Qonunchilikka oʻzgartirish va qoʻshimchalar kiritilganligi, shuningdek, sud amaliyotida masalalar kelib chiqqanligi munosabati bilan, “Sudlar toʻgʻrisida”gi Qonunning 17-moddasiga asosan, Oʻzbekiston Respublikasi Oliy sudi Plenumi qaror qiladi:

Oʻzbekiston Respublikasi Oliy sudi Plenumining quyidagi qarorlariga oʻzgartirish va qoʻshimchalar kiritilsin:

1. Oʻzbekiston Respublikasi Oliy sudi Plenumining “Yuridik ahamiyatga ega boʻlgan faktlarni aniqlash haqidagi ishlar boʻyicha sud amaliyoti toʻgʻrisida” 1991-yil 20-dekabrdagi 5-sonli qarorining 24-bandi quyidagi tahrirda bayon etilsin:

“24. Qoraqalpogʻiston Respublikasi sudi, viloyatlar va Toshkent shahar sudlariga yuridik ahamiyatga ega boʻlgan faktlarni aniqlash haqidagi ishlar boʻyicha sud amaliyotini muntazam ravishda umumlashtirish va bunday toifadagi ishlarni koʻrib chiqish va hal etishda aniqlangan kamchiliklarni bartaraf etishga qaratilgan choralarni koʻrish tavsiya etilsin”.

2. Oʻzbekiston Respublikasi Oliy sudi Plenumining “Fuqarolik kodeksini tatbiq qilishda sud amaliyotida vujudga keladigan ayrim masalalar toʻgʻrisida” 1999-yil 24-sentabrdagi 16-sonli qarorining 26-bandi quyidagi tahrirda bayon etilsin:

“26. Qoraqalpogʻiston Respublikasi sudi, viloyatlar va Toshkent shahar sudlariga muntazam ravishda sudlar tomonidan FK normalarini koʻllash amaliyotini umumlashtirish va natijalari boʻyicha ularni toʻgʻri qoʻllashni taʼminlashga qaratilgan choralarni koʻrish tavsiya etilsin”.

3. Oʻzbekiston Respublikasi Oliy sudi Plenumining “Maʼnaviy zararni qoplash haqidagi qonunlarni qoʻllashning ayrim masalalari toʻgʻrisida” 2000-yil 28-apreldagi 7-sonli qarori:

7-bandi:

birinchi xatboshisi chiqarib tashlansin;

ikkinchi xatboshisi “Sudlar shuni nazarda tutishi kerakki,” degan soʻzlardan keyin haqiqatga toʻgʻri kelmaydigan maʼlumotlarni tarqatilishi oqibatida yetkazilgan” degan soʻzlar bilan toʻldirilsin;

17-band quyidagi tahrirda bayon etilsin:

“17. Qoraqalpogʻiston Respublikasi sudi, viloyatlar va Toshkent shahar sudlari sudlar tomonidan maʼnaviy zararni qoplash toʻgʻrisidagi qonunchilik talablariga qatʼiy rioya qilinishini taʼminlashi, ushbu toifadagi ishlar boʻyicha sud amaliyotini muntazam ravishda umumlashtirib borishi lozim”.

4. Oʻzbekiston Respublikasi Oliy sudi Plenumining “Uy-joy nizolari boʻyicha sud amaliyoti haqida” 2001-yil 14-sentabrdagi 22-sonli qarori:

5-bandi quyidagi tahrirda bayon etilsin:

“5. Turar joy mulkdori voyaga yetgan oila aʼzolarining roziligi bilan turar joyni jismoniy va yuridik shaxslarga belgilangan tartibda ijaraga berishga haqlidir.

Mulkdor va uning oila aʼzolari oʻrtasida turar joydan foydalanish masalalari yuzasidan nizolar (uyga kiritish, uy-joydan foydalanish huquqini yoʻqotgan deb topish, uydan koʻchirish, shuningdek, mazkur huquqiy munosabatlardan kelib chiqadigan boshqa nizolar) sud tartibida hal qilinadi.

Sudlarning eʼtibori shunga qaratilsinki, mulkdorga nisbatan uy-joydan foydalanish huquqini yoʻqotgan deb topish haqidagi daʼvoni qanoatlantirish mumkin emas.

Tushuntirilsinki, sobiq mulkdor va uning oila aʼzolari uy-joyni oldi-sotdi shartnomasiga asosan begonalashtirganda, shartnomada koʻrsatilgan kundan, agar shartnomada ularning roʻyxatdan chiqish muddati kelishilmagan boʻlsa, shartnoma tuzilgan kundan eʼtiboran turar joydan foydalanish huquqini yoʻqotgan deb hisoblanadi”;

17-bandi chiqarib tashlansin.

5. Oʻzbekiston Respublikasi Oliy sudi Plenumining “Mehnat vazifalarini bajarishi munosabati bilan xodimning hayoti va sogʻligʻiga yetkazilgan zararni qoplashga oid nizolar boʻyicha sud amaliyoti haqida” 2003-yil 19-dekabrdagi 18-sonli qarori:

2-bandining “e” kichik bandi quyidagi tahrirda bayon etilsin:

“e) belgilangan pensiyani hisoblashning bazaviy miqdori oshirilishi munosabati bilan zararni qoplash miqdorini koʻpaytirish haqidagi”;

10-bandining uchinchi xatboshisi quyidagi tahrirda bayon etilsin:

“Ish haqi yoki uning bir qismini qoplashda, jabrlanuvchiga mehnatda jarohat olishi tufayli tayinlangan nogironlik pensiyasi, shuningdek, mehnat jarohati olgunga qadar va undan keyin tayinlangan pensiyalarning boshqa turlari hisobga olinmaydi. Shuningdek, jabrlanuvchining jarohat olganidan keyingi ish haqi zararni qoplashda hisobga olinmaydi. Bunda mehnatda mayib boʻlgan jabrlanuvchilar-nogironlarga zararni qoplash summasi belgilangan pensiyani hisoblashning bazaviy miqdorining ellik foizidan kam boʻlmasligi kerak”;

20-bandi quyidagi tahrirda bayon etilsin:

“20. Qoraqalpogʻiston Respublikasi sudi, viloyatlar va Toshkent shahar sudlariga muntazam ravishda mazkur toifadagi ishlar boʻyicha sud amaliyotini umumlashtirib borish tavsiya etilsin”.

6. Oʻzbekiston Respublikasi Oliy sudi Plenumining “Yakka tartibda qurilgan uyga boʻlgan mulk huquqi bilan bogʻliq nizolar boʻyicha sud amaliyoti toʻgʻrisida” 2004-yil 24-sentabrdagi 14-sonli qarori:

23-bandi quyidagi tahrirda bayon etilsin:

“23. Sudlarning eʼtibori shunga qaratilsinki, oʻzboshimchalik bilan imorat qurgan shaxs mazkur qurilmaga mulk huquqini ololmaydi, FK 212-moddasining toʻrtinchi va beshinchi qismlarida nazarda tutilgan oʻzboshimcha qurilmaga mulk huquqini belgilash asosi va shartlari mavjud boʻlgan holatlar bundan mustasno”;

24-bandi chiqarib tashlansin;

25-bandi:

birinchi xatboshisidagi “Fuqarolik kodeksi 212-moddasining beshinchi qismi” degan soʻzlar “FK 212-moddasining toʻrtinchi qismi” degan soʻzlar bilan almashtirilsin;

ikkinchi xatboshisidagi “Fuqarolik kodeksi 212-moddasining beshinchi qismiga” degan soʻzlar “FK 212-moddasining toʻrtinchi qismiga” degan soʻzlar bilan almashtirilsin;

26-bandining birinchi xatboshisidagi “Fuqarolik kodeksi 212-moddasining oltinchi qismi” degan soʻzlar “FK 212-moddasining beshinchi qismi” degan soʻzlar bilan, “Fuqarolik kodeksi 212-moddasining toʻrtinchi va beshinchi qismlariga” degan soʻzlar “FK 212-moddasining toʻrtinchi qismiga” degan soʻzlar bilan almashtirilsin.

7. Oʻzbekiston Respublikasi Oliy sudi Plenumining “Yer kodeksini tatbiq qilishda sud amaliyotida vujudga keladigan ayrim masalalar toʻgʻrisida” 2006-yil 3-fevraldagi 3-sonli qarori:

17-bandidagi “shartlar va kafolatlar tegishli tartibda bajarilganidan soʻngina” degan soʻzlar “maqsad, shuningdek, tartib va kafolatlarga rioya qilgan holdagina” degan soʻzlar bilan almashtirilsin;

21-bandi quyidagi tahrirda bayon etilsin:

“21. Qoraqalpogʻiston Respublikasi sudi, viloyatlar va Toshkent shahar sudlariga yer nizolari toʻgʻrisidagi ishlar boʻyicha sud amaliyotini muntazam ravishda umumlashtirib borish tavsiya etilsin”.

8. Oʻzbekiston Respublikasi Oliy sudi Plenumining “Buyruq tartibida ish yuritishni tartibga soluvchi qonun normalarini qoʻllashning ayrim masalalari toʻgʻrisida” 2006-yil 3-fevraldagi 4-sonli qarori:

qaror matnidagi tegishli kelishikdagi “chiqariladi” degan soʻz “beriladi” degan soʻz bilan almashtirilsin;

1-bandining birinchi xatboshisidagi “Oʻzbekiston Respublikasi FPKning 238²-moddasida” degan soʻzlar “Oʻzbekiston Respublikasi Fuqarolik protsessual kodeksining (bundan buyon matnda FPK deb yuritiladi) 171-moddasida” degan soʻzlar bilan almashtirilsin;

2-bandidagi “Oʻzbekiston Respublikasi FPKning 145-moddasida” degan soʻzlar “FPK 33-moddasida” degan soʻzlar bilan almashtirilsin;

3-bandi “ariza yozma shaklda” degan soʻzlardan keyin “va axborot tizimi orqali elektron hujjat shaklida” degan soʻzlar bilan, “talablar daʼvo arizaga” degan soʻzlardan keyin “(FPK 189-moddasi)” degan soʻzlar bilan, “kelib chiqib, sudlar” degan soʻzlardan keyin “sud buyrugʻi berish haqida” degan soʻzlar bilan toʻldirilsin;

4-bandi chiqarib tashlansin;

5-bandi quyidagi tahrirda bayon etilsin:

“5. Sudlarga tushuntirilsinki, buyruq tartibida ish yuritish sud muhokamasini istisno qilishi sababli koʻchar mol-mulkni talab qilib olish toʻgʻrisida sud buyrugʻi berish haqidagi arizada ushbu mol-mulkning qiymati koʻrsatilishi lozim (FPK 172-moddasi toʻrtinchi qismi), shuningdek, qarzdorlikni undirish toʻgʻrisidagi sud buyrugʻi berish haqidagi arizada tegishincha qarzdorlik vujudga kelgan davr koʻrsatilishi lozim (FPK 172-moddasi ikkinchi qismi 5-bandi)”;

6-bandi chiqarib tashlansin;

7-bandi quyidagi tahrirda bayon etilsin;

“7. Sudlar shuni nazarda tutishi lozimki, FPK 194-moddasi bilan daʼvo arizasini qabul qilishni rad etish uchun belgilangan umumiy asoslari bilan bir qatorda, agar:

qarzdorning yashash joyi Oʻzbekiston Respublikasidan tashqarida boʻlsa;

arizani va undiruvchi tomonidan taqdim etilgan hujjatlarni oʻrganishda huquq toʻgʻrisida nizo borligi aniqlangan boʻlsa;

arz qilingan talab FPK 171-moddasida nazarda tutilmagan boʻlsa, sudya sud buyrugʻi berish toʻgʻrisidagi arizani qabul qilishni rad etadi”;

9-bandidagi “Oʻzbekiston Respublikasi FPKning 238²-moddasida” degan soʻzlar “FPK 171-moddasida” degan soʻzlar bilan almashtirilsin;

10-bandi:

birinchi xatboshisidagi “Oʻzbekiston Respublikasi Fuqarolik protsessual kodeksining 238²-moddasida” degan soʻzlar “FPK 171-moddasida” degan soʻzlar bilan almashtirilsin;

ikkinchi — beshinchi xatboshilari chiqarib tashlansin;

11-bandining birinchi xatboshisidagi “Oʻzbekiston Respublikasi FPK 238²-moddasining 3-bandiga” degan soʻzlar “FPK 171-moddasining 4-bandiga” degan soʻzlar bilan almashtirilsin;

13-bandining birinchi xatboshisidagi “Oʻzbekiston Respublikasi FPK 238⁴-moddasiga” degan soʻzlar “FPK 174-moddasiga” degan soʻzlar bilan, “daʼvo arizalar uchun” degan soʻzlar “daʼvo ish yuritish tartibi uchun” degan soʻzlar bilan almashtirilsin;

15-bandi quyidagi tahrirda bayon etilsin:

“15. Agar ariza FPK 172-moddasi talablariga javob bermasa va unga arz qilingan talabni tasdiqlovchi hujjatlar, shuningdek, belgilangan miqdorda davlat boji va pochta xarajatlari toʻlanganligini tasdiqlovchi hujjatlar ilova qilinmagan boʻlsa, sudya sud buyrugʻini berish toʻgʻrisidagi arizani qaytaradi va bu haqda ajrim chiqaradi.

Sud buyrugʻi berish toʻgʻrisidagi arizaning qaytarilishi yoʻl qoʻyilgan kamchiliklar bartaraf etilganidan keyin sudga qaytadan murojaat etishga toʻsqinlik qilmaydi (FPK 176-moddasi)”;

16-bandi quyidagi tahrirda bayon etilsin:

“16. Sud buyrugʻi berish toʻgʻrisidagi arizani qabul qilishni rad etish haqidagi (FPK 175-moddasi), shuningdek, sud buyrugʻi berish toʻgʻrisidagi arizani qaytarish (FPK 176-moddasi) haqidagi ajrim ariza sudga kelib tushgan kundan boshlab uch kunda chiqarilishi va mazmuni boʻyicha FPK 194, 195-moddalari talablariga javob berishi shart”;

17-bandi chiqarib tashlansin;

18-bandi quyidagi tahrirda bayon etilsin;

“18. Sud buyrugʻi berish toʻgʻrisidagi arizani qabul qilishni rad etish undiruvchini shu talab boʻyicha sudga daʼvo tartibida murojaat qilish huquqidan mahrum qilmasligi sababli, sudlar shuni nazarda tutishi lozimki, sud buyrugʻi berish toʻgʻrisidagi arizani qabul qilishni rad etish haqidagi ajrim ustidan shikoyat berilmaydi”;

19-bandi quyidagi tahrirda bayon etilsin:

“19. Sudlar sud buyrugʻini berishda FPK 178-moddasida uning mazmuniga qoʻyilgan talablarga amal qilishi lozim.

Xususan, sud buyrugʻida talabni qanoatlantirishga asos boʻlgan moddiy huquq normasi koʻrsatilishi shart. Sud buyrugʻining yozuvidagi xatolarni va ochiq koʻrinib turgan arifmetik xatolarni tuzatish sudning tashabbusi yoxud undiruvchining yoki qarzdorning arizasi boʻyicha sudning ajrimiga asosan amalga oshiriladi”;

20-bandidagi “Oʻzbekiston Respublikasi FPKning 238⁹-moddasida” degan soʻzlar “FPK 179-moddasida” degan soʻzlar bilan, “FPKning 238¹⁰-moddasida” degan soʻzlar “FPK 181-moddasida” degan soʻzlar bilan almashtirilsin;

22-bandidagi “Oʻzbekiston Respublikasi FPKning 105-moddasi” degan soʻzlar “FPK 129-moddasi” degan soʻzlar bilan almashtirilsin;

23-bandidagi “arizasiga” degan soʻz “iltimosnomasiga” degan soʻz bilan, “ariza” degan soʻz “iltimosnoma” degan soʻz bilan, “berilgan shikoyatlar” degan soʻzlar “berilgan eʼtirozlar” degan soʻzlar bilan almashtirilsin;

24-bandidagi “Oʻzbekiston Respublikasi FPKning 238⁹-moddasida” degan soʻzlar “FPK 181-moddasida” degan soʻzlar bilan, “FPKning 12-bobida” degan soʻzlar “FPK 15-bobida” degan soʻzlar bilan, “FPKning 130-moddasiga” degan soʻzlar “FPK 155-moddasiga” degan soʻzlar bilan almashtirilsin.

9. Oʻzbekiston Respublikasi Oliy sudi Plenumining “Fuqarolik ishlari boʻyicha sud xarajatlarini undirish amaliyoti toʻgʻrisida” 2009-yil 24-noyabrdagi 14-sonli qarori:

3-bandining beshinchi kichik xatboshisidagi “va nazorat tartibidagi shikoyatlardan” degan soʻzlar chiqarib tashlansin;

9-bandi quyidagi mazmundagi uchinchi xatboshi bilan toʻldirilsin:

“Sudlarning eʼtibori shunga qaratilsinki, kassatsiya shikoyatiga uni qaytarishga asos boʻlgan holatlar bartaraf etilgandan soʻng toʻlangan davlat boji qaytarilishi belgilangan boʻlsa-yu, lekin qaytarilmagan boʻlsa va u budjetga oʻtkazilgan kundan eʼtiboran Oʻzbekiston Respublikasi Fuqarolik kodeksining 150-moddasida belgilangan umumiy daʼvo muddati tugamagan boʻlsa, davlat boji toʻlanganligi toʻgʻrisidagi dastlabki hujjatning ham ilova qilinishiga yoʻl qoʻyiladi”;

24-bandi quyidagi tahrirda bayon etilsin:

“24. Fuqarolik ishlarini apellatsiya va kassatsiya tartibida koʻrishda, mazkur sud instansiyalari birinchi instansiya sudi tomonidan sud xarajatlarini undirishda yoʻl qoʻyilgan xatolarni tuzatish choralarini koʻrishi lozim”.

10. Oʻzbekiston Respublikasi Oliy sudi Plenumining “Vakillikka doir fuqarolik protsessual qonunchiligi normalarining sudlar tomonidan qoʻllanilishi toʻgʻrisida” 2010-yil 14-maydagi 5-sonli qarorining 16-bandi quyidagi tahrirda bayon etilsin:

“16. Qoraqalpogʻiston Respublikasi sudi, viloyatlar va Toshkent shahar sudlari fuqarolik ishlari boʻyicha vakillik haqidagi protsessual qonun normalarini qoʻllash boʻyicha sud amaliyotini muntazam ravishda umumlashtirib borishi va mazkur huquqiy institutning toʻgʻri qoʻllanilishi yuzasidan choralar koʻrishi lozim”.

11. Oʻzbekiston Respublikasi Oliy sudi Plenumining “Sudlar tomonidan nikohdan ajratishga oid ishlar boʻyicha qonunchilikni qoʻllash amaliyoti toʻgʻrisida” 2011-yil 20-iyuldagi 06-sonli qarori:

6-bandining ikkinchi xatboshisidagi “apellatsiya yoki kassatsiya va nazorat instansiyasida” degan soʻzlar “apellatsiya yoki kassatsiya instansiyasida” degan soʻzlar bilan almashtirilsin;

37-bandi quyidagi tahrirda bayon etilsin:

“37. Qoraqalpogʻiston Respublikasi sudi, viloyatlar va Toshkent shahar sudlari nikohdan ajratishga doir ishlar boʻyicha sud amaliyotini muntazam ravishda umumlashtirib borishi va mazkur toifadagi ishlar koʻrilishida sud xatolarining oldini olish yuzasidan choralar koʻrishi lozim”.

12. Oʻzbekiston Respublikasi Oliy sudi Plenumining “Sudlar tomonidan otalikni belgilashga oid ishlarni koʻrishda qonunchilikning qoʻllanilishi toʻgʻrisida” 2011-yil 25-noyabrdagi 08-sonli qarorining 21-bandi quyidagi tahrirda bayon etilsin:

“21. Oʻzbekiston Respublikasi Oliy sudining fuqarolik ishlari boʻyicha sudlov hayʼati, Qoraqalpogʻiston Respublikasi sudi, viloyatlar va Toshkent shahar sudlari qonun buzilishiga yoʻl qoʻymaslik choralarini koʻrgan holda otalikni belgilash haqidagi ishlar boʻyicha sud amaliyotini vaqti-vaqti bilan umumlashtirsin”.

13. Oʻzbekiston Respublikasi Oliy sudi Plenumining “Fuqarolik va jinoyat ishlari boʻyicha sud ishlarini yuritish sohasida xalqaro hamkorlikning ayrim masalalari toʻgʻrisida” 2012-yil 25-maydagi 06-sonli qarori:

16-bandining birinchi xatboshisi quyidagi tahrirda bayon etilsin:

“Oʻzbekiston Respublikasi Oliy sudining Sud-huquq sohasidagi qonunchilikni tahlil qilish boshqarmasi va Xalqaro-huquqiy boʻlimiga quyidagilar tavsiya etilsin:”;

17-bandidagi “Oʻzbekiston Respublikasi Adliya vazirligi huzuridagi Yuristlar malakasini oshirish markaziga” degan soʻzlar “Oʻzbekiston Respublikasi Sudyalar oliy kengashi huzuridagi Sudyalar oliy maktabiga” degan soʻzlar bilan almashtirilsin;

18-bandi quyidagi tahrirda bayon etilsin:

“18. Qoraqalpogʻiston Respublikasi sudi, viloyatlar va Toshkent shahar sudlari vaqti-vaqti bilan fuqarolik va jinoyat ishlari boʻyicha sud ishlarini yuritish sohasida xalqaro hamkorlikka oid qonunchilikni qoʻllash boʻyicha sud amaliyotini umumlashtirib borsin, yoʻl qoʻyilgan qonun buzilishlarini oʻz vaqtida bartaraf etsin”.

14. Oʻzbekiston Respublikasi Oliy sudi Plenumining “Sudlar tomonidan voyaga yetmagan va voyaga yetgan mehnatga layoqatsiz bolalar taʼminoti uchun aliment undirishga oid ishlar boʻyicha qonunchilikni qoʻllash amaliyoti toʻgʻrisida” 2016-yil 29-iyuldagi 11-sonli qarorining 24-bandidagi “Qoraqalpogʻiston Respublikasi fuqarolik ishlari boʻyicha sudi, viloyat va Toshkent shahar sudlari” degan soʻzlar “Qoraqalpogʻiston Respublikasi sudi, viloyatlar va Toshkent shahar sudlari” degan soʻzlar bilan almashtirilsin.

15. Oʻzbekiston Respublikasi Oliy sudi Plenumining “Davlat pensiya taʼminoti bilan bogʻliq ishlar boʻyicha sud amaliyoti toʻgʻrisida” 2017-yil 29-noyabrdagi 44-sonli qarori:

28-bandi birinchi xatboshisining uchinchi kichik xatboshisi quyidagi tahrirda bayon etilsin:

“pensiyani hisoblashning bazaviy miqdorining ikki barobaridan kam miqdorda pensiya yoki nafaqa oluvchi shaxslar boʻyicha — 5 foiz”;

32-bandi quyidagi tahrirda bayon etilsin:

“32. Qoraqalpogʻiston Respublikasi sudi, viloyatlar va Toshkent shahar sudlari, Qoraqalpogʻiston Respublikasi, viloyatlar va Toshkent shahar maʼmuriy sudlari muntazam ravishda fuqarolarning davlat pensiya taʼminoti haqidagi qonun hujjatlarini qoʻllash boʻyicha sud amaliyotini oʻrganib borish orqali yoʻl qoʻyilgan xatolarning oʻz vaqtida bartaraf etilishini va qonun normalarining toʻgʻri qoʻllanilishini taʼminlasin”.

16. Oʻzbekiston Respublikasi Oliy sudi Plenumining “Birinchi instansiya sudi tomonidan fuqarolik protsessual qonun normalarini qoʻllashning ayrim masalalari toʻgʻrisida” 2018-yil 19-maydagi 14-sonli qarori:

4-bandining ikkinchi xatboshisi quyidagi tahrirda bayon etilsin:

“Arizani qaytarish haqidagi sud ajrimi ustidan FPK 44-bobida belgilangan tartibda xususiy shikoyat (protest) berilishi mumkin va u bekor qilingan taqdirda, ariza sudga dastlab murojaat qilingan kunda berilgan hisoblanadi”;

22-bandidagi “FPK IV boʻlimida” degan soʻzlar “FPK 44-bobida” degan soʻzlar bilan almashtirilsin;

25-bandining toʻrtinchi xatboshisidagi “FPK 43-bobida” degan soʻzlar “FPK 44-bobida” degan soʻzlar bilan almashtirilsin.

17. Oʻzbekiston Respublikasi Oliy sudi Plenumining “Fuqarolik ishlarini sud muhokamasiga tayyorlash toʻgʻrisida” 2018-yil 24-avgustdagi 26-sonli qarori 11-bandining ikkinchi xatboshisi quyidagi tahrirda bayon etilsin:

“Prokurorning sud protsessida ishtirok etishi qonun boʻyicha shart deb belgilangan hollarda, bu haqda ishni sud muhokamasiga tayyorlash toʻgʻrisidagi ajrimda koʻrsatilishi lozim”.

18. Oʻzbekiston Respublikasi Oliy sudi Plenumining “Sudning hal qiluv qarori haqida” 2019-yil 24-maydagi 12-sonli qarorining 27-bandi quyidagi tahrirda bayon etilsin:

“27. Qoraqalpogʻiston Respublikasi sudi, viloyatlar va Toshkent shahar sudlari doimiy ravishda sudlar tomonidan qabul qilinayotgan hal qiluv qarorlarining protsessual qonun talablariga muvofiqligini oʻrganishi, qonun talablari buzilishiga yoʻl qoʻymaslik choralarini koʻrishi lozim”.

19. Oʻzbekiston Respublikasi Oliy sudi Plenumining “Fuqarolik ishlari boʻyicha birinchi instansiya sudining ajrimlari toʻgʻrisida” 2019-yil 25-oktabrdagi 19-sonli qarori:

1-bandining birinchi xatboshisidagi “(FPK 6-moddasining yettinchi qismi)” degan soʻzlar “(FPK 6-moddasining beshinchi qismi)” degan soʻzlar bilan almashtirilsin;

11-bandidagi “Oʻzbekiston Respublikasi Soliq kodeksining 342-moddasi” degan soʻzlar ““Davlat boji toʻgʻrisida”gi Oʻzbekiston Respublikasi Qonunining 18-moddasi” degan soʻzlar bilan, “apellatsiya yoxud kassatsiya shikoyatini” degan soʻzlar “apellatsiya va kassatsiya shikoyatini” degan soʻzlar bilan almashtirilsin;

14-bandidagi “apellatsiya yoxud kassatsiya yoki nazorat tartibida” degan soʻzlar “apellatsiya va kassatsiya tartibida” degan soʻzlar bilan, “apellatsiya yoxud kassatsiya yoki nazorat tartibidagi shikoyat (protest)ga” degan soʻzlar “apellatsiya va kassatsiya tartibida shikoyat (protest)” degan soʻzlar bilan almashtirilsin;

15-bandi:

birinchi xatboshisidagi “(FPK 400, 420, 422-moddalari)” degan soʻzlar “(FPK 400-moddasi)” degan soʻzlar bilan almashtirilsin;

ikkinchi xatboshisining oʻn sakkizinchi kichik xatboshisidagi “xususiy ajrim (qaror)” degan soʻzlar chiqarib tashlansin;

ikkinchi xatboshisining yigirma uchinchi kichik xatboshisidagi “(kassatsiya)” degan soʻz chiqarib tashlansin;

18-bandi quyidagi tahrirda bayon etilsin:

“18. Qoraqalpogʻiston Respublikasi sudi, viloyatlar va Toshkent shahar sudlari birinchi instansiya sudlari tomonidan ajrimlar chiqarilishi amaliyotini vaqti-vaqti bilan umumlashtirsin hamda aniqlangan xato va kamchiliklarni bartaraf etish yuzasidan choralar koʻrsin”.

20. Oʻzbekiston Respublikasi Oliy sudi Plenumining “Sudlar tomonidan fuqarolik ishlari boʻyicha qonuniy kuchga kirgan sud hujjatlarini yangi ochilgan holatlar boʻyicha qayta koʻrishni tartibga soluvchi qonun hujjatlarini qoʻllash toʻgʻrisida” 2019-yil 24-dekabrdagi 25-sonli qarori:

1-bandining uchinchi xatboshisi quyidagi tahrirda bayon etilsin:

“Apellatsiya, kassatsiya instansiyasi sudlari oʻzlari tomonidan chiqarilgan ajrimlarni yangi ochilgan holatlar boʻyicha ular tomonidan birinchi instansiya sudining hal qiluv qarori oʻzgartirilgan yoxud yangi hal qiluv qarori qabul qilingan boʻlsa, qayta koʻrishga haqli (FPK 438-moddasi)”;

3-bandining uchinchi xatboshisidagi “Apellatsiya, kassatsiya yoki nazorat instansiyasi sudiga” degan soʻzlar “Apellatsiya yoki kassatsiya instansiyasi sudiga” degan soʻzlar bilan almashtirilsin;

12-bandining ikkinchi xatboshisidagi “apellatsiya, kassatsiya yoxud nazorat instansiyasi sudi” degan soʻzlar “apellatsiya yoki kassatsiya instansiyasi” degan soʻzlar bilan almashtirilsin;

13-bandi:

birinchi xatboshisidagi “apellatsiya yoki kassatsiya instansiyasi sudiga” degan soʻzlar “apellatsiya instansiyasi sudiga” degan soʻzlar bilan almashtirilsin;

ikkinchi xatboshisidagi “apellatsiya, kassatsiya yoxud nazorat instansiyasi sudi” degan soʻzlar “apellatsiya instansiyasi sudi” degan soʻzlar bilan, “nazorat tartibida” degan soʻzlar “kassatsiya tartibida” degan soʻzlar bilan almashtirilsin, “, qarorlar” degan soʻz chiqarib tashlansin;

14-bandidagi “apellatsiya yoki kassatsiya instansiyasi sudi” degan soʻzlar “apellatsiya instansiyasi sudi” degan soʻzlar bilan, “sud hujjati bekor qilingan sudga” degan soʻzlar “birinchi instansiya sudiga” degan soʻzlar bilan almashtirilsin;

17-bandi quyidagi tahrirda bayon etilsin:

“17. Qoraqalpogʻiston Respublikasi sudi, viloyatlar va Toshkent shahar sudlari qonuniy kuchga kirgan sud hujjatlarini yangi ochilgan holatlar boʻyicha qayta koʻrish yuzasidan sud amaliyotini muntazam ravishda umumlashtirishi lozim”.

21. Oʻzbekiston Respublikasi Oliy sudi Plenumining “Jismoniy va yuridik shaxslar huquqlari va qonuniy manfaatlarini sud orqali himoya qilish toʻgʻrisida” 2020-yil 3-iyuldagi 11-sonli qarori:

2-bandining uchinchi kichik xatboshisi quyidagi tahrirda bayon etilsin:

“apellatsiya va kassatsiya instansiyasi sudlariga murojaat etilganda — shikoyat shaklida amalga oshiriladi”;

5-bandning uchinchi xatboshisidagi “kassatsiya va nazorat shikoyati” degan soʻzlar “kassatsiya shikoyati” degan soʻzlar bilan almashtirilsin;

7-bandidagi “nazorat instansiyasi sudiga” degan soʻzlar “kassatsiya instansiyasi sudiga” degan soʻzlar bilan almashtirilsin;

9-bandidagi “apellatsiya, kassatsiya instansiyasiga” degan soʻzlar “apellatsiya instansiyasi sudiga” degan soʻzlar bilan, “ishni apellatsiya, kassatsiya instansiyasi sudida” degan soʻzlar “ishni apellatsiya instansiyasida” degan soʻzlar bilan, “apellatsiya, kassatsiya instansiyasida” degan soʻzlar “apellatsiya instansiyasida” degan soʻzlar bilan almashtirilsin;

10-bandidagi “apellatsiya, kassatsiya, nazorat instansiyasi sudlari” degan soʻzlar “apellatsiya, kassatsiya instansiyasi sudlari” degan soʻzlar bilan almashtirilsin.