakaga ega boʻlishlari shart.

8. Ekspluatant normativ-huquqiy hujjatlarni, shuningdek, parvozlar xavfsizligini va aviatsiya xavfsizligini taʼminlashga doir axborotni olish, oʻz aviatsiya xodimlariga yetkazish hamda ularning ijrosini nazorat qilish tizimiga ega boʻlishi shart.

9. Ekspluatant parvozlarning xavfsizligini boshqarish tizimiga ega boʻlishi kerak. Ekspluatant parvozlarning xavfsizligini boshqarish tizimi doirasida rahbarlik va oʻz aviatsiya xodimlari tomonidan foydalanish uchun moʻljallangan parvozlarning xavfsizligiga doir hujjatlar tizimiga ega boʻlishi shart.

Maksimal sertifikatlangan 27 000 kg dan koʻproq ogʻirlikdagi havo kemasi ekspluatanti parvozlarning xavfsizligini boshqarish tizimining tarkibiy qismi sifatida parvoz maʼlumotlarini tahlil qilish dasturini ishlab chiqishi va bajarishi shart.

10. Ekspluatant havoda tashishlar va/yoki aviatsiya ishlarini operativ boshqarish uchun har bir havo kemasi bilan aloqa mavjud boʻlishini taʼminlashi kerak. Havo kemasi bilan aloqa ekspluatant tomonidan mustaqil ravishda yoki tegishli ishlarni bajarish huquqiga ega tashkilot bilan shartnoma asosida taʼminlanishi mumkin.

11. Ekspluatant xavfli yuklarni tashish uchun quyidagilarga ega boʻlishi kerak:

xavfli yuklarni tashish qoidalari boʻyicha malaka darajasini tasdiqlovchi sertifikatga, shuningdek, ekspluatant nomidan aviatsiyada xavfli yuklarni tashish uchun ruxsat berish (ruxsat berishni rad etish) hamda xavfli yuklarning sinfiga (toifasiga) qarab ularni tashish shartlari toʻgʻrisida qaror qabul qilish huquqiga ega masʼul mutaxassis;

aviatsiya tarkibi va ekipajning xizmat koʻrsatuvchi xodimlarida xavfli yuklarni tashish qoidalari boʻyicha malaka darajasini tasdiqlovchi sertifikat;

“Oʻzaviatsiya” agentligi tomonidan tasdiqlangan xavfli yuklarni tashish boʻyicha taʼlim va tartibotlarga doir qoʻllanma.

12. Ekspluatant oʻzi foydalanayotgan har bir havo kemasi:

parvozga yaroqli holatda saqlanishini;

rejalashtiriladigan parvoz uchun kerakli ishga yaroqli foydalanish va avariya uskunalariga ega boʻlishini;

fuqaro havo kemasi parvozga yaroqliligining amaldagi sertifikatiga ega boʻlishini taʼminlashi shart.

13. Ekspluatant quyidagi axborot hisobga olinishi va saqlanishini taʼminlashi shart:

havo kemasi hamda cheklangan resursli va xizmat muddatli barcha agregatlaridan umumiy foydalanish vaqti (tegishli ravishda soatlar, kalendar vaqti va sikllar);

barcha majburiy axborotning muvofiqligi, parvozga yaroqlilikni saqlash toʻgʻrisidagi joriy maʼlumotlar;

modifikatsiyalar va taʼmirlashlar toʻgʻrisida tegishli batafsil maʼlumotlar;

havo kemasi yoki uning agregatlari soʻnggi kapital taʼmirlashdan keyin ulardan foydalanish vaqti (tegishli ravishda soatlar, kalendar vaqti va sikllar) toʻgʻrisida maʼlumotlar;

havo kemasiga texnik xizmat koʻrsatish dasturining bajarilishi toʻgʻrisida joriy maʼlumotlar;

texnik xizmat koʻrsatish toʻgʻrisidagi dalolatnomani imzolashda barcha talablar bajarilganligini tasdiqlovchi texnik xizmat koʻrsatish toʻgʻrisida batafsil maʼlumotlar.

Mazkur bandning yettinchi xatboshisidan tashqari axborot tegishli agregat foydalanishdan butkul olib tashlangandan soʻng 90 kundan kam boʻlmagan muddatda saqlanishi kerak. Ushbu bandning yettinchi xatboshisida koʻrsatilgan axborot texnik xizmat koʻrsatish toʻgʻrisidagi dalolatnoma imzolangandan soʻng eng kamida bir yil saqlanishi shart.

Ekspluatant oʻzgargan holatda, mazkur bandda qayd etilgan axborot yangi ekspluatantga taqdim qilinishi shart.

14. Maksimal sertifikatlangan ogʻirligi 5 700 kg dan koʻproq boʻlgan havo kemasi ekspluatanti texnik xizmat koʻrsatish va foydalanish tajribasini nazorat qilishi, umumlashtirishi va baholashi hamda havo kemasini ishlab chiquvchiga havo kemasining parvozga yaroqliligini taʼminlashga salbiy taʼsirni yuzaga keltiradigan yoki yuzaga keltirishi mumkin boʻlgan ishdan chiqishlar, nosozliklar, nuqsonlar va boshqa hodisalar toʻgʻrisidagi axborotni taqdim qilishi shart. Ekspluatant havo kemasini ishlab chiqaruvchidan parvozga yaroqliligini taʼminlashga doir barcha zarur maʼlumotlar va tavsiyalarni olib, ularni atroflicha tahlil qiladi va tegishli harakatlarni “Oʻzaviatsiya” agentligi tomonidan belgilangan talablarga muvofiq amalga oshiradi.

15. Ekspluatantning havo kemasini barcha modifikatsiyalari va taʼmirlash ishlari havo kemasining parvozga yaroqliligiga doir talablarga javob berishi shart.

16. Ekspluatant havo kemasiga texnik xizmat koʻrsatilgan va texnik xizmat koʻrsatish toʻgʻrisidagi tegishli dalolatnoma “Oʻzaviatsiya” agentligi tasdiqlagan tashkilot tomonidan rasmiylashtirilgan holatda, havo kemasida parvozlarni amalga oshiradi.

Agar havo kemasiga texnik xizmat koʻrsatish shartnomaga asosan havo kemasiga texnik xizmat koʻrsatish tashkiloti tomonidan bajarilsa, ushbu shartnomaning texnik sohalari “Oʻzaviatsiya” agentligi bilan oʻzaro muvofiqlashtirilishi shart.

17. Havo kemasi parvozga yaroqlilik meʼyorlariga asosan va aviatsiyada havo kemasidan foydalanishga doir qoʻllanmadagi foydalanish cheklanishlari doirasida ishlatilishi shart.

18. Havo kemasi ekipajning uchuvchilar tarkibiga havo kemasi parvozining trayektoriyasini nazorat qilish, qoidalar bilan talab qilinadigan har qanday harakatlarni bajarish, kutilgan foydalanish sharoitlarida ushbu havo kemasiga tegishli foydalanish cheklovlariga rioya etish imkonini beradigan asbob-uskunalar bilan jihozlangan boʻlishi shart.

19. Ekspluatant havo kemasining yuklanishini parvozlarni amalga oshirishga doir qoʻllanmaga va ekspluatantning tegishli foydalanish hujjatlariga qatʼiy muvofiq ravishda amalga oshiradi.

20. Ekspluatant aviatsiya xodimlarining oʻz funksional vazifalari doirasida aviatsiya xavfsizligi chora-tadbirlari bilan tanishib chiqishlarini taʼminlaydi va ekspluatantning aviatsiya xavfsizligini taʼminlash dasturi xodimlar tomonidan bajarilishini tashkil etadi.

21. Ekspluatant ekipajining aviatsiya tarkibi xorijiy mamlakatlarning oʻz vazifalariga tegishli va uchib oʻtiladigan hududlarga, foydalaniladigan aerodromlarga va tegishli aeronavigatsion vositalarga (xalqaro parvozlarni bajarish uchun) qoʻllaniladigan qonunlari, qoidalari va tartibotlari bilan tanishib chiqishi shart.

22. Ekspluatant har bir foydalaniladigan havo kemasi ekipajining uchuvchilar tarkibini havo kemasidan foydalanishga doir qoʻllanma va aviatsiyada havo kemasidan foydalanishga doir qoʻllanma bilan taʼminlashi shart.

23. Ekspluatant ekipajining uchuvchilar tarkibi havo kemasi bortida ularning havo kemasi uchib oʻtadigan hududda qidiruv-qutqaruv xizmatlariga tegishli barcha zarur axborotga ega boʻlishi shart.

24. Ekspluatant ekipajining uchuvchilar tarkibi radiotelefon aloqa yuritishda ishlatiladigan ingliz tilida soʻzlashishi va uni tegishli darajada tushunishi shart (xalqaro parvozlarni bajarish uchun).

25. Ekspluatant ekipajining uchuvchilar tarkibi va xizmat koʻrsatuvchi tarkibi oʻzining muayyan vazifalari va javobgarliklari yuzasidan instruktajdan oʻtishlari shart.

26. Ekspluatant tashkiliy tuzilmani, boshqaruv va nazorat metodikasini oʻz ichiga oladigan yer ustida xizmat koʻrsatish tizimiga ega boʻlishi shart.

27. Ekspluatant Oʻzbekiston Respublikasi qonunchilik hujjatlariga muvofiq majburiy turdagi sugʻurtalanishlarni taʼminlaydi.

28. Ekspluatant quyidagilarga ega boʻlishi va ularni bajarishi shart:

“Oʻzaviatsiya” agentligi tomonidan tasdiqlangan parvozlarni amalga oshirishga doir qoʻllanma, havo kemasi ekspluatantining texnik xizmat koʻrsatishni boshqarishga doir qoʻllanmasi, parvozlarning xavfsizligini boshqarish tizimiga doir qoʻllanma, havo kemasidan foydalanishga doir qoʻllanma (har bir turdagi havo kemasi uchun), havo kemasi ogʻirligi va markazlanishini rostlashga doir qoʻllanma, havo kemasiga yer ustida xizmat koʻrsatishga doir qoʻllanma;

“Oʻzaviatsiya” agentligi tomonidan tasdiqlangan aviatsiyada havo kemasidan foydalanishga doir qoʻllanma (har bir turdagi havo kemasi uchun), texnik xizmat koʻrsatish dasturi (har bir turdagi havo kemasi uchun), ekipaj aʼzolarining yer ustida va parvozdagi tayyorgarlik dasturi, minimal uskunalar roʻyxati (har bir turdagi havo kemasi uchun), aviatsiya xavfsizligini taʼminlash dasturi.

Hujjatlar inson omili sohalari hisobga olingan holda, ishlab chiqiladi, ularning tuzilishi va mazmuni esa standartlar talablariga va Fuqaro aviatsiyasi xalqaro tashkiloti (IKAO) tomonidan tavsiya etiladigan amaliyotga muvofiq boʻlishi shart.

29. Agar ekspluatant boshqa davlatda roʻyxatdan oʻtkazilgan havo kemasidan foydalansa, u havo kemasi roʻyxatdan oʻtkazilgan davlatga tegishli standartlar talablarini va Fuqaro aviatsiyasi xalqaro tashkiloti (IKAO) tomonidan tavsiya etiladigan amaliyotni bajarishi shart.

30. Ekspluatant oʻz faoliyatini amalga oshirishda Oʻzbekiston Respublikasi fuqaro aviatsiyasi faoliyatini tartibga soluvchi normativ-huquqiy hujjatlar talablarini bajarishi shart;

jismoniy shaxslar uchun:

1. Ekspluatant havo kemasiga mulkka egalik huquqlarida yoki ekipajsiz ijara shartlarida ega boʻlishi shart. Ekspluatantning asosiy faoliyat yuritish va havo kemasini joylashtirish manzili Oʻzbekiston Respublikasi hududida boʻlishi shart.

2. Ekspluatant fuqaro aviatsiyasi uchuvchisining kerakli malaka belgilari va ruxsatlar qayd etilgan amaldagi guvohnomalari bilan tasdiqlangan tegishli maxsus tayyorgarlikka va malakaga ega boʻlishi shart.

3. Yuqoridagi talab va shartlarning 12, 15, 22, 23, 27 va 30-bandlari talablariga javob berishi va ularni bajarishi shart.

4. Ekspluatant “Oʻzaviatsiya” agentligi tomonidan tasdiqlangan parvozlarni amalga oshirishga doir qoʻllanma, havo kemasidan foydalanishga doir qoʻllanma, aviatsiyada havo kemasidan foydalanishga doir qoʻllanma, havo kemasiga texnik xizmat koʻrsatish dasturi va aviatsiya xavfsizligini taʼminlash dasturiga ega boʻlishi va ularni bajarishi shart.

10.

Ruxsat etish xususiyatiga ega hujjatni berishda kelishiladigan organlar:

Mavjud emas

11.

Ruxsat etish xususiyatiga ega hujjatning amal qilish muddati:

3 yil

12.

Izoh:

1. Ekspluatant sertifikati “Oʻzaviatsiya” agentligi tomonidan havo kemasidan foydalanish bilan bogʻliq fuqaro aviatsiyasida faoliyatni amalga oshirish uchun beriladi.

Ekspluatant sertifikati jismoniy shaxsga faqat uning shaxsiy ehtiyojlari uchun beriladi.

2. Vakolatli organ arizani koʻrib chiqish muddati davomida amalga oshiriladigan oʻrganishlarni oʻtkazish uchun xarajatlar (xizmat safari va yoʻlda boʻlgan vaqt uchun kundalik xarajatlar, mehmonxonalarda yashash xarajatlari, transport xarajatlari, kirish vizasini rasmiylashtirish va sugʻurta polisini sotib olish xarajatlari) talabgor (ariza beruvchi) tomonidan amalga oshiriladi.

3. Xalqaro fuqaro aviatsiyasi tashkilotining (IKAO) standartlari talablariga va tavsiya qilingan amaliyotga muvofiq “Oʻzaviatsiya” agentligi talabgorga ruxsat etish xususiyatiga ega hujjatni berganlik uchun yigʻim toʻlangan sanadan eʼtiboran bir ish kunidan kechiktirmay, ekspluatant sertifikati asl nusxasini beradi.

4. Ekspluatant sertifikati “Oʻzaviatsiya” agentligi direktori yoki “Oʻzaviatsiya” agentligi direktorining buyrugʻi bilan vakolat berilgan mansabdor shaxs tomonidan imzolanadi va “Oʻzaviatsiya” agentligining muhri bilan tasdiqlanadi.

5. Xalqaro parvozlarni amalga oshiruvchi fuqaro havo kemasi uchun ekspluatant sertifikati matni ingliz tilida boʻlishi lozim.

6. Havo kemasining hujjati hisoblangan ekspluatant sertifikati nusxasi “Oʻzaviatsiya” agentligining masʼul mutaxassisi imzosi bilan tasdiqlanadi.

7. Ekspluatant sertifikatiga muvofiq rasmiylashtirilgan foydalanish xususiyatlari ilova qilinadi. Spetsifikatsiyalar tavsiflarning har bir varagʻi “Oʻzaviatsiya” agentligi direktori yoki “Oʻzaviatsiya” agentligi direktorining buyrugʻi bilan vakolat berilgan mansabdor shaxs tomonidan imzolanadi va “Oʻzaviatsiya” agentligining muhri bilan tasdiqlanadi.

8. Ekspluatant sertifikati ikki yoki undan koʻp yuridik (jismoniy) shaxslarga berilishi mumkin emas va boshqa shaxsga berilmaydi.

9. Ekspluatant faqat amaldagi ekspluatant sertifikati mavjud boʻlgan holatda va foydalanish xususiyatlaridagi shartlar hamda cheklanishlarga muvofiq havo kemasidan fuqaro aviatsiyasida faoliyatni amalga oshirish maqsadlarida foydalanishi mumkin.

10. “Oʻzaviatsiya” agentligi belgilangan tartibda ekspluatant sertifikatini berish uchun kerakli hujjatlarni va Oʻzbekiston Respublikasining boshqa davlat organlaridagi maʼlumotlarni axborot hamkorligi tizimi vositasida, shu jumladan, elektron hujjat shaklida oladi.

11. Ekspluatant faoliyatini nazorat qilish ekspluatant sertifikatini berish uchun belgilangan ekspluatantning ruxsat beruvchi talablar va shartlarga muvofiqligini baholash maqsadida inspeksiya tekshiruvlarini oʻtkazish shaklida amalga oshiriladi.

Inspeksiya tekshiruvi “Oʻzaviatsiya” agentligi tomonidan amalga oshiriladi. Inspeksiya tekshiruvining natijalari qonunchilikda belgilangan tartibda rasmiylashtiriladi.

12. Ekspluatant sertifikatini berish yoki uning berilishini rad qilish toʻgʻrisida qaror qabul qilish uchun “Oʻzaviatsiya” agentligi arizaga ilova qilinadigan hujjatlar baholanishini va ariza beruvchining sertifikatlash tekshiruvini amalga oshiradi.

13. Hujjatlarning baholanishida ularning butligi hamda ekspluatantga belgilangan faoliyatga doir ruxsat beruvchi talablar va shartlarga muvofiqligi tekshiriladi.

14. Sertifikatlash tekshiruvi ariza beruvchining havo kemasi joylashgan manzilda ruxsat beruvchi talablar va shartlarga muvofiqligini aniqlash maqsadida amalga oshiriladi.

15. Sertifikatlash tekshiruvi “Oʻzaviatsiya” agentligi direktorining buyrugʻi bilan tayinlangan komissiya tomonidan oʻtkaziladi, ushbu buyruqda komissiya tarkibi, dasturi va tekshiruvni oʻtkazish muddatlari koʻrsatiladi.

16. Hujjatlar va sertifikatsiyaviy tekshiruv baholanishi natijalariga asosan “Oʻzaviatsiya” agentligi ariza beruvchiga ekspluatant sertifikatini beradi (yuboradi) yoki uni ekspluatant sertifikatini berish rad etilganligi haqida tegishli qaror qabul qilingan sanadan eʼtiboran bir ish kunidan kechiktirmagan holda yozma shaklda xabardor qiladi.

17. Ekspluatant sertifikatining amal qilishini toʻxtatish uchun asos hisoblangan bir martalik qoʻpol qoida buzilishiga quyidagi holatlar tegishlidir:

havo kemasidan, dvigatellar yoki ularning agregatlaridan belgilangan resurslar va xizmat muddatlaridan yuqori foydalanish;

nosoz havo kemasida parvozlarni amalga oshirish;

maxsus tayyorgarlikka va/yoki tegishli amaldagi aviatsiya mutaxassisi guvohnomasiga ega boʻlmagan shaxslarga parvozlarni amalga oshirish yoki aviatsiya texnikasiga xizmat koʻrsatish uchun ruxsat berish;

uchuvchi ekipaj tarkibi aʼzolari tomonidan belgilangan parvoz ish vaqti va dam olish vaqti meʼyorlarining buzilishi;

havo kemasini tashkil etish, taʼminlash, undan foydalanish va parvozlarni amalga oshirish qoidalarining aviatsiya hodisasiga olib kelgan buzilishi;

uchuvchi ekipaj tarkibi aʼzolarini tayyorlash, taʼminlash va malakasini oshirishga doir belgilangan majburiy talablarning buzilishi;

fuqaro aviatsiyasida tekshirilishi lozim boʻlgan aviatsiya hodisalari va noxush voqealarni yashirish;

belgilangan tartibotlar buzilgan holda, havo kemasining tuzilishiga parvozlar xavfsizligiga taʼsir etuvchi oʻzgartishlarni kiritish;

aviatsiya xavfsizligi yuzasidan parvozdan oldingi tekshiruvdan oʻtkazilmagan yoʻlovchilarni, qoʻldagi yuklarni, bagajni, yuklarni, pochtani, bort zaxiralarini tashish;

yoʻlovchilarni, bagajni yoki yuklarni tashish boʻyicha foydalanish cheklovlari buzilishi, havo kemasining yuk ortish yoki yoʻlovchilar kabinalarining meʼyordan yuqori yuklanishi.

18. Ekspluatantlar inspeksiya tekshiruvlari quyida belgilanganidan kam boʻlmagan muddatlarda amalga oshiriladi:

perrondagi inspeksiya — uch oyda bir marta;

marshrutdagi (parvozdagi) inspeksiya — uch oyda bir marta;

asosiy obyektlar inspeksiyasi — yiliga bir marta.

19. Vakolatli organ arizani koʻrib chiqish muddati davomida amalga oshiriladigan oʻrganishlarni oʻtkazish uchun xarajatlar (xizmat safari va yoʻlda boʻlgan vaqt uchun kundalik xarajatlar, mehmonxonalarda yashash xarajatlari, transport xarajatlari, kirish vizasini rasmiylashtirish va sugʻurta polisini sotib olish xarajatlari) haqiqiy xarajatlar summasi boʻyicha talabgor (ariza beruvchi) tomonidan yozma shartnomaga koʻra qoplanadi.

1.

Ruxsat etish xususiyatiga ega hujjatning nomi:

Fuqaro havo kemasi roʻyxatdan oʻtkazilganligi toʻgʻrisidagi guvohnoma

2.

Amalga oshirilishi uchun ruxsat etish xususiyatiga ega hujjatni olish talab etiladigan faoliyat (harakatlar):

Fuqaro havo kemasini uchishga yaroqlilik sertifikatni olish chogʻida taqdim etish

3.

Ariza beruvchilar toifasi:

Yuridik yoki jismoniy shaxslar

4.

Ruxsat etish tartib-taomillari sohasidagi vakolatli organ:

Oʻzbekiston Respublikasi Transport vazirligi huzuridagi Fuqaro aviatsiyasi agentligi (“Oʻzaviatsiya” agentligi)

5.

Ruxsat etish xususiyatiga ega hujjatni olish uchun taqdim qilinadigan hujjatlar:

1. Fuqaro havo kemasi roʻyxatdan oʻtkazilganligi toʻgʻrisidagi guvohnomani olish uchun:

a) ariza;

arizada quyidagilar aks ettiriladi:

1) (talabgorning) yuridik shaxsning toʻliq nomi yoki jismoniy shaxsning familiyasi, ismi, otasining ismi;

2) havo kemasi toʻgʻrisidagi maʼlumotlar:

havo kemasining turi;

zavodda berilgan raqami;

ishlab chiqarilgan sanasi;

havo kemasini ishlab chiqaruvchi;

maksimal uchish vazni;

oʻrnatilgan dvigatellarning ishlab chiqaruvchisi (tashkilot nomi), turi va soni;

bazasi joylashgan manzil;

3) mulkdor toʻgʻrisidagi maʼlumot:

yuridik shaxslar uchun:

tashkilotning tashkiliy-huquqiy shaklini koʻrsatgan holda toʻliq nomi;

joylashgan joyi (pochta manzili);

telefon raqami / e-mail;

jismoniy shaxslar uchun:

familiyasi, ismi, otasining ismi;

fuqaroning shaxsini tasdiqlovchi hujjat maʼlumotlari;

yashash joyi manzili;

telefon raqami / e-mail;

b) havo kemasi turining sertifikati;

v) jismoniy yoki yuridik shaxsning fuqaro havo kemasiga boʻlgan mulkiy huquqini yoki boshqa ashyoviy huquqni tasdiqlovchi hujjatlarning nusxalari (shu jumladan, shartnomalar);

g) havo kemasi xorijiy davlat havo kemalari reyestridan chiqarilganligi toʻgʻrisida hujjat;

d) havo kemasi xorijiy davlatdan Oʻzbekiston Respublikasiga kelganda, uchishga yaroqlilik eksport sertifikati.

2. Fuqaro havo kemasini Oʻzbekiston Respublikasi Fuqaro havo kemalarining davlat reyestridan chiqarish uchun:

a) ariza;

arizada quyidagilar aks ettiriladi:

1) (talabgorning) yuridik shaxsning toʻliq nomi yoki jismoniy shaxsning familiyasi, ismi, otasining ismi;

arizani berish sababi:

2) havo kemasi toʻgʻrisidagi maʼlumotlar:

havo kemasining turi;

milliy va roʻyxatga olish belgilari;

zavodda berilgan raqami;

havo kemasini ishlab chiqaruvchi;

maksimal uchish vazni;

oʻrnatilgan dvigatellarning ishlab chiqaruvchi, turi va soni;

yangi egasi/mulkdorning nomi agar havo kemasi sotilsa yoki topshirilsa;

yangi roʻyxatga oluvchi davlat, agar havo kemasi sotilsa yoki topshirilsa;

3) mulkdor toʻgʻrisidagi maʼlumot:

yuridik shaxslar uchun:

tashkilotning tashkiliy-huquqiy shaklini koʻrsatgan holda toʻliq nomi;

joylashgan joyi (pochta manzili);

telefon raqami / e-mail;

jismoniy shaxslar uchun:

familiyasi, ismi, otasining ismi;

fuqaroning shaxsini tasdiqlovchi hujjat maʼlumotlari;

yashash joyi manzili;

telefon raqami / e-mail;

b) ilgari berilgan hujjatlarning asl nusxalari:

fuqaro havo kemasi roʻyxatdan oʻtkazilganligi toʻgʻrisidagi guvohnoma;

fuqaro havo kemasining uchishga yaroqlilik sertifikati;

fuqaro havo kemalariga shovqinlar boʻyicha sertifikat;

fuqaro havo kemalarining radio jihozlari uchun sertifikat;

v) fuqaro havo kemasining 24-bitli manzili (Fuqaro aviatsiyasi xalqaro tashkiloti (IKAO) identifikatsiya kodi) fuqaro havo kemasining radiojihozlar tizimidan chiqarilganligini tasdiqlovchi hujjat;

g) SELCAL tizimi ASRI (Aviation Spectrum Resources) kompaniyasining roʻyxatidan chiqarilganligini tasdiqlovchi hujjat (agar ushbu tizim havo kemasida mavjud boʻlsa);

d) avariya radiomayoqlari KOSPAS-SARSAT tizimining roʻyxatidan chiqarilganligini tasdiqlovchi hujjat.

6.

Arizani koʻrib chiqish uchun toʻlanadigan yigʻim miqdori:

Yigʻimlar summasi quyidagi tartibda taqsimlanadi:

10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga;

11,25 foizi — Yagona interaktiv davlat xizmatlari portali orqali davlat xizmatlarini koʻrsatganlik uchun, shuningdek, 0,5 foizi Yagona billing tizimi orqali davlat xizmatlari koʻrsatganlik uchun Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

qolgan mablagʻlarning 60 foizi — vakolatli organning hisobvaragʻiga, 40 foizi — Oʻzbekiston Respublikasi Transport vazirligi huzuridagi Transport va logistikani rivojlantirish jamgʻarmasiga yoʻnaltiriladi.

7.

Ruxsat etish xususiyatiga ega hujjat berilganligi uchun undiriladigan yigʻim:

Bazaviy hisoblash miqdorining 7,8 baravari.

Yigʻim summasi quyidagi tartibda taqsimlanadi:

10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga;

11,25 foizi — Yagona interaktiv davlat xizmatlari portali orqali davlat xizmatlarini koʻrsatganlik uchun, shuningdek, 0,5 foizi Yagona billing tizimi orqali davlat xizmatlari koʻrsatganlik uchun Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

qolgan mablagʻlarning 60 foizi — vakolatli organning hisobvaragʻiga, 40 foizi — Oʻzbekiston Respublikasi Transport vazirligi huzuridagi Transport va logistikani rivojlantirish jamgʻarmasiga yoʻnaltiriladi.

8.

Arizani koʻrib chiqish muddati:

10 ish kuni.

Fuqaro havo kemasini xorijiy davlat hududida tekshirish amalga oshirilgan hollarda, muddat 30 ish kunigacha uzaytirilishi mumkin.

9.

Ruxsat etishga oid talab va shartlar:

a) fuqaro havo kemasining turiga tegishli boʻlgan fuqaro havo kemasining uchishga yaroqliligi normalariga muvofiqligini taʼminlash;*

b) belgilangan resurslar va xizmat muddati doirasida fuqaro havo kemasidan foydalanish;*

v) fuqaro havo kemasida uning parvozlar xavfsizligiga tahdid solishi mumkin boʻlgan konstruktiv oʻzgartirishlar yoʻqligini taʼminlash;*

g) Oʻzbekiston Respublikasining aviatsiya qoidalariga rioya qilish.*

10.

Ruxsat etish xususiyatiga ega hujjatni berishda kelishiladigan organlar:

Mavjud emas

11.

Ruxsat etish xususiyatiga ega hujjatning amal qilish muddati:

Cheklanmagan

12.

Izoh:

1. Ushbu Pasportning qoidalari davlat va eksperimental havo kemalari, deltaplanlar, paraplanlar, parashyutlar, boshqarilmaydigan uchuvchisiz aerostatlar, uchuvchisiz uchish qurilmalari hamda meteorologik maqsadlarda ishlatiladigan uchuvchi sharlariga nisbatan tatbiq etilmaydi.

2. Guvohnomani berish yoki berishni rad etish toʻgʻrisidagi qarorni qabul qilish uchun “Oʻzaviatsiya” agentligining vakolatli shaxsi fuqaro havo kemasida tekshiruvni oʻtkazib, fuqaro havo kemasining texnik holatini tekshirish dalolatnomasini rasmiylashtiradi.

3. Vakolatli organ arizani koʻrib chiqish muddati davomida oʻrganishlarni oʻtkazish uchun xarajatlar (xizmat safari va yoʻlda boʻlgan vaqt uchun kundalik xarajatlar, mehmonxonalarda yashash xarajatlari, transport xarajatlari, kirish vizasini rasmiylashtirish va sugʻurta polisini sotib olish xarajatlari) talabgor (ariza beruvchi) tomonidan amalga oshiriladi.

4. Xalqaro fuqaro aviatsiyasi tashkilotining (IKAO) standartlari talablariga va tavsiya qilingan amaliyotga muvofiq “Oʻzaviatsiya” agentligi talabgorga ruxsat etish xususiyatiga ega hujjatni berganlik uchun yigʻim toʻlangan sanadan eʼtiboran bir ish kunidan kechiktirmay guvohnomaning asl nusxasini beradi.

5. Xalqaro parvozlarni amalga oshiruvchi fuqaro havo kemasi uchun guvohnomaning matni ingliz tilida boʻlishi lozim.

6. Parvozlarni amalga oshirish vaqtida guvohnoma havo kemasida boʻlishi lozim. Amaldagi guvohnoma boʻlmagan hollarda havo kemasida parvozlarni amalga oshirish taqiqlanadi.

7. Oʻzbekiston Respublikasi hududidan tashqarida joylashgan fuqaro havo kemasiga guvohnoma quyidagi hollarda berilishi mumkin:

a) Oʻzbekiston Respublikasi hududidan tashqarida fuqaro havo kemasini ekspluatatsiya qilishda;

b) havo kemasini sotib olishda (ijaraga olish).

8. Guvohnomani berish tartib-taomillari talabgorning yozma murojaati asosida “Oʻzaviatsiya” agentligi direktorining buyrugʻi bilan vakolat berilgan mutaxassis tomonidan Oʻzbekiston Respublikasi hududidan tashqarida amalga oshiriladi.

9. Oʻzbekiston Respublikasi hududidan tashqarida guvohnomani berish tartib-taomillari bajarilgan taqdirda, talabgor oldindan taqdim qilmagan ushbu pasportning 5-bandiga muvofiq guvohnomani berish uchun arizaga ilova qilinadigan (talabgor tomonidan havo kemasini qabul qilganidan keyin rasmiylashtiriladigan) hujjatlar tekshiruv oʻtkaziladigan joyda talabgorning vakolatli mutaxassislari tomonidan taqdim etilishi mumkin.

10. Guvohnoma fuqaro havo kemasi Oʻzbekiston Respublikasi Fuqaro havo kemalarining davlat reyestriga (keyingi oʻrinlarda — davlat reyestri) kiritilganligini va Oʻzbekiston Respublikasining milliy mansubligiga ega ekanligini tasdiqlovchi hujjat hisoblanadi.

11. “Oʻzaviatsiya” agentligi davlat reyestrini yuritadi.

12. Davlat reyestri qogʻoz va elektron shaklda yuritiladi. Qogʻoz shaklidagi yozuvlar bilan elektron shakldagi yozuvlar oʻrtasida nomuvofiqlik mavjud boʻlgan taqdirda, qogʻoz shaklidagi yozuvlar ustuvorlikka egadir.

13. Davlat reyestrida mavjud boʻlgan maʼlumotlar “Oʻzaviatsiya” agentligining rasmiy veb-saytida joylashtiriladi va tanishib chiqish uchun ochiq boʻladi.

14. Fuqaro havo kemasi toʻgʻrisidagi maʼlumotlar davlat reyestriga kiritilganda, fuqaro havo kemasiga ushbu kemaga qayd etiladigan davlat tanish va roʻyxat belgilari tayinlanadi. Davlat tanish belgisi lotin alifbosining “UK” ikkita harfidan, roʻyxat belgisi besh arab raqamlaridan tashkil topadi.

Fuqaro havo kemasiga tayinlangan davlat tanish va roʻyxat belgilari, havo kemasining modifikatsiyasi va/yoki egasi oʻzgarishidan qatʼi nazar, havo kemasini ekspluatatsiya qilinishi, butun muddati davomida saqlanib qoladi.

15. Davlat reyestriga kiritilgan fuqaro havo kemasi talabgorning murojaati asosida davlat reyestridan chiqariladi.

16. Taqdim etilgan hujjatlar asosida “Oʻzaviatsiya” agentligi fuqaro havo kemasini davlat reyestridan chiqaradi va talabgorga fuqaro havo kemasi davlat roʻyxatidan chiqarilganligi toʻgʻrisidagi guvohnomani beradi. Fuqaro havo kemasi davlat reyestridan chiqarilgan taqdirda, fuqaro havo kemasi roʻyxatdan oʻtkazilganligi toʻgʻrisida guvohnoma avtomatik ravishda bekor qilinadi.

17. Talabgor fuqaro havo kemasi davlat roʻyxatidan chiqarilganligi toʻgʻrisida guvohnomani olganidan keyin fuqaro havo kemasiga qayd etilgan davlat tanish va roʻyxat belgilarini havo kemasidan oʻchirib tashlaydi (yoʻq qiladi).

18. Fuqaro havo kemasi mulkdorining yozma murojaatiga koʻra Harakatlanuvchi uskunalarga nisbatan xalqaro kafolatlar toʻgʻrisidagi konvensiya (Keyptaun, 2001 yil 16 noyabr) asosida fuqaro havo kemasini davlat reyestridan chiqarish tartib-taomillari amalga oshirilishi mumkin.

19. Hujjatlar qabul qilingan sanadan boshlab besh ish kunidan oshmagan muddatda fuqaro havo kemasini davlat reyestridan chiqarish va havo kemasi davlat roʻyxatidan chiqarilganligi toʻgʻrisida guvohnomani berish tartib-taomillari amalga oshiriladi.

20. Fuqaro havo kemasi roʻyxatdan oʻtkazilganligi toʻgʻrisidagi guvohnomada koʻrsatilgan havo kemasi egasi/mulkdorining maʼlumotlari oʻzgartirilgan taqdirda, talabgor tomonidan fuqaro havo kemasi roʻyxatdan oʻtkazilganligi toʻgʻrisidagi guvohnomani qayta rasmiylashtirish uchun tasdiqlovchi hujjatlarni ilova qilgan holda, ariza berilishi shart.

21. Vakolatli organ arizani koʻrib chiqish muddati davomida amalga oshiriladigan oʻrganishlarni oʻtkazish uchun xarajatlar (xizmat safari va yoʻlda boʻlgan vaqt uchun kundalik xarajatlar, mehmonxonalarda yashash xarajatlari, transport xarajatlari, kirish vizasini rasmiylashtirish va sugʻurta polisini sotib olish xarajatlari) haqiqiy xarajatlar summasi boʻyicha talabgor (ariza beruvchi) tomonidan yozma shartnomaga koʻra qoplanadi.

*Qoʻpol ravishda buzish deb hisoblanadigan talab va shartlar.

1.

Ruxsat etish xususiyatiga ega hujjatning nomi:

Fuqaro havo kemasining uchishga yaroqlilik sertifikati

2.

Amalga oshirilishi uchun ruxsat etish xususiyatiga ega hujjatni olish talab etiladigan faoliyat (harakatlar):

Fuqaro aviatsiyasi xalqaro tashkiloti (IKAO) standartlari talablariga va tavsiya qilingan amaliyotga muvofiq fuqaro havo kemasidan foydalanish

3.

Ariza beruvchilar toifasi:

Yuridik yoki jismoniy shaxslar

4.

Ruxsat etish tartib-taomillari sohasidagi vakolatli organ:

Oʻzbekiston Respublikasi Transport vazirligi huzuridagi Fuqaro aviatsiyasi agentligi (“Oʻzaviatsiya” agentligi)

5.

Ruxsat etish xususiyatiga ega hujjatni olish uchun taqdim qilinadigan hujjatlar:

1. Uchishga yaroqlilik boʻyicha standart sertifikatni olish uchun:

a) ariza;

arizada quyidagilar aks ettiriladi:

1) (talabgorning) yuridik shaxsning toʻliq nomi yoki jismoniy shaxsning familiyasi, ismi, otasining ismi;

2) havo kemasi:

3) arizani berish sababi;

4) havo kemasi toʻgʻrisidagi maʼlumotlar:

havo kemasining turi;

davlat tanish va roʻyxat belgilari;

zavodda berilgan raqami;

ishlab chiqarilgan joyi va sanasi;

dvigatellar / havo vintlari turi;

havo kemasi toifasi va/yoki qoʻllanilishi;

taʼmirlashlarning soni, joyi va oxirgi taʼmirlash sanasi;

havo kemasi bazirovka (arenda) joyi;

havo kemasi vaznini oxirgi oʻlchash sanasi va joyi;

boʻsh havo kemasi vazni, kg Sentrovkasi (CAX), %;

jihozlangan havo kemasining boʻsh vazni (Basic Empty Weight), kg Sentrovkasi (CAX), %;

maksimal uchish vazni, kg;

tayinlangan resurs va xizmat qilish muddati uzaytirishlarini hisobga olgan holda (soat/sikl/sana);

taʼmirlararo resursi va xizmat qilish muddati uzaytirishlarini hisobga olgan holda (soat/sikli/sana);

ekspluatatsiya boshlangan vaqtdan eʼtiboran havo kemasining ishlagan vaqti (soat/sikli);

oxirgi taʼmirdan keyin havo kemasining ishlagan vaqti (soat/sikli);

5) dvigatellar toʻgʻrisidagi maʼlumotlar: