LexUZ sharhi
Mazkur qaror O‘zbekiston Respublikasi Vazirlar Mahkamasining 2017-yil 22-dekabrdagi 1013-sonli ““Huquqiy axborotni tarqatish va undan foydalanishni ta’minlash to‘g‘risida”gi O‘zbekiston Respublikasi Qonunini amalga oshirish chora-tadbirlari to‘g‘risida”gi qaroriga asosan o‘z kuchini yo‘qotgan.
Aholining huquqiy madaniyatini oshirish, yuridik va jismoniy shaxslarning me’yoriy-huquqiy hujjatlardan keng foydalanishini ta’minlash, jamiyatni huquqiy axborotlar bilan ta’minlash tizimini takomillashtirish va amaldagi qonun hujjatlarini bosqichma-bosqich turkumlashni tashkil etish maqsadida Vazirlar Mahkamasi qaror qiladi:
1. 2000-yil 1-sentabrdan boshlab O‘zbekiston Respublikasining barcha me’yoriy-huquqiy hujjatlari davlat hisobi joriy etilsin.
O‘zbekiston Respublikasi me’yoriy-huquqiy hujjatlarining davlat hisobini yuritish funksiyasi O‘zbekiston Respublikasi Adliya vazirligiga yuklansin.
O‘zbekiston Respublikasi Adliya vazirligi ikki oy muddatda O‘zbekiston Respublikasi me’yoriy-huquqiy hujjatlarining davlat hisobi to‘g‘risidagi Nizomni ishlab chiqsin va tasdiqlasin.
Oldingi tahrirga qarang.
(2-band O‘zbekiston Respublikasi Vazirlar Mahkamasining 2013-yil 7-dekabrdagi 323-sonli qaroriga asosan o‘z kuchini yo‘qotgan — O‘R QHT, 2013-y., 50-son, 650-modda)
3. Me’yoriy-huquqiy hujjatlarni tarqatish tartibi to‘g‘risidagi Nizom 2-ilovaga muvofiq tasdiqlansin.
O‘zbekiston matbuot va axborot agentligi va “Matbuot tarqatuvchi” aksiyadorlik kompaniyasi bilan birgalikda O‘zbekiston Respublikasi qonun hujjatlari to‘plamining hujjatlar tushishiga qarab, davriy ravishda, qoidaga ko‘ra, bir haftada bir marta nashr etilishini, shuningdek, ularning ochiq obuna yo‘li bilan tarqatilishini ta’minlasin.
(4-bandning ikkinchi xatboshisi O‘zbekiston Respublikasi Vazirlar Mahkamasining 2013-yil 7-dekabrdagi 323-sonli qarori tahririda — O‘R QHT, 2013-y., 50-son, 650-modda)
Qonun hujjatlari ma’lumotlari milliy bazasi (O‘zbekiston Respublikasi qonun hujjatlari ma’lumotlarining turkumlangan yagona elektron bazasi)ning shakllantirilishi va ishlashini ta’minlash uchun O‘zbekiston Respublikasi Fan va texnika davlat qo‘mitasi, O‘zbekiston Pochta va telekommunikatsiyalar agentligi hamda “UzPAK” ma’lumotlarni uzatish davlat tarmog‘ini rivojlantirish va undan foydalanish korxonasi bilan birgalikda 2000-yil 1-noyabrgacha Adliya vazirligi markaziy apparatining mahalliy kompyuter tarmog‘ini ishga tushirsin;
O‘zbekiston Respublikasi Fan va texnika davlat qo‘mitasi bilan birgalikda 2000-2001-yillar mobaynida Qonun hujjatlari ma’lumotlari milliy bazasini shakllantirishga doir ishlarni amalga oshirsin, shuningdek tender asosida tegishli axborot-qidirish tizimini ishlab chiqsin va joriy etsin.
5. O‘zbekiston Pochta va telekommunikatsiyalar agentligi hamda “UzPAK” ma’lumotlarni uzatish davlat tarmog‘ini rivojlantirish va undan foydalanish korxonasi:
O‘zbekiston Respublikasi Adliya vazirligi bilan birgalikda vazirlik me’yoriy-huquqiy hujjatlar matnlarini elektron pochta tizimi orqali tegishli organlardan olishini 2000-yil 1-sentabrgacha tashkil etsinlar;
yaratilayotgan ma’lumotlar elektron bazasidan davlat hokimiyati respublika va mahalliy organlari, boshqa bazadan foydalanuvchilarning tarmoq orqali foydalana olishlarini 2000-yil 1-noyabrgacha ta’minlashda O‘zbekiston Respublikasi Adliya vazirligiga yordam ko‘rsatsinlar.
Adliya vazirligining Me’yoriy hujjatlarni hisobga olish va turkumlash bo‘limi negizida Vazirlik markaziy apparati xodimlarining mavjud soni doirasida Qonun hujjatlarini turkumlash va huquqiy axborot boshqarmasini tashkil etish to‘g‘risidagi;
Adliya vazirligining Axborot-yuridik markazini Adliya vazirligi huzuridagi xo‘jalik hisobidagi Huquqiy axborot bilan ta’minlash markaziga aylantirish, mavjud shtatlarni Qonun hujjatlarini turkumlash va huquqiy axborot boshqarmasiga berish to‘g‘risidagi takliflariga rozilik berilsin.
O‘zbekiston Respublikasi Adliya vazirligi bir oy muddatda Huquqiy axborot bilan ta’minlash markazi ustavini ishlab chiqsin va tasdiqlasin, uning faoliyatiga doir tashkiliy masalalarni hal etsin.
7. Vazirlar Mahkamasining Tashqi iqtisodiy faoliyatni muvofiqlashtirish departamenti me’yoriy-huquqiy hujjatlarni nashr etish, Qonun hujjatlari milliy bazasini shakllantirish va mahalliy hisoblash tarmog‘ini barpo etish uchun zarur materiallar va asbob-anjomlar sotib olish, O‘zbekiston Respublikasi Adliya vazirligi huzuridagi Huquqiy axborot bilan ta’minlash markazi faoliyatini tashkil etish uchun grant mablag‘larini jalb qilish to‘g‘risidagi masalani xalqaro tashkilotlar va xorijiy davlatlar bilan ishlab chiqsin.
8. O‘zbekiston Respublikasi Adliya vazirligi huzuridagi Huquqiy axborot bilan ta’minlash markazi olib kelinayotgan asbob-uskunalar va materiallardan daromad (foyda) solig‘i, mol-mulk solig‘i va bojxona to‘lovlari (bojxonada rasmiylashtirilganligi uchun olinadigan to‘lovlar bundan mustasno) to‘lashdan, bo‘shab qolgan mablag‘lar Markazning moddiy-texnika bazasini rivojlantirishga, mahalliy hisoblash tarmog‘i va Qonun hujjatlari milliy bazasini barpo etishga yo‘naltirgan holda, istisno tariqasida uch yil muddatga ozod qilinsin.
9. Mazkur qarorning bajarilishini nazorat qilish O‘zbekiston Respublikasining Bosh vaziri O‘.T. Sultonov zimmasiga yuklansin.
1. Mazkur Nizom O‘zbekiston Respublikasining me’yoriy-huquqiy hujjatlarini tarqatishning asosiy shartlarini belgilaydi.
(1-bandning birinchi xatboshisi O‘zbekiston Respublikasi Vazirlar Mahkamasining 2013-yil 7-dekabrdagi 323-sonli qarori tahririda — O‘R QHT, 2013-y., 50-son, 650-modda)
Normativ-huquqiy hujjatlar rasmiy va norasmiy nashrlarda, shu jumladan ma’lumotlarning elektron bazalari orqali, shuningdek davlat va xo‘jalik boshqaruvi organlari, mahalliy davlat hokimiyati organlarining rasmiy veb-saytlarida ularni e’lon qilish yo‘li bilan tarqatiladi, maxfiy tusga ega bo‘lgan yoki e’lon qilinmaydigan hujjatlar matnlari bundan mustasno.
(1-bandning ikkinchi xatboshisi O‘zbekiston Respublikasi Vazirlar Mahkamasining 2014-yil 8-iyuldagi 183-sonli qarori tahririda — O‘R QHT, 2014-y., 28-son, 341-modda)
Davlat hokimiyati va boshqaruvi organlari tomonidan qonun hujjatlarida belgilanadigan rasmiy matbuot nashrlarida O‘zbekiston Respublikasi qonun hujjatlarining nashr etilishi O‘zbekiston Respublikasi qonun hujjatlarining rasmiy nashrlari hisoblanadi.
(1-bandning uchinchi xatboshisi O‘zbekiston Respublikasi Vazirlar Mahkamasining 2013-yil 7-dekabrdagi 323-sonli qarori tahririda — O‘R QHT, 2013-y., 50-son, 650-modda)
2. “Normativ-huquqiy hujjatlar to‘g‘risida”gi O‘zbekiston Respublikasi Qonunining 29-moddasiga muvofiq “O‘zbekiston Respublikasi Oliy Majlisi palatalarining axborotnomasi”, “O‘zbekiston Respublikasining qonun hujjatlari to‘plami”, “Xalq so‘zi” va “Narodnoye slovo” gazetalari O‘zbekiston Respublikasi Konstitutsiyasi va qonunlari, O‘zbekiston Respublikasi Oliy Majlisining palatalari qarorlarini, O‘zbekiston Respublikasi Prezidentining farmonlari, qarorlari va farmoyishlari e’lon qilinadigan rasmiy manbalar hisoblanadi.
“O‘zbekiston Respublikasi Hukumatining qarorlari to‘plami”, “O‘zbekiston Respublikasining qonun hujjatlari to‘plami”, “Xalq so‘zi” va “Narodnoye slovo” gazetalari O‘zbekiston Respublikasi Vazirlar Mahkamasi qarorlari e’lon qilinadigan rasmiy manbalar hisoblanadi;
“O‘zbekiston Respublikasining qonun hujjatlari to‘plami”, shuningdek vazirliklar, davlat qo‘mitalari va idoralarning rasmiy nashrlari vazirliklar, davlat qo‘mitalari va idoralari tomonidan qabul qilingan normativ-huquqiy hujjatlar e’lon qilinadigan rasmiy manbalar hisoblanadi.
Mahalliy davlat hokimiyati organlarining rasmiy nashrlari ushbu organlarning qarorlari e’lon qilinadigan rasmiy manbalar hisoblanadi.
“O‘zbekiston Respublikasi Oliy Majlisi palatalarining axborotnomasi”, “O‘zbekiston Respublikasi Hukumatining qarorlari to‘plami”, “O‘zbekiston Respublikasi qonun hujjatlari to‘plami” O‘zbekiston Respublikasi qonun hujjatlarining rasmiy davriy nashrlari hisoblanadi.
Ushbu bandda nazarda tutilmagan normativ-huquqiy hujjatlarning nashrlari normativ-huquqiy hujjatlarning norasmiy nashrlari hisoblanadi.
(2-band O‘zbekiston Respublikasi Vazirlar Mahkamasining 2013-yil 7-dekabrdagi 323-sonli qarori tahririda — O‘R QHT, 2013-y., 50-son, 650-modda)
21. Vazirliklar, davlat qo‘mitalari, idoralar va mahalliy davlat hokimiyati organlari tomonidan ta’sis etilgan ta’sis hujjatlarida ularda ko‘rsatib o‘tilgan organlar tomonidan qabul qilingan normativ-huquqiy hujjatlarni rasman e’lon qilish nazarda tutilgan ommaviy axborot vositalari ularning rasmiy nashrlari hisoblanadi.
Vazirliklar, davlat qo‘mitalari va idoralar normativ-huquqiy hujjatni “O‘zbekiston Respublikasining qonun hujjatlari to‘plami”da rasman e’lon qilingunga qadar o‘zlarining rasmiy nashrlarida e’lon qilgan taqdirda bu haqda e’lon qilingan kundan kechikmay, rasmiy nashr rekvizitlarini ko‘rsatgan holda O‘zbekiston Respublikasi Adliya vazirligiga ma’lum qiladilar.
(21-band O‘zbekiston Respublikasi Vazirlar Mahkamasining 2013-yil 7-dekabrdagi 323-sonli qaroriga asosan kiritilgan — O‘R QHT, 2013-y., 50-son, 650-modda)
3. O‘zbekiston Respublikasi Oliy Majlisi palatalarining axborotnomalarida O‘zbekiston Respublikasi qonunlari, O‘zbekiston Respublikasi Oliy Majlisi va uning Kengashlarining qarorlari, O‘zbekiston Respublikasi Prezidentining farmonlari, qarorlari va farmoyishlari e’lon qilinadi.
O‘zbekiston Respublikasi Hukumatining qarorlari to‘plamida O‘zbekiston Respublikasi Vazirlar Mahkamasining qarorlari e’lon qilinadi.
O‘zbekiston Respublikasining qonun hujjatlari to‘plami besh bo‘limdan iborat bo‘lib, ularda quyidagilar e’lon qilinadi:
birinchi bo‘limda — O‘zbekiston Respublikasi qonunlari va O‘zbekiston Respublikasi Oliy Majlisi palatalarining qarorlari;
O‘zbekiston Respublikasining qonun hujjatlari to‘plamini nashr etishni tashkil etish O‘zbekiston Respublikasi Adliya vazirligi tomonidan amalga oshiriladi.
4. O‘zbekiston Respublikasi qonun hujjatlarining rasmiy davriy nashrlarida e’lon qilinadigan normativ-huquqiy hujjatlar izchil ravishda xronologik tartibda joylashtiriladi va tegishli tartib raqamlariga ega bo‘lgan moddalarga joylashtiriladi.
Idoraviy normativ-huquqiy hujjatlarning matnlari O‘zbekiston Respublikasi qonun hujjatlari to‘plamida ularning tartib raqamlariga va O‘zbekiston Respublikasi Adliya vazirligida davlat ro‘yxatidan o‘tkazilgan sanaga muvofiq izchil ravishda xronologik tartibda joylashtiriladi.
Normativ-huquqiy hujjatlarga ilovalar hujjatlarning o‘zi joylashtirilgan moddalarga joylashtiriladi.
5. Rasmiy nashrlarda e’lon qilinadigan normativ-huquqiy hujjatlar ushbu hujjatni qabul qilingan organ tomonidan rasman yuborilgan normativ-huquqiy hujjat matniga muvofiq bo‘lishi kerak.
6. Hajmi katta bo‘lgan normativ-huquqiy hujjatlar matnlari rasmiy davriy nashrlarga kiritilmasligi mumkin. Bunda ular ularni qabul qilgan organlar tomonidan alohida nashr shaklida e’lon qilinishi kerak.
7. O‘zbekiston Respublikasi Oliy Majlisi palatalarining axborotnomasi va O‘zbekiston Respublikasi Hukumatining qarorlari to‘plami har oyda nashr etiladi.
O‘zbekiston Respublikasi qonun hujjatlari to‘plami, qoidaga ko‘ra, haftada bir marta, o‘zbek va rus tillarida nashr etiladi va ochiq obuna bo‘lish yo‘li bilan tarqatiladi.
Qonun hujjatlari ma’lumotlari milliy bazasiga sudlarning qarorlari va texnik jihatdan tartibga solish sohasidagi normativ hujjatlar matnlari ham kiritilishi mumkin.
9. Qonun hujjatlari ma’lumotlari milliy bazasi hujjatning tushishiga va ishlanishiga qarab, biroq u rasman e’lon qilingandan keyin bir haftadan kechikmay yangilanadi.
(3 — 9-bandlar O‘zbekiston Respublikasi Vazirlar Mahkamasining 2013-yil 7-dekabrdagi 323-sonli qarori tahririda — O‘R QHT, 2013-y., 50-son, 650-modda)
Oldingi tahrirga qarang.
10. Qonun hujjatlari ma’lumotlari milliy bazasidan foydalanish Internet tarmog‘i orqali tekin amalga oshiriladi.
(10-band O‘zbekiston Respublikasi Vazirlar Mahkamasining 2009-yil 31-dekabrdagi 340-son qarori tahririda — O‘R QHT, 2009-y., 52-son, 576-modda)
11. O‘zbekiston Respublikasi Qonun hujjatlari ma’lumotlari milliy bazasining izlash tizimi O‘zbekiston Respublikasi Adliya vazirligi tomonidan tasdiqlangan Qonunchilik tarmoqlari umumhuquqiy klassifikatori asosida, qonunchilikning mavzuli ma’lumotnomasi va alifbo-predmetli ko‘rsatkich, shuningdek normativ-huquqiy hujjatlar rekvizitlari bo‘yicha shakllantiriladi.
(11-band O‘zbekiston Respublikasi Vazirlar Mahkamasining 2013-yil 7-dekabrdagi 323-sonli qarori tahririda — O‘R QHT, 2013-y., 50-son, 650-modda)
12. Qonun hujjatlari ma’lumotlari milliy bazasida qo‘llangan qonunchilik klassifikatsiyasi O‘zbekiston Respublikasi davlat va xo‘jalik boshqaruvi organlarida qonun hujjatlarini turkumlashda, shuningdek O‘zbekiston Respublikasi Qonunchilik tarmoqlari umumhuquqiy klassifikatorini tijorat maqsadlari uchun ma’lumotlarning turkumlangan bazasida qo‘llashda etalon hisoblanadi.
13. Rasmiy davriy nashrlarning o‘z vaqtida nashr etilishini ta’minlash va Qonun hujjatlari ma’lumotlari milliy bazasini to‘ldirish uchun O‘zbekiston Respublikasi Oliy Majlisining Qonunchilik palatasi va Senati apparatlari, O‘zbekiston Respublikasi Prezidenti Devoni va O‘zbekiston Respublikasi Vazirlar Mahkamasi Apparati tegishli normativ-huquqiy hujjatlar qabul qilingan kundan boshlab bir kun mobaynida ularning matnlarini qog‘oz va elektron matnlarda O‘zbekiston Respublikasi Adliya vazirligiga jo‘natadilar. Bunda normativ-huquqiy hujjatlarning elektron matnlari elektron pochta orqali jo‘natilishi mumkin.
Normativ-huquqiy hujjatlarning kelib tushgan matnlaridan ularning davlat hisobini yuritish uchun ham foydalaniladi.
(13-band O‘zbekiston Respublikasi Vazirlar Mahkamasining 2013-yil 7-dekabrdagi 323-sonli qarori tahririda — O‘R QHT, 2013-y., 50-son, 650-modda)
14. O‘zbekiston Respublikasi qonun hujjatlari to‘plamining o‘z vaqtida nashr etilishini ta’minlash, shuningdek, Qonun hujjatlari ma’lumotlari milliy bazasini to‘ldirish uchun tegishli organlar o‘z normativ-huquqiy hujjatlarini Adliya vazirligida davlat ro‘yxatidan o‘tkazishda vazirlikka ushbu hujjatlarning elektron matnlarini elektron matnlarda yoki elektron pochta tizimi orqali taqdim etadilar.
(14-band O‘zbekiston Respublikasi Vazirlar Mahkamasining 2013-yil 7-dekabrdagi 323-sonli qarori tahririda — O‘R QHT, 2013-y., 50-son, 650-modda)
15. O‘zbekiston Respublikasi qonun hujjatlari to‘plami, kodekslar, normativ-huquqiy hujjatlar to‘plamlarini nashr etishni tashkil etish, O‘zbekiston Respublikasi Qonun hujjatlari ma’lumotlari milliy bazasini tashkil etish va uning ishlashiga umumiy rahbarlik O‘zbekiston Respublikasi Adliya vazirligining Qonun hujjatlarini turkumlash va huquqiy axborot boshqarmasi tomonidan amalga oshiriladi.
O‘zbekiston Respublikasi Qonun hujjatlari ma’lumotlari milliy bazasini shakllantirish va doimiy ravishda yangilab borish, ma’lumotlar bazasini qo‘llab-quvvatlash, ma’lumotlar elektron bazasidan foydalanishni ta’minlash O‘zbekiston Respublikasi Adliya vazirligi huzuridagi Huquqiy axborot bilan ta’minlash markazi tomonidan amalga oshiriladi.
(15-band O‘zbekiston Respublikasi Vazirlar Mahkamasining 2013-yil 7-dekabrdagi 323-sonli qarori tahririda — O‘R QHT, 2013-y., 50-son, 650-modda)
16. Me’yoriy-huquqiy hujjatlarni e’lon qilishning rasmiy manbalaridan davlat va xo‘jalik boshqaruvi organlari o‘zlariga yuklangan vazifalarni bajarish maqsadida ularni qo‘llashda majburiy ravishda foydalanadilar. Bunda davlat va xo‘jalik boshqaruvi organlari me’yoriy-huquqiy hujjatlarning o‘z markaziy apparatlariga, tarkibiy va hududiy bo‘linmalariga o‘z vaqtida kelib tushishini, shuningdek me’yoriy-huquqiy hujjatlarning turkumlashtirilgan hisobi yuritilishini ta’minlashga majburdirlar.
161. Vazirliklar, davlat qo‘mitalari, idoralar va mahalliy davlat hokimiyati organlarining normativ-huquqiy hujjatlari normativ-huquqiy hujjat rasmiy e’lon qilingan kundan so‘ng ikki kundan kechikmay ularning rasmiy veb-saytlarida e’lon qilinishi shart.
(161-band O‘zbekiston Respublikasi Vazirlar Mahkamasining 2014-yil 8-iyuldagi 183-sonli qaroriga asosan kiritilgan — O‘R QHT, 2014-y., 28-son, 341-modda)
17. Normativ-huquqiy hujjatlarni norasmiy nashr etish, shuningdek, yaratilayotgan qonun hujjatlari ma’lumotlari elektron bazasi davlat va xo‘jalik boshqaruvi barcha organlari, yuridik va jismoniy shaxslar tomonidan amalga oshirilishi mumkin.
Normativ-huquqiy hujjatlarni norasmiy nashrlarda e’lon qilishga, shuningdek ularni qonunchilik ma’lumotlari elektron bazalari orqali tarqatishga ular e’lon qilingan barcha rekvizitlar, rasmiy nashrlar va ularning kuchga kirish sanasi majburiy ko‘rsatilgan holda normativ-huquqiy hujjat rasmiy manbalarda e’lon qilinganidan keyin yo‘l qo‘yiladi. Bunda rasmiy nashrlarda e’lon qilingan normativ-huquqiy hujjat matnining aniq takrorlanishi ta’minlanishi kerak.
(17-band O‘zbekiston Respublikasi Vazirlar Mahkamasining 2013-yil 7-dekabrdagi 323-sonli qarori tahririda — O‘R QHT, 2013-y., 50-son, 650-modda)
18. Norasmiy nashrlarda, shuningdek qonunchilik ma’lumotlari elektron bazalarida normativ-huquqiy hujjatlarning boshqa tillarga norasmiy tarjimalari e’lon qilinishi mumkin. Ushbu tarjimalarga norasmiy tarjima to‘g‘risidagi belgi qo‘yilishi kerak.
19. Agar normativ-huquqiy hujjatni rasmiy nashrlarda e’lon qilishda uning matnida normativ-huquqiy hujjat rasmiy tarqatilishiga taqqoslaganda xatolarga, matbaa xatosiga, boshqa noaniqlarga yo‘l qo‘yilgan taqdirda, ular aniqlangandan keyin nashrning eng yaqindagi sonida tegishli tuzatishlar e’lon qilinadi.
Agar kodekslar va qonun hujjatlari to‘plamlarining rasmiy nashrlarida normativ-huquqiy hujjatlar e’lon qilinishining rasmiy manbai bilan taqqoslaganda xatolarga, matbaa xatolariga, boshqa noaniqliklarga yo‘l qo‘yilgan taqdirda noshir ular aniqlangan kundan boshlab 30 kalendar kundan ortiq bo‘lmagan muddatda respublika davriy nashrlarida (gazetalar, jurnallar va shu kabilarda) tegishli tuzatishlar e’lon qilinadi.
20. Agar norasmiy nashrlarda (gazetalar, jurnallar va shu kabilarda) normativ-huquqiy hujjatlar e’lon qilinishining rasmiy manbai bilan taqqoslaganda xatolarga, matbaa xatolariga, boshqa noaniqliklarga yo‘l qo‘yilgan bo‘lsa, noshir ular aniqlangan kundan boshlab 30 kalendar kundan ortiq bo‘lmagan muddatda respublika davriy nashrlarida (gazetalar, jurnallar va shu kabilarda) yoki norasmiy nashrning navbatdagi sonini e’lon qilishda (chiqarishda) tegishli tuzatishlar e’lon qilinadi.
21. Agar qonunchilik ma’lumotlari elektron bazalarida normativ-huquqiy hujjatlar e’lon qilinishining rasmiy manbai bilan taqqoslaganda xatolarga, matbaa xatolariga, boshqa noaniqliklarga yo‘l qo‘yilgan taqdirda, ular darhol bartaraf etilishi kerak.
(18 — 21-bandlar O‘zbekiston Respublikasi Vazirlar Mahkamasining 2013-yil 7-dekabrdagi 323-sonli qaroriga asosan kiritilgan — O‘R QHT, 2013-y., 50-son, 650-modda)