LexUZ sharhi
Mazkur qaror O‘zbekiston Respublikasi Vazirlar Mahkamasining 2008-yil 3-yanvardagi 2-sonli “Faxriy unvonlar egalariga to‘lovlarni tayinlash va amalga oshirish tartibi to‘g‘risidagi Nizomni tasdiqlash haqida”gi qarori bilan o‘z kuchini yo‘qotgan.
LexUZ sharhi
Mazkur qarorning O‘zbekiston Respublikasi Fanlar akademiyasining va tarmoq akademiyalarining haqiqiy a’zolari va muxbir a’zolari unvonlari uchun gonorarlar miqdoriga oid qismi O‘zbekiston Respublikasi Vazirlar Mahkamasining 1994-yil 1-dekabrdagi 578-son “O‘zbekiston Respublikasi Fanlar akademiyalari a’zolarining gonorarlari, doktorantlar va aspirantlarning stipendiyalari miqdorini oshirish to‘g‘risida”gi qaroriga muvofiq o‘z kuchini yo‘qotgan.
O‘zbekiston Respublikasining ilmiy va ijodiy salohiyatini saqlash va mustahkamlash, O‘zbekiston Respublikasida ta’sis etilgan faxriy unvonlar nufuzini oshirish maqsadida Vazirlar Mahkamasi qaror qiladi:
1. Faxriy unvonlarga ega bo‘lgan kishilarning ish haqi va pensiyalariga har oyda beriladigan gonorarlar hamda qo‘shimcha haq miqdorlari shu yil 1-iyuldan boshlab ilovaga muvofiq belgilansin.
Belgilab qo‘yilsinki, gonorarlar va qo‘shimcha haqni to‘lash bilan bog‘liq xarajatlar budjet, Pensiya jamg‘armasi, shuningdek xo‘jalik hisobidagi korxonalar, tashkilotlar va muassasalarning mablag‘lari hisobidan amalga oshiriladi.
2. O‘zbekiston Respublikasi Moliya vazirligi Mehnat vazirligi, Pensiya jamg‘armasi, Ijtimoiy ta’minot vazirligi, boshqa manfaatdor vazirliklar va idoralar bilan birgalikda ikki hafta muddatda yuqorida aytib o‘tilgan gonorarlar va qo‘shimcha haqlarni to‘lash tartibini ishlab chiqsin va tasdiqlasin.
3. Vazirlar Mahkamasining 1992-yil 16-noyabrdagi 536-son qarori va Vazirlar Mahkamasining 1992-yil 31-dekabrdagi 600-son qarorining 1-bandi o‘z kuchini yo‘qotgan deb hisoblansin.
Faxriy unvonlarning nomi | Oylik gonorar va qo‘shimcha haq miqdorlari | |
1 | 2 | |
1. | Fanlar akademiyasining haqiqiy a’zosi | respublikada belgilangan eng kam ish haqining 2 baravari miqdorida |
2. | Fanlar akademiyasining muxbir a’zosi | Fanlar akademiyasi akademigi gonorari miqdorining 70 foizi |
3. | Tarmoq akademiyasining haqiqiy a’zosi | Fanlar akademiyasi akademigi gonorari miqdorining 60 foizi |
4. | Tarmoq akademiyasining muxbir a’zosi | Fanlar akademiyasi akademigi gonorari miqdorining 50 foizi |
5. | O‘zbekiston xalq yozuvchisi | respublikada belgilangan eng kam ish haqi miqdorida |
6. | O‘zbekiston xalq shoiri | respublikada belgilangan eng kam ish haqi miqdorida |
7. | O‘zbekiston xalq o‘qituvchisi | respublikada belgilangan eng kam ish haqi miqdorida |
8. | O‘zbekiston xalq rassomi | respublikada belgilangan eng kam ish haqi miqdorida |
9. | O‘zbekiston xalq artisti | respublikada belgilangan eng kam ish haqi miqdorida |
10. | O‘zbekiston xalq hofizi | respublikada belgilangan eng kam ish haqi miqdorida |
11. | O‘zbekistonda xizmat ko‘rsatgan fan ar�obi | respublikada belgilangan eng kam ish haqi miqdorida |
12. | O‘zbekistonda xizmat ko‘rsatgan san’at arbobi | respublikada belgilangan eng kam ish haqi miqdorida |
13. | O‘zbekistonda xizmat ko‘rsatgan artist | respublikada belgilangan eng kam ish haqining 80 foizi |
Boshqa tarmoqlarning xizmat ko‘rsatgan xodimlari | respublikada belgilangan eng kam ish haqining 60 foizi | |
14. | Xizmat ko‘rsatgan arxitektor | —”— |
15. | Xizmat ko‘rsatgan jurnalist | —”— |
16. | Xizmat ko‘rsatgan sog‘liqni saqlash xodimi | respublikada belgilangan eng kam ish haqining 60 foizi |
17. | Xizmat ko‘rsatgan ixtirochi va ratsionalizatorchi | —”— |
18. | Xizmat ko‘rsatgan irrigator | —”— |
19. | Xizmat ko‘rsatgan qorako‘lchi | —”— |
20. | Xizmat ko‘rsatgan yoshlar murabbiysi | —”— |
21. | Xizmat ko‘rsatgan sanoat xodimi | —”— |
22. | Xizmat ko‘rsatgan aloqachi | —”— |
23. | Xizmat ko‘rsatgan qishloq xo‘jaligi xodimi | —”— |
24. | Xizmat ko‘rsatgan binokor | —”— |
25. | Xizmat ko‘rsatgan sportchi | —”— |
26. | Xizmat ko‘rsatgan madaniyat xodimi | —”— |
27. | Xizmat ko‘rsatgan maishiy xizmat sohasi xodimi | —”— |
28. | Xizmat ko‘rsatgan transport xodimi | —”— |
29. | Xizmat ko‘rsatgan sport ustozi | —�— |
30. | Xizmat ko‘rsatgan paxtakor | —”— |
31. | Xizmat ko‘rsatgan pillachi | —”— |
32. | Xizmat ko‘rsatgan iqtisodchi | —”— |
33. | Xizmat ko‘rsatgan yurist | —”— |
34. | Xizmat ko‘rsatgan chorvador | —”— |
35. | Xizmat ko‘rsatgan xalq ta’limi xodimi | —”— |