LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Vazirlar Mahkamasi qayd etadiki, aholining farovonligini oshirish yo‘liga muvofiq respublikada uy-joy-kommunal xo‘jaligining moddiy bazasini rivojlantirish, aholini uning xizmatlari bilan o‘z vaqtida va sifatli ta’minlash uchun qulay sharoitlar yaratish bo‘yicha muayyan ishlar qilingan.
Shu bilan birga, ushbu sohadagi iqtisodiy islohotlar sust sur’atlar bilan bormoqda, bozor iqtisodiyoti sharoitlarida uning faoliyat ko‘rsatishi uchun zarur sharoitlar yaratilmagan, muqobil kommunal korxonalar tashkil etilmagan, ko‘rsatilayotgan xizmatlarga narx belgilash tizimini takomillashtirishga muhtoj, xizmatlar sifati esa aholining haqli e’tirozlariga sabab bo‘lmoqda.
Kommunal xizmat ko‘rsatish xodimlari mehnatiga haq to‘lash va rag‘batlantirish bilan bog‘liq masalalar mutlaqo hal etilmagan.
Samarali ijtimoiy siyosat izchil amalga oshirilishini ta’minlash, bozor iqtisodiyoti sharoitlarida uy-joy-kommunal tarmog‘i faoliyatini takomillashtirish maqsadida Vazirlar Mahkamasi qaror qiladi:
1. O‘zbekiston Respublikasi Kommunal xizmat ko‘rsatish vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining uy-joy-kommunal tarmog‘ida bozor munosabatlarini shakllantirishga doir ishlari qoniqarsiz deb hisoblansin.
Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining hamda “Davarxitektqurilish” qo‘mitasi joylardagi organlarining turar-joylar va ijtimoiy-madaniy ahamiyatga ega bo‘lgan obyektlarni ichimlik suvni, gazni hisobga olish priborlari o‘rnatilgan holda foydalanishga qabul qilish borasidagi ishi qoniqarsiz ekanligi qayd etilsin hamda belgilangan tartib buzilganligi uchun rahbarlar shaxsan javobgar ekanliklari to‘g‘risida ogohlantirilsin.
Oldingi tahrirga qarang.
(2-band O‘zbekiston Respublikasi Vazirlar Mahkamasining 1998-yil 3-noyabrdagi 461-sonli qaroriga asosan o‘z kuchini yo‘qotgan)
3. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari O‘zbekiston Respublikasi Kommunal xizmat ko‘rsatish vazirligi bilan birgalikda 1997-yil davomida uy-joy fondiga xizmat ko‘rsatish va uni tuzatish tizimini takomillashtirish chora-tadbirlarini amalga oshirsinlar, bunda uy-joylardan foydalanish tashkilotlari tarkibida uy-joy fondini saqlash va tuzatish hamda aholiga tegishli xizmatlar ko‘rsatish bo‘yicha tuzatish-foydalanish bo‘linmalari tashkil etilgan holda ushbu tashkilotlarni xo‘jalik hisobiga o‘tkazishni nazarda tutsinlar.
4. O‘zbekiston Respublikasi Kommunal xizmat ko‘rsatish vazirligi Mehnat vazirligi va Moliya vazirligi bilan birgalikda uy-joy-kommunal xo‘jaligiga xizmat ko‘rsatish bo‘yicha normativlarni, joriy yilning oxirigacha tarmoqni ushbu normativlar bo‘yicha mehnatga haq to‘lashga bosqichma-bosqich o‘tkazishni nazarda tutgan holda, ishlab chiqsin va tasdiqlasin. Bunda kommunal xizmat ko‘rsatish ayrim xizmatlari xodimlarini mehnatga haq to‘lashning vaqtbay shaklidan ishbay shakliga o‘tkazishni nazarda tutsin.
Toshkent shahar hokimligi O‘zbekiston Respublikasi Kommunal xizmat ko‘rsatish vazirligi bilan birgalikda bir nechta uylarga xizmat ko‘rsatishning oilaviy, brigada pudratini eksperiment tariqasida joriy etsin.
5. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari uy-joy-kommunal xizmatlariga tariflarni tasdiqlashda xarajatlar tarkibi bo‘yicha mavjud normativ-uslubiy hujjatlarga qat’iy amal qilsinlar, bunda xarajatlarni izchil qisqartirishni nazarda tutsin.
Oldingi tahrirga qarang.
O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi tarmoqning o‘ziga xosligini hisobga olgan holda kommunal xizmatlarga narxlarni (tariflarni) tasdiqlash uchun taqdim etilgan hisob-kitoblarning asoslanganligi, shuningdek ularning amalda qo‘llanilishi ustidan muntazam nazoratni amalga oshiradi. Tariflarni shakllantirish va qo‘llash tartibi buzilishi hollari aniqlangan taqdirda aybdorlarga nisbatan monopoliyaga qarshi qonun hujjatlarida nazarda tutilgan sanksiyalar qo‘llanilsin.
(5-bandning ikkinchi xatboshisi O‘zbekiston Respublikasi Prezidentining 2010-yil 28-apreldagi PF-4215-son Farmoni tahririda — O‘R QHT, 2010-y., 17-son, 130-modda)
Keyingi tahrirga qarang.
1997-yilda Toshkent shahrida ikkita uyni avtonom ravishda issiqlik bilan ta’minlash yuzasidan eksperiment o‘tkazsinlar. Eksperiment natijalarini tahlil qilish asosida uylar (xonadonlar)ni issiqlik bilan ta’minlashning amaldagi tizimini yanada takomillashtirish yuzasidan Vazirlar Mahkamasiga takliflar kiritsinlar;
Toshkent shahrining faoliyat ko‘rsatayotgan korxonalari negizida chet el firmalarini jalb etgan holda suv, gaz, issiqlik energiyasini hisobga olish priborlarini tayyorlash, plastmassa trubalar ishlab chiqarish bo‘yicha korxonalar tashkil etsinlar.
Oldingi tahrirga qarang.
(7-band O‘zbekiston Respublikasi Vazirlar Mahkamasining 1998-yil 3-noyabrdagi 461-sonli qaroriga asosan o‘z kuchini yo‘qotgan)