O‘zbekiston Respublikasi Oliy Majlisi qaror qiladi:

1. “Xalq deputatlari mahalliy Kengashi deputatini, O‘zbekiston Respublikasi Oliy Majlisining Qonunchilik palatasi deputatini va Senati a’zosini chaqirib olish to‘g‘risida”gi O‘zbekiston Respublikasi Qonuni xalq deputatlari viloyat, tuman va shahar Kengashlariga, O‘zbekiston Respublikasi Oliy Majlisining Qonunchilik palatasiga bo‘lib o‘tadigan saylov hamda O‘zbekiston Respublikasi Oliy Majlisining Senatini shakllantirish yakunlariga ko‘ra amalga kiritilsin.

2. “Xalq deputatlari mahalliy Kengashi deputatini, O‘zbekiston Respublikasi Oliy Majlisining Qonunchilik palatasi deputatini va Senati a’zosini chaqirib olish to‘g‘risida”gi O‘zbekiston Respublikasi Qonuni amalga kiritilgan kundan e’tiboran quyidagilar o‘z kuchini yo‘qotgan deb topilsin:

O‘zbekiston Respublikasining 1996-yil 26-aprelda qabul qilingan “O‘zbekiston Respublikasida deputatni chaqirib olish tartibi to‘g‘risida”gi Qonuni (O‘zbekiston Respublikasi Oliy Majlisining Axborotnomasi, 1996-yil, № 5-6, 67-modda);

O‘zbekiston Respublikasi Oliy Majlisining 1996-yil 26-aprelda qabul qilingan “O‘zbekiston Respublikasida deputatni chaqirib olish tartibi to‘g‘risida”gi O‘zbekiston Respublikasi Qonunini amalga kiritish haqida”gi qarori (O‘zbekiston Respublikasi Oliy Majlisining Axborotnomasi, 1996-yil, № 5-6, 68-modda);

O‘zbekiston Respublikasining 2000-yil 26-mayda qabul qilingan “O‘zbekiston Respublikasining ayrim qonun hujjatlariga o‘zgartishlar va qo‘shimchalar kiritish to‘g‘risida”gi Qonunining (O‘zbekiston Respublikasi Oliy Majlisining Axborotnomasi, 2000-yil, № 5-6, 153-modda) XXII bo‘limi.