LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Valyuta siyosatini yanada erkinlashtirish, birjadan tashqari valyuta bozorini rivojlantirish va mustahkamlash, uning faoliyat ko‘rsatishi samaradorligini oshirish, qatnashchilar sonini kengaytirish hamda banklararo savdo sessiyalarida chet el valyutasini sotib olish va sotish hajmini ko‘paytirish maqsadida, shuningdek valyuta operatsiyalari bo‘yicha buxgalteriya hisobi va hisobotini yuritish, tashqi savdo operatsiyalari bo‘yicha bojxona to‘lovlari va hisoblarini hisoblab chiqarish tartibini maqbullashtirish uchun Vazirlar Mahkamasi qaror qiladi:
1. O‘zbekiston Respublikasi Markaziy banki va Moliya vazirligining chet el valyutasiga talab va taklifdan kelib chiqqan holda vujudga kelgan birjadan tashqari valyuta bozorini 2001-yil 1-noyabrdan boshlab:
O‘zbekiston Respublikasi Hukumati tomonidan yoki uning kafolati ostida 2001-yil 1-iyulgacha jalb etilgan chet el valyutasidagi kreditlarga xizmat ko‘rsatish;
korxonalarning markazlashtirilgan resurslarni eksport qilish hisobiga tushadigan valyuta tushumlarini majburiy sotish operatsiyalari bo‘yicha valyutani sotish va sotib olishni erkin kursga o‘tkazish to‘g‘risidagi taklifi qabul qilinsin.
Keyingi tahrirga qarang.
2. Belgilab qo‘yilsinki, 2001-yil 1-noyabrdan boshlab respublika hududida valyuta operatsiyalari bo‘yicha buxgalteriya hisobi, statistika hisoboti va boshqa hisobotlar, shuningdek bojxona to‘lovlarini va boshqa majburiy to‘lovlarni hisoblab chiqarish O‘zbekiston Respublikasi Markaziy bankining birjadan tashqari valyuta bozoridagi almashuv kursini, pul massasi va inflatsiya darajasini hisobga olgan holda belgilanadigan kursi bo‘yicha amalga oshiriladi.
3. O‘zbekiston Respublikasi Moliya vazirligi, Davlat soliq qo‘mitasi Makroiqtisodiyot va statistika vazirligi bilan birgalikda o‘n kun muddatda chet el valyutasidagi operatsiyalarni buxgalteriya hisobida, statistika hisobotida va boshqa hisobotlarda aks ettirish tartibini ishlab chiqsinlar va tasdiqlasinlar hamda xo‘jalik yurituvchi subyektlarga yetkazsinlar.
4. O‘zbekiston Respublikasi Hukumatining 1-ilovaga muvofiq qarorlariga o‘zgartirish va qo‘shimchalar kiritilsin.
5. O‘zbekiston Respublikasi Markaziy banki, Moliya vazirligi, boshqa manfaatdor vazirliklar va idoralar Adliya vazirligi bilan birgalikda ikki hafta muddatda o‘z normativ hujjatlarini mazkur qarorga muvofiqlashtirsinlar.
6. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov va O‘zbekiston Respublikasi Markaziy bankining raisi F.M. Mullajonov zimmasiga yuklansin.
O‘zbekiston Respublikasi Vazirlar Mahkamasining “Valyuta va eksport-import operatsiyalari bo‘yicha hisob va hisobot tartibini takomillashtirish to‘g‘risida” 2000-yil 28-apreldagi 171-son qarori (O‘zbekiston Respublikasi QT 2000-y., 6-son, 31-modda);
O‘zbekiston Respublikasi Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirishlar va qo‘shimchalar kiritish to‘g‘risida” 2000-yil 24-oktabrdagi 412-son qaroriga ilovaning 12-bandi (O‘zbekiston Respublikasi QT 2000-y., 10-son, 69-modda) o‘z kuchini yo‘qotgan deb hisoblansin.
II. O‘zbekiston Respublikasi Hukumatining quyidagi qarorlariga o‘zgartirish va qo‘shimchalar kiritilsin:
1. O‘zbekiston Respublikasi Vazirlar Mahkamasining “2001-2002-yillarda xorijiy investorlarni jalb etgan holda korxonalarni davlat tasarrufidan chiqarish va xususiylashtirish bo‘yicha kelgusidagi chora-tadbirlar to‘g‘risida” 2001-yil 9-martdagi 119-son qaroriga 5-ilovaning 49-bandidagi “banklararo valyuta bozorida belgilanadigan birjadan tashqari valyuta bozori kursi bo‘yicha” so‘zlari “Markaziy bank kursi bo‘yicha” so‘zlari bilan almashtirilsin.
Keyingi tahrirga qarang.
2. O‘zbekiston Respublikasi Vazirlar Mahkamasining “Birjadan tashqari valyuta bozori faoliyatini tashkil etish chora-tadbirlari to‘g‘risida” 2001-yil 10-iyuldagi 294-son qaroriga 2-ilovada (O‘zbekiston Respublikasi QT 2001-y., 7-son, 38-modda):
Keyingi tahrirga qarang.
“a) korxonalar va tashkilotlarning markazlashtirilgan va markazlashtirilmagan eksportdan olingan valyuta tushumini majburiy sotish”;
Keyingi tahrirga qarang.
Keyingi tahrirga qarang.
Keyingi tahrirga qarang.
“7. Birjadan tashqari valyuta bozorida xorijiy valyutani barcha mijozlar – savdo-vositachilik faoliyati bilan shug‘ullanuvchi subyektlardan tashqari, xo‘jalik yurituvchi subyektlar tomonidan xorijiy valyutani sotib olish va sotish bo‘yicha operatsiyalar vakolatli banklar orqali amalga oshiriladi (ijtimoiy ahamiyatga ega bo‘lgan xalq iste’mol tovarlari va dori-darmonlarni import qiluvchi korxonalar, shuningdek vazirliklar, muassasalar va hokimliklarning ularning markazlashtirilgan moddiy-texnika ta’minoti bilan shug‘ullanuvchi idoraviy korxonalari bundan mustasno)”;
“14. Oldindan beriladigan buyurtmanomalarga binoan xorijiy valyutani sotib olish yoki sotish uchun yetarli bo‘lgan so‘mdagi va xorijiy valyutadagi pul mablag‘larini O‘zbekiston Respublikasi Markaziy bankidagi maxsus hisob raqamlariga deponentga o‘tkazish banklararo savdo sessiyalarini o‘tkazish boshlanishidan bir soat oldin tugallanadi”.
Keyingi tahrirga qarang.
“Vakolatli banklar va ularning mijozlari o‘rtasida xorijiy valyutani sotib olish va sotish bo‘yicha operatsiyalarni o‘tkazishda oldingi hafta mobaynida o‘tkazilgan banklararo savdo sessiyalarida qayd qilingan kurslarning o‘rtacha miqdoridan foydalaniladi”.
Keyingi tahrirga qarang.
Keyingi tahrirga qarang.