LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
O‘zbekiston Respublikasi Oliy Majlisining “O‘zbekiston Respublikasining 2005-yilgi Davlat budjeti to‘g‘risida” 2004-yil 2-dekabrdagi 701-II-son qaroriga muvofiq Vazirlar Mahkamasi qaror qiladi:
soliq solishning soddalashtirilgan tizimini qo‘llayotgan mikrofirmalar va kichik korxonalar uchun yagona soliq stavkalari 7-ilovaga* muvofiq;
Oldingi tahrirga qarang.
mikrofirmalar, kichik korxonalar va alohida tashkilotlar uchun yagona soliq to‘lovi 7-1-ilovaga* muvofiq;
(3-bandning beshinchi xatboshi O‘zbekiston Respublikasi Vazirlar Mahkamasining 2005-yil 15-avgustdagi 198-son qaroriga muvofiq kiritilgan — O‘zbekiston Respublikasi Qonun hujjatlari to‘plami, 2005-y., 32-33-son, 253-modda)
lotereyalar, totalizatorlar va tavakkalchilikka asoslangan boshqa o‘yinlarni tashkil etish bo‘yicha faoliyatni amalga oshiruvchi yuridik shaxslar uchun yalpi tushumdan yagona soliq stavkalari 8-ilovaga* muvofiq;
yuridik va jismoniy shaxslarga to‘lanadigan dividendlar va foizlar tarzida olinadigan daromadlardan soliq stavkalari 9-ilovaga* muvofiq;
yuridik va jismoniy shaxslarning tadbirkorlik faoliyati ayrim turlari bo‘yicha belgilab qo‘yilgan soliqlar stavkalari 10 va 11-ilovalarga* muvofiq;
ro‘yxat bo‘yicha respublikada ishlab chiqariladigan va chetdan keltiriladigan tovarlardan aksiz solig‘i stavkalari 12-1 va 12-2-ilovalarga* muvofiq;
yagona yer solig‘ini qishloq xo‘jaligi yerlarining normativ qiymatidan kelib chiqqan holda to‘lashga o‘tgan to‘lovchilar uchun yagona yer solig‘i stavkalari 18-ilovaga* muvofiq;
yagona yer solig‘i to‘lashga o‘tmagan to‘lovchilar uchun yer solig‘i stavkalari 19-ilovaga* muvofiq;
Qoraqalpog‘iston Respublikasi, viloyatlar va Toshkent shahar davlat hokimiyati organlari tomonidan joriy etiladigan mahalliy soliqlar va yig‘imlar stavkalari 20-ilovaga* muvofiq;
* 5—21-ilovalar rus tilidagi matnda berilgan.
4. 2005-yil 1-yanvardan boshlab Surxondaryo viloyati qishloq xo‘jaligi tovar ishlab chiqaruvchilari uchun, eksperimentni davom ettirish doirasida, qishloq xo‘jaligi yerlarining normativ qiymatidan kelib chiqqan holda yagona yer solig‘ini hisoblab chiqarish tatbiq etilsin.
O‘zbekiston Respublikasi Yer resurslari, geodeziya, kartografiya va davlat kadastri davlat qo‘mitasi:
O‘zbekiston Respublikasi Qishloq va suv xo‘jaligi vazirligi, Iqtisodiyot vazirligi, Moliya vazirligi va Davlat soliq qo‘mitasi bilan birgalikda 2005-yil 1-aprelgacha Surxondaryo viloyati barcha qishloq xo‘jaligi tovar ishlab chiqaruvchilarining qishloq xo‘jaligi yerlari normativ qiymatini qayta baholash, shuningdek Samarqand va Toshkent viloyatlari qishloq xo‘jaligi yerlari normativ qiymatini, ushbu viloyatlarda o‘tkazilayotgan eksperiment natijalarini tahlil qilish asosida aniqlangan yerlar bahosiga ta’sir qiluvchi qo‘shimcha omillarni hisobga olgan holda, aniqlashtirish ishlarini amalga oshirsin;
2005-yil 1-maygacha O‘zbekiston Respublikasi Davlat soliq qo‘mitasi bilan birgalikda qishloq xo‘jaligi yerlarining normativ qiymatini yagona yer solig‘ini hisoblab chiqarish uchun ko‘rsatib o‘tilgan viloyatlarning barcha qishloq xo‘jaligi tovar ishlab chiqaruvchilariga yetkazsin.
O‘zbekiston Respublikasi Moliya vazirligi qishloq xo‘jaligi yerlari normativ qiymatining aniqlashtirilgan bahosi natijalariga ko‘ra, zarurat bo‘lganda, yagona yer solig‘ining belgilangan stavkasiga tuzatishlar kiritish yuzasidan O‘zbekiston Respublikasi Vazirlar Mahkamasiga takliflar kiritsin.
7. 2005-yil 1-yanvardan boshlab barcha korxonalar va tashkilotlar uchun, shu jumladan soliqqa tortishning alohida tartibi qo‘llanayotgan korxonalar uchun maktab ta’limini rivojlantirishga 22-ilovada* ko‘rsatilgan ko‘rsatkichlarning 1 foizi miqdorida majburiy ajratmalar joriy etilsin.
* 22-ilova rus tilidagi matnda berilgan.
Belgilab qo‘yilsinki, maktab ta’limini rivojlantirishga majburiy ajratmalar 2004—2009-yillarda Maktab ta’limini rivojlantirish Davlat umummilliy dasturini amalga oshirish davri uchun joriy etiladi hamda davlat soliqlari va yig‘imlariga tenglashtiriladi.
O‘zbekiston Respublikasi Moliya vazirligi Davlat soliq qo‘mitasi bilan birgalikda Maktab ta’limini rivojlantirishga majburiy ajratmalarni hisoblab chiqarish va to‘lash tartibi to‘g‘risidagi nizomni bir hafta muddatda ishlab chiqsin va belgilangan tartibda tasdiqlasin.
korxonalar, tashkilotlar va muassasalar tomonidan tovarlar, ishlar, xizmatlarni sotish (tovar aylanmasi) hajmidan O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasiga majburiy ajratmalar stavkasi (qo‘shilgan qiymat solig‘i va aksiz solig‘i chiqarib tashlangan holda) 0,7 foiz miqdorida;
fuqarolarning ish haqidan O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasiga majburiy sug‘urta badallari stavkasi 2,5 foiz miqdorida;
O‘zbekiston Respublikasi Moliya vazirligi huzuridagi Respublika yo‘l jamg‘armasiga ajratmalar va yig‘imlar stavkalari 23 va 24-ilovalarga* muvofiq miqdorda saqlab qolinsin.
* 23-24-ilovalar rus tilidagi matnda berilgan.
2005-yil 1-yanvardan boshlab suv, issiqlik va gaz ta’minoti bo‘yicha aholiga ko‘rsatiladigan kommunal xizmatlar uchun “nol stavkasi” qo‘llanadi;
kommunal xo‘jaligi tizimining issiqlik, suv va gaz ta’minoti korxonalari uchun Respublika yo‘l jamg‘armasiga, budjetdan tashqari Pensiya jamg‘armasiga, budjetdan tashqari Maktab ta’limi jamg‘armasiga to‘lovlarni hisoblab chiqarishda issiqlik energiyasi, suv va tabiiy gaz xarid qiymatining korxona faoliyati spetsifikasiga muvofiq bo‘lgan hajmlari soliq solish obyektiga kiritilmaydi.
10. Mahalliy hokimiyat va boshqaruv organlarining barcha darajalardagi mahalliy budjetlar daromadlari va xarajatlarini shakllantirishdagi roli, mustaqilligi va mas’uliyatini oshirish, mahalliy budjetlarning Davlat budjetidagi ulushini ko‘paytirish maqsadida:
yuridik shaxs bo‘lmasdan tadbirkorlik faoliyati bilan shug‘ullanuvchi jismoniy shaxslar daromadlaridan olinadigan belgilangan soliq;
yuridik va jismoniy shaxslarning tadbirkorlik faoliyati ayrim turlarini amalga oshirishdan oladigan daromadlaridan olinadigan belgilangan soliq;
respublikada ishlab chiqariladigan alkogolli mahsulotlar va spirt, pivo, o‘simlik yog‘i, kir sovunga aksiz solig‘i bo‘yicha tushumlar to‘liq miqdorda mahalliy budjetlar daromadlariga o‘tkazilsin.
11. Vazirlar Mahkamasining “Budjet tashkilotlarini mablag‘ bilan ta’minlash tartibini takomillashtirish to‘g‘risida” 1999-yil 3-sentabrdagi 414-son qarori 4-bandining amal qilishi 2008-yil 1-yanvargacha uzaytirilsin.
12. Belgilansinki, 2005-yil 1-yanvardan boshlab 25-ilovaga* muvofiq faoliyat turlari faqat yuridik shaxs maqomiga ega bo‘lgan tadbirkorlik subyektlari tomonidan amalga oshiriladi.
* 25-ilova rus tilidagi matnda berilgan.
Qoraqalpog‘iston Respublikasi Vazirlar Kengashi, viloyatlar, shaharlar va tumanlar hokimliklari 2005-yil 1-aprelgacha ushbu qarorga 25-ilovada ko‘rsatilgan faoliyat turlarini yuridik shaxs bo‘lgan holda amalga oshirish istagini bildirgan yakka tartibdagi tadbirkorlarning qayta ro‘yxatdan o‘tkazilishini ta’minlasinlar.
2005-yil 1-yanvargacha belgilangan tartibda ro‘yxatdan o‘tkazilgan yakka tartibdagi tadbirkorlar 2005-yil yanvar—mart oylarida faoliyat turlarini amalga oshiradilar hamda ular uchun 2004-yilda Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari tomonidan belgilangan stavkalar bo‘yicha ushbu qarorga 25-ilovada ko‘rsatilgan faoliyat turlaridan olingan daromaddan belgilangan soliq to‘laydilar.
16. Joylarda maktabgacha tarbiya bolalar muassasalari shoxobchalari va kontingentini maqbullashtirish hamda budjet mablag‘laridan foydalanish ustidan nazoratni kuchaytirish uchun O‘zbekiston Respublikasi Qishloq va suv xo‘jaligi vazirligi, Oliy va o‘rta maxsus ta’lim vazirligi hamda Fanlar akademiyasi o‘zlariga idoraviy bo‘ysunishda bo‘lgan maktabgacha tarbiya bolalar muassasalarini bir oy muddatda tegishli mahalliy hokimiyat organlari ta’minotiga bersinlar.
17. 2005-yil 1-yanvardan boshlab O‘zbekiston Respublikasi Davlat budjeti mablag‘lari hisobiga moliyalashtirilayotgan maktabgacha tarbiya bolalar muassasalarida bolalar ta’minoti uchun ota-onalar to‘lovining 30-ilovaga* muvofiq tabaqalashtirilgan miqdorlari belgilansin.
*30-ilova rus tilidagi matnda berilgan.
18. O‘zbekiston Respublikasi Moliya vazirligi 2005-yil 1-yanvardan boshlab oliy o‘quv yurtlarining daromadlar va xarajatlar smetalarini talabalarni to‘lov-kontrakt asosida o‘qitishdan tushayotgan budjetdan tashqari mablag‘lar hisobiga belgilangan tartibda ro‘yxatdan o‘tkazsin.
19. O‘zbekiston Respublikasi Moliya vazirligi Iqtisodiyot vazirligi va Davlat soliq qo‘mitasi bilan birgalikda Nol stavkasi qo‘llanilishi natijasida hosil bo‘lgan qo‘shilgan qiymat solig‘ining salbiy tafovutini xo‘jalik yurituvchi subyektlarga to‘lash to‘g‘risidagi nizomni ikki hafta muddatda ishlab chiqsin va belgilangan tartibda tasdiqlasin.
Bunda qo‘shilgan qiymat solig‘i bo‘yicha salbiy tafovutning soliqlar va yig‘imlar bo‘yicha qarzi bo‘lmagan korxonalarga ushbu maqsadlar uchun O‘zbekiston Respublikasi Davlat budjeti xarajatlari parametrlarida nazarda tutilgan mablag‘lar hisobiga qoplanishi nazarda tutilsin.
20. Davlat budjeti ijrosining g‘azna tizimiga o‘tish chora-tadbirlarini o‘z vaqtida amalga oshirish uchun O‘zbekiston Respublikasi Moliya vazirligiga Samarqand viloyatida, shu jumladan respublika budjetidan moliyalashtiriladigan ayrim budjet tashkilotlari ishtirokida, tajriba loyihasini 2005-yildan boshlab amalga oshirishga ruxsat berilsin.
Samarqand viloyati hokimligi tajriba loyihasini amalga oshirish uchun zarur shart-sharoitlarni ta’minlasin.
O‘zbekiston Respublikasi Markaziy bankiga va tijorat banklariga O‘zbekiston Respublikasi Davlat budjetining g‘azna ijrosini bosqichma-bosqich joriy etishga ko‘maklashish tavsiya qilinsin.
23. O‘zbekiston Respublikasi Vazirlar Mahkamasining 31-ilovaga muvofiq qarorlari o‘z kuchini yo‘qotgan deb hisoblansin.
O‘zbekiston Respublikasi Hukumatining 32-ilovaga muvofiq ayrim qarorlariga o‘zgartirishlar va qo‘shimchalar kiritilsin.
24. O‘zbekiston Respublikasi Adliya vazirligi manfaatdor vazirliklar va idoralar bilan birgalikda mazkur qarorning qabul qilinishi munosabati bilan amaldagi qonun hujjatlariga o‘zgartirishlar va qo‘shimchalar yuzasidan O‘zbekiston Respublikasi Vazirlar Mahkamasiga bir oy muddatda takliflar kiritsin.
Vazirliklar va idoralar, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari ilgari chiqarilgan normativ hujjatlarini bir hafta muddatda ushbu qarorga muvofiqlashtirsinlar.
25. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.
1. Vazirlar Mahkamasining “Yo‘l xo‘jaligini boshqarishni takomillashtirish chora-tadbirlari to‘g‘risida” 1998-yil 28-sentabrdagi 412-son qarori.
2. Vazirlar Mahkamasining “Qishloq xo‘jaligi tovar ishlab chiqaruvchilari uchun yagona yer solig‘ining muvaqqat bazaviy stavkalarini tasdiqlash to‘g‘risida” 1998-yil 26-dekabrdagi 539-son qarori 2-bandining uchinchi xatboshi.
3. Vazirlar Mahkamasining “Bolalar uchun tovarlar va ayollar gigiyenasi ashyolarini ishlab chiqarish hamda sotishni rag‘batlantirishga doir qo‘shimcha chora-tadbirlar to‘g‘risida” 1999-yil 4-maydagi 212-son qarorining 1, 4—6-bandlari (O‘zbekiston Respublikasi QT, 1999-y., 5-son, 24-modda).
4. Vazirlar Mahkamasining “Parranda go‘shti va tuxum yetishtirishni ko‘paytirish chora-tadbirlari to‘g‘risida” 1999-yil 13-sentabrdagi 419-son qarorining 12-bandi.
5. Vazirlar Mahkamasining “Respublika mintaqalarida xorijiy investitsiyalar ishtirokidagi korxonalarni tashkil etish dasturiga o‘zgartirishlar kiritish to‘g‘risida” 2001-yil 23-noyabrdagi 459-son qarorining 5-bandi.
6. Vazirlar Mahkamasining “O‘zbekiston Respublikasining 2002-yilgi makroiqtisodiy ko‘rsatkichlari prognozi va Davlat budjeti parametrlari to‘g‘risida” 2001-yil 31-dekabrdagi 490-son qaroriga 28-ilova.
7. Vazirlar Mahkamasining “O‘zbekiston Respublikasi hududida atrof tabiiy muhit ifloslantirilganligi va chiqindilar joylashtirilganligi uchun to‘lovlar tizimini takomillashtirish to‘g‘risida” 2003-yil 1-maydagi 199-son qaroriga 5-ilova 17-bandining birinchi xatboshi.
Keyingi tahrirga qarang.
8. Vazirlar Mahkamasining “O‘zbekiston Respublikasining 2004-yilgi Davlat budjeti parametrlari to‘g‘risida” 2003-yil 25-dekabrdagi 567-son qaroriga 19—21-ilovalar.
1. Vazirlar Mahkamasining “Avtomobilda xorijiy yuk tashuvchilarning O‘zbekiston Respublikasi hududiga kirishlari, bo‘lishlari, yuk olib o‘tishlari va undan chiqib ketishlari tartibi to‘g‘risida” 1995-yil 11-yanvardagi 11-son qarori 5-bandining to‘rtinchi xatboshi quyidagi tahrirda bayon qilinsin:
“Belgilansinki, O‘zbekiston Respublikasi Moliya vazirligi huzuridagi Respublika yo‘l jamg‘armasining valyuta mablag‘larini sarflash tranzit magistral yo‘llarni ta’mirlash va saqlash, chet elda ishlab chiqarilgan yo‘l texnikasi, asbob-uskunalar, texnologiyalar va materiallar sotib olishga, shuningdek “O‘zavtoyo‘l” davlat-aksiyadorlik kompaniyasi va O‘zbekiston Respublikasi Moliya vazirligi huzuridagi Respublika yo‘l jamg‘armasining malakali kadrlarini chet elda yoki xorijiy mutaxassislarni respublikaga taklif etgan holda tayyorlash uchun “O‘zavtoyo‘l” davlat-aksiyadorlik kompaniyasi va hududiy shu’ba yo‘l-qurilish tashkilotlarining xarajatlarini moliyalashtirish uchun qonun hujjatlarida belgilangan tartibda amalga oshiriladi”.
2. Vazirlar Mahkamasining “Soliq solishning soddalashtirilgan tizimiga o‘tgan mikrofirmalar va kichik korxonalarga soliq solish tartibi to‘g‘risida” 1998-yil 15-apreldagi 159-son qarori (O‘zbekiston Respublikasi QT, 1998-y., 4-son, 15-modda) bilan tasdiqlangan Mikrofirmalar va kichik korxonalar uchun soliq solishning soddalashtirilgan tizimini qo‘llash tartibining III bo‘limida:
“xarid, ta’minot-sotish korxonalari, vositachilik haqi — yalpi daromad shartnomasi bo‘yicha xizmatlar ko‘rsatuvchi korxonalar va tashkilotlar uchun”;
Keyingi tahrirga qarang.
3. O‘zbekiston Respublikasi Vazirlar Mahkamasining “Tojikiston Respublikasi yuk avtotransport vositalarini O‘zbekiston Respublikasining bojxona chegarasi orqali o‘tkazish tartibi to‘g‘risida” 1998-yil 1-dekabrdagi 506-son qarori 2-bandining ikkinchi xatboshi quyidagi tahrirda bayon qilinsin:
“Belgilansinki, Tojikiston Respublikasi avtotransport vositalaridan yig‘imlar to‘lovchilar tomonidan bevosita bojxona postlaridagi tijorat banklari bo‘limlari orqali erkin muomaladagi valyutada to‘lanadi, olingan mablag‘lar O‘zbekiston Respublikasi Moliya vazirligi huzuridagi Respublika yo‘l jamg‘armasining valyuta hisob raqamiga o‘tkaziladi”.
Keyingi tahrirga qarang.
4. O‘zbekiston Respublikasi Vazirlar Mahkamasining “Qishloq xo‘jaligi tovar ishlab chiqaruvchilari uchun yagona yer solig‘ining muvaqqat bazaviy stavkalarini tasdiqlash to‘g‘risida” 1998-yil 26-dekabrdagi 539-son qarorining 4-bandi quyidagi tahrirda bayon qilinsin:
“4. Agar qishloq xo‘jaligi tovar ishlab chiqaruvchilari — yagona yer solig‘i to‘lovchilar qishloq xo‘jaligi mahsulotlari yetishtirish va o‘zi ishlab chiqargan qishloq xo‘jaligi mahsulotlarini qayta ishlash bilan birga faoliyatning boshqa turlari bilan shug‘ullansalar ular alohida hisob-kitob yuritishlari va faoliyatning boshqa turlari bo‘yicha soliq to‘lovchilarning mazkur toifasi uchun amaldagi qonun hujjatlarida nazarda tutilgan soliqlarni to‘lashlari shart.
Yer qishloq xo‘jaligi tovar ishlab chiqaruvchilari tomonidan ijaraga berilgan taqdirda ijaraga beruvchida ijaraga berilgan yer bo‘yicha yagona yer solig‘i to‘lash majburiyati saqlanib qoladi”.
Keyingi tahrirga qarang.
5. Vazirlar Mahkamasining 1999-yil 5-fevraldagi 54-son qarori (O‘zbekiston Respublikasi QT, 1999-y., 2-son, 9-modda) bilan tasdiqlangan Mahsulot (ishlar, xizmatlar)ni ishlab chiqarish va sotish xarajatlari tarkibi hamda moliyaviy natijalarni shakllantirish tartibi to‘g‘risidagi nizomda:
“2.2.6. Telekommunikatsiyalar xizmatlari, shu jumladan: mahalliy tarmoqlar; kanallarni ijaraga berish; ko‘chma, yo‘ldosh va peyjing aloqa; radiochastota spektridan foydalanish; ma’lumotlarni uzatish tarmoqlari, shu jumladan Internet uchun haq to‘lash.”;
“2.2.16. Xizmatlar qiymatini to‘lash hamda professional boshqaruvchi kompaniyalar, davlatning ishonchli vakillari va ishonchli boshqaruvchilarning mukofotlari bo‘yicha xarajatlar”.
“1.15. Telekommunikatsiyalar xizmatlari, shu jumladan: kanallarni ijaraga berish; ko‘chma, yo‘ldosh va peyjing aloqa; radiochastota spektridan foydalanish; ma’lumotlarni uzatish tarmoqlari uchun haq to‘lash, mahalliy tarmoqlar va Internet bundan mustasno, shuningdek faqat bank xizmatlari ko‘rsatishda foydalaniladigan telekommunikatsiyalar xizmati uchun haq to‘lash (ko‘chma va peyjing aloqadan tashqari).”;
“1.21-2. Xizmatlar qiymatini to‘lash hamda professional boshqaruvchi kompaniyalar, davlatning ishonchli vakillari va ishonchli boshqaruvchilarning mukofotlari bo‘yicha xarajatlar”.
6. Vazirlar Mahkamasining “Budjet tashkilotlarini mablag‘ bilan ta’minlash tartibini takomillashtirish to‘g‘risida” 1999-yil 3-sentabrdagi 414-son qarorining (O‘zbekiston Respublikasi QT, 1999-y., 9-son, 51-modda) 4-bandidagi “2005-yil 1-yanvargacha” so‘zlari “2008-yil 1-yanvargacha” so‘zlari bilan almashtirilsin.
7. Vazirlar Mahkamasining “O‘zbekiston yoshlarining “Kamolot” ijtimoiy harakati faoliyatini tashkil etishga ko‘maklashish to‘g‘risida” 2001-yil 30-maydagi 240-son qarorida:
a) 2-bandning ikkinchi va uchinchi xatboshidagi, 3-bandning uchinchi xatboshidagi “10” raqami “7” raqami bilan almashtirilsin;
b) Yagona soliq hisoblangan miqdorining 10 foizini O‘zbekiston yoshlarining “Kamolot” ijtimoiy harakatini rivojlantirish jamg‘armasiga o‘tkazish tartibi to‘g‘risidagi nizomda:
8. Vazirlar Mahkamasining 2002-yil 5-noyabrdagi 380-son qarori (O‘zbekiston Respublikasi QT, 2002-y., 11-son, 66-modda) bilan tasdiqlangan Tadbirkorlik subyektlari — faqat yuridik shaxslar tomonidan qonun hujjatlarida belgilangan tartibda amalga oshiriladigan faoliyatning ayrim turlari ro‘yxati quyidagi mazmundagi 9—11-bandlar bilan to‘ldirilsin:
“9. Texnologiya jarayonlari va ishlab chiqarishni boshqarishning avtomatlashtirilgan tizimlariga, raqamli dastur bilan boshqariladigan pretsizion va dastgoh asbob-uskunalarining radioelektron apparatlariga texnik xizmat ko‘rsatish va ta’mirlash.
10. Teleko‘rsatuvlarni tarqatish (translatsiya qilish) — kabel tarmog‘i bo‘yicha teleradiodasturlarni qayta translatsiya qilish tarmoqlariga xizmatlar ko‘rsatish, shuningdek telekommunikatsiyalar tarmoqlaridan foydalanish va telekommunikatsiyalar xizmatlari ko‘rsatish.
Keyingi tahrirga qarang.
9. Vazirlar Mahkamasining 2002-yil 26-noyabrdagi 407-son qarori (O‘zbekiston Respublikasi QT, 2002-y., 11-son, 71-modda) bilan tasdiqlangan Ulgurji va chakana savdo faoliyatini ro‘yxatdan o‘tkazish va amalga oshirish tartibi to‘g‘risidagi nizomda:
“Agar yuridik shaxslar asosiy faoliyatdan tashqari ulgurji savdoni amalga oshirgan taqdirda, ular faoliyatning mazkur turi bo‘yicha alohida hisob-kitob yuritishlari va savdo korxonalari uchun belgilangan soliqlar va yig‘imlarni to‘lashlari, shuningdek belgilangan tartibda ulgurji savdoni amalga oshirish huquqini beradigan ruxsat beruvchi guvohnomaga ega bo‘lishlari kerak”;
ular faoliyatning mazkur turi bo‘yicha alohida hisob-kitob yuritishlari, chakana savdoni amalga oshirish huquqini beradigan ruxsat beruvchi guvohnomaga ega bo‘lishlari va savdo korxonalari uchun belgilangan soliqlar va yig‘imlarni to‘lashlari kerak”;
o‘z mahsulotlarini yuridik shaxs balansidagi firma do‘konlari orqali sotganda, mazkur yuridik shaxslar soliq to‘lovchilarning mazkur toifasi uchun nazarda tutilgan soliqlar, yig‘imlar va majburiy to‘lovlarni to‘laydilar”.
10. Vazirlar Mahkamasining 2003-yil 1-iyuldagi 296-son qarori (O‘zbekiston Respublikasi QT, 2003-y., 7-son, 54-modda) bilan tasdiqlangan Neft mahsulotlarini sotuvchi korxonalarning cheklangan ustamalarini shakllantirish to‘g‘risidagi nizomning 14-bandi quyidagi mazmundagi jumla bilan to‘ldirilsin:
“Avtomobillarga yonilg‘i quyish shoxobchasining belgilangan cheklangan ustamasidan ortiq bo‘lgan, mahalliy budjetga o‘tkazilishi kerak bo‘lgan chakana narx bilan sotib olish narxi o‘rtasidagi tafovut yalpi daromadga soliqni hisoblab chiqishda soliq solish obyektiga kiritilmaydi”.
11. Vazirlar Mahkamasining 2003-yil 21-avgustdagi 361-son qarori (O‘zbekiston Respublikasi QT, 2003-y., 8-son, 74-modda) bilan tasdiqlangan O‘zbekiston Respublikasi Moliya vazirligi huzuridagi Respublika yo‘l jamg‘armasi to‘g‘risidagi nizomning 4-bandi quyidagi tahrirda bayon qilinsin:
umumiy foydalaniladigan avtomobil yo‘llarini loyihalashtirish, qurish, rekonstruksiya qilish, ta’mirlash, saqlash, shu jumladan foydalanish ehtiyojlari uchun jihozlash (mashina va mexanizmlar sotib olish) va yo‘l diagnostikasiga;
“O‘zavtoyo‘l” davlat-aksiyadorlik kompaniyasi, hududiy shu’ba yo‘l-qurilish tashkilotlari va Jamg‘arma Ijro etuvchi direksiyasining muhandis-texnik xodimlari va boshqaruv apparati xodimlari malakasini oshirishga;
Jamg‘arma Ijro etuvchi direksiyasi ta’minotiga, “O‘zavtoyo‘l” davlat-aksiyadorlik kompaniyasi hamda Qoraqalpog‘iston Respublikasi va viloyatlardagi hududiy shu’ba yo‘l-qurilish tashkilotlarining ular tomonidan bajariladigan buyurtmachi funksiyalari xarajatlarini qoplashga sarflanadi”.
12. Vazirlar Mahkamasining 2003-yil 21-avgustdagi 361-son qarori (O‘zbekiston Respublikasi QT, 2003-y., 8-son, 74-modda) bilan tasdiqlangan O‘zbekiston Respublikasi Moliya vazirligi huzuridagi Respublika yo‘l jamg‘armasi daromadlarini shakllantirish va mablag‘larini sarflash tartibi to‘g‘risidagi nizomda:
“a” kichik bandining birinchi xatboshidagi “kichik bandlarida” so‘zlari “a-1” kichik bandlarida” so‘zlari bilan almashtirilsin;
“a-1) kommunal xo‘jaligi tizimi korxonalari tomonidan mablag‘lardan majburiy ajratmalar — sotib olish qiymatini chegirgan holda mahsulotlar (ishlar, xizmatlar)ni — tegishli ravishda issiqlik ta’minoti korxonalari uchun — issiqlik energiyasini, suv ta’minoti korxonalari uchun — suvni, gaz ta’minoti korxonalari uchun — tabiiy gazni sotish hajmidan”;
“v” kichik bandidagi “video va audiokassetalarni” so‘zlari “video va audiomanbalarni” so‘zlari bilan almashtirilsin;
“v-1” kichik bandidagi “lizing bo‘yicha (foizlar)” so‘zlari “lizing beruvchi (marja)” so‘zlari bilan almashtirilsin;
“sotib olingan va vaqtincha olib kelinadigan avtotransport vositalari qiymatidan, mulkchilik shaklidan qat’i nazar, ushbu vositalarning egalari (foydalanuvchilari) tomonidan — sotib olingan va vaqtincha olib kelingan avtotransport vositalarining (yengil avtomobillar, avtobuslar, mikroavtobuslar, yuk avtotransport vositalari va maxsus avtomobillar)ning bahosidan kelib chiqib O‘zbekiston Respublikasi Ichki ishlar vazirligi organlarida ro‘yxatdan o‘tkazishdagi qiymatidan to‘lanadigan yig‘imlar hisobiga shakllantiriladi.
Yig‘imlar bevosita transport egalari (foydalanuvchilar) tomonidan avtotransport vositalarini ro‘yxatdan o‘tkazish joyidagi tuman (shahar) soliq inspeksiyalariga xizmat ko‘rsatuvchi tegishli banklarda ochilgan Jamg‘armaning tegishli tranzit hisob raqamlariga to‘lanadi”;
“i) xorijiy davlatlarning avtotransport vositalarining O‘zbekiston Respublikasi hududiga kirishi, chiqishi va tranziti uchun yig‘imlar — O‘zbekiston Respublikasi Vazirlar Mahkamasi tomonidan bir avtotashuvchi uchun belgilangan miqdorlarda”;
“Agar ushbu bandning “a”, “a-1”, “b”, “v”, “v-1” va “g” kichik bandlarida ko‘rsatilgan xo‘jalik yurituvchi subyekt faoliyatning bir necha turlari bilan shug‘ullansa, bu holda u alohida hisob-kitob yuritishi hamda to‘lovlarni Jamg‘armaga faoliyatning ushbu turlari uchun belgilangan stavkalar bo‘yicha to‘lashi kerak”.
“Umumiy foydalanishdagi avtomobil yo‘llarini loyihalash, qurish, rekonstruksiya qilish, ta’mirlash va saqlash bo‘yicha xarajatlarni moliyalashtirishga Jamg‘armaning maxsus maqsadli hisob raqamiga tushadigan pul mablag‘larini o‘tkazish uchun buyurtmachilar — “O‘zavtoyo‘l” davlat-aksiyadorlik kompaniyasi va hududiy yo‘l-qurilish tashkilotlari tomonidan ularga xizmat ko‘rsatuvchi banklarda moliyalashtirishning maxsus hisob raqamlari ochiladi.
Buyurtmachilar — “O‘zavtoyo‘l” davlat-aksiyadorlik kompaniyasi va hududiy yo‘l-qurilish tashkilotlarining saqlash bo‘yicha xarajatlarini to‘lash tasdiqlangan va belgilangan tartibda ro‘yxatdan o‘tkazilgan xarajatlar smetasiga muvofiq alohida depozit hisob raqamidan amalga oshiriladi.
Jamg‘armaning valyuta mablag‘larini sarflash tranzit magistral yo‘llarni ta’mirlash va saqlash, chet elda ishlab chiqarilgan yo‘l texnikasi, asbob-uskunalar, texnologiyalar va materiallar sotib olishga, shuningdek “O‘zavtoyo‘l” davlat-aksiyadorlik kompaniyasi va Jamg‘armaning malakali kadrlarini chet elda yoki xorijiy mutaxassislarni respublikaga taklif etgan holda tayyorlash uchun “O‘zavtoyo‘l” davlat-aksiyadorlik kompaniyasi va hududiy shu’ba yo‘l-qurilish tashkilotlarining xarajatlarini moliyalashtirish uchun qonun hujjatlarida belgilangan tartibda amalga oshiriladi”.
“yo‘l xo‘jaligi tashkilotlari — umumiy foydalanishdagi avtomobil yo‘llarini saqlash, ta’mirlash, rekonstruksiya qilish va qurish bo‘yicha ishlarni bajarishdan olinadigan daromadlar bo‘yicha”;
oltinchi xatboshi “tadbirkorlik faoliyatidan olinadigan daromadlardan tashqari” so‘zlari bilan to‘ldirilsin;
“korxonalar, birlashmalar va tashkilotlar — umumiy foydalanishdagi avtomobil yo‘llarini saqlash, ta’mirlash, rekonstruksiya qilish va qurish bo‘yicha ishlarni bajarishdan olinadigan daromadlar bo‘yicha”;
“umumiy foydalanishdagi avtomobil yo‘llarini saqlash, ta’mirlash, rekonstruksiya qilish va qurishni amalga oshiruvchi yo‘l xo‘jaligi pudrat ta’mirlash — foydalanish korxonalari”;
“yuridik shaxslar — faoliyatining asosiy turi yo‘lovchilar tashish bo‘lgan, qonun hujjatlariga muvofiq yo‘lovchilar tashish uchun belgilangan namunadagi litsenziyalarga ega bo‘lgan avtotransport korxonalari — yo‘lovchilar tashishni amalga oshiruvchi transport vositalari bo‘yicha (yengil avtomobillar va yo‘nalish taksilaridan tashqari)”;
“yuridik shaxslar — avtotransport vositalarini bitta tizim (vazirlik, idora, xo‘jalik birlashmasi) ichida balansdan balansga bepul berishda”;
“lizing yoki lizing beruvchi — O‘zbekiston Respublikasi rezidenti bilan sublizing shartnomasi bo‘yicha lizing oluvchilar — bunday shartnomada avtotransport vositasiga egalik qilish huquqining sotib olish qiymatini to‘lamasdan o‘tishi nazarda tutilganda va barcha lizing to‘lovlari to‘langan taqdirda”.
Keyingi tahrirga qarang.
13. Vazirlar Mahkamasining 2004-yil 7-iyundagi 263-son qarori (O‘zbekiston Respublikasi QT, 2004-y., 6-son, 52-modda) bilan tasdiqlangan Budjetdan tashqari Maktab ta’limi jamg‘armasi mablag‘larini shakllantirish va ulardan foydalanish tartibi to‘g‘risidagi nizomda:
10-bandning ikkinchi xatboshidagi va 37-banddagi “nazarda tutiladigan stavkalar bo‘yicha maxsus soliq” so‘zlari nazarda tutiladigan stavka bo‘yicha majburiy ajratmalar” so‘zlari bilan almashtirilsin;
14-bandning ikkinchi xatboshidagi “nazarda tutiladigan stavkalar bo‘yicha soliq” so‘zlari “nazarda tutiladigan stavka bo‘yicha majburiy ajratmalar” so‘zlari bilan almashtirilsin.
Keyingi tahrirga qarang.