O‘zbekiston Respublikasi Prezidentining “Tadbirkorlik faoliyati sohasidagi litsenziyalash va ruxsat berish tartib-taomillarini yanada qisqartirish va soddalashtirish, shuningdek, biznes yuritish shart-sharoitlarini yaxshilash chora-tadbirlari to‘g‘risida” 2018-yil 11-apreldagi PF-5409-son Farmonini bajarish yuzasidan Vazirlar Mahkamasi qaror qiladi:
1. Filmning ommaviy namoyishini amalga oshirish uchun bir martalik ruxsatnoma berish tartibi to‘g‘risidagi nizom 1-ilovaga muvofiq tasdiqlansin.
Keyingi tahrirga qarang.
2. O‘zbekiston Respublikasi Hukumatining 2-ilovaga muvofiq ayrim qarorlariga o‘zgartirishlar va qo‘shimcha kiritilsin.
3. “O‘zbekkino” Milliy agentligi manfaatdor vazirliklar va idoralar bilan birgalikda bir oy muddatda ular qabul qilgan normativ-xukukiy hujjatlarni ushbu qarorga muvofiqlashtirsin.
4. Mazkur qarorning bajarilishini nazorat qilish “O‘zbekkino” Milliy agentligi bosh direktori F.Sh. Zokirov zimmasiga va O‘zbekiston Respublikasi Vazirlar Mahkamasining Madaniyat, san’at va yoshlar siyosati masalalari axborot-tahlil departamentiga yuklansin.
1. Ushbu Nizom “Tadbirkorlik faoliyati sohasidagi ruxsat berish tartib-taomillari to‘g‘risida”gi O‘zbekiston Respublikasi Qonuniga muvofiq O‘zbekiston Respublikasi hududida filmni ommaviy namoyishini amalga oshirish uchun bir martalik ruxsatnoma berish tartibini belgilaydi.
2. Ushbu Nizom teleradioeshittirish, shuningdek televizion filmlarni ishlab chiqarish va televideniyeda namoyish etish sohasidagi munosabatlarga nisbatan tadbiq qilinmaydi.
ariza beruvchi — filmning ommaviy namoyishini amalga oshirish uchun bir martalik ruxsatnoma olish uchun murojaat qilgan yuridik shaxslar yoki jismoniy shaxslar (yakka tartibdagi tadbirkorlar);
bir martalik ruxsatnoma — (keyingi o‘rinlarda ruxsatnoma deb ataladi) “O‘zbekkino” Milliy agentligi (keyingi o‘rinlarda vakolatli organ deb ataladi) tomonidan ariza beruvchilarga O‘zbekiston Respublikasi hududida milliy yoki xorijiy filmni ommaviy namoyishini amalga oshirish uchun beriladigan bir martalik hujjat;
film — ommaviy namoyish qilishga mo‘ljallangan audiovizual asar (badiiy to‘liq metrajli, badiiy qisqa metrajli, hujjatli-xronikal, ilmiy-ommabop va animatsion filmlar);
filmning ommaviy namoyishi — filmni jamoa uchun ochiq joyda yoki ayni bir oila a’zolari bo‘lmagan shaxslarning keng doirasi hozir bo‘lgan joyda (kinoteatrlar, kinozallar va boshqa maxsus jihozlangan binolarda va joylarda) texnik vositalar yordamida ekranda ko‘rsatish.
4. Filmni ommaviy namoyish qilish ushbu Nizomga muvofiq berilgan ruxsatnoma asosida amalga oshiriladi, quyidagilar bundan mustasno:
O‘zbekiston Respublikasi Prezidentining hujjatlari va O‘zbekiston Respublikasi Vazirlar Mahkamasining qarorlari bilan ommaviy namoyish qilinishi ko‘rsatib o‘tilgan filmlar;
festivallar, seminarlar, retrospektiv namoyishlar va boshqa shu kabi madaniy tadbirlar uchun notijorat maqsadlarda xorijiy mamlakatlardan olib kirilgan (yetkazib berilgan) filmlar.
5. Ariza beruvchilar ruxsatnoma berish to‘g‘risidagi ariza bilan vakolatli organga murojaat qilishlari mumkin.
6. Filmning ommaviy namoyishini amalga oshirish uchun bir martalik ruxsatnoma berish ushbu Nizomning 1-ilovasiga muvofiq sxema bo‘yicha amalga oshiriladi.
7. Filmning ommaviy namoyishini amalga oshirish uchun bir martalik ruxsatnoma ushbu Nizomning 2-ilovasiga muvofiq shakl bo‘yicha vakolatli organ tomonidan beriladi.
filmning ommaviy namoyishini amalga oshirishda tadbirkorlik faoliyatida ruxsat berish tartib-taomillari to‘g‘risidagi, mualliflik huquqi va turdosh huquqlar to‘g‘risidagi, bolalarni ularning sog‘lig‘iga zarar yetkazuvchi axborotdan himoya qilish to‘g‘risidagi va boshqa qonun hujjatlariga rioya etish;
filmda zo‘ravonlikni, pornografiyani targ‘ib qilinmasligi, mamlakatda xavfsizlik va ijtimoiy-siyosiy barqarorlik, fuqarolar tinchligi, millatlararo va dinlararo totuvlikni xamda O‘zbekiston haqida noto‘g‘ri axborot tarqatishi hamda uning tarixiy, madaniy va ma’naviy qadriyatlarini buzib ko‘rsatilmasligi;
filmda insonlarning ongiga va (yoki) ularning ruhiy salomatligiga zararli ta’sir ko‘rsatadigan yashirin ko‘rinishdagi sahnalar yoki boshqa shu kabi texnik usullarning bo‘lmasligi.
9. Ariza beruvchilar ruxsatnoma olinguniga qadar, filmning ommaviy namoyishi to‘g‘risidagi ma’lumotlarni ommaviy axborot vositalari orqali yoki boshqa usullarda e’lon qilishga hamda chiptalar sotuvini oldindan amalga oshirishga haqli emaslar.
10. Ruxsatnoma olish uchun ariza beruvchi vakolatli organga quyidagi hujjatlar va materiallarni taqdim etadi:
b) filmga nisbatan mutlaq huquq egalari tomonidan taqdim etilgan arizalar bo‘yicha ular va film mualliflari (sahnalashtiruvchi rejissor, ssenariy muallifi, musiqa asari muallifi, sahnalashtiruvchi operator va sahnalashtiruvchi rassom) o‘rtasida tuzilgan shartnomalar nusxasi;
v) qonun hujjatlarida nazarda tutilgan asoslarga muvofiq filmdan foydalanish huquqiga ega bo‘lgan shaxslar tomonidan taqdim etilgan arizalar bo‘yicha filmdan foydalanish huquqini tasdiqlovchi hujjatlar nusxasi;
e) filmda bolalarning sog‘lig‘iga zarar yetkazuvchi axborotning mavjudligi yoki mavjud emasligi, uning muayyan yosh toifasiga mosligi yoki mos emasligi to‘g‘risidagi tegishli ekspert xulosasining nusxasi;
Keyingi tahrirga qarang.
z) ariza ko‘rib chiqilganligi uchun ariza beruvchi tomonidan yig‘im to‘langanligini tasdiqlovchi hujjat.
11. Ariza beruvchidan ushbu bandda nazarda tutilmagan boshqa hujjatlarning taqdim etishni talab qilishga yo‘l qo‘yilmaydi.
12. Vakolatli organ ruxsatnoma berish uchun boshqa vakolatli organlarda mavjud bo‘lgan zarur hujjatlar va axborotlarni belgilangan tartibda o‘zaro axborot hamkorligi yo‘li bilan, shu jumladan elektron tarzda ariza beruvchining ishtirokisiz mustaqil ravishda oladi, ushbu Nizomning 9-bandida nazarda tutilgan hujjatlar va axborotlar bundan mustasno.
13. Ruxsatnoma olish uchun zarur bo‘lgan hujjatlar ariza beruvchi tomonidan vakolatli organga bevosita berilishi, shuningdek bu boradagi vakolatni o‘z vakiliga berishga yoxud murojaatni pochta aloqasi vositalari orqali yoki elektron shaklda O‘zbekiston Respublikasining Yagona interaktiv davlat xizmatlari portali orqali yuborishi mumkin.
14. Ruxsatnoma olish uchun vakolatli organga taqdim etilgan hujjatlar ro‘yxat bo‘yicha qabul qilinadi. Ro‘yxat vakolatli organ tomonidan hujjatlar qabul qilingan sana to‘g‘risida belgi qo‘yilgan holda, darhol ariza beruvchiga beriladi (yuboriladi).
15. Ariza beruvchi tomonidan ruxsatnomani olish uchun vakolatli organga taqdim etilgan hujjatlar va materiallar qaytarilmaydi.
16. Ruxsatnoma olish uchun ariza beruvchi tomonidan taqdim etilgan hujjatlar va materiallarni ko‘rib chiqish va texnik baholash uchun vakolatli organ tizimidagi “Respublika kinoprokat markazi” davlat unitar korxonasi huzurida Ekspertlar kengashi tashkil etiladi. Ekspertlar kengashining tarkibi vakolatli organ rahbari tomonidan tasdiqlanadi.
17. Ekspertlar kengashining tarkibiga vakolatli organning mutaxassislari, kinoshunoslar, kinotanqidchilar, film ishlab chiqaruvchilar va ularning namoyishi bilan shug‘ullanuvchilar, kinodistribyuterlar, shuningdek, kinematografiya sohasidagi nodavlat notijorat tashkilotlarining vakillari kiritilishi mumkin. Zarurat bo‘lgan hollarda, ekspertlar kengashi ishiga filmni texnik baholovchi tegishli mutaxassislar va ekspertlar jalb etiladi.
18. Ekspertlar kengashi to‘g‘risidagi nizom vakolatli organ tomonidan ushbu Nizomga muvofiq ishlab chiqiladi va uning rahbari tomonidan belgilangan tartibda tasdiqlanadi.
19. Ruxsatnoma berish to‘g‘risidagi arizani ko‘rib chiqish va ruxsatnoma berish yoki uni berishni rad etish to‘g‘risidagi qaror qabul qilish ariza beruvchidan ushbu Nizomning 9-bandida nazarda tutilgan barcha zarur hujjatlar bilan birgalikda ariza qabul qilingan sanadan boshlab o‘n besh ish kunidan ortiq bo‘lmagan muddatda amalga oshiriladi.
Oldingi tahrirga qarang.
20. Ariza beruvchining ruxsatnoma berish to‘g‘risidagi arizasi ko‘rib chiqilganligi uchun qonun hujjatlarida to‘lov kunida belgilangan bazaviy hisoblash miqdorining bir barobari miqdorida va ruxsatnomani berganlik uchun qonun hujjatlarida to‘lov kunida belgilangan bazaviy hisoblash miqdorining ikki barobari miqdorida yig‘imlar undiriladi. Ushbu yig‘im summalari vakolatli organ huzuridagi Milliy kinematografiyani rivojlantirish jamg‘armasi hisobraqamiga o‘tkaziladi.
(20-bandning birinchi xatboshisi O‘zbekiston Respublikasi Vazirlar Mahkamasining 2019-yil 28-dekabrdagi 1046-sonli qarori tahririda — Qonun hujjatlari ma’lumotlari milliy bazasi, 29.12.2019-y., 09/19/1046/4242-son)
Ariza beruvchi ruxsatnoma berish to‘g‘risida taqdim etgan arizasidan voz kechgan taqdirda, to‘langan yig‘im summasi qaytarilmaydi.
21. Ekspertlar kengashining taqdim etilgan hujjatlarni ko‘rib chiqish natijasi bo‘yicha chiqargan tavsiyasi asosida vakolatli organ ruxsatnoma berish yoki ruxsatnoma berishni rad etish to‘g‘risida qaror qabul qiladi.
24. Vakolatli organ tegishli qaror qabul qilingan sanadan e’tiboran bir ish kunidan kechiktirmay ariza beruvchiga ruxsatnomani berishi (yuborishi) yoki ruxsatnomani berish rad etilganligi to‘g‘risida uni yozma shaklda, shu jumladan axborot tizimi orqali elektron pochta aloqasi vositasida xabardor qilishi shart.
25. Agar vakolatli organ ariza beruvchining ruxsatnoma berish to‘g‘risidagi arizasini ko‘rib chiqish, uni berish yoki berishni rad etish muddati mobaynida ariza beruvchiga ruxsatnomani bermasa yoki uni berishni rad etmasa, u holda ariza beruvchi ushbu Nizomning 19-bandida nazarda tutilgan muddat o‘tganidan keyin, ruxsatnoma olishni mo‘ljallagan filmni, bu haqda vakolatli organni yozma ravishda xabardor qilgan holda, ommaviy namoyish etish huquqiga ega bo‘ladi.
26. Vakolatli organ ariza beruvchining xabarnomasi olingandan keyin besh ish kuni ichida unga ruxsatnoma berishi shart. Ruxsatnoma olinguniga qadar, taqdim etilgan hujjatlarning ular qabul qilib olingan sana haqida belgi qo‘yilgan ro‘yxati va ariza beruvchi tomonidan vakolatli organga yo‘llangan xabarnoma ruxsatnomaga tenglashtiriladi hamda filmni ommaviy namoyishini amalga oshirish uchun asos bo‘ladi.
ruxsatnoma berilishi uchun zarur bo‘lgan hujjatlarning ariza beruvchi tomonidan to‘liq taqdim etilmaganligi;
ariza beruvchi tomonidan taqdim etilgan hujjatlarda noto‘g‘ri yoki buzib ko‘rsatilgan ma’lumotlarning mavjudligi;
ekspertlar kengashining taqdim etilgan hujjatlar va materiallarni ko‘rib chiqish yakunlari bo‘yicha asoslantirilgan salbiy tavsiyasi olinganligi.
28. Ruxsatnomani berish rad etilganligi haqidagi xabarnoma ariza beruvchiga rad etish sabablari, qonun hujjatlarining aniq normalari va ariza beruvchi mazkur sabablarni bartaraf etib, hujjatlarni takroran ko‘rib chiqish uchun taqdim etishi mumkin bo‘lgan muddat ko‘rsatilgan holda yozma shaklda, shu jumladan axborot tizimi orqali elektron pochta aloqasi vositasida yuboriladi (topshiriladi). Ariza beruvchi rad etish sabablarini bartaraf etishga va hujjatlarni takroran ko‘rib chiqish uchun taqdim etishga haqli bo‘lgan muddat ruxsatnomani berish rad etilganligi haqidagi yozma yoki elektron xabar olingan kundan e’tiboran o‘n ish kunidan kam bo‘lmasligi kerak.
29. Ariza beruvchi ruxsatnomani berish rad etilishi uchun asos bo‘lgan sabablarni belgilangan muddatda bartaraf etgan taqdirda, hujjatlarni takroran ko‘rib chiqish, ruxsatnomani berish yoki uni berishni rad etish ariza beruvchining rad etish sabablari bartaraf etilganligi to‘g‘risidagi arizasi va rad etish sabablari bartaraf etilganligini tasdiqlovchi tegishli hujjatlar olingan kundan e’tiboran o‘n ish kunidan ko‘p bo‘lmagan muddatda vakolatli organ tomonidan amalga oshiriladi. Ariza beruvchining arizasi takroran ko‘rib chiqilganligi uchun yig‘im undirilmaydi.
Ruxsatnomani berishni boshqa asoslarga ko‘ra, shu jumladan maqsadga muvofiq emas degan vajlar bilan rad etishga yo‘l qo‘yilmaydi.
30. Hujjatlarni takroran ko‘rib chiqishda vakolatli organ tomonidan ariza beruvchiga ilgari yozma shaklda, shu jumladan axborot tizimi, elektron pochta aloqasi orqali bayon qilinmagan rad etish sabablarini vakolatli organ tomonidan keltirishga yo‘l qo‘yilmaydi, ilgari ko‘rsatilgan sabablar bartaraf etilganligini tasdiqlovchi hujjatlar bilan bog‘liq rad etish sabablari keltirilishi bundan mustasno.
31. Ruxsatnomani berish rad etilganligi haqidagi xabarnomada ko‘rsatilgan muddat o‘tganidan keyin ariza beruvchi tomonidan topshirilgan ariza yangidan topshirilgan hisoblanadi va vakolatli organ tomonidan umumiy asoslarda ko‘rib chiqiladi.
Vakolatli organ tomonidan ruxsatnomani berish rad etilganganida arizachi tomonidan qayta ishlanib, ekspertlar kengashi muhokamasiga takroriy uch martagacha taqdim etilishi mumkin. Agar, arizachi tomonidan qayta ishlanib, ekspertlar kengashi tomonidan uch marta ham salbiy tavsiya berilsa, kengash tomonidan qayta ko‘rib chiqilmaydi.
32. Ariza beruvchi ruxsatnomani berish rad etilganligi, shuningdek vakolatli organ mansabdor shaxsining harakati (harakatsizligi) ustidan belgilangan tartibda shikoyat qilish huquqiga ega.
33. Ruxsatnoma yo‘qolgan yoki yaroqsiz holga kelgan taqdirda ariza beruvchining arizasiga ko‘ra uning dublikati vakolatli organ tomonidan beriladi.
34. Vakolatli organ ruxsatnoma yo‘qolganligi haqida yoki uning yaroqsiz holga kelganligi to‘g‘risida ariza bilan birga ruxsatnomani olgan kundan e’tiboran besh ish kunidan ko‘p bo‘lmagan muddatda dublikatini berish (yuborish) shart.
35. Ruxsatnomaning dublikatini berganlik uchun ariza beruvchining ruxsat etish xususiyatiga ega hujjatni berish to‘g‘risidagi arizasi vakolatli organ tomonidan ko‘rib chiqilganligi uchun, dublikatni berish haqidagi ariza topshirilgan sanadagi holatga ko‘ra, to‘lanadigan summaning yarmi miqdorida yig‘im undiriladi. Yig‘im summasi vakolatli organ huzuridagi Milliy kinematografiyani rivojlantirish jamg‘armasi hisobraqamiga o‘tkaziladi.
36. Yuridik shaxs bo‘lgan ariza beruvchi o‘zgartirilganda, uning nomi yoki joylashgan eri (pochta manzili) o‘zgargan taqdirda, ariza beruvchi yoxud uning huquqiy vorisi qayta ro‘yxatdan o‘tgandan keyin yetti ish kuni ichida vakolatli organga ruxsatnomani qayta rasmiylashtirish to‘g‘risidagi arizani ko‘rsatilgan ma’lumotlarni tasdiqlovchi hujjatlarni ilova qilgan holda topshiriladi.
37. Jismoniy shaxs bo‘lgan ariza beruvchining unga davlat ro‘yxatidan o‘tkazilganligi haqida berilgan guvohnomada ko‘rsatilgan familiyasi, ismi, otasining ismi yoki faoliyat ko‘rsatadigan joyi o‘zgargan taqdirda, ariza beruvchi qayta ro‘yxatdan o‘tgandan keyin yetti ish kuni ichida vakolatli organga ruxsatnomani qayta rasmiylashtirish to‘g‘risidagi arizani ko‘rsatilgan ma’lumotlarni tasdiqlovchi hujjatlarni ilova qilgan holda topshiriladi.
38. Ruxsatnoma qayta rasmiylashtirilganda vakolatli organ berilgan ruxsat etish xususiyatiga ega hujjatlar reyestriga tegishli o‘zgartirishlar kiritadi.
39. Ruxsatnomani qayta rasmiylashtirish to‘g‘risidagi ariza tegishli hujjatlar ilova qilingan holda vakolatli organ tomonidan qabul qilib olingan kundan e’tiboran besh ish kunidan ko‘p bo‘lmagan muddatda amalga oshiriladi.
40. Ruxsatnomani qayta rasmiylashtirganlik uchun ariza beruvchining ruxsat etish xususiyatiga ega hujjatni berish to‘g‘risidagi arizasi vakolatli organ tomonidan ko‘rib chiqilganligi uchun, qayta rasmiylashtirish to‘g‘risida ariza topshirilgan sanadagi holatga ko‘ra, to‘lanadigan summaning yarmi miqdorida yig‘im undiriladi. Yig‘im summasi vakolatli organ huzuridagi Milliy kinematografiyani rivojlantirish jamg‘armasi hisobraqamiga o‘tkaziladi.
41. Vakolatli organ tomonidan ruxsatnomani amal qilishini to‘xtatib turish, tugatish hamda uni bekor qilish to‘g‘risida qarorlar qabul qilish “Tadbirkorlik faoliyati sohasidagi ruxsat berish tartib-taomillari to‘g‘risida”gi O‘zbekiston Respublikasi Qonunining 22, 23 va 25-moddalarida nazarda tutilgan tartibda amalga oshiriladi.
42. Ruxsat berish talablari va shartlari bir marta qo‘pol buzilishining quyidagi hollari ruxsatnomaning amal qilishini tugatish uchun asos bo‘ladi:
O‘zbekiston Respublikasi Vazirlar Mahkamasining “Respublika yagona repertuar siyosati yuritilishini ta’minlashga yo‘naltirilgan respublika kinoprokat tizimini joriy etish chora-tadbirlari to‘g‘risida” 2018-yil 6-apreldagi 272-son qarori bilan tasdiqlangan Aholiga kinovideo xizmati ko‘rsatish tartibi to‘g‘risidagi nizomga rioya qilmaslik;
ruxsatnoma berilgan filmdagi sahnalar ruxsatnoma olinganidan keyin o‘zgartirilgan yoki vakolatli organ tomonidan ko‘rib chiqilib, ommaviy namoyishni amalga oshirish uchun ruxsatnoma berilgan film mazmuniga muvofiq bo‘lmagan filmni ommaviy namoyishini amalga oshirishga yo‘l qo‘yilishi.
yuridik shaxs bo‘lgan ariza beruvchining nomi, uning tashkiliy-huquqiy shakli, pochta manzili, telefon raqami;
jismoniy shaxs bo‘lgan ariza beruvchining unga davlat ro‘yxatidan o‘tkazilganligi haqida berilgan guvohnomada ko‘rsatilgan familiyasi, ismi, otasining ismi, pochta manzili, telefon raqami;
44. Ruxsatnomalar reyestrida mavjud bo‘lgan ma’lumotlar vakolatli organning veb-saytida joylashtiriladi va tanishish uchun ochiq bo‘ladi.
45. Ushbu Nizom talablari buzilishida aybdor bo‘lgan shaxslar qonun hujjatlarida belgilangan tartibda javob beradilar.
46. Ruxsat beruvchi talablar va shartlarga rioya qilinishi ustidan nazorat vakolatli organ va uning hududiy bo‘linmalari tomonidan belgilangan tartibda amalga oshiriladi.
Filmning ommaviy namoyishini amalga oshirish uchun bir martalik ruxsatnoma berish tartibi to‘g‘risida nizomga
1-ILOVA
1-ILOVA
Filmning ommaviy namoyishini amalga oshirish uchun bir martalik ruxsatnoma berish tartibi to‘g‘risida nizomga
2-ILOVA
2-ILOVA
Filmning ommaviy namoyishini amalga oshirish uchun bir martalik ruxsatnoma berish tartibi to‘g‘risida nizomga
3-ILOVA
3-ILOVA
“O‘zbekkino” | ||||
ARIZA | ||||
Filmning ommaviy namoyishini amalga oshirish uchun bir martalik ruxsatnoma berish to‘g‘risida | ||||
___________________________________________________________________________ga | ||||
(yuridik shaxsning to‘liq nomi va tashkiliy-huquqiy shakli / jismoniy shaxsning familiyasi, ismi, otasining ismi) | ||||
_____________________________________________________________________________________________________________________________________nomli filmni ommaviy namoyishini amalga oshirish uchun bir martalik ruxsatnoma berishingizni so‘rayman. | ||||
Manzili: | ||||
____________________________________________________________________________. | ||||
(yuridik shaxs yoki jismoniy shaxsning pochta manzili, STIR) | ||||
Telefon: ________________, faks: _________________, el. manzil ____________________. | ||||
Taqdim etilayotgan hujjatlar ro‘yxati: | ||||
yuridik shaxs rahbari / jismoniy shaxs F.I.O. ____________ _______________________________ | ||||
(imzosi) m.o‘ |
Keyingi tahrirga qarang.
1. Vazirlar Mahkamasining “Tadbirkorlik faoliyati sohasidagi ruxsat berish tartib-taomillari to‘g‘risida”gi O‘zbekiston Respublikasi Qonunini amalga oshirish chora-tadbirlari haqida” 2013-yil 15-avgustdagi 225-son qarori (O‘zbekiston Respublikasi QHT, 2013-yil, 33-son, 442-modda) 1-ilovasining “XVI. Madaniyat va sport sohasida” bo‘limiga quyidagi tahrirdagi 1762-band qo‘shilsin:
Keyingi tahrirga qarang.
2. Vazirlar Mahkamasining “Respublikada yagona repertuar siyosati yuritilishini ta’minlashga yo‘naltirilgan respublika kinoprokat tizimini tashkil etish chora-tadbirlari to‘g‘risida” 2018-yil 6-apreldagi 272-son qarori (O‘zbekiston Respublikasi QT, 2018-yil 4-son, 8-modda) 1-ilovasida:
“kinovideo-tomosha tashkilotlari — filmlarni ommaviy namoyishi uchun kinotexnologik uskunalar bilan jihozlangan bino yoki uning bir qismiga ega bo‘lgan tashkilot”;
“4. O‘zbekiston Respublikasi hududida filmlarni ommaviy namoyish qilish Filmning ommaviy namoyishini amalga oshirish uchun beriladigan bir martalik ruxsatnoma asosida amalga oshiriladi”;
“kinovideo-tomosha tashkilotlaridan muayyan filmni ommaviy namoyish qilish huquqini beruvchi tegishli ruxsatnomani ko‘rsatishni talab qilish;”.
3. Vazirlar Mahkamasining “O‘zbekiston Respublikasining “Intellektual mulk to‘g‘risidagi qonun hujjatlari takomillashtirilishi munosabati bilan O‘zbekiston Respublikasining ayrim qonunlariga o‘zgartirish va qo‘shimchalar kiritish haqida” 2011-yil 26-dekabrdagi O‘RQ-312-son Qonunini amalga oshirish chora-tadbirlari to‘g‘risida” 2012-yil 15-martdagi 72-son qarorida (O‘zbekiston Respublikasi QHT, 2012-yil, 12-son, 130-modda):
“1. Audiovizual asarlarni, fonogrammalar va EHM uchun yaratilgan dasturlarni takrorlash, sotish, prokatga berish, shuningdek fonogrammalarni tayyorlash bo‘yicha faoliyat turlarini litsenziyalash to‘g‘risida nizom 1-ilovaga muvofiq tasdiqlansin”;
Keyingi tahrirga qarang.