Kommunal xizmatlar uchun iste’molchilarning o‘z vaqtida va to‘liq hisob-kitob qilish mexanizmini takomillashtirish va mas’uliyatini oshirish, tariflarning asossiz ravishda o‘sib ketishiga yo‘l qo‘ymaslik, shuningdek kommunal tarmoqlardan foydalanish, ularni texnik jihatdan zamonaviylashtirish va qayta jihozlash, kommunal xizmat ko‘rsatish korxonalarining moddiy-texnika bazasini mustahkamlash maqsadida:
1. Vazirlar Mahkamasi huzurida Tariflar va uy-joy-kommunal xo‘jaligidagi iqtisodiy islohotlar dasturi bajarilishi monitoringini olib borish respublika komissiyasi (bundan buyon matnda Komissiya deb yuritiladi) ilovaga* muvofiq tashkil etilsin.
* Ilova rus tilidagi matnda berilgan.
kommunal xizmatlarning raqobat bozorini shakllantirishga, ushbu sohada xususiy korxonalarni rivojlantirishga ko‘maklashish;
kommunal xizmatlar uchun tariflarning asossiz ravishda oshib ketishiga yo‘l qo‘ymaslik maqsadida kommunal xizmatlar qiymati va ular uchun tariflar miqdorini belgilashda xarajatlar tarkibini yilning har choragida hududlar bo‘yicha tahlil qilib borish;
o‘rta va past bosimli gaz quvurlarida tabiiy gaz, tegishli kommunal xizmat ko‘rsatish korxonalari tomonidan issiq suv va issiqlik energiyasini ishlab chiqarish va iste’molchilarga yetkazib berishda ular isrof bo‘lishining cheklangan normalarini ishlab chiqishni tashkil etish;
tasdiqlangan dasturga muvofiq kommunal xizmatlarni yakka va umumfoydalaniladigan tartibda hisobga olish asboblarini o‘rnatishni nazorat qilish va ulardan foydalanishning tizimli monitoringini olib borish;
ishlab chiqarish va kommunal xizmatlar ko‘rsatish jarayonida zamonaviy energiya tejaydigan texnologiyalarni tadbiq qilish va nazorat o‘rnatishni tashkil etish.
Keyingi tahrirga qarang.
barcha yuridik shaxslar — kommunal xizmatlar iste’molchilari iste’mol qilingan kommunal xizmatlar uchun kalendar oy tamom bo‘lgandan keyin 30 kun mobaynida to‘liq hisob-kitob qilishlari shart;
shartnomada belgilangan muddatlardan o‘tib ketgan har bir kun uchun yuridik shaxslardan muddati o‘tkazib yuborilgan summaning 0,4 foizi, aholidan esa 0,1 foizi miqdorida, ammo 50 foizdan oshmaydigan mikdorda, penya qo‘shib undiriladi. Olingan penya summalari kommunal xizmat ko‘rsatish korxonalarini zamonaviylashtirish va texnika bilan qayta jihozlash uchun to‘liq va maqsadli foydalaniladi;
kommunal xizmatlar uchun o‘z vaqtida haq to‘lamagan iste’molchilar o‘rnatilgan tartibda ushbu manbalardan uzib qo‘yiladi;
gaz va suv tarmoqlariga o‘zboshimchalik bilan ulanib olgan, elektr energiyasi, tabiiy gaz, sovuq va issiq suv, issiqlik energiyasini hisobga olish asboblariga qasddan shikast yetkazgan, shuningdek hisobga olish asboblarining ko‘rsatkichlarini o‘zgartirish maqsadida ularga tashqaridan aralashishga yo‘l qo‘ygan qoida buzuvchilar qonunchilikka muvofiq to jinoiy javobgarlikkacha tortiladilar.
3. Belgilansinki, 2005-yil 1-iyuldan boshlab uy-joylar ichidagi suv o‘tkazgichlari, kanalizatsiya, issiqlik, elektr tarmoqlari va qurilmalarga texnik xizmat ko‘rsatish xarajatlari uy-joy mulkdorlari shirkatlari (UMSh)da jamlangan uy-joy mulkdorlarining mablag‘lari hisobidan qoplanadi va, tegishli ravishda, sovuq suv, issiqlik va elektr energiyasi yetkazib beruvchi korxonalarning xarajatlariga kiritilmaydi.
Keyingi tahrirga qarang.
4. O‘zbekiston Respublikasi Prezidentining “Uy-joy mulkdorlari shirkatlarining faoliyatini rivojlantirish borasidagi qo‘shimcha chora-tadbirlar to‘g‘risida” 2002-yil 26-fevraldagi PF-3038-son Farmoniga muvofiq uy-joy mulkdorlari shirkatlariga berilgan soliq imtiyozlari uy-joy mulkdorlari shirkatlarining professional boshqaruvchi kompaniyalariga joriy etilsin.
Keyingi tahrirga qarang.
5. O‘zbekiston Respublikasi Vazirlar Mahkamasining “Elektr energiyasidan foydalanganlik uchun hisob-kitob qilish mexanizmini tubdan takomillashtirish chora-tadbirlari to‘g‘risida” 2004-yil 1-noyabrdagi 511-son qaroriga muvofiq 2005-yil 1-yanvardan boshlab olingan kommunal xizmatlar uchun aholi tomonidan haq to‘lash iste’molchilarning ixtiyoriga ko‘ra barcha tijorat banki bo‘limlari va to‘lovlarni qabul qilish kassalari orqali cheklovlarsiz amalga oshirilishi ma’lumot uchun qabul qilinsin.
Uy-joy mulkdorlari shirkatlari va kommunal xizmatlar ko‘rsatish korxonalariga ular tomonidan ko‘rsatilgan kommunal xizmatlar, shu jumladan uy-joylarning ekspluatatsiya xarajatlari uchun aholidan naqd pul mablag‘larini kassalarni chetlab mustaqil yig‘ish taqiqlansin.
Keyingi tahrirga qarang.
6. O‘zbekiston Respublikasi Bosh vazirining o‘rinbosari A.H. To‘xtayev O‘zbekiston Respublikasi Adliya vazirligi, Iqtisodiyot vazirligi, “O‘zkommunxizmat” Agentligi, “O‘zbekenergo” DAK, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari hamda boshqa manfaatdor idoralar ishtirokida O‘zbekiston Respublikasining Uy-joy kodeksiga o‘zgartirish va qo‘shimchalar kiritish to‘g‘risidagi takliflarni puxta ko‘rib chiqsin va ikki oy muddatda Vazirlar Mahkamasiga kiritsin.
Bunda uy-joy mulkdorlari va undan foydalanuvchilarning kommunal xizmatlar haqini, uy-joylardan foydalanish va saqlash xarajatlarini o‘z vaqtida to‘lash uchun javobgarligi masalalariga alohida e’tibor qaratilsin.
7. Uy-joy mulkdorlari va undan foydalanuvchilar tuzilgan shartnomalarga muvofiq, kommunal xizmat, uy-joylardan foydalanish va saqlash xarajatlarini to‘lash bo‘yicha O‘zbekiston Respublikasining Uy-joy kodeksi va boshqa qonun hujjatlari talablarini qo‘pol ravishda buzgan hollarda shahar va tumanlarning hokimliklari kommunal xizmat ko‘rsatuvchilar yoki uy-joy mulkdorlari shirkatlarining taqdimnomasiga muvofiq, to‘lanmagan qarzlarni aybdor shaxslardan belgilangan tartibda undirib olish to‘g‘risida fuqarolik sudlariga da’vo arizalari kiritsinlar.
Keyingi tahrirga qarang.
8. O‘zbekiston Respublikasi Iqtisodiyot vazirligi, Davlat mulki qo‘mitasi, “Davarxitektqurilish” qo‘mitasi, “Yergeodezkadastr” Davlat qo‘mitasi, Adliya vazirligi boshqa manfaatdor idoralar bilan birgalikda bir oy muddatda bo‘sh turgan egasiz uy-joylarni aniqlash, hisobga olish va davlat mulkiga o‘tkazish tartibi to‘g‘risidagi nizomni ishlab chiqsin hamda Vazirlar Mahkamasiga kiritsin.
9. Qoraqalpog‘iston Respublikasi Vazirlar Kengashi, viloyatlar va Toshkent shahri, shaharlar va tumanlarning hokimliklari bo‘sh yotgan uy-joylarni uch oy muddatda xatlab qo‘ysinlar.
Bo‘sh yotgan egasiz uy-joylar aniqlanganida ularni belgilangan tartibda davlat mulkiga o‘tkazish uchun sudga murojaat etish maqsadida ularni hisobga olib qo‘yish ta’minlansin;
olti oydan ortiq kommunal xizmatlar va uy-joydan foydalanish xarajatlari uchun haqi to‘lanmagan bo‘sh yotgan uy-joylar aniqlangan taqdirda qonunchilikka muvofiq uy-joy mulkdorlarining muayyan javobgarligi to‘g‘risida qaror qabul qilish uchun fuqarolik sudlariga da’vo arizalari kiritilsin.
10. O‘zbekiston Respublikasi Adliya vazirligi O‘zbekiston Respublikasi Bosh prokuraturasi, Davlat mulki qo‘mitasi va Moliya vazirligi bilan birgalikda bir oy muddatda sud organlari ushbu qaror ijrosi bo‘yicha qabul qilgan qarorlarni sud ijrochilari tomonidan ijro etish tartibi to‘g‘risidagi takliflarni Vazirlar Mahkamasiga kiritsin.
11. O‘zbekiston Respublikasi Adliya vazirligi manfaatdor vazirliklar va idoralar bilan birgalikda ikki oy muddatda:
uy-joy kommunal sohasidagi normativ-huquqiy boshqarish avvalo qonun hujjatlari bilan amalga oshirilishini nazarda tutgan holda tegishli idoraviy normativ hujjatlarni tanqidiy qayta ko‘rib chiqsin va ularni keskin kamaytirish hamda tartibga keltirish choralarini ko‘rsin;
amaldagi qonun hujjatlariga mazkur qarordan kelib chiqadigan o‘zgartirish va qo‘shimchalar kiritish to‘g‘risida O‘zbekiston Respublikasi Vazirlar Mahkamasiga takliflar taqdim etsin.
12. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklatilsin.