O‘tgan davr mobaynida elektrotexnika sanoati tashkilotlari faoliyati samaradorligini oshirish bo‘yicha salmoqli ishlar bajarildi, bu esa ishlab chiqarishning yangi turlarini o‘zlashtirgan holda mahsulotni ishlab chiqarish va eksport qilish hajmini sezilarli darajada oshirish imkonini yaratdi.
Shu bilan birga, 2017-yilda elektrotexnika sanoatiga kiritilgan investitsiyalarning salmog‘i respublika bo‘yicha umumiy investitsiyalarning atigi 0,8 foizini, YIM tarkibida elektrotexnika mahsuloti ishlab chiqarish hajmi esa 1,5 foizni tashkil etdi.
Sanoatda xomashyo bazasining chegaralanganligi xorijiy analoglari bilan solishtirganda uning tannarxi oshishiga sabab bo‘lmoqda. Shu bilan birga, xomashyo, materiallar va butlovchi buyumlarning importida qo‘shilgan qiymat solig‘i muddatini kechiktirishga imkon yaratish va hisobga olish mexanizmining mavjud emasligi eksport qiluvchi tashkilotlarning aylanma mablag‘lari boshqa maqsadlarga jalb qilinishiga va xarajatlarning oshishiga olib kelmoqda.
Elektrotexnika sanoati tashkilotlarining faoliyat samaradorligini yanada rivojlantirish va oshirish, zamonaviy texnologiyalarni joriy etish uchun shart-sharoitlar yaratish maqsadida:
1. Elektrotexnika sanoati korxonalari, “O‘zeltexsanoat” AK aksiyadorlarining umumiy yig‘ilishi, O‘zbekiston Respublikasi Moliya vazirligi hamda Xususiylashtirilgan korxonalarga ko‘maklashish va raqobatni rivojlantirish davlat qo‘mitasining:
“O‘zeltexsanoat” AK negizida uning mol-mulki va davlatga tegishli boshqa vositalarni, shuningdek, debitor va kreditor qarzdorligini (“O‘zeltexsanoat” AKga tegishli xo‘jalik jamiyatlarining ko‘chmas mulki va ustav kapitalidagi aksiyalar paketi (ulushi) bundan mustasno) o‘tkazgan holda O‘zbekiston elektrotexnika sanoati korxonalari uyushmasini (keyingi o‘rinlarda — “O‘zeltexsanoat” uyushmasi) tashkil etish;
“O‘zeltexsanoat” AKga tegishli xo‘jalik jamiyatlarining ko‘chmas mulki va ustav kapitalidagi aksiyalar paketi (ulushi)ni O‘zbekiston Respublikasi Xususiylashtirilgan korxonalarga ko‘maklashish va raqobatni rivojlantirish davlat qo‘mitasiga o‘tkazish to‘g‘risidagi takliflariga rozilik berilsin.
Oldingi tahrirga qarang.
Bunda “O‘zeltexsanoat” AK mol-mulki va boshqa mablag‘larini topshirish-qabul qilish dalolatnomasiga muvofiq “O‘zeltexsanoat” uyushmasiga o‘tkazish soliq solish obyekti hisoblanmaydi.
(1-band O‘zbekiston Respublikasi Prezidentining 2019-yil 4-oktabrdagi PF-5846-sonli Farmoniga asosan xatboshi bilan to‘ldirilgan — Qonun hujjatlari ma’lumotlari milliy bazasi, 04.10.2019-y., 06/19/5846/3866-son)
ixtiyoriy asosda a’zo bo‘lgan elektrotexnika sanoati korxonalari va tashkilotlari “O‘zeltexsanoat” uyushmasi a’zolari hisoblanishi;
ijro apparatining tuzilmasini tasdiqlash “O‘zeltexsanoat” uyushmasi ta’sischilarining umumiy yig‘ilishi qarori bilan amalga oshirilishi;
“O‘zeltexsanoat” uyushmasi raisi va uning o‘rinbosarlari ta’sischilarning umumiy yig‘ilishi qarori bilan saylanishi;
“O‘zeltexsanoat” uyushmasi faoliyatini joriy ta’minlash va moliyalashtirish “O‘zeltexsanoat” uyushmasi a’zolarining badal va ajratmalari hamda qonunchilikda taqiqlanmagan boshqa manbalar hisobidan amalga oshirilishi ma’lumot uchun qabul qilinsin.
xomashyoni qayta ishlash, yuqori qo‘shilgan qiymatli tayyor mahsulot ishlab chiqarish va eksport qilish bo‘yicha yagona kompleks sifatida, shu jumladan sanoat kooperatsiyasini kengaytirish va qo‘llab-quvvatlash asosida sanoatni barqaror rivojlantirish strategiyasini ishlab chiqish;
ichki va tashqi bozorlarda elektrotexnika mahsulotlariga bo‘lgan talab konyunkturasini o‘rganish va shu asosda mahsulotning yangi turlarini o‘zlashtirishda ko‘maklashish, ichki bozorni yuqori sifatli milliy elektrotexnika mahsulotlari bilan to‘ldirish va uning eksport geografiyasini, shu jumladan turli axborot resurslari va ko‘rgazma tadbirlarida milliy brendlarni ilgari surish va elektrotexnika sanoati korxonalari salohiyatini namoyon etish orqali kengaytirish bo‘yicha kompleks chora-tadbirlarni amalga oshirish;
elektrotexnika mahsulotlarini ishlab chiqarish bo‘yicha yuqori texnologik ishlab chiqarishni o‘zlashtirish uchun investitsiyalar, birinchi navbatda, chet el investitsiyalarini keng jalb qilishga ko‘maklashish, sanoatni modernizatsiya qilish, texnik va texnologik qayta jihozlash, ixtisoslashgan yetakchi xorijiy kompaniyalar bilan qo‘shma ishlab chiqarishni tashkil etish;
elektrotexnika sanoati sohasidagi standartlashtirish va sertifikatlashtirish tizimini xalqaro talablar va standartlar bilan uyg‘unlashtirish orqali uni takomillashtirish bo‘yicha kompleks chora-tadbirlarni qabul qilish;
hududlar salohiyatini yanada rivojlantirish istiqbollari, xomashyo bazasi, infratuzilma, mehnat resurslari va bozorlarning mavjudligidan kelib chiqqan holda elektrotexnika sanoati korxonalarini joylashtirishga ko‘maklashish;
elektrotexnika sanoati sohasida kadrlarni tayyorlashga bo‘lgan real ehtiyoj va istiqbolli yo‘nalishlarni aniqlash, mutaxassislarni tayyorlash, qayta tayyorlash va malakasini oshirish bo‘yicha o‘quv dasturlarni takomillashtirishda ishtirok etish, mazkur sohada ilmiy-tadqiqot ishlarini chuqurlashtirish;
sanoatni jadal rivojlantirishga va elektrotexnika sanoati korxonalarining barqaror faoliyat ko‘rsatishiga to‘sqinlik qiluvchi tizimli muammolarni aniqlash va bartaraf etish, mazkur sohadagi qonunchilikni yanada takomillashtirish bo‘yicha takliflar ishlab chiqish.
4. O‘zbekiston Respublikasi Xususiylashtirilgan korxonalarga ko‘maklashish va raqobatni rivojlantirish davlat qo‘mitasining “Sino” AJ davlat aksiyalari paketini investorlarga tanlov asosida “nol” xarid qiymati bo‘yicha korxonaning kreditorlar oldidagi qarzini to‘lash bilan bir vaqtda korxonaning faoliyatini sog‘lomlashtirish uchun investitsiyalar kiritish sharti bilan topshirish to‘g‘risidagi taklifiga rozilik berilsin.
Oldingi tahrirga qarang.
(5-band O‘zbekiston Respublikasi Prezidentining 2021-yil 2-martdagi PQ-5011-son qaroriga asosan 2021-yil 1-apreldan o‘z kuchini yo‘qotadi — Qonun hujjatlari ma’lumotlari milliy bazasi, 03.03.2021-y., 07/21/5011/0174-son)
6. “O‘zeltexsanoat” uyushmasi tarkibiga kiradigan elektrotexnika va elektr-maishiy mahsulotlar ishlab chiqaruvchi korxonalarga 2022-yilning 1-yanvariga qadar o‘zining asosiy va yordamchi ishlab chiqarishi uchun butlovchi buyumlar, xomashyo va materiallar, shuningdek, ular tomonidan amalga oshiriladigan investitsiya loyihalari doirasida olib kelinadigan qurilish materiallari importida bojxona deklaratsiyasi qabul qilingan kundan boshlab qo‘shilgan qiymat solig‘ini to‘lashni 120 kunga kechiktirish imkoniyati berilsin.
O‘zbekiston Respublikasi Moliya vazirligi, Davlat bojxona qo‘mitasi va Davlat soliq qo‘mitasi ikki oy muddatda qo‘shilgan qiymat solig‘ini to‘lashni kechiktirish bo‘yicha qarzdorlik summasini qo‘shilgan qiymat solig‘i yuzasidan umumiy hisob-kitobda yopishni nazarda tutuvchi “O‘zeltexsanoat” uyushmasi tarkibiga kiradigan elektrotexnika va elektr-maishiy mahsulotlar ishlab chiqaruvchi korxonalarga kechiktirish imkoniyatini berish tartibini ishlab chiqsin va tasdiqlasin.
“O‘zeltexsanoat” uyushmasi mol-mulk solig‘i va yuridik shaxslardan olinadigan foyda solig‘i to‘lashdan ozod etiladi;
shartnomalar bo‘yicha tashkilotlarning “O‘zeltexsanoat” uyushmasiga ajratmalari yuridik shaxslardan olinadigan foyda solig‘i bo‘yicha soliq solinadigan bazadan chiqariladi.
8. O‘zbekiston Respublikasining Bosh vaziri A.N. Aripov bir hafta muddatda quyidagilarni nazarda tutuvchi Elektrotexnika sanoatida amaldagi ishlab chiqarishlarni texnik va texnologik jihatdan yangilash va yangilarini tashkil etish bo‘yicha investitsiya loyihalarini amalga oshirish “Yo‘l xaritasi”ni tasdiqlasin:
amaldagi elektrotexnika korxonalarini texnik va texnologik jihatdan yangilash va yangilarini tashkil etish bo‘yicha 153,8 mln. AQSh dollari miqdoridagi 22 ta investitsiya loyihalarini 2019 — 2021-yillarda amalga oshirish;
2021-yilga yuqori qo‘shilgan qiymatli tayyor elektrotexnika va elektr-maishiy mahsulotlarni ishlab chiqarish hajmlarini 2 baravarga oshirish;
2021-yilda tayyor elektrotexnika va elektr-maishiy mahsulotlarning eksport hajmini 400 mln. AQSh dollari miqdoriga erishish;
loyiha qiymati 500 mln. AQSh dollari bo‘lgan istiqbolli innovatsiya loyihalarini birgalikda amalga oshirish uchun xorijiy investorlarni jalb etish.
Oldingi tahrirga qarang.
9. “O‘zeltexsanoat” uyushmasi O‘zbekiston Respublikasi Iqtisodiy taraqqiyot va kambag‘allikni qisqartirish vazirligi, Moliya vazirligi va Investitsiyalar va tashqi savdo vazirligi bilan birgalikda elektrotexnika sanoati korxonalarining alohida sarf-xarajatlarini, shu jumladan o‘zlarida ishlab chiqarilgan mahsulotlarni eksport qilishdagi transport xarajatlarini subsidiyalash mexanizmini qo‘llash bo‘yicha xorijiy mamlakatlarning tajribasini tatbiq etish imkoniyatini o‘rganib chiqsin.
(9-band O‘zbekiston Respublikasi Prezidentining 2020-yil 27-sentabrdagi PF-6075-sonli Farmoni tahririda — Qonun hujjatlari ma’lumotlari milliy bazasi, 28.09.2020-y., 06/20/6075/1330-son)
Oldingi tahrirga qarang.
10. O‘zbekiston Respublikasi Investitsiyalar va tashqi savdo vazirligi “O‘zeltexsanoat” uyushmasi bilan birgalikda elektrotexnika sanoatiga investorlarni va xorijning yetakchi elektrotexnika va elektr-maishiy mahsulotlar ishlab chiqaruvchilarini jalb qilish choralarini ko‘rsin.
(10-band O‘zbekiston Respublikasi Prezidentining 2020-yil 27-sentabrdagi PF-6075-sonli Farmoni tahririda — Qonun hujjatlari ma’lumotlari milliy bazasi, 28.09.2020-y., 06/20/6075/1330-son)
11. O‘zbekiston Respublikasi Intellektual mulk agentligi ikki oy muddatda mahalliy ishlab chiqaruvchilarga intellektual mulkka bo‘lgan huquqlarini operativ tarzda ro‘yxatga olishda ko‘maklashish va sohani yanada takomillashtirish bo‘yicha takliflar kiritsin.
“O‘zikkilamchiranglimetall” AJ va “O‘zeltexsanoat” uyushmasi bilan birgalikda bir oy muddatda o‘z quyma quvvatlarida yoki tegishli rangli metallarni ishlab chiqaruvchi ixtisoslashtirilgan korxonalarda mahsulot tannarxini pasaytirish uchun ishlab chiqarishga qayta ishlangan xomashyoni takroran jalb etgan holda elektrotexnika mahsulotlarini ishlab chiqarish natijasida hosil bo‘ladigan rangli metallar parchalari va chiqindilarini qayta ishlash mexanizmini yaratish bo‘yicha takliflarni O‘zbekiston Respublikasi Vazirlar Mahkamasiga kiritsin;
“O‘zeltexsanoat” uyushmasi va Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda uch oy muddatda bo‘sh turgan ishlab chiqarish obyektlari negizida elektrotexnika sanoati ixtisoslashtirilgan kichik sanoat zonalari (texnoparklari)ni tashkil etish bo‘yicha takliflar kiritsin.
Oldingi tahrirga qarang.
13. O‘zbekiston Respublikasi Prezidentining “2017 — 2021-yillarda elektrotexnika sanoatini boshqarishni yanada takomillashtirish, uni jadal rivojlantirish va diversifikatsiyalash chora-tadbirlari to‘g‘risida”gi 2017-yil 13-fevraldagi PQ-2772-son qarorining 13-bandida belgilangan imtiyozlarning amal qilishi mahsulot va butlovchi qismlar ishlab chiqarish bo‘yicha amalga oshirilayotgan loyihalar doirasida, xomashyo tovarlari ishlab chiqaruvchi korxonalardan tashqari, respublikaning barcha elektrotexnika sanoati korxonalariga tatbiq etilsin.
(13-band O‘zbekiston Respublikasi Prezidentining 2021-yil 2-martdagi PQ-5011-son qarori tahririda — Qonun hujjatlari ma’lumotlari milliy bazasi, 03.03.2021-y., 07/21/5011/0174-son)
14. “O‘zeltexsanoat” uyushmasi elektrotexnika sanoati korxonalari bilan birgalikda 2019-yil 1-fevralga qadar kadrlar tayyorlash ehtiyojidan kelib chiqib, elektrotexnika sanoati uchun kadrlar tayyorlash tizimini takomillashtirish, shu jumladan ta’limning talab yuqori bo‘lgan yangi yo‘nalishlarini ochish hamda tahsil olayotganlarning elektrotexnika sanoati korxonalari va tadqiqot muassasalari negizida malaka amaliyoti o‘tashi bo‘yicha takliflarni Oliy va o‘rta maxsus ta’lim vazirligiga kiritsin.
15. O‘zbekiston Respublikasi Vazirlar Mahkamasi ikki oy muddatda tovarlar (ishlar, xizmatlar)ning davlat xaridlari doirasida o‘tkaziladigan tendyerlar, tanlovlarda mahalliy ishlab chiqaruvchilar uchun 20 foizgacha bo‘lgan narx preferensiyasi mexanizmini joriy etishni nazarda tutuvchi davlat xaridlarini amalga oshirish tartibini takomillashtirish bo‘yicha takliflar kiritsin.
Oldingi tahrirga qarang.
16. “O‘zeltexsanoat” uyushmasi Toshkent shahar, Shayxontohur tumani, Ko‘kcha darvoza ko‘chasi, 1-boshi berk ko‘cha, 10-uyda bepul foydalanish huquqi bilan joylashtirilsin.
(16-bandning birinchi xatboshisi O‘zbekiston Respublikasi Prezidentining 2021-yil 2-martdagi PQ-5011-son qarori tahririda — Qonun hujjatlari ma’lumotlari milliy bazasi, 03.03.2021-y., 07/21/5011/0174-son)
Bunda “O‘zeltexsanoat” uyushmasi mazkur obyektni rekonstruksiya qilish va mukammal ta’mirlashni ilgari belgilangan manbalar hisobidan tugatishni ta’minlasin.
17. Adliya vazirligi “O‘zeltexsanoat” uyushmasi va boshqa manfaatdor idoralar bilan birgalikda ikki oy muddatda qonun hujjatlariga ushbu qarordan kelib chiqadigan o‘zgartirish va qo‘shimchalar to‘g‘risida O‘zbekiston Respublikasi Vazirlar Mahkamasiga takliflar kiritsin.
18. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov, O‘zbekiston Respublikasi Prezidenti Administratsiyasi rahbari Z.Sh. Nizomiddinov va O‘zbekiston Respublikasi Bosh vazirining o‘rinbosari N.S. Otajonov zimmasiga yuklansin.