O‘zbekiston Respublikasi Prezidentining “O‘zbekiston Respublikasining 2018-yilgi asosiy makroiqtisodiy ko‘rsatkichlari prognozi va Davlat budjeti parametrlari to‘g‘risida” 2017-yil 29-dekabrdagi PQ-3454-son qaroriga muvofiq Vazirlar Mahkamasi qaror qiladi:
1. O‘zbekiston Respublikasi Hukumatining 1-ilovaga muvofiq ayrim qarorlariga o‘zgartirish va qo‘shimchalar kiritilsin.
2. O‘zbekiston Respublikasi Hukumatining 2-ilovaga muvofiq ba’zi qarorlari o‘z kuchini yo‘qotgan deb hisoblansin.
3. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari — Moliya vaziri J.A. Qo‘chqorov zimmasiga yuklansin.
1. Vazirlar Mahkamasining 1997-yil 11-martdagi 133-son qarori (O‘zbekiston Respublikasi QT, 1997-y., 3-son, 11-modda) bilan tasdiqlangan O‘rtacha oyliq ish haqini hisoblab chiqarish tartibining 1-bandidagi “ishsizlik nafaqasini to‘lash” so‘zlaridan keyin “shuningdek oliy ta’lim tizimida o‘qish, qayta tayyorlash va malaka oshirish davri” so‘zlari qo‘shilsin.
2. Vazirlar Mahkamasining 1999-yil 5-fevraldagi 54-son qarori (O‘zbekiston Respublikasi QT, 1999-y., 2-son, 9-modda) bilan tasdiqlangan Mahsulot (ishlar, xizmatlar)ni ishlab chiqarish va sotish xarajatlarining tarkibi hamda moliyaviy natijalarni shakllantirish tartibi to‘g‘risidagi nizomning “V” bo‘limi 1.1-bandidan “hamda transport vositalari uchun” so‘zlari chiqarib tashlansin.
3. Vazirlar Mahkamasining “Budjet tashkilotlarini mablag‘ bilan ta’minlash tartibini takomillashtirish to‘g‘risida” 1999-yil 3-sentabrdagi 414-son qarorining (O‘zbekiston Respublikasi QT, 1999-y..9-son, 51-modda) 4-bandida:
“4. Mazkur qarorning 3-bandida ko‘rsatib o‘tilgan manbalardan qo‘shimcha daromad olayotgan budjet tashkilotlari 2000-yil 1-yanvardan boshlab 2023-yil 1-yanvargacha Davlat budjetiga undiriladigan soliqlar, Respublika yo‘l jamg‘armasiga yig‘imlar va davlat maqsadli jamg‘armalariga majburiy ajratmalardan ozod qilinsin, bo‘shab qolgan mablag‘lar moddiy-texnika va ijtimoiy bazasini mustahkamlashga, shuningdek, ularning xodimlarini qonun hujjatlarida belgilangan tartibda moddiy rag‘batlantirishga maqsadli yo‘naltirilsin.”;
4. Vazirlar Mahkamasining “2001/2002 o‘quv yilida O‘zbekiston Respublikasining oliy ta’lim muassasalariga qabul to‘g‘risida” 2001-yil 12-iyundagi 250-son qarorining (O‘zbekiston Respublikasi QHT, 2007-y., 52-son, 534-modda) 9-bandi quyidagi tahrirda bayon etilsin:
“9. Oliy ta’lim muassasalari to‘lov-kontrakt asosida kadrlarni tayyorlash uchun tushadigan mablag‘lardan soliqlar, Respublika yo‘l jamg‘armasiga yig‘imlar va davlat maqsadli jamg‘armalariga majburiy ajratmalar to‘lashdan, istisno tariqasida, 2023-yil 1-yanvargacha ozod qilinsin, bo‘shaydigan mablag‘lar ta’lim muassasalarining moddiy-texnika bazasini mustahkamlashga, o‘quv jarayonini zamonaviy ta’lim vositalari bilan ta’minlashga, oliy ta’lim muassasalari xodimlarini moddiy rag‘batlantirishga maqsadli tarzda yo‘naltirilsin”.
Keyingi tahrirga qarang.
5. Vazirlar Mahkamasining “Ichki bozorni yog‘och-taxta materiallari bilan to‘ldirishga doir qo‘shimcha chora-tadbirlar to‘g‘risida” 2003-yil 7-iyuldagi 305-son qarorida (O‘zbekiston Respublikasi QT, 2003-y., 7-son, 58-modda):
6. Vazirlar Mahkamasining “Xususiy uy-joy mulkdorlarining shirkatlarini yanada rivojlantirish va turar joylarga xizmatlar ko‘rsatishning aniq bozorini shakllantirish chora-tadbirlari to‘g‘risida” 2006-yil 12-apreldagi 64-son qarorining (O‘zbekiston Respublikasi QHT, 2006-y., 15-son, 127-modda) 4-bandidagi “Qoraqalpog‘iston Respublikasi, viloyatlar va Toshkent shahar budjetlarining zaxira jamg‘armasi” so‘zlari “Qoraqalpog‘iston Respublikasi respublika budjetining, viloyatlar viloyat budjetlarining va Toshkent shahri shahar budjetining, tumanlar va shaharlar budjetining zaxira jamg‘armalari” so‘zlari bilan almashtirilsin.
7. Vazirlar Mahkamasining “Xorijiy investitsiya ishtirokidagi MChJ “JV Man Auto — Uzbekistan” korxonasini tashkil etish to‘g‘risida” 2009-yil 7-avgustdagi 224-son qarorining rus tilidagi matnida 4-bandning ikkinchi xatboshi quyidagi tahrirda bayon etilsin:
“OOO “JV MAN Auto-Uzbekistan” ot uplati naloga na pribil yuridicheskix lits, naloga na dobavlennuyu stoimost, a takje obyazatelnix platejey v Respublikanskiy dorojniy fond pri Kabinete Ministrov Respubliki Uzbekistan”.
8. Vazirlar Mahkamasining 2011-yil 7-yanvardagi 6-son qarori (O‘zbekiston Respublikasi QT, 2011-y., 1-son, 3-modda) bilan tasdiqlangan Xususiy tadbirkorlar yuridik shaxs tashkil etmasdan shug‘ullanishi mumkin bo‘lgan faoliyat turlari ro‘yxatining 73-pozitsiyasi “Faoliyat turining nomi” ustunidan “(xom sut, sabzavotlar, mevalar, asal, teri va mo‘yna)” so‘zlari chiqarib tashlansin.
Oldingi tahrirga qarang.
(9-band O‘zbekiston Respublikasi Vazirlar Mahkamasining 2019-yil 25-noyabrdagi 951-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 26.11.2019-y., 09/19/951/4073-son)
10. Vazirlar Mahkamasining 2016-yil 24-maydagi 170-son qarori (O‘zbekiston Respublikasi QT, 2016-y., 5-son, 42-modda) bilan tasdiqlangan Terrorchilikka qarshi operatsiya o‘tkazish natijasida shaxsga yoxud jismoniy yoki yuridik shaxslarning mol-mulkiga yetkazilgan zararni qoplash tartibi to‘g‘risidagi nizomning 2-bandidagi “Toshkent shahri shahar budjetining” so‘zlaridan keyin “tumanlar va shaharlar budjetlarining” so‘zlari qo‘shilsin.
11. Vazirlar Mahkamasining 2017-yil 27-fevraldagi 105-son qarori (O‘zbekiston Respublikasi QT, 2017-y., 2-son, 19-modda) bilan tasdiqlangan Yuridik shaxslarning alohida bo‘linmalari bo‘yicha soliqlarni to‘lash tartibi to‘g‘risidagi nizomda:
b) 2-bobning 1-paragrafi nomidan “obodonlashtirish va ijtimoiy infratuzilmani rivojlantirish solig‘i”so‘zlari chiqarib tashlansin;
v) 7-banddan “obodonlashtirish va ijtimoiy infratuzilmani rivojlantirish solig‘i” so‘zlari chiqarib tashlansin;
“a) O‘zbekiston Respublikasi Moliya vazirligi va Davlat soliq qo‘mitasi tomonidan tasdiqlangan soliq hisobotlari shakllari bo‘yicha yuridik shaxsning alohida bo‘linmasiga to‘g‘ri keladigan yuridik shaxslardan olinadigan foyda solig‘i, yagona soliq to‘lovi va qo‘shilgan qiymat solig‘i summalari hisob-kitoblari. Ushbu hisob-kitoblar yuridik shaxsning soliq bo‘yicha hisobga olish joyidagi davlat soliq xizmati organlariga taqdim etiladigan soliq hisobotlari shakllarida nazarda tutilgan tegishli soliqlar bo‘yicha hisob-kitoblar asosida tuziladi va unda yuridik shaxsning har bir alohida bo‘linmasi bo‘yicha soliq summalari alohida satrda ajratib ko‘rsatiladi. Bunda yuridik shaxs soliq bo‘yicha hisobga olingan joydagi davlat soliq xizmati organlariga hisob-kitoblar taqdim etilayotganda uning har bir alohida bo‘linmasiga to‘g‘ri keladigan soliqlar summalari bo‘yicha hisob-kitoblar nusxalari ilova qilinadi.”
12. Vazirlar Mahkamasining 2017-yil 10-apreldagi 196-son qarori (O‘zbekiston Respublikasi QT, 2017-y., 4-son, 43-modda) bilan tasdiqlangan Erkin iqtisodiy zonalar hududida soliqlar va bojxona to‘lovlari bo‘yicha imtiyozlarni qo‘llash tartibi to‘g‘risidagi nizom 2-bandining ikkinchi xatboshidan “obodonlashtirish va ijtimoiy infratuzilmani rivojlantirish solig‘i” so‘zlari chiqarib tashlansin.
Oldingi tahrirga qarang.
(13-band O‘zbekiston Respublikasi Vazirlar Mahkamasining 2019-yil 15-maydagi 404-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 15.05.2019-y., 09/19/404/3135-son)
14. Vazirlar Mahkamasining “Rossiya Federatsiyasi hududida vaqtinchalik mehnat faoliyatini amalga oshirishni rejalashtirgan fuqarolar uchun O‘zbekiston Respublikasi hududida kompleks imtihon tashkil etish chora-tadbirlari to‘g‘risida” 2017-yil 20-iyundagi 400-son qarori (O‘zbekiston Respublikasi QT, 2017-y., 6-son, 109-modda) 13-bandining ikkinchi xatboshidan “hamda obodonlashtirish va ijtimoiy infratuzilmani rivojlantirish solig‘idan” so‘zlari chiqarib tashlansin.
15. Vazirlar Mahkamasining 2017-yil 29-iyundagi 445-son qarori (O‘zbekiston Respublikasi QT, 2017-y., 6-son, 125-modda) bilan tasdiqlangan Tumanlar (shaharlar) moliya bo‘limlari xodimlari tomonidan O‘zbekiston Respublikasi Davlat budjeti daromadlar parametrlarining so‘zsiz bajarilishini ta’minlash va mahalliy budjetlarning daromadlar bazasini kengaytirish chora-tadbirlarini amalga oshirish tartibi to‘g‘risidagi nizom 8-bandining uchinchi xatboshidagi “inventarizatsiya” so‘zi “kadastr” so‘zi bilan almashtirilsin.
16. Vazirlar Mahkamasining “2017 — 2019-yillarda Samarqand shahri va Samarqand viloyatining turizm salohiyatini jadal rivojlantirish chora-tadbirlari to‘g‘risida” 2017-yil 30-iyundagi 450-son qarori (O‘zbekiston Respublikasi QHT, 2017-y., 27-son, 616-modda) 9-bandining ikkinchi xatboshidan “obodonlashtirish va ijtimoiy infratuzilmani rivojlantirish solig‘i” so‘zlari chiqarib tashlansin.
Oldingi tahrirga qarang.
(17-band O‘zbekiston Respublikasi Vazirlar Mahkamasining 2019-yil 17-apreldagi 320-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 17.04.2019-y., 09/19/320/2958-son)
Oldingi tahrirga qarang.
(18-band O‘zbekiston Respublikasi Prezidentining 2018-yil 26-dekabrdagi PQ-4086-sonli qaroriga asosan 2019-yil 1-yanvardan o‘z kuchini yo‘qotadi — Qonun hujjatlari ma’lumotlari milliy bazasi, 27.12.2018-y., 07/18/4086/2354-son)
1. Vazirlar Mahkamasining “O‘zbekiston Respublikasining 2004-yilgi Davlat budjeti parametrlari to‘g‘risida” 2003-yil 25-dekabrdagi 567-son qarorining 12-bandi (O‘zbekiston Respublikasi QHT, 2003-y., 24-son, 241-modda).
2. Vazirlar Mahkamasining 2016-yil 22-fevraldagi 46-son qarori (O‘zbekiston Respublikasi QT, 2016-y., 2-son, 10-modda) bilan tasdiqlangan Chet elda ishlayotgan O‘zbekiston Respublikasi fuqarolari hamda ish vaqtini hisobga olib bo‘lmaydigan shaxslarning ayrim toifalari tomonidan O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasiga sug‘urta badallari to‘lash tartibini, shuningdek ularning pensiyani hisoblash uchun olinadigan ish stajini va ish haqi miqdorini hisobga olish tartibi to‘g‘risida nizomning 22, 24 — 27, 30 — 32-bandlari, shuningdek, qarorga 4-ilova.