Keyingi tahrirga qarang.
LexUZ sharhi
Mazkur qaror O‘zbekiston Respublikasi Vazirlar Mahkamasining 2018-yil 5-iyuldagi 507-sonli “O‘zbekiston Respublikasi Jismoniy tarbiya va sport vazirligi huzuridagi Jismoniy tarbiya va sportni rivojlantirish jamg‘armasi faoliyatini tashkil etish to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “O‘zbekiston Bolalar sportini rivojlantirish jamg‘armasi faoliyatini takomillashtirish chora-tadbirlari to‘g‘risida” 2004-yil 29-avgustdagi PF-3481-son Farmonini bajarish yuzasidan hamda jismoniy va ma’naviy sog‘lom yosh avlodni tarbiyalash uchun shart-sharoitlar yaratish, bolalarni sport bilan muntazam shug‘ullanishga jalb etish, shuningdek sport inshootlaridan samarali foydalanishni ta’minlash maqsadida Vazirlar Mahkamasi qaror qiladi:
1. Bolalar sportini rivojlantirish va ayniqsa qishloq joylarda o‘quvchi yoshlarni jismoniy tarbiya va sport bilan faol shug‘ullanishga ommaviy jalb etish umumiy o‘rta ta’lim tizimini takomillashtirishning muhim vazifasi, 2004—2009-yillarda Maktab ta’limini rivojlantirish Davlat umummilliy dasturining ajralmas qismi deb hisoblansin.
O‘zbekiston Respublikasi Xalq ta’limi vazirligining tashkiliy tuzilmasi va xodimlarning cheklangan umumiy soni 81 nafar, shu jumladan boshqaruv xodimlari 61 nafar bo‘lgan markaziy apparati tuzilmasi 1 va 2-ilovalarga muvofiq;
Keyingi tahrirga qarang.
O‘zbekiston Respublikasi Xalq ta’limi vazirligi huzuridagi Bolalar sportini rivojlantirish jamg‘armasining tashkiliy tuzilmasi, Jamg‘arma markaziy ijro etuvchi apparati va uning Qoraqalpog‘iston Respublikasi, viloyatlar va Toshkent shahridagi mintaqaviy filiallari tuzilmasi va shtatdagi xodimlari soni 3 — 5-ilovalarga muvofiq;
O‘zbekiston Respublikasi Xalq ta’limi vazirligi huzuridagi Bolalar sportini rivojlantirish jamg‘armasi to‘g‘risidagi nizom 6-ilovaga muvofiq tasdiqlansin.
Keyingi tahrirga qarang.
3. Belgilansinki, Bolalar sportini rivojlantirish jamg‘armasining ijro etuvchi direktori ayni bir vaqtda lavozimiga ko‘ra Xalq ta’limi vazirining o‘rinbosari hisoblanadi va O‘zbekiston Respublikasi Vazirlar Mahkamasi tomonidan tayinlanadi.
Keyingi tahrirga qarang.
Jamg‘armaning Homiylik kengashi va Jamg‘armaning mintaqaviy filiallari homiylik kengashlari, ularga yuklangan vazifalar va vakolatlar saqlab qolinsin, bolalar sportini yanada rivojlantirish chora-tadbirlarini davlat siyosati darajasida amalga oshirish, ushbu maqsadga erishish uchun davlat tuzilmalari bilan bir qatorda xo‘jalik yurituvchi subyektlar, nodavlat va jamoat tashkilotlarining, xalqaro moliyaviy tashkilotlar va xorijiy homiylarning mablag‘larini jalb etish uning asosiy maqsadi etib belgilansin;
bolalar sportini rivojlantirish ishida ilgari Jamg‘arma Homiylik kengashining qarorlari bilan O‘zbekiston Respublikasi Moliya vazirligi, Iqtisodiyot vazirligi, Oliy va o‘rta maxsus ta’lim vazirligi, Sog‘liqni saqlash vazirligi, Davlat arxitektura va qurilish qo‘mitasi, Davlat jismoniy tarbiya va sport qo‘mitasi, "O‘zbekyengilsanoat" davlat-aksiyadorlik kompaniyasi, “Mahalla” jamg‘armasiga va boshqa tuzilmalarga yuklangan vazifalar va vakolatlar saqlanib qolsin.
Keyingi tahrirga qarang.
Jamg‘armaning shaharlar va tumanlardagi mintaqaviy filiallari vakillari faoliyati O‘zbekiston Respublikasi Xalq ta’limi vazirligi huzuridagi Bolalar sportini rivojlantirish jamg‘armasining mablag‘lari hisobiga moliyalashtiriladi va o‘z faoliyatida tuman (shahar) xalq ta’limi bo‘limlariga hisobot beradi;
Keyingi tahrirga qarang.
bolalar sport inshootlarini qurish va ularni rekonstruksiya qilish dasturlari, Bolalar sportini rivojlantirish jamg‘armasining qabul qilingan qarorlari amalga oshirilishi ustidan nazorat qilish Jamg‘arma mintaqaviy filiallari vakillarining asosiy vazifasi hisoblanadi.
6. O‘zbekiston Respublikasi Xalq ta’limi vazirligi Bolalar sportini rivojlantirish jamg‘armasi bilan birgalikda bir oy muddatda 2004—2009-yillarda Maktab ta’limini rivojlantirish Davlat umummilliy dasturi amalga oshirilishining muhim tarkibiy qismi sifatida Bolalar sportini rivojlantirish masalalari bo‘yicha muvofiqlashtirilgan ishlar dasturini ishlab chiqsin.
Bolalar sportini rivojlantirish dasturi va 2004—2009-yillarda Maktab ta’limini rivojlantirish Davlat umummilliy dasturining o‘zaro bog‘liqligi bo‘yicha ishlarni muvofiqlashtirish masalalari O‘zbekiston Respublikasi Xalq ta’limi vazirligining Maktab ta’limini rivojlantirish Davlat umummilliy dasturi amalga oshirilishi monitoringi boshqarmasining bolalar sportini rivojlantirish bo‘limiga yuklansin.
Jamg‘arma mablag‘lari hisobiga yangidan qurish va rekonstruksiya qilish yo‘li bilan tiklanayotgan bolalar sporti obyektlari foydalanish uchun tuman (shahar) hokimiyat va boshqaruv organlari balansiga beriladi;
Jamg‘arma mablag‘lari hisobiga qurilishi tugallangan va rekonstruksiya qilingan bolalar sporti obyektlarini qabul qilib olish O‘zbekiston Respublikasi Vazirlar Mahkamasining “2004—2009-yillarda Maktab ta’limini rivojlantirish Davlat umummilliy dasturini amalga oshirish chora-tadbirlari to‘g‘risida” 2004-yil 9-iyuldagi 321-son qarori bilan tasdiqlangan Davlat komissiyasi tomonidan amalga oshiriladi;
bolalar sporti inshootlarining samarali faoliyat ko‘rsatishi, ular quvvatlaridan eng to‘liq foydalanilishini ta’minlash, samarali faoliyatni tashkil etish va sport seksiyalarini metodik ta’minlash, ularni malakali sport murabbiylari bilan ta’minlash uchun mas’uliyat tuman (shahar) xalq ta’limi bo‘limlariga yuklanadi.
Keyingi tahrirga qarang.
8. Moliyalashtirish manbalaridan qat’i nazar, bolalar sporti inshootlarini namunaviy loyihalar qo‘llanilmasdan hamda tasdiqlangan qurilish normalari va standartlariga muvofiq bo‘lmagan holda qurish va rekonstruksiya qilish qat’iyan taqiqlansin.
bolalar sporti obyektlari qurish va ularni rekonstruksiya qilishga tanlov pudrat tender savdolari o‘z vaqtida o‘tkazilishi va puxta tashkil etilishini ta’minlasin;
bolalar sporti inshootlari qurish va ularni rekonstruksiya qilish ishlarini bajarishda namunaviy loyihalar va tasdiqlangan qurilish qoidalariga rioya etilishi ustidan qat’iy nazorat o‘rnatsin. Bunda qurilayotgan va rekonstruksiya qilinayotgan bolalar sporti inshootlari xavfsizligi hamda keyinchalik ulardan foydalanish jarayonida xavfsizlik talablariga rioya etilishiga alohida e’tibor qaratilsin;
mahalliy homiylarning mablag‘lari hisobiga yangidan qurilayotgan obyektlar va rekonstruksiya qilinayotgan bolalar sporti obyektlari ustidan texnik nazorat qilish amaliyotini joriy etsin.
Vazirlar Mahkamasining “O‘zbekiston Bolalar sportini rivojlantirish jamg‘armasi faoliyatini tashkil etish to‘g‘risida” 2002-yil 31-oktabrdagi 374-son qaroriga 3—6-ilovalar (O‘zbekiston Respublikasi QT, 2002-y., 10-son, 63-modda);
Vazirlar Mahkamasining “O‘zbekiston Respublikasi Xalq ta’limi vazirligi faoliyatini takomillashtirish to‘g‘risida” 2004-yil 5-avgustdagi 372-son qaroriga 1 va 2-ilovalar o‘z kuchini yo‘qotgan deb hisoblansin.
10. Mazkur qarorning bajarilishini nazorat qilish O‘zbekiston Respublikasining Bosh vaziri Sh.M. Mirziyoyev zimmasiga yuklansin.
Keyingi tahrirga qarang.
Keyingi tahrirga qarang.
Keyingi tahrirga qarang.
Keyingi tahrirga qarang.
Keyingi tahrirga qarang.
Keyingi tahrirga qarang.
Keyingi tahrirga qarang.
Keyingi tahrirga qarang.
Keyingi tahrirga qarang.
Keyingi tahrirga qarang.
Keyingi tahrirga qarang.
Keyingi tahrirga qarang.
1. O‘zbekiston Respublikasi Xalq ta’limi vazirligi huzuridagi Bolalar sportini rivojlantirish jamg‘armasi (keyingi o‘rinlarda Jamg‘arma deb ataladi) O‘zbekiston Respublikasi Prezidentining “O‘zbekiston Bolalar sportini rivojlantirish jamg‘armasi faoliyatini takomillashtirish to‘g‘risida” 2004-yil 29-avgustdagi PF-3481-son Farmoni hamda Vazirlar Mahkamasining “O‘zbekiston Respublikasi Xalq ta’limi vazirligi huzuridagi Bolalar sportini rivojlantirish jamg‘armasi faoliyatini tashkil etish to‘g‘risida” 2004-yil 29-avgustdagi 410-son qarori bilan tashkil etilgan.
Keyingi tahrirga qarang.
2. Jamg‘arma o‘z faoliyatini O‘zbekiston Respublikasi Konstitutsiyasiga, O‘zbekiston Respublikasi qonunlariga, O‘zbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek ushbu Nizomga muvofiq amalga oshiradi.
3. Jamg‘arma yuridik shaxs hisoblanadi va xo‘jalik mustaqilligi asosida faoliyat ko‘rsatadi, o‘z mol-mulkiga, mustaqil balansga, banklarda hisob raqamlariga, shu jumladan xorijiy valyutadagi hisob raqamlariga ega bo‘ladi. O‘z nomidan mulkiy va nomulkiy huquqlarga ega bo‘ladi, tegishli majburiyatlar oladi.
4. Jamg‘arma faoliyatida Hukumatga qarashli bo‘lmagan tashkilotlar va jamoat tashkilotlari hamda mulkchilik shakllaridan qat’i nazar, korxonalar va xo‘jalik jamiyatlarining mehnat jamoalari, muassasalar va ijodiy uyushmalar, vazirliklar, idoralar, uyushmalar, kompaniyalar va boshqa xo‘jalik birlashmalari, tijorat tuzilmalari, xorijiy va boshqa tashkilotlar, sog‘lom avlodni voyaga yetkazishga o‘z hissasini qo‘shishni xohlovchi yuridik va jismoniy shaxslar ixtiyoriy asosda qatnashishlari mumkin.
5. Jamg‘arma faoliyati xayriya tusiga egadir. Uning mablag‘lari, ularning tushish manbalaridan qat’i nazar, Jamg‘armaning maqsadi va unga yuklangan vazifalarga erishish uchun sarflanadi.
6. Jamg‘armaning yuridik manzili: O‘zbekiston Respublikasi, Toshkent shahri, Movaraunnahr ko‘chasi, 14.
Keyingi tahrirga qarang.
o‘sib kelayotgan yosh avlodning jismoniy va ma’naviy sog‘lom bo‘lib voyaga etishining, ularga sog‘lom turmush tarziga intilish va sportga mehr-muhabbatni singdirishning g‘oyat muhim sharti sifatida bolalar ommaviy sportini rivojlantirishni ta’minlash;
bolalar sportining moddiy-texnika va resurs bazasini yanada rivojlantirish chora-tadbirlarini davlat siyosati darajasida amalga oshirish, buning uchun davlat tuzilmalari bilan bir qatorda xo‘jalik yurituvchi subyektlar, homiylar, nodavlat va jamoat tashkilotlarining, xalqaro moliyaviy tashkilotlar va xorijiy homiylarning mablag‘larini jalb etish.
bolalar jismoniy tarbiya va sportini rivojlantirish borasida davlat siyosatini 2004—2009-yillarda Maktab ta’limini rivojlantirish Davlat umummilliy dasturini amalga oshirish bilan bevosita o‘zaro bog‘liqlikda ishlab chiqish va amalga oshirishga, bolalar sportini aniq maqsad yo‘lida va barqaror avj oldirishga ko‘maklashish;
xalq ta’limini boshqarish organlari va ta’lim muassasalari bilan birgalikda bolalarda sportga mehr uyg‘otish, o‘sib kelayotgan yosh avlodda sport bilan shug‘ullanish, sog‘lom turmush tarziga amal qilish, ma’naviy va jismoniy komillikka intilish zarurligini tushunishni shakllantirish, ularni salbiy ta’sirdan himoya qilish hamda zararli odatlardan xalos etish, bolalarni barqaror fe’l-atvorli, Vatanga mehr-muhabbat va o‘z mamlakati uchun g‘urur-iftixor ruhida tarbiyalash borasidagi chora-tadbirlar kompleksini amalga oshirish;
birinchi navbatda qishloq joylarda bolalar jismoniy tarbiya va sportining moddiy bazasini shakllantirish, umumta’lim maktablari qoshida va aholi yashash joylarida zamonaviy bolalar sport komplekslari tarmog‘ini barpo etish, ularni zamonaviy sport uskunalari hamda anjomlari bilan jihozlash, ulardan samarali foydalanishni ta’minlashga ko‘maklashish bo‘yicha zarur moliyaviy va moddiy mablag‘larni jamlash;
bolalarni jismoniy va ma’naviy tarbiyalashning zamonaviy shakl va uslublarini, jinsi va yoshiga qarab bolalarga sport ko‘nikmalarini singdirishning, sport sohasida iqtidorli bolalarni ixtisoslashtirilgan sport maktablari va markazlaridagi mashg‘ulotlarga tanlab olishning ilmiy asoslangan tizimlarini ishlab chiqishni tashkil etish hamda ularni tatbiq qilishga ko‘maklashish;
umumta’lim maktablarining sport bazasini hamda shaharlarda va qishloq joylarda bolalar sport inshootlari tarmoqlarini yanada rivojlantirish, ularni mamlakatning aholi yashash joylarida oqilona joylashtirish hamda zamonaviy talablarga muvofiq texnika bilan jihozlash;
bolalarning jismoniy va ruhiy jihatdan kamol topishini ko‘zlagan holda tibbiyot muassasalari va tashkilotlari bilan o‘zaro yaqin aloqa va hamkorlikni ta’minlash;
hudud aholisining zichligini, sport bilan shug‘ullanishga jalb etiladigan bolalar soni, jinsi va yoshini e’tiborga oladigan bolalar sport maydonchalari va komplekslarining, shu jumladan umumta’lim maktablarining ilmiy asoslangan namunaviy loyihalarini ishlab chiqishga ko‘maklashish;
bolalarni jismoniy tarbiyalashning ilmiy asoslangan zamonaviy tizimlari, shakl va uslublarini joriy etish, bolalar sporti bo‘yicha ustozlar va sport-pedagog kadrlarni mamlakatning yetakchi ilmiy hamda ta’lim markazlarida va chet ellarda tayyorlash, qayta tayyorlash hamda ularning malakasini oshirish borasida O‘zbekiston Respublikasi Xalq ta’limi vazirligi, Davlat sport qo‘mitasi, Milliy olimpiya qo‘mitasi, Oliy va o‘rta maxsus ta’lim vazirligi, respublika sport federatsiyalari, klublari va tashkilotlari bilan o‘zaro faol hamkorlik qilish;
Keyingi tahrirga qarang.
bolalar ommaviy sportini rivojlantirish, istiqomat joylarda texnikaviy jihozlangan, zamonaviy bolalar sport komplekslarini barpo etishning ahamiyati keng targ‘ib qilinishini tashkil etish va ko‘maklashish, ushbu vazifalarni ro‘yobga chiqarishga jamoatchilikni, fuqarolarning o‘zini o‘zi boshqarish organlarini, kichik biznes subyektlari, xususiy tadbirkorlikni, korxonalar va tashkilotlarni, shu jumladan xalqaro tashkilotlarni faol jalb etish;
mamlakatimiz hamda chet el investitsiyalarini, homiylik mablag‘lari va grantlarni bolalar-o‘smirlar jismoniy tarbiya va sporti sohasiga keng ko‘lamda jalb etish borasidagi ishlarni tashkil qilish;
jismoniy tarbiya-sog‘lomlashtirish, sport-ommaviy ishlar va xayriya faoliyati masalalari bo‘yicha xalqaro hamkorlikda qatnashish;
Vatanimiz jismoniy tarbiya va sportini axborotlar bilan ta’minlash tizimini shakllantirish va rivojlantirishda, uni jahon axborot tarmog‘iga kiritishda qatnashish;
Keyingi tahrirga qarang.
Jamg‘arma mintaqaviy filiallarni tashkil etish va ularni zarur o‘quv-metodik hamda ko‘rgazmali-rasmli materiallar bilan ta’minlash, ushbu ishga olimlarni, yuqori malakali mutaxassislarni jalb etish.
9. Jamg‘arma yuklangan vazifalar va faoliyat yo‘nalishlarini ta’minlash uchun O‘zbekiston Respublikasi qonun hujjatlariga muvofiq quyidagi huquqlarga ega:
oldinga qo‘yilgan maqsad va vazifalar bajarilishini ta’minlash uchun o‘z vakolatlari doirasida yuridik va jismoniy shaxslar bilan huquqiy xatti-harakatlarni mustaqil ravishda sodir etish;
bolalar sportini rivojlantirishning turli masalalari bo‘yicha belgilangan tartibda tashabbuslar bilan chiqish, davlat hokimiyati va boshqaruvi organlariga takliflar kiritish;
ommaviy jismoniy tarbiya-sog‘lomlashtirish va sport tadbirlarini o‘tkazish, turli xil sport musobaqalarida, notijorat maqsadlaridagi tenderlar va tanlovlarda qatnashish;
davlat, nodavlat va jamoat tashkilotlari, korxonalar, muassasalar hamda firmalar bilan birgalikda bolalar sportini va uning moddiy bazasini rivojlantirish bo‘yicha o‘z loyihalari va dasturlarini amalga oshirish;
korxonalar, tashkilotlar, mahalliy davlat hokimiyati va boshqaruvi organlari, shuningdek xorijiy va xalqaro tashkilotlar bilan o‘zaro foydali hamkorlikni rivojlantirish;
sport-pedagog kadrlarni kontrakt asosida o‘qitish, shu jumladan xorijiy mutaxassislarni, olimlarni jalb etgan holda o‘qitish;
Jamg‘armaning ustavda qayd etilgan faoliyati sohasiga taalluqli masalalar bo‘yicha seminarlar va konferensiyalar o‘tkazish;
zarur hollarda, ustavda qayd etilgan vazifalarni hal etish uchun muassislarga va boshqa tashkilotlarga tegishli ko‘chmas mol-mulkdan, boshqa mulkchilik obyektlaridan, shu jumladan intellektual mulkidan shartnomaviy asosda foydalanish;
qonun hujjatlarida nazarda tutilgan tartibda davlat hokimiyati va boshqaruvi organlari qarorlarini ishlab chiqishda qatnashish;
belgilangan tartibda banklarda hisob raqamlarini, shu jumladan valyuta hisob raqamlarini ochish, milliy va erkin almashtiriladigan valyutada bank kreditlari va ssudalar olish, o‘z nomidan shartnomalar va kontraktlar tuzish, mulkiy huquqlarga ega bo‘lish, sudda da’vogar va javobgar bo‘lish;
yuridik va jismoniy shaxslarga tegishli maslahat, axborot xizmatlari va boshqa xil xizmatlar ko‘rsatish;
o‘sib kelayotgan avlod o‘rtasida jismoniy tarbiya va sportni rivojlantirish davlat siyosati va dasturlarini amalga oshirishda, 2004—2009-yillarda Maktab ta’limini rivojlantirishning Davlat umummilliy dasturini bajarishda faol qatnashish;
vakolatxonalarga, filiallarga hamda Jamg‘arma tomonidan tashkil etilgan boshqa tashkilotlarga o‘z faoliyati dasturlarini ishlab chiqishda har tomonlama ko‘maklashish va ularning ishlarini o‘z vaqtida nazorat qilish va muvofiqlashtirish;
Jamg‘arma tomonidan yo‘naltiriladigan moliyaviy va moddiy mablag‘lardan oldinga qo‘yilgan vazifalarga muvofiq qat’iy maqsadli foydalanilishini ta’minlash.
11. Jamg‘arma va uning Qoraqalpog‘iston Respublikasi, viloyatlar va Toshkent shahridagi mintaqaviy filiallari o‘z faoliyatida bolalar sporti inshootlari qurilishi masalalarida shaharlar va tumanlar hokimlarining tegishli o‘rinbosarlari bilan o‘zaro hamkorlik qiladi, o‘quv-metodik ishlar masalalari bo‘yicha esa — O‘zbekiston Respublikasi Xalq ta’limi vazirligi, Qoraqalpog‘iston Respublikasi Xalq ta’limi vazirligi, viloyatlar va Toshkent shahar xalq ta’limi boshqarmalari bilan o‘zaro hamkorlik qiladi va ularga hisobot beradi.
Keyingi tahrirga qarang.
12. Davlat, jamoat tashkilotlari va hukumatga qarashli bo‘lmagan tashkilotlar, fuqarolarning o‘zini o‘zi boshqarish organlari, kompaniyalar, uyushmalar va boshqa xo‘jalik birlashmalari, korxonalar, banklar, boshqa jamg‘armalar, shu jumladan xorijiy jamg‘armalar, shuningdek Jamg‘armaning asosiy vazifalarini amalga oshirishda ixtiyoriy asosda qatnashuvchi yuridik va jismoniy shaxslar (O‘zbekiston Respublikasining rezidentlari va norezidentlari) Jamg‘armaning qatnashchilari hisoblanadilar.
13. Jamg‘arma oldiga qo‘yilgan vazifalarni hal etishga manfaatdor davlat, nodavlat va jamoat tuzilmalarini va xorijiy sheriklarni jalb etish, bolalar jismoniy tarbiyasi va sportini rivojlantirishga izchil yondashuvlarni ta’minlovchi aniq chora-tadbirlarni amalga oshirish, Jamg‘arma tomonidan o‘z faoliyati amalga oshirilishiga har tomonlama ko‘maklashish, uning moddiy-texnika va moliyaviy bazasini mustahkamlash, shuningdek Jamg‘arma tomonidan jalb qilinayotgan mablag‘lardan qat’iy maqsadli foydalanilishini ta’minlash uchun Homiylik kengashi tuziladi.
O‘zbekiston Respublikasi Prezidenti Bolalar sportini rivojlantirish jamg‘armasi Homiylik kengashining raisi hisoblanadi.
Homiylik kengashining shaxsiy tarkibi O‘zbekiston Respublikasi Vazirlar Mahkamasining qarori bilan tasdiqlanadi.
Homiylik kengashi Jamg‘armaning ustavda qayd etilgan vazifalari o‘z vaqtida va sifatli bajarilishi masalalari bo‘yicha O‘zbekiston Respublikasi xalq ta’limi vaziri va Jamg‘armaning ijro etuvchi direktori hisobotini muntazam ravishda eshitadi va tasdiqlaydi.
Keyingi tahrirga qarang.
Qoraqalpog‘iston Respublikasi, viloyatlar va Toshkent shahrida Jamg‘arma mintaqaviy filiallarining homiylik kengashlari tuziladi. Jo‘qorg‘i Kengesi Raisi hamda viloyatlar va Toshkent shahar hokimlari tegishli ravishda jamg‘armaning Qoraqalpog‘iston Respublikasi, viloyatlar va Toshkent shahridagi mintaqaviy filiallarining homiylik kengashlari raislari hisoblanadilar.
14. Nazorat-taftish komissiyasi Jamg‘arma mablag‘laridan maqsadli (yo‘nalishlar bo‘yicha) va qonuniy foydalanilishini, Jamg‘armaning, unga idoraviy mansub mintaqaviy filiallar va tarkibiy bo‘linmalarning moliya-xo‘jalik faoliyatini nazorat qiladi.
15. Bolalar sportini rivojlantirish jamg‘armasi markaziy ijro etuvchi apparati O‘zbekiston Respublikasi Xalq ta’limi vazirligiga hisobot beradi.
Keyingi tahrirga qarang.
Jamg‘arma markaziy apparati joriy faoliyatiga rahbarlikni ijro etuvchi direktor amalga oshiradi, u Jamg‘arma nomidan ish ko‘radi, o‘z vakolatlari doirasida buyruqlar chiqaradi, mehnat to‘g‘risidagi qonun hujjatlariga muvofiq xodimlarni ishga qabul qiladi va ishdan bo‘shatadi, shtatlar jadvalini, markaziy apparat va mintaqaviy filiallarning joriy ta’minotiga xarajatlar smetasini tasdiqlaydi, Jamg‘arma mablag‘larini belgilangan tartibda tasarruf etadi, yuridik va jismoniy shaxslar bilan shartnomalar tuzadi.
Keyingi tahrirga qarang.
Jamg‘armaning ijro etuvchi direktori lavozimiga ko‘ra Xalq ta’limi vazirining o‘rinbosari hisoblanadi.
Keyingi tahrirga qarang.
16. Jamg‘armaning Qoraqalpog‘iston Respublikasi, viloyatlar va Toshkent shahridagi mintaqaviy filiallari ikki tomonlama bo‘ysunishga ega — Jamg‘armaning markaziy ijro etuvchi apparatiga bevosita bo‘ysunadi va ayni bir vaqtda xalq ta’limi boshqarmalariga hisobot beradi.
Keyingi tahrirga qarang.
Jamg‘arma mintaqaviy filiallari rahbarlari Qoraqalpog‘iston Respublikasi Jo‘qorg‘i Kengesi Raisi, viloyatlar va Toshkent shahar hokimlarining tavsiyanomasiga ko‘ra, Homiylik kengashi bilan kelishgan holda, markaziy ijro etuvchi apparat tomonidan tayinlanadilar.
Keyingi tahrirga qarang.
17. Jamg‘arma markaziy apparatining shtatdagi xodimlari soni 17 kishidan (xizmat ko‘rsatuvchi xodimlardan tashqari), mintaqaviy filiallarda esa — 3 kishidan iborat etib belgilanadi, shuningdek 1 nafardan bosh mutaxassis — har bir tuman, viloyat bo‘ysunishidagi shahar, Toshkent shahridagi tumanga vakil belgilanadi.
Keyingi tahrirga qarang.
18. Jamg‘arma apparati va uning mintaqaviy filiallari ta’minoti Jamg‘armaning o‘z mablag‘lari hisobiga amalga oshiriladi.
Jamg‘armaning bolalar sporti bazasini shakllantirish va rivojlantirish uchun javob beradigan tumanlar va shaharlardagi vakillari faoliyati Bolalar sportini rivojlantirish jamg‘armasi mablag‘lari hisobiga mablag‘ bilan ta’minlanadi.
19. Jamg‘armaning mol-mulki asosiy vositalardan va Jamg‘arma tomonidan Jamg‘arma qatnashchilari ulushlari hisobiga olingan boshqa aktivlardan hamda boshqa tushumlardan tashkil topishi mumkin.
xorijiy mamlakatlar, xalqaro tashkilotlar va moliyaviy institutlarning grantlari va beg‘araz yordami;
budjetdan tashqari jamg‘armalarning ajratmalari, xo‘jalik yurituvchi subyektlar, kichik biznes korxonalari, xususiy tadbirkorlar, O‘zbekiston Respublikasining ham rezidentlari va ham norezidentlari bo‘lgan yuridik va jismoniy shaxslarning homiylik mablag‘lari;
Jamg‘arma, shuningdek Jamg‘arma oldiga qo‘yilgan vazifalarni hal etish maqsadida Jamg‘arma tomonidan ta’sis etilgan korxonalar va tashkilotlar faoliyatidan olingan daromadlari;
21. Jamg‘armaning har yilgi daromadlar va xarajatlar smetasi Jamg‘arma markaziy ijro etuvchi apparatining taqdimnomasiga ko‘ra Jamg‘armaning Homiylik kengashi tomonidan tasdiqlanadi.
Keyingi tahrirga qarang.
Jamg‘armaning pul mablag‘lari ustavda qayd etilgan vazifalarni bajarishga, bolalar sportini rivojlantirishga doir tegishli davlat dasturlarida nazarda tutilgan tadbirlarga, shuningdek Jamg‘arma tomonidan amalga oshirilayotgan bolalarni sog‘lomlashtirish dasturlarini ro‘yobga chiqarishda faol qatnashayotgan shaxslarni xayriya tarzida rag‘batlantirishga sarflanadi.
22. Soliqlar, yig‘imlar va to‘lovlar Jamg‘arma tomonidan amaldagi qonun hujjatlariga muvofiq to‘lanadi.
23. Jamg‘arma va uning mintaqaviy filiallari o‘z majburiyatlari bo‘yicha o‘zlariga tegishli barcha mol-mulk bilan javob beradilar.
Davlat Jamg‘arma majburiyatlari bo‘yicha javob bermaydi, Jamg‘arma esa davlat majburiyatlari bo‘yicha javob bermaydi.
24. Jamg‘armaning mulkiy huquqlari jamoat hukumatga qarashli bo‘lmagan tashkilotlar uchun belgilangan tartibda O‘zbekiston Respublikasining qonun hujjatlariga muvofiq muhofaza qilinadi.
25. Jamg‘armaning faoliyati Jamg‘arma Homiylik kengashining qaroriga ko‘ra yoki O‘zbekiston Respublikasining amaldagi qonun hujjatlarida nazarda tutilgan hollarda to‘xtatiladi.