Respublika xalq xoʻjaligining sellyuloza-qogʻoz mahsulotlariga boʻlgan ehtiyojini taʼminlash, uning importini qisqartirish, shuningdek, ilgʻor texnologiyalar va mahalliy xomashyo resurslaridan oqilona foydalanish asosida yuqori sifatli sellyuloza-qogʻoz mahsulotlarining keng assortimentini ishlab chiqarish boʻyicha zamonaviy ishlab chiqarishlarni tashkil etish maqsadida:

1. Oʻzbekiston Respublikasi Qishloq va suv xoʻjaligi vazirligi, Oʻzbekiston Respublikasi Oʻrmon xoʻjaligi davlat qoʻmitasi, Oʻzbekiston Respublikasi Tashqi iqtisodiy faoliyat milliy banki, Toshkent viloyati hokimligining:

koʻp yillik (terak va boshqalar) va bir yillik (gʻoʻza poyasi, topinambur, sholi va bugʻdoy somoni) mahalliy oʻsimlik xomashyosini chuqur qayta ishlashni tashkil etish, bunda yuqori qoʻshilgan qiymatga ega boʻlgan talab yuqori boʻlgan mahsulotlar ishlab chiqarishni tashkil etish;

2017 — 2019-yillarda “Yeso Rareg Industry” masʼuliyati cheklangan jamiyati (keyingi oʻrinlarda loyiha tashabbuskori deb ataladi) tomonidan sellyuloza-qogʻoz mahsulotlari ishlab chiqarish boʻyicha “Sellyuloza-qogʻoz kombinatini tashkil etish” investitsiya loyihasini (keyingi oʻrinlarda investitsiya loyihasi deb ataladi) yiliga 16,5 ming tonna ishlab chiqarish quvvatiga ega, hisob-kitob qiymati 10,3 mln AQSH dollari ekvivalentida amalga oshirish;

investitsiya loyihasini amalga oshirishni loyiha tashabbuskorining 3,1 mln AQSH dollari miqdoridagi oʻz mablagʻlari va Oʻzbekiston Respublikasi Tashqi iqtisodiy faoliyat milliy bankining 7,2 mln AQSH dollari miqdoridagi krediti hisobiga moliyalashtirishni tashkil etish toʻgʻrisidagi takliflari rozilik berilsin.

Loyiha tashabbuskori Oʻzbekiston Respublikasi Tashqi iqtisodiy faoliyat milliy banki hamda manfaatdor vazirlik va idoralar bilan birgalikda bir oy muddatda investitsiya loyihasini amalga oshirishning batafsil tarmoq jadvalini ishlab chiqsin va tasdiqlasin.

2. Toshkent viloyati hokimligi Oʻzbekiston Respublikasi Oʻrmon xoʻjaligi davlat qoʻmitasi, Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi, Oʻzbekiston Respublikasi Qishloq va suv xoʻjaligi vazirligi bilan birgalikda va loyiha tashabbuskori:

bir oy muddatda loyiha tashabbuskoriga yer uchastkalari ajratilishini:

20 gektar maydon — sellyuloza-qogʻoz zavodi qurish uchun;

900 gektar maydonda — yogʻoch plantatsiyalari (terak va boshqalar) yaratish orqali uning xomashyo bazasini mustahkamlash uchun;

tashkil etilayotgan sellyuloza-qogʻoz kombinatini muhandislik tarmoqlariga ulash, shu jumladan sugʻorish suvi taʼminotining zarur chegaralari va hajmlarini belgilangan tartibda belgilashni taʼminlasin.

3. Qoraqalpogʻiston Respublikasi Vazirlar Kengashi va viloyatlar hokimliklari, Oʻzbekiston Respublikasi Oʻrmon xoʻjaligi davlat qoʻmitasi, Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi barqaror xom ashyoni yaratish maqsadida sellyuloza-qogʻoz mahsulotlari ishlab chiqaruvchi korxonalarning moddiy-texnik bazasi ikki oy muddatda har bir oʻrmon xoʻjaligiga sugʻoriladigan yerlardan tez oʻsadigan yogʻoch (terak va boshqalar) plantatsiyalarini tashkil etish uchun ajratilishini taʼminlasin.

4. Oʻzbekiston Respublikasi Oʻrmon xoʻjaligi davlat qoʻmitasi:

2017-yil 1-sentabrdan boshlab Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda yogʻoch plantatsiyalarini uyushqoqlik bilan yetishtirish, shartnoma asosida sellyuloza-qogʻoz mahsulotlari ishlab chiqarish uchun zarur xomashyo tayyorlash va sotishni taʼminlash tizimini ishlab chiqsin va joriy etsin;

ikki oy muddatda sellyuloza-qogʻoz kombinatining va mahalliy aholining ehtiyojlarini taʼminlash uchun yetishtiriladigan tez oʻsuvchi daraxtlar va butalarni kesish tartibi toʻgʻrisidagi nizomni ishlab chiqsin va belgilangan tartibda tasdiqlasin.

5. Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturi amalga oshirilishini taʼminlash boʻyicha maxsus idoralararo komissiya amalga oshirilayotgan investitsiya loyihasi 2017 — 2021-yillar davrida ishlab chiqarishni mahalliylashtirish dasturiga belgilangan tartibda kiritilishini taʼminlasin.

7. Oʻzbekiston Respublikasi Tashqi ishlar vazirligi loyiha tashabbuskorining Oʻzbekiston Respublikasi Tashqi iqtisodiy faoliyat milliy banki tomonidan tasdiqlanadigan buyurtmanomalari boʻyicha investitsiya loyihasini amalga oshirishda qatnashuvchi xorijiy mutaxassislarga kirish vizalari konsullik va boshqa yigʻimlar undirilmasdan belgilangan tartibda rasmiylashtirilishini taʼminlasin.

8. Oʻzbekiston Respublikasi Ichki ishlar vazirligi loyiha tashabbuskorining Oʻzbekiston Respublikasi Tashqi iqtisodiy faoliyat milliy banki tomonidan tasdiqlanadigan buyurtmanomalari boʻyicha investitsiya loyihasini amalga oshirishda qatnashuvchi xorijiy mutaxassislarga koʻp martalik vizalar rasmiylashtirilishi, berilishi va muddati uzaytirilishini, shuningdek, ularning vaqtincha yashash joyi boʻyicha vaqtincha roʻyxatdan oʻtkazilishi va vaqtincha roʻyxatdan oʻtkazish muddati uzaytirilishini davlat boji toʻlanmasdan belgilangan tartibda taʼminlasin.

9. Oʻzbekiston Respublikasi Bandlik va mehnat munosabatlari vazirligi loyiha tashabbuskorining Oʻzbekiston Respublikasi Tashqi iqtisodiy faoliyat milliy banki tomonidan tasdiqlanadigan buyurtmanomalari boʻyicha loyihani amalga oshirishda qatnashuvchi malakali xorijiy mutaxassislarni (Oʻzbekiston Respublikasi fuqarolari orasida mavjud boʻlmagan) respublikaga jalb etishga belgilangan tartibda ruxsatnomalar berilishini taʼminlasin.

10. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Z.T. Mirzayev va Oʻzbekiston Respublikasi Tashqi iqtisodiy faoliyat milliy banki boshqaruvi raisi S.R. Xolmurodov zimmasiga yuklansin.