LexUZ sharhi
Mazkur qaror O‘zbekistan Respublikasi Vazirlar Mahkamasining 2022-yil 5-avgustdagi 431-sonli “O‘zbekiston Respublikasi Moliya vazirligi huzuridagi Davlat moliyaviy nazorati inspeksiyasi faoliyatini tashkil etish chora-tadbirlari to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “Paxta tozalash sanoati korxonalarida hisob va hisobot tizimini takomillashtirish ustidan nazoratni kuchaytirish borasidagi qo‘shimcha chora-tadbirlar to‘g‘risida” 2002-yil 13-noyabrdagi PF-3161-son Farmonini bajarish yuzasidan hamda respublika Moliya vazirligining Nazorat-taftish bosh boshqarmasi faoliyatini tashkiliy ta’minlash maqsadida Vazirlar Mahkamasi qaror qiladi:
1. O‘zbekiston Respublikasi Moliya vazirligi Nazorat-taftish bosh boshqarmasining xodimlarning cheklangan soni 63 nafardan iborat bo‘lgan yangi tashkiliy tuzilmasi 1-ilovaga muvofiq tasdiqlansin.
Keyingi tahrirga qarang.
2. O‘zbekiston Respublikasi Moliya vazirligi Nazorat-taftish bosh boshqarmasining Paxta tozalash sanoati korxonalarida hisob va hisobotning to‘g‘riligini nazorat qilish boshqarmasi xodimlarining cheklangan soni 30 nafar etib belgilansin.
Belgilab qo‘yilsinki, Paxta tozalash sanoati korxonalarida hisob va hisobotning to‘g‘riligini nazorat qilish boshqarmasi boshlig‘i Moliya vazirligi Nazorat-taftish bosh boshqarmasi boshlig‘ining o‘rinbosari hisoblanadi.
Keyingi tahrirga qarang.
3. O‘zbekiston Respublikasi Moliya vazirligining Nazorat-taftish bosh boshqarmasi va uning hududiy nazorat-taftish boshqarmalari to‘g‘risidagi Nizom 2-ilovaga muvofiq tasdiqlansin.
Keyingi tahrirga qarang.
yangi tashkil etilgan Paxta tozalash sanoati korxonalarida hisob va hisobotning to‘g‘riligini nazorat qilish boshqarmasini moliyalashtirish uchun qo‘shimcha mablag‘larni nazarda tutsin;
“O‘zpaxtasanoat” uyushmasi va boshqa manfaatdor vazirliklar va idoralar bilan birgalikda bir oy muddatda ko‘rsatib o‘tilgan Boshqarmaning yuqori malakali mutaxassislar bilan butlanishini ta’minlasin.
5. “O‘zpaxtasanoat” uyushmasi ijro etuvchi apparati tuzilmasida tugatilgan Nazorat-taftish bosh boshqarmasi negizida shtatdagi xodimlari soni 10 kishidan iborat bo‘lgan paxta tozalash korxonalari tomonidan normativ-texnologiya talablariga rioya etilishi monitoringi bo‘limi tashkil etilsin.
Monitoring bo‘limiga paxta tozalash korxonalari tomonidan tayyorlanayotgan paxta xomashyosi miqdori va sifatini, paxta xomashyosi konditsion massasi to‘g‘ri hisoblab chiqilishini, paxta xomashyosini qabul qilish, saqlash va qayta ishlash texnologiya tartibiga, paxta tolasi va paxta mahsuloti boshqa turlari chiqishining belgilangan normativlariga,paxta mahsulotini sertifikatlash va sotish tartibiga, shuningdek g‘o‘za navlarini yangilashning belgilangan tartibiga rioya etilishini nazorat qilish yuklansin.
O‘zbekiston Respublikasi Moliya vazirligining Nazorat-taftish bosh boshqarmasiga tayyorlanayotgan, qayta ishlanayotgan, saqlanayotgan paxta xomashyosi miqdori, paxta tolasi va boshqa paxta mahsulotlari sotilishi to‘g‘risida har oyda, zarur hollarda esa tezkorlik bilan axborot taqdim etsinlar;
Moliya vazirligining Nazorat-taftish bosh boshqarmasi xodimlariga taftish va tekshirish o‘tkazish davrida ko‘maklashsinlar, shuningdek tekshirishlar o‘tkazishga tarmoq mutaxassislarini jalb etsinlar.
7. Vazirlar Mahkamasining “Budjet intizomiga rioya qilinishi ustidan nazoratni kuchaytirish chora-tadbirlari to‘g‘risida” 1999-yil 11-fevraldagi 66-son qarorining 3-bandi va qarorga ilova, O‘zbekiston Respublikasi Vazirlar Mahkamasining “Hukumatning ayrim qarorlariga o‘zgartirishlar kiritish to‘g‘risida” 1999-yil 25-iyundagi 315-son qaroriga ilovaning 5-bandi (O‘zbekiston Respublikasi QT, 1999-y., 6-son, 34-modda), shuningdek O‘zbekiston Respublikasi Vazirlar Mahkamasining “Respublika paxta tozalash sanoatini boshqarish tizimini takomillashtirish to‘g‘risida” 2001-yil 12-iyundagi 252-son qarorining 2-bandi va qarorga 3-ilova o‘z kuchini yo‘qotgan deb hisoblansin.
8. O‘zbekiston Respublikasi Adliya vazirligi Moliya vazirligi, “O‘zpaxtasanoat” uyushmasi va boshqa manfaatdor tuzilmalar bilan birgalikda bir oy muddatda Vazirlar Mahkamasiga amaldagi qonun hujjatlariga mazkur qarordan kelib chiquvchi o‘zgartirish va qo‘shimchalar to‘g‘risida takliflar kiritsin.
9. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari R.S. Azimov va N.S. Yusupov zimmasiga yuklansin.
Keyingi tahrirga qarang.
1. Nazorat-taftish bosh boshqarmasi O‘zbekiston Respublikasi Moliya vazirligining tarkibiy bo‘linmasi hisoblanadi va bevosita O‘zbekiston Respublikasi Moliya vaziriga bo‘ysunadi.
2. Nazorat-taftish bosh boshqarmasining Qoraqalpog‘iston Respublikasida, viloyatlar va Toshkent shahrida nazorat-taftish boshqarmalari bo‘ladi, ular o‘z faoliyatida bevosita faqat Nazorat-taftish bosh boshqarmasiga bo‘ysunadilar.
3. Nazorat-taftish bosh boshqarmasi hamda Qoraqalpog‘iston Respublikasi, viloyatlar va Toshkent shahridagi nazorat-taftish boshqarmalari o‘z ishida O‘zbekiston Respublikasi qonunlariga, O‘zbekiston Respublikasi Oliy Majlisining boshqa hujjatlariga, O‘zbekiston Respublikasi Prezidentining farmonlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, O‘zbekiston Respublikasi Moliya vazirligining buyruqlari va yo‘riqnoma ko‘rsatmalariga, boshqa qonunchilik hujjatlariga hamda ushbu Nizomga amal qiladilar.
4. O‘zbekiston Respublikasi Moliya vazirligining Qoraqalpog‘iston Respublikasi, viloyatlar va Toshkent shahridagi nazorat-taftish boshqarmalarining dumaloq muhri, shtampi, firma blankalari bo‘ladi hamda ular bank muassasalarida ochiladigan maxsus subschyotlar orqali bevosita O‘zbekiston Respublikasi Moliya vazirligi tomonidan mablag‘ bilan ta’minlanadilar.
5. Budjet jarayonining barcha bosqichlarida budjet intizomiga rioya etilishini nazorat qilish Nazorat-taftish bosh boshqarmasining hamda Qoraqalpog‘iston Respublikasi, viloyatlar va Toshkent shahridagi nazorat-taftish boshqarmalarining asosiy vazifasi hisoblanadi.
6. Quyidagilar Nazorat-taftish bosh boshqarmasining hamda Qoraqalpog‘iston Respublikasi, viloyatlar va Toshkent shahridagi nazorat-taftish boshqarmalarining vazifalari hisoblanadi:
moliya organlari va budjet muassasalari tomonidan budjet va moliya qonunchiligiga rioya etilishini, O‘zbekiston Respublikasi qonunlari, O‘zbekiston Respublikasi Oliy Majlisining boshqa hujjatlari, O‘zbekiston Respublikasi Prezidentining farmonlari va farmoyishlari, O‘zbekiston Respublikasi Vazirlar Mahkamasining qarorlari va farmoyishlari, O‘zbekiston Respublikasi Moliya vazirligining buyruqlari va yo‘riqnoma ko‘rsatmalari, budjet majburiyatlari ijrosi bilan bog‘liq boshqa qonunchilik hujjatlari bajarilishi ta’minlanishini nazorat qilish;
respublika budjeti va mahalliy budjetlarning qat’iy bajarilishi ustidan doimiy nazoratni ta’minlash;
moliya organlari va tijorat banklarining birinchi navbatdagi sarf-xarajatlar navbatiga, mablag‘ bilan ta’minlash hamda budjet muassasalari xodimlariga ish haqi, ijtimoiy nafaqalar, stipendiyalarni to‘lash muddatlariga va to‘liqligiga rioya qilish, shuningdek budjet muassasalariga ko‘rsatib o‘tilgan maqsadlar uchun naqd pul berish bo‘yicha faoliyati ustidan nazorat va monitoringni amalga oshirish;
ijtimoiy nafaqalarning o‘z vaqtida mablag‘ bilan ta’minlanishini va ularni kam ta’minlangan oilalarga fuqarolarning o‘zini o‘zi boshqarish organlari orqali berilishini nazorat qilish;
paxta xomashyosini tayyorlash, saqlash, qayta ishlash, paxta mahsuloti ishlab chiqarish va uni sotish bo‘yicha statistika hamda buxgalteriya hisobot ma’lumotlarining to‘g‘riligi ustidan nazoratni amalga oshirish;
paxta tozalash korxonalari tomonidan qabul qilinadigan, saqlanadigan va qayta ishlanadigan paxta xomashyosining miqdori va sifati bo‘yicha ma’lumotlar nazorat va taftish qilinishini, xomashyoni qayta ishlash chog‘ida olinadigan paxta tolasi, paydo bo‘ladigan kuyindilar hamda boshqa chiqindilarning belgilangan me’yorlariga rioya etilishini ta’minlash;
navlarni joylashtirishning belgilangan tartibiga rioya etilishi, belgilangan standartlarga va seleksiya navlari joylashtirilishiga muvofiq urug‘lik chigitlar tayyorlanishi hamda paxtakor xo‘jaliklarning ular bilan ta’minlanishi monitoringini amalga oshirish;
paxta xomashyosi hamda undan ishlab chiqariladigan paxta mahsulotlarining miqdori va sifatini hamda ularning hisobotda aks ettirilishini baholash bo‘yicha tekshirishlarni tashkil qilish va o‘tkazish metodologiyasini ishlab chiqish va takomillashtirish;
investitsiya dasturlarini amalga oshirishga ajratiladigan markazlashtirilgan budjet mablag‘laridan belgilangan maqsadda foydalanilishini nazorat qilish;
budjet mablag‘larini kommunal xizmatlar va elektr energiyasiga sarflash limitlariga rioya etilishini muntazam ravishda tekshirib borish;
hokimiyat va boshqaruv organlari rahbarlari va mansabdor shaxslari tomonidan budjet jarayoniga noqonuniy aralashish hollarining oldini olish;
fuqarolarning moliya va budjet intizomining buzilishi hollari to‘g‘risidagi xatlari, shikoyatlari va arizalarini ko‘rib chiqish.
Keyingi tahrirga qarang.
7. Nazorat-taftish bosh boshqarmasi o‘z zimmasiga yuklangan vazifalarga muvofiq quyidagi funksiyalarni bajaradi:
boshqarmalar va Qoraqalpog‘iston Respublikasi, viloyatlar va Toshkent shahridagi nazorat-taftish boshqarmalarining mahalliy budjetlarning ijro etilishini hamda moliya va budjet intizomiga rioya qilinishini taftish qilish va tekshirishlar (monitoring)ni tashkil etish bo‘yicha faoliyatini muvofiqlashtirib borish;
respublika budjet muassasalarining xarajatlar smetasining ijrosi hamda moliya va budjet intizomiga rioya etish bo‘yicha faoliyati ustidan muntazam nazoratni tashkil qilish;
Qoraqalpog‘iston Respublikasi, viloyatlar va Toshkent shahridagi nazorat-taftish muassasalari faoliyatini tekshirish va ularga uslubiy yordam ko‘rsatish;
O‘zbekiston Respublikasi Moliya vazirligining boshqa tarkibiy bo‘linmalari mutaxassislari bilan birgalikda Qoraqalpog‘iston Respublikasi Moliya vazirligining, viloyatlar va Toshkent shahar hokimliklari moliya boshqarmalarining, shahar va tumanlar hokimliklari moliya bo‘limlari ishlarini tekshirishni tashkil qilish va o‘tkazish;
Qoraqalpog‘iston Respublikasi Vazirlar Kengashi, viloyatlar, Toshkent shahri, shaharlar va tumanlar apparatlari xarajatlari smetalari ijrosini taftish qilish va tekshirishlar o‘tkazish;
tekshirishlar natijalari bo‘yicha axborotlar, ma’lumotnomalar, O‘zbekiston Respublikasi Moliya vazirligining hay’at qarorlari va buyruqlari loyihalarini tayyorlash;
taftishlar va tekshirishlar natijalari bo‘yicha Qoraqalpog‘iston Respublikasi Vazirlar Kengashiga, viloyatlar va Toshkent shahar hokimliklariga taqdimnomalar tayyorlash;
taftishlar va tekshirishlar natijalari bo‘yicha qarorlarning moliya organlari va budjet muassasalari tomonidan bajarilishi ustidan nazoratni amalga oshirish;
markazlashtirilgan topshiriqlar bo‘yicha taftishlar va tekshirishlar materiallarini umumlashtirish, ular yuzasidan tegishli axborotlar va takliflar tayyorlash;
moliya va budjet intizomining aniqlangan xarakterli buzilishlari bo‘yicha taftishlar va tekshirishlar materiallarini umumlashtirish hamda kelgusida ularni bartaraf etish va ularning oldini olishga doir takliflar tayyorlash;
navlarni joylashtirishning belgilangan tartibiga rioya qilinishini tekshirishlarni, shuningdek paxtachilik xo‘jaliklariga ajratiladigan urug‘lik chigitlarning texnik talablarga va g‘o‘za navlarini joylashtirish bo‘yicha belgilangan topshiriqlarga muvofiqligini tekshirishlarni amalga oshirish, rahbariyatga navlarni joylashtirishda aniqlangan buzilish hollari to‘g‘risida axborotlar tayyorlash;
mintaqalar bo‘yicha paxtachilik xo‘jaliklaridan paxta tozalash korxonalariga qabul qilingan paxta xomashyosi to‘g‘risidagi ma’lumotlarni (hududiy boshqarmalarning PK-17 qabul qilish kvitansiyalari asosida tuzilgan har kungi ma’lumotlaridan kelib chiqqan holda) tayyorlash, ma’lumotlarni yig‘ib-terib olingan paxta uchun haq to‘lash va belgilangan tartibda hisob-kitob qilish maqsadida Moliya vazirligining Davlat ehtiyojlari uchun xarid qilinadigan qishloq xo‘jaligi mahsulotlarining hisob-kitob jamg‘armasiga taqdim etish;
topshiruvchi xo‘jalikdan tayyorlov punktiga keladigan paxta xomashyosi yuklangan transport birligi topshirish-qabul qilish hujjatlarining to‘g‘ri rasmiylashtirilganligini nazorat va taftish qilishni amalga oshirish;
paxta xomashyosi yuklangan transport birligining tarozida to‘g‘ri tortib ko‘rilganligini, uning fizik massasi aniqlanganligini, paxta xomashyosidan namuna olish tartibiga rioya qilinishini va keyinchalik laboratoriyada sifatini baholash uchun paxta xomashyosining xo‘jalik bo‘yicha o‘rtacha namunasi shakllantirilishini nazorat qilish;
laboratoriyada aniqlangan sorti, namligi va ifloslanganligini hisobga olgan holda paxta xomashyosi konditsiya massasini hisoblashning, shuningdek topshiruvchi xo‘jalikka beriladigan qabul qilish kvitansiyalarini hamda paxta xomashyosini qabul qilish bo‘yicha boshqa buxgalteriya hujjatlarini rasmiylashtirishning to‘g‘riligini tekshirishlarni amalga oshirish;
paxta xomashyosini qayta ishlash va sifatli mahsulot ishlab chiqarishning texnologik reglamentiga rioya etilishini tanlab nazorat qilishni amalga oshirish;
paxta tozalash korxonalarida qayta ishlangan paxta xomashyosi turkumlarini, olinadigan paxta mahsuloti (tola, momiq chigit)ning haqiqiy miqdorini, ishlab chiqarishda kuyindilar paydo bo‘lishi ko‘rsatkichlarini aniqlagan hamda ularni g‘o‘zaning seleksiya va sanoat navlari bo‘yicha tasdiqlangan normativlar bilan taqqoslagan holda komission tekshirishlarni tashkil etish va o‘tkazish;
xomashyo va tayyor paxta mahsuloti balansi ijrosini, uning iste’molchilarga yetkazib berilishi va amaldagi qoldiqlarini hisobga olgan holda, tekshirishlarni amalga oshirish;
statistika va buxgalteriya hisobotining xomashyo hamda paxta tozalash korxonasidagi tayyor mahsulotning amaldagi harakatiga, uni eksportga va respublika iste’molchilariga jo‘natish hajmiga muvofiqligini tekshirish;
xomashyodan foydalanish va paxta mahsuloti ishlab chiqarish bo‘yicha xatlov ma’lumotlarining tasdiqlangan normativlarga muvofiqligini taftish qilishni amalga oshirish;
maxsus vakolatli organ qarori asosida xo‘jalik yurituvchi subyektlarning moliya-xo‘jalik faoliyatini taftish qilish va tekshirishlarni amalga oshirish.
Keyingi tahrirga qarang.
Keyingi tahrirga qarang.
Keyingi tahrirga qarang.
8. Qoraqalpog‘iston Respublikasi, viloyatlar va Toshkent shahar nazorat-taftish boshqarmalarining funksiyalariga quyidagilar kiradi:
mahalliy budjetlar ijrosini hamda moliya va budjet intizomiga rioya qilinishini taftish qilish va tekshirishni (monitoring) tashkil etish va o‘tkazish;
xarajatlar smetasini bajarish hamda moliya va budjet intizomiga rioya qilinishi bo‘yicha mahalliy budjet muassasalari faoliyati ustidan muntazam nazoratni tashkil etish;
budjet ijro etilishi va budjet intizomiga rioya etilishi bo‘yicha Qoraqalpog‘iston Respublikasi Moliya vazirligi, viloyatlar va Toshkent shahar hokimliklari moliya boshqarmalari, shahar va tumanlar hokimliklari moliya bo‘limlari ishini tekshirishni tashkil etish va o‘tkazish;
Qoraqalpog‘iston Respublikasi Vazirlar Kengashi, viloyatlar, Toshkent shahar, shaharlar va tumanlar hokimliklari apparatlari xarajatlari smetasi bajarilishini taftish qilish va tekshirish;
paxtachilik xo‘jaliklaridan paxta tozalash korxonalariga qabul qilingan paxta xomashyosi hajmlari to‘g‘risidagi dastlabki axborotlarni (PK-17 qabul qilish kvitansiyalari asosida) joylarda har kuni to‘plash, ma’lumotlarni mintaqalar darajasida umumiylashtirish hamda paxta xomashyosini qabul qilib olishning har kungi hajmlari va mavsum boshidan boshlab ortib boruvchi yakunlari bo‘yicha umumiylashtirilgan ma’lumotlarni tayyorlash uchun nazorat-taftish bosh boshqarmasiga berish;
Moliya vazirligiga 3-ZAG (paxta) shakli bo‘yicha paxtachilik xo‘jaliklari, tumanlar va viloyatlar bo‘yicha ortib boruvchi yakun bilan paxta xomashyosi tayyorlashning borishi to‘g‘risidagi statistika hisobotining PK-17 qabul qilish kvitansiyalari asosidagi dastlabki axborot ma’lumotlariga muvofiqligi to‘g‘risidagi axborotni har haftada taqdim etish;
taftishlar va tekshirish natijalari bo‘yicha Qoraqalpog‘iston Respublikasi Vazirlar Kengashiga, viloyatlar va Toshkent shahar, shaharlar va tumanlar hokimliklariga ko‘rsatmalar tayyorlash;
moliya organlari va budjet muassasalari tomonidan taftishlar va tekshirish natijalari bo‘yicha qabul qilingan qarorlar bajarilishi ustidan nazoratni amalga oshirish;
markazlashtirilgan topshiriqlar bo‘yicha taftish va tekshirishlarni tashkil etish va o‘tkazish, ular bo‘yicha tegishli axborotlar va takliflar tayyorlash;
moliya va budjet intizomining aniqlangan xarakterli buzilishlari bo‘yicha taftishlar va tekshirishlar materiallarini umumlashtirish hamda ularni bartaraf etish va kelgusida oldini olish bo‘yicha takliflar tayyorlash;
maxsus vakolatli organning qarori asosida xo‘jalik yurituvchi subyektlar moliya-xo‘jalik faoliyatini taftish qilish va tekshirish.
Keyingi tahrirga qarang.
Keyingi tahrirga qarang.
Keyingi tahrirga qarang.
Keyingi tahrirga qarang.
9. Nazorat-taftish bosh boshqarmasi va uning hududiy bo‘linmalariga yuklangan vazifalar va funksiyalarni amalga oshirish uchun ularga quyidagi huquqlar berilgan:
mahalliy budjetlar ijrosi bo‘yicha hududiy moliyaviy organlar faoliyatini taftish qilish va tekshirish (monitoring);
barcha darajalardagi budjet muassasalarini xarajatlar smetasi bajarilishi va budjet intizomiga rioya qilinishi bo‘yicha taftish qilish va tekshirish;
barcha darajalardagi hududiy moliya organlari va budjet muassasalarida pul va buxgalteriya hujjatlarini, hisobotlar, smetalar va boshqa hujjatlarni, moddiy boyliklar mavjudligini tekshirish;
maxsus vakolatli organning qarori asosida xo‘jalik yurituvchi subyektlar moliya-xo‘jalik faoliyatini taftish qilish va tekshirish;
Keyingi tahrirga qarang.
tijorat bank muassasalaridan, soliq organlaridan, boshqa idoralardan taftishlar va tekshirishlarni o‘tkazish paytida paydo bo‘luvchi masalalar bo‘yicha zarur ma’lumotlar va axborotlarni olish;
qurilish, montaj, tuzatish ishlarini, boshqa ishlarni nazorat tartibida o‘lchash va boshqa tekshirishlar uchun mutaxassislarni belgilangan tartibda jalb qilish;
barcha darajalardagi hududiy moliyaviy organlar va bank muassasalari, shuningdek xo‘jalik yurituvchi subyektlar rahbarlari va mansabdor shaxslaridan taftishlar va tekshirish davomida paydo bo‘luvchi masalalar, moliya va budjet intizomi buzilishi hollari bo‘yicha tushuntirishlar berishni, shuningdek ma’lumotnomalar, taftishlar va tekshirishlar dalolatnomalarini imzolashni talab qilish;
zarur hollarda kassa va kassa binolari, omborlar, arxivlar muhrlanishini, qalbaki, soxtalashtirilgan hujjatlar va boshqa suiiste’molliklar aniqlangan taqdirda esa hujjatlarni olib qo‘yish, tekshirilayotgan obyektlar rahbarlaridan asosiy vositalar, tovar-moddiy boyliklar, pul mablag‘lari va hisob-kitoblar xatlanishini talab qilish;
paxta xomashyosini tayyorlash va qayta ishlashning butun davri mobaynida Moliya vazirining topshirig‘i va u tasdiqlagan jadval bo‘yicha paxta tozalash korxonalarini tayyorlanayotgan, qayta ishlanayotgan va saqlanayotgan paxta xomashyosi miqdori va sifati masalalari yuzasidan tekshirish va taftish qilishni o‘tkazish;
standartlar va normativ hujjatlarning bajarilishini ta’minlamayotgan, qo‘shib yozishlar, suiiste’molliklar va hisobotlar buzilishi uchun shart-sharoitlar vujudga keltirayotgan paxta tozalash korxonalari va ularga qarashli bo‘linmalar ishini to‘xtatib qo‘yish;
“O‘zpaxtasanoat” uyushmasi, paxta tozalash korxonalari va hududiy birlashmalar mansabdor shaxslariga kamomad faktlarini hujjatlar bo‘yicha aniqlagan tekshirishlar va taftishlar asosida paxta xomashyosi va uning mahsulotlari miqdorini hisobotdan chiqarib tashlash to‘g‘risida yozma buyruqlar berish;
taftishlar va tekshirishlar materiallari bo‘yicha moliyaviy va budjet intizomi buzilishlarini bartaraf etish, moddiy zararni undirish, aybdor shaxslarni javobgarlikka tortish yuzasidan tegishli takliflar kiritish;
moliya va budjet intizomi buzilishi aniqlangan taqdirda taftishlar va tekshirish materiallarini huquqni muhofaza qilish organlariga berish.
Keyingi tahrirga qarang.
10. Nazorat-taftish bosh boshqarmasi va Qoraqalpog‘iston Respublikasi, viloyatlar va Toshkent shahar nazorat-taftish boshqarmalari quyidagilarga majburdir:
O‘zbekiston Respublikasining qonun hujjatlari va normativ hujjatlari to‘g‘ri qo‘llanilishini ta’minlash;
taftishlar va tekshirishlar o‘tkazishda hududiy moliya organlari, budjet muassasalari va xo‘jalik yurituvchi subyektlar faoliyatiga malakali, prinsipial, to‘g‘ri, asosli baho berish;
Keyingi tahrirga qarang.
davlat siriga va olib borilayotgan ishlar maxfiyligi rejimiga, o‘tkazilayotgan taftish va tekshirishlar maxfiyligiga qat’iy rioya qilish;
O‘zbekiston Respublikasi Moliya vazirligi va Nazorat-taftish bosh boshqarmasi rahbariyatini moliya va budjet intizomi buzilishi aniqlangan hollar to‘g‘risida o‘z vaqtida xabardor qilish.
respublika budjet muassasalari tomonidan budjet intizomiga rioya etilishini nazorat qilish bo‘limi kiradi.
Keyingi tahrirga qarang.
11.2. Paxta tozalash sanoati korxonalarida hisob va hisobotning to‘g‘riligini nazorat qilish boshqarmasi, uning tarkibiga:
Keyingi tahrirga qarang.
11.3. Moliya vazirligi huzuridagi Jamg‘armalar mablag‘laridan foydalanilishini nazorat qilish boshqarmasi.
Keyingi tahrirga qarang.
Keyingi tahrirga qarang.
12. Qoraqalpog‘iston Respublikasi, viloyatlar va Toshkent shahar nazorat-taftish boshqarmalari quyidagi tashkiliy tuzilmaga egadirlar:
12.3. Xo‘jalik yurituvchi subyektlar faoliyatini taftish qilish hamda valyuta va tashqi savdo operatsiyalarini nazorat qilish bo‘limlari.
Keyingi tahrirga qarang.
Keyingi tahrirga qarang.
Keyingi tahrirga qarang.
Keyingi tahrirga qarang.
13. Nazorat-taftish bosh boshqarmasiga O‘zbekiston Respublikasi Moliya vaziri tomonidan tayinlanadigan boshliq boshchilik qiladi.
14. Budjet intizomiga rioya etilishini nazorat qilish boshqarmasiga O‘zbekiston Respublikasi Moliya vaziri tomonidan tayinlanadigan boshliq boshchilik qiladi. Budjet intizomiga rioya etilishini nazorat qilish boshqarmasi boshlig‘i ayni vaqtda Nazorat-taftish bosh boshqarmasi boshlig‘ining birinchi o‘rinbosari hisoblanadi.
15. Qoraqalpog‘iston Respublikasi, viloyatlar va Toshkent shahar nazorat-taftish boshqarmalariga O‘zbekiston Respublikasi Moliya vaziri tomonidan tayinlanadigan boshliqlar boshchilik qiladi.
16. Qoraqalpog‘iston Respublikasi, viloyatlar va Toshkent shahar nazorat-taftish boshqarmalarining budjet intizomiga rioya etilishini nazorat qilish bo‘limlariga O‘zbekiston Respublikasi Moliya vaziri tomonidan tayinlanadigan boshliqlar boshchilik qiladi. Budjet intizomiga rioya etilishini nazorat qilish bo‘limlari boshliqlari ayni vaqtda Qoraqalpog‘iston Respublikasi, viloyatlar va Toshkent shahar nazorat-taftish boshqarmalari boshliqlarining birinchi o‘rinbosarlari hisoblanadi.
17. Nazorat-taftish bosh boshqarmasi va Qoraqalpog‘iston Respublikasi, viloyatlar va Toshkent shahar nazorat-taftish boshqarmalari o‘z ishini O‘zbekiston Respublikasi Moliya vaziri va Nazorat-taftish bosh boshqarmasi boshlig‘i tomonidan tasdiqlanadigan yillik rejalar bo‘yicha amalga oshiradi.
18. Nazorat-taftish bosh boshqarmasi va Qoraqalpog‘iston Respublikasi, viloyatlar va Toshkent shahar nazorat-taftish boshqarmalari zarur hollarda moliyaviy organlar va budjet muassasalari faoliyatini rejadan tashqari taftish qiladi va tekshiradi, maxsus vakolatli organning ruxsati bo‘yicha esa xo‘jalik yurituvchi subyektlarning moliya-xo‘jalik faoliyatini taftish qiladi va tekshiradi.
Keyingi tahrirga qarang.
19. Nazorat-taftish bosh boshqarmasi va Qoraqalpog‘iston Respublikasi, viloyatlar va Toshkent shahar nazorat-taftish boshqarmalari kadrlar tarkibi barqaror hayotiy prinsiplarga ega bo‘lgan yuqori malakali mutaxassislardan va iqtisodiyot oliy o‘quv yurtlarining professional tayyorgarlik ko‘rgan yosh bitiruvchilaridan butlanadi.
Keyingi tahrirga qarang.
20. Nazorat-taftish bosh boshqarmasi xodimlari va Qoraqalpog‘iston Respublikasi, viloyatlar va Toshkent shahar nazorat-taftish boshqarmalari boshliqlari attestatsiyasi har 3 yilda o‘tkaziladi. Attestatsiyani o‘tkazish tartibi O‘zbekiston Respublikasi Moliya vaziri tomonidan belgilanadi.
21. Nazorat-taftish bosh boshqarmasi boshlig‘i o‘ziga yuklangan vazifalarni amalga oshirishda quyidagi huquqlarga ega:
O‘zbekiston Respublikasi Moliya vazirligi rahbariyatiga xodimlarni ishdan bo‘shatish va ishdan ishga o‘tkazish to‘g‘risida takliflar kiritish, O‘zbekiston Respublikasi Mehnat kodeksiga muvofiq xodimlarni ishga qabul qilish, ishdan bo‘shatish hamda lavozimga ko‘tarish, rag‘batlantirish va intizomiy jazolar qo‘llash, xodimlarning xizmat safarlariga borishi to‘g‘risida buyruqlar chiqarish;
xatlar, xizmat guvohnomalarini va xodimlarga taftishlar va tekshirish o‘tkazish huquqini beruvchi bir martalik yozma ko‘rsatmalarni imzolash.
22. Qoraqalpog‘iston Respublikasi, viloyatlar va Toshkent shahar nazorat-taftish boshqarmasi boshliqlari quyidagi huquqlarga egadir:
nazorat-taftish boshqarmalari xodimlarini ishga qabul qilish va ishdan bo‘shatish va ishdan ishga o‘tkazish, O‘zbekiston Respublikasi Mehnat kodeksiga muvofiq rag‘batlantirish va intizomiy jazolarni qo‘llash, xodimlarning xizmat safarlariga borishi bo‘yicha buyruqlar chiqarish;
xatlar, xizmat guvohnomalarini va xodimlarga taftishlar va tekshirishlar o‘tkazish huquqini beruvchi bir martalik yozma ko‘rsatmalarni imzolash.
23. Nazorat-taftish bosh boshqarmasi va Qoraqalpog‘iston Respublikasi, viloyatlar va Toshkent shahar nazorat-taftish boshqarmasi boshliqlari o‘zlariga yuklangan vazifalarni amalga oshirishda quyidagilarga majburdir:
nazorat-taftish bosh boshqarmasi va Qoraqalpog‘iston Respublikasi, viloyatlar va Toshkent shahar nazorat-taftish boshqarmasi ishini puxta tashkil etish;
amaliy malaka oshirishga, ijro va mehnat intizomi mustahkamlanishiga qaratilgan tadbirlarni ishlab chiqish va amalga oshirish;
Keyingi tahrirga qarang.