LexUZ sharhi
Mazkur qaror O‘zbekiston Respublikasi Vazirlar Mahkamasining 1999-yil 21-sentabrdagi 439-son “Tabiiy gaz yetkazib berish va uning uchun hisob-kitob qilish tizimini takomillashtirish to‘g‘risida”gi qaroriga muvofiq o‘z kuchini yo‘qotgan.
Gaz sarfini hisobga olish asboblari (gaz hisoblagichlar) mavjud bo‘lmaganda O‘zbekiston Respublikasi aholisiga sotiladigan tabiiy gazni sarflash normalarini tartibga solish maqsadida Vazirlar Mahkamasi qaror qiladi:
1. Gaz hisoblagichlar mavjud bo‘lmaganda aholiga kommunal-maishiy va yakka tartibdagi mehnat faoliyatini yuritish ehtiyojlari uchun sotiladigan tabiiy gaz sarfining bir oylik normalari ilovaga muvofiq tasdiqlansin hamda ular tariflar darajasining navbatdagi o‘zgarishi bilan bir vaqtda joriy qilinsin.
2. Qoraqalpog‘iston Respublikasi Vazirlar Kengashiga, viloyatlar va Toshkent shahar hokimliklariga ob-havo sharoitlarini hisobga olgan holda aholi uchun isitish mavsumining boshlanish va tugash muddatlarini belgilashga ruxsat etilsin.
3. O‘zbekiston SSR Ministrlar Sovetining 1973-yil 5-iyuldagi 803-r-son farmoyishi hamda O‘zbekiston SSR Ministrlar Sovetining 1983-yil 19-apreldagi 240-son qarori o‘z kuchini yo‘qotgan deb hisoblansin.
Gaz asboblarining turlari va gazni sarflash maqsadi | O‘lchov birligi | Bir oyda sarflanadigan gaz normasi (kub m. hisobida) | |
1 | 2 | 3 | |
1. | Issiq suv ta’minoti markazlashtiriladigan gaz plitasi | 1 kishi | 9,0 |
2. | Issiq suv ta’minoti gazlashtirilmagan uylardagi taom pishiriladigan gaz plitasi | 1 kishi | 12,5 |
3. | Issiq suv ta’minoti markazlashtirilmagan yoki vaqti-vaqti bilan issiq suv bilan ta’minlab turiladigan uylarni issiq suv bilan ta’minlaydigan gaz bilan suv isitgich | 1 kishi | 9,0 |
4. | Gaz bilan isitish pribori turidan qat’i nazar, isitish mavsumining besh oyidan kelib chiqqan holda, yakka tartibda isitiladigan uylar va kvartiralarda gazdan kalendar yil mobaynida bir me’yorda foydalanish: | ||
a) | Qoraqalpog‘iston Respublikasida va Xorazm viloyatida | isitiladigan 1 kv. m. maydon uchun | 6,0 |
b) | Toshkent shahrida va boshqa viloyatlarda | —”— | 5,5 |
5. | Dag‘al xashaklarni va ildizmevalarni bug‘lash, shuningdek, suvni ichish va sanitariya maqsadlari uchun isitishni hisobga olgan holda chorva mollariga ozuqalar tayyorlash | 1 bosh hisobiga: | 5,6 23,7 12,5 2,2 |
6. | Issiqxonalarni va gulxonalarni alohida suv isitish qurilmalari va bug‘qozonlar yordamida isitish | Gaz goryelkasi qurilmasining sutkalik ish rejimidagi eng yuqori quvvati | |
7. | Yakka tartibdagi mehnat faoliyatida foydalaniladigan tandirlar, taom tayyorlanadigan qozonlar | Gaz goryelkasi qurilmasining eng yuqori quvvati va shartnomada belgilangan ish rejimi bo‘yicha | |