O‘zbekiston Respublikasi Prezidentining “Madaniyat va san’at sohasining jamiyat hayotidagi o‘rni va ta’sirini yanada oshirish chora-tadbirlari to‘g‘risida” 2020-yil 26-maydagi PF-6000-son Farmoni ijrosini ta’minlash, shuningdek respublika hududlarida teatr san’atining boy an’analarini yanada yuksaltirish maqsadida Vazirlar Mahkamasi qaror qiladi:
1. O‘zbekiston Respublikasi Madaniyat vazirligi, Navoiy, Toshkent, Namangan va Sirdaryo viloyatlari hokimliklarining:
Namangan va Sirdaryo viloyatlarida — qo‘g‘irchoq teatrlari (keyingi o‘rinlarda — davlat teatrlari) faoliyatini tashkil etish to‘g‘risidagi taklifi ma’qullansin.
davlat teatrlarini boshqarish va moliyalashtirish Vazirlar Mahkamasining “Davlat teatrlari va konsert-tomosha muassasalari faoliyatini yanada takomillashtirish chora-tadbirlari to‘g‘risida” 2019-yil 18-apreldagi 329-son qaroriga muvofiq amalga oshiriladi;
O‘zbekiston Respublikasi Madaniyat vazirligi huzuridagi “Yagona buyurtmachi xizmati” injiniring kompaniyasi davlat teatrlari binolarini qurish va jihozlash bo‘yicha buyurtmachi tashkilot hisoblanadi.
Navoiy, Toshkent, Namangan va Sirdaryo viloyatlari hokimliklari bilan birgalikda ikki oy muddatda teatr sohasidagi malakali mutaxassislarni jalb qilgan holda, ilg‘or xorijiy tajriba va texnik yechimlar hamda zamonaviy shaharsozlik tamoyillaridan kelib chiqib, davlat teatrlari binolarining konsepsiyasini ishlab chiqsin va tasdiqlasin;
Iqtisodiy taraqqiyot va kambag‘allikni qisqartirish vazirligi bilan birgalikda davlat teatrlari binolarining loyiha-smeta hujjatlarini ishlab chiqish uchun talab etiladigan mablag‘larni 2021-yilga mo‘ljallangan Investitsiya dasturining O‘zbekiston Respublikasi Madaniyat vazirligi uchun ajratilgan limitlar doirasida markazlashtirilgan kapital qo‘yilma mablag‘larini qayta taqsimlash hisobidan yo‘naltirsin;
ikki oy muddatda Navoiy, Namangan, Sirdaryo, Qashqadaryo, Xorazm va Toshkent viloyatlari davlat teatrlari binolarini qurish va zamonaviy uskunalar bilan jihozlashni 2021 — 2023-yillarga mo‘ljallangan O‘zbekiston Respublikasining ijtimoiy va ishlab chiqarish infratuzilmasini rivojlantirish dasturiga kiritish yuzasidan tegishli takliflarni ishlab chiqib, belgilangan tartibda taqdim etsin.
4. O‘zbekiston Respublikasi Moliya vazirligi davlat teatrlarining faoliyatini moliyalashtirish uchun zarur mablag‘larni ushbu teatrlar binolarini qurish ishlari yakunlanib, belgilangan tartibda foydalanishga topshirilgandan so‘ng O‘zbekiston Respublikasi Davlat budjeti parametrlarini shakllantirishda nazarda tutsin.
5. O‘zbekiston Respublikasi Madaniyat vazirligi davlat teatrlarining binolari belgilangan tartibda foydalanishga topshirilgandan so‘ng bir oy muddatda:
b) davlat teatrlarining budjetdan tashqari mablag‘lari, yuridik va jismoniy shaxslarning homiylik xayriyalari hamda qonun hujjatlari bilan taqiqlanmagan boshqa manbalar hisobidan:
respublika va xorijiy teatrlarning malakali mutaxassislarini jalb qilgan holda davlat teatrlari ijodkorlariga rejissura va aktyorlik mahorati hamda sahna harakati va sahna nutqi bo‘yicha maxsus mahorat darslari tashkil etilishini;
davlat teatrlarida tajribali aktyorlarni jalb qilgan holda iqtidorli yoshlarni aniqlash va ularda artistik qobiliyatlarini rivojlantirishga qaratilgan to‘garaklarni tashkil etishni ta’minlasin.
6. Davlat teatrlarining har biriga 1 tadan shaxsiy xizmat yengil avtotransport vositalarini va 1 tadan maxsus transport (avtobus)ni saqlash uchun limit ajratilsin.
davlat teatrlariga yangi binolar qurish uchun belgilangan tartibda shahar markazidan tomoshabinlar tashrif buyurishiga har tomonlama qulay, transport, muhandislik-kommunikatsiya infratuzilmasi mavjud bo‘sh turgan yer maydonlari ajratilishini;
davlat teatrlari faoliyati yo‘lga qo‘yilgandan so‘ng ularga 1 tadan shaxsiy xizmat yengil avtotransport vositasi, 1 tadan avtobus xarid qilish uchun mahalliy budjetning qo‘shimcha manbalari hisobidan mablag‘ ajratilishini;
davlat teatrlari faoliyati samaradorligini oshirish, ularning ijodiy faoliyatini rivojlantirish va moddiy-texnika bazasini mustahkamlash maqsadida “do‘stlar klublari”ni tashkil etish va homiy tashkilotlar bilan teatrlar hamkorligi yo‘lga qo‘yilishini;
har chorak yakuni bo‘yicha “do‘stlar klublari”ni tashkil etish va ularning faoliyati doirasida amalga oshirilgan ishlar yuzasidan O‘zbekiston Respublikasi Madaniyat vazirligiga axborot kiritib borilishini ta’minlasin.
a) Axborot texnologiyalari va kommunikatsiyalarini rivojlantirish vazirligi bilan birgalikda yangi tashkil etiladigan davlat teatrlarida quyidagilarni nazarda tutuvchi zamonaviy axborot-kommunikatsiya tizimlarini teatrlarning budjetdan tashqari mablag‘lari, yuridik va jismoniy shaxslarning homiylik xayriyalari hamda qonun hujjatlari bilan taqiqlanmagan boshqa manbalar hisobidan joriy etsin:
O‘zbekiston Respublikasi Vazirlar Mahkamasining 2019-yil 10-yanvardagi “Bilet operatsiyalarining yagona elektron tizimini yaratish va joriy qilish chora-tadbirlari to‘g‘risida”gi 18-son qarori bilan belgilangan tartib asosida Bilet operatsiyalarining yagona elektron tizimiga ulanish;
davlat teatrlarini O‘zbekiston Respublikasi Madaniyat vazirligining yagona elektron axborot tizimiga ulangan videokuzatuv kameralari va avtomatik tizimlar (turniketlar) bilan jihozlash hamda kelgusida “Xavfsiz shahar” apparat-dasturiy kompleksiga integratsiyalash;
b) O‘zbekiston Badiiy akademiyasi, Iqtisodiy taraqqiyot va kambag‘allikni qisqartirish vazirligi bilan birgalikda 2021/2022 o‘quv yilidan boshlab:
O‘zbekiston davlat san’at va madaniyat institutida “Qo‘g‘irchoq yasash texnologiyasi” ixtisosligi bo‘yicha ta’lim yo‘nalishini ochish;
qo‘g‘irchoq teatri rejissorligi, aktyorligi va dramaturgiya yo‘nalishi bo‘yicha maxsus sirtqi bo‘limlarni tashkil qilish;
Kamoliddin Behzod nomidagi Milliy rassomlik va dizayn institutida “Qo‘g‘irchoq teatri rassomi” ixtisosligi bo‘yicha ta’lim yo‘nalishini ochish choralarini ko‘rsin.
9. Mazkur qarorning bajarilishini nazorat qilish O‘zbekiston Respublikasi Bosh vazirining ijtimoiy rivojlantirish masalalari bo‘yicha o‘rinbosari B.A. Musayev hamda O‘zbekiston Respublikasi madaniyat vaziri O.A. Nazarbekov zimmasiga yuklansin.