O‘zbekiston Respublikasi Prezidentining “O‘zbekiston Respublikasida turizmni jadal rivojlantirishga oid qo‘shimcha chora-tadbirlar to‘g‘risida” 2019-yil 5-yanvardagi PF-5611-son Farmoniga va O‘zbekiston Respublikasi Prezidentining “Turizm tarmog‘ini jadal rivojlantirishga oid chora-tadbirlar to‘g‘risida” 2019-yil 5-yanvardagi PQ-4095-son qaroriga muvofiq Vazirlar Mahkamasi qaror qiladi:
1. O‘zbekiston Respublikasi Hukumatining ilovaga muvofiq ayrim qarorlariga o‘zgartirish va qo‘shimchalar kiritilsin.
2. Mazkur qarorning bajarilishini nazorat qilish O‘zbekiston Respublikasi Bosh vazirining ijtimoiy rivojlantirish masalalari bo‘yicha o‘rinbosari A.A. Abduxakimov, O‘zbekiston Respublikasi tashqi ishlar vaziri A.X. Kamilov va O‘zbekiston Respublikasi ichki ishlar vaziri P.R. Bobojonov zimmasiga yuklansin.
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
1. Vazirlar Mahkamasining “Xorijiy fuqarolarning va fuqaroligi bo‘lmagan shaxslarning O‘zbekiston Respublikasiga kelishlari, ketishlari, bu erda bo‘lishlari va tranzit o‘tishlari tartibi to‘g‘risida” 1996-yil 21-noyabrdagi 408-sonli qarorida:
“O‘zbekiston Respublikasining kirish, chiqish va tranzit vizalari (elektron bo‘lmagan) toifalarining ro‘yxati 4-ilovaga muvofiq;
Fuqarolari uchun O‘zbekiston Respublikasida vizasiz rejim joriy qilingan mamlakatlar ro‘yxati 5-ilovaga muvofiq”.
“Kirish vizalari, qoidaga ko‘ra, bir yildan ortiq bo‘lmagan muddatga beriladi. Qonun hujjatlarida nazarda tutilgan hollarda ma’lum toifadagi xorijiy fuqarolar va fuqaroligi bo‘lmagan shaxslarga kirish vizalari uch yildan ortiq bo‘lmagan muddatga beriladi”;
“d) xorijiy investitsiyali korxonalarning muassislari (ishtirokchilari) va ularning oila a’zolari uchun”;
“8. O‘zbekiston Respublikasiga kirish va chiqish vizalarini berish yoki amal qilish muddatini uzaytirish uchun xorijiy fuqarolardan:
a) O‘zbekiston Respublikasi konsullik muassasalari tomonidan O‘zbekiston Respublikasi Prezidenti tomonidan belgilangan tartibda va miqdorda konsullik yig‘imlari, shuningdek, konsullik ishlarini bajarish bilan bog‘liq bo‘lgan haqiqiy xarajatlarni qoplash hisobiga O‘zbekiston Respublikasi Tashqi ishlar vazirligi va konsullik muassasalari boshliqlari yoki O‘zbekiston Respublikasi diplomatik vakolatxonalari boshliqlari tomonidan belgilanadigan tartibda va miqdorda yig‘imlar undiriladi;
b) O‘zbekiston Respublikasi ichki ishlar organlari tomonidan O‘zbekiston Respublikasi Vazirlar Mahkamasi tomonidan belgilangan tartibda va miqdorda davlat poshlinasi undiriladi”;
“Fuqarolari elektron kirish vizasini olish imkoniyatiga ega bo‘lgan mamlakatlar ro‘yxatiga kiritilgan xorijiy fuqarolar O‘zbekiston Respublikasining chet eldagi konsullik muassasalari va O‘zbekiston Respublikasi Tashqi ishlar vazirligining Konsullik-huquqiy departamentiga murojaat qilmasdan, O‘zbekiston Respublikasi hududiga 30 kun muddatga bir martalik, ikki martalik va ko‘p martalik kirish uchun “e-visa.gov.uz” portali orqali “E-VISA.UZ” tizimi yordamida elektron vizani rasmiylashtirishlari va olishlari mumkin. Elektron vizani rasmiylashtirish va olish tartibi Elektron viza to‘g‘risidagi nizom bilan tartibga solinadi.”;
86. Xitoy Xalq Respublikasi, shu jumladan, Xitoy Xalq Respublikasining Gonkong maxsus ma’muriy hududi.
2. Vazirlar Mahkamasining 2012-yil 28-martdagi 89-son qarori bilan tasdiqlangan Umumiy ovqatlanish korxonalari tomonidan alkogolli mahsulotlarni sotish huquqi uchun ruxsat guvohnomasi berish tartibi to‘g‘risidagi nizomga (O‘zbekiston Respublikasi QT, 2012-y., 3-son, 20-modda) quyidagi mazmundagi 41 band qo‘shilsin:
“41. Mehmonxonalarga, mehmonxonaga tegishli bo‘lgan va uning ichida joylashgan, yashovchilarga alkogolli mahsulotlarni sotishni amalga oshiruvchi barcha umumiy ovqatlanish korxonalariga (bar, mini-bar, kafe, restoran) bitta ruxsat guvohnomasi beriladi”.
3. Vazirlar Mahkamasining 2014-yil 6-martdagi 53-son qarori bilan tasdiqlangan Moddiy madaniy meros obyektlarini va ularga tutash hududlarni ularni obodonlashtirish va zarur holatda saqlash bo‘yicha investitsiya majburiyatlari olgan holda ijaraga berish tartibi to‘g‘risida nizomga (O‘zbekiston Respublikasi QT, 2014-y., 3-son, 22-modda) quyidagi mazmundagi 291 band qo‘shilsin:
“291. Hududida turizm infratuzilma obyektlari, shu jumladan, joylashtirish vositalari joylashgan yoki yaratiladigan moddiy madaniy meros obyektlari o‘ttiz yilgacha muddatga, biroq kamida o‘n yilga ijaraga beriladi.
Bunda ijarachilar besh yillik ijara haqiga teng bo‘lgan mablag‘ni hududida o‘zlari joylashgan moddiy madaniy meros obyektlarini restavratsiya va konservatsiya qilishga yo‘naltirish, shuningdek, moddiy madaniy meros obyektlarini saqlash normalariga rioya qilish shartlarida dastlabki besh yilda ijaraga haq to‘lashdan ozod qilinadilar. Ijara shartnomasining amal qilish muddatini uzaytirish tanlov komissiyasining qarori asosida amalga oshiriladi”.
4. Vazirlar Mahkamasining 2017-yil 5-iyundagi 355-son qarori bilan tasdiqlangan Turoperator va mehmonxona xizmatlarini sertifikatlashtirish tartibi to‘g‘risidagi nizomda (O‘zbekiston Respublikasi QT, 2017-y., 6-son, 94-modda):
“42. Xostel xizmatini sertifikatlashtirish O‘zbekiston Respublikasi Vazirlar Mahkamasi tomonidan belgilanadigan tartibda mehmon uylari va xostellar reyestriga ular to‘g‘risida ma’lumotlarni kiritish yo‘li bilan amalga oshiriladi”;
5. Vazirlar Mahkamasining “2017 — 2019-yillarda Samarqand shahri va Samarqand viloyatining turizm salohiyatini jadal rivojlantirish chora-tadbirlari to‘g‘risida” 2017-yil 30-iyundagi 450-son qarorining 1-bandi to‘qqizinchi xatboshidagi “2” raqami “3” raqami bilan almashtirilsin.
Oldingi tahrirga qarang.
(6-band O‘zbekiston Respublikasi Vazirlar Mahkamasining 2020-yil 10-iyuldagi 433-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 10.07.2020-y., 09/20/433/1140-son)
7. Vazirlar Mahkamasining “Oilaviy mehmon uylari faoliyatini tashkil etish to‘g‘risida” 2018-yil 7-avgustdagi 631-son qarorida:
a) 1-bandning to‘rtinchi va beshinchi xatboshilardagi “Oilaviy mehmon uylari yagona reyestri” so‘zlari “Oilaviy mehmon uylari va xostellar yagona reyestri” so‘zlari bilan almashtirilsin;
birinchi xatboshidagi “Oilaviy mehmon uylari yagona reyestri” so‘zlari “Oilaviy mehmon uylari va xostellar yagona reyestri” so‘zlari bilan almashtirilsin;
ikkinchi xatboshidagi “O‘zbekiston Respublikasi Turizmni rivojlantirish davlat qo‘mitasi huzuridagi budjetdan tashqari Turizm faoliyatini qo‘llab-quvvatlash jamg‘armasining” so‘zlari “O‘zbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni qo‘llab-quvvatlash davlat fondi” so‘zlari bilan almashtirilsin;
2-bandning uchinchi xatboshidagi “Oilaviy mehmon uylari yagona reyestri” so‘zlari “Oilaviy mehmon uylari va xostellar yagona reyestri” so‘zlari bilan almashtirilsin va “mehmon uylari to‘g‘risidagi ma’lumotlarning axborot bazasi” so‘zlari “va xostellar” so‘zlari bilan to‘ldirilsin;
1, 2a, 3, 4, 5 va 6 — ilovalardagi “Oilaviy mehmon uylari yagona reyestri” so‘zlari “Oilaviy mehmon uylari va xostellar yagona reyestri” so‘zlari bilan almashtirilsin.
8. Vazirlar Mahkamasining 2018-yil 22-oktabrdagi 845-son qarori bilan tasdiqlangan Chet el fuqarolari va fuqaroligi bo‘lmagan shaxslarni doimiy va vaqtincha propiska qilish tartibi to‘g‘risida nizomning (O‘zbekiston Respublikasi QT, 10-son, 258-modda) 7-bandida:
“Ro‘yxatning 1-bandiga binoan propiska qilish vaqtida Ko‘chmas mulk obyektlariga bo‘lgan huquqlarning davlat reyestridan ko‘chirma va kadastr pasportining asl nusxasi (nusxasi olinib asli qaytarib beriladi)”;
sakkizinchi va to‘qqizinchi xatboshilar tegishli ravishda to‘qqizinchi va o‘ninchi xatboshilar deb hisoblansin.