LexUZ sharhi
Mazkur qaror O‘zbekiston Respublikasining 2016-yil 20-yanvardagi O‘RQ-401-sonli “O‘zbekiston Respublikasining Bojxona kodeksi qabul qilinishi munosabati bilan O‘zbekiston Respublikasining ayrim qonun hujjatlariga o‘zgartishlar kiritish, shuningdek ayrim qonun hujjatlarini o‘z kuchini yo‘qotgan deb topish to‘g‘risida”gi Qonuniga asosan o‘z kuchini yo‘qotgan.
O‘zbekiston Respublikasi Oliy Majlisi qaror qiladi:
1. “Boj tarifi to‘g‘risida”gi O‘zbekiston Respublikasining Qonuni 1998-yil 1-yanvardan amalga kiritilsin.
2. O‘zbekiston Respublikasi Vazirlar Mahkamasi hukumat qarorlarini “Boj tarifi to‘g‘risida”gi Qonunga muvofiqlashtirsin, vazirliklar hamda idoralar ushbu Qonunga zid bo‘lgan o‘z normativ hujjatlarini qayta ko‘rib chiqishlarini va bekor qilishlarini ta’minlasin.
3. Belgilab qo‘yilsinki, qonun hujjatlari “Boj tarifi to‘g‘risida”gi Qonunga muvofiqlashtirilgunga qadar O‘zbekiston Respublikasi amaldagi qonun hujjatlarining ushbu Qonunga zid bo‘lmagan qismlari qo‘llanilaveradi.