LexUZ sharhi
Mazkur qaror O‘zbekiston Respublikasi Vazirlar Mahkamasining 2019-yil 19-dekabrdagi 1015-sonli “O‘zbekiston Respublikasi Monopoliyaga qarshi kurashish qo‘mitasi huzuridagi Iste’molchilar huquqlarini himoya qilish agentligi faoliyatini tashkil etish chora-tadbirlari to‘g‘risida”gi qaroriga asosan o‘z kuchini yo‘qotgan.
“Reklama to‘g‘risida”gi O‘zbekiston Respublikasi Qonunini bajarish yuzasidan va iqtisodiy islohotlarni chuqurlashtirish, tovarlar (ishlar, xizmatlar) bozorida raqobatni rivojlantirish maqsadida Vazirlar Mahkamasi qaror qiladi:
1. O‘zbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qo‘mitasi hamda uning hududiy organlariga reklama to‘g‘risidagi O‘zbekiston Respublikasi qonun hujjatlariga rioya etilishi ustidan davlat nazoratini amalga oshirish funksiyasi yuklansin.
O‘zbekiston Respublikasi Vazirlar Mahkamasining 1996-yil 23-maydagi 188-son qarori bilan tasdiqlangan O‘zbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qo‘mitasi to‘g‘risidagi Nizomga 1-ilovaga muvofiq o‘zgartirish va qo‘shimchalar kiritilsin.
Keyingi tahrirga qarang.
2. “Reklama to‘g‘risida”gi O‘zbekiston Respublikasi Qonuni talablari ijro etilishini ta’minlash 2-ilovaga muvofiq davlat boshqaruv organlariga va joylardagi davlat hokimiyati organlariga yuklansin.
Davlat boshqaruvi va joylardagi davlat hokimiyatining ko‘rsatib o‘tilgan organlari bir oy muddatda o‘zlarining amaldagi nizomlariga tegishli o‘zgartirish va qo‘shimchalar to‘g‘risida belgilangan tartibda takliflar kiritsinlar.
3. Monopoliyadan chiqarish va raqobatni rivojlantirish qo‘mitasi huzurida Reklama bo‘yicha idoralararo kengash tuzilsin.
Keyingi tahrirga qarang.
Reklama bo‘yicha idoralararo kengash to‘g‘risidagi Nizom 3-ilovaga muvofiq va uning tarkibi 4-ilovaga* muvofiq tasdiqlansin.
davlat boshqaruv organlari va joylardagi hokimiyat organlarining, shuningdek, respublika jamoat birlashmalari (tashkilotlari)ning reklama to‘g‘risidagi qonun hujjatlari talablarini bajarish masalalari bo‘yicha o‘zaro hamkorligini ta’minlash;
tovarlar (ishlar, xizmatlar) bozorlarida, shu jumladan, jismoniy va yuridik shaxslarning pul mablag‘laridan foydalanish bilan bog‘liq bank, sug‘urta va boshqa xizmatlar bozorlarida, shuningdek, qimmatli qog‘ozlar bozorlarida reklamani tarqatishda halol raqobatni va jamiyat manfaatlarini himoya qilish;
reklama beruvchilar, reklama ishlab chiqaruvchilar, reklama tarqatuvchilar va reklamadan foydalanuvchilarning jahon standartlariga va milliy an’analarga zid bo‘lmagan manfaatlariga rioya qilish.
Keyingi tahrirga qarang.
4. Monopoliyadan chiqarish va raqobatni rivojlantirish qo‘mitasi vazirliklar, idoralar, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda reklamani joylashtirish tartibini bir oy muddatda 2-ilovaga muvofiq ishlab chiqsin, tasdiqlasin va belgilangan tartibda amalga kiritsin.
5. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari B. Hamidov va O‘zbekiston Respublikasi Bosh vazirining o‘rinbosari H. Karomatov zimmasiga yuklansin.
O‘zbekiston Respublikasi Vazirlar Mahkamasining 1996-yil 23-maydagi 188-son qarori bilan tasdiqlangan O‘zbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qo‘mitasi to‘g‘risidagi Nizomga kiritilayotgan
1. Muqaddimadagi “va “Iste’molchilar huquqlarini muhofaza qilish to‘g‘risida” so‘zlari “Iste’molchilar huquqlarini muhofaza qilish”, “Reklama to‘g‘risida” va” so‘zlari bilan almashtirilsin.
2. 1-banddagi “hamda iste’molchilar huquqlarini muhofaza qilish” so‘zlari “iste’molchilar huquqlarini, reklamani muhofaza qilish” so‘zlari bilan almashtirilsin.
ikkinchi xatboshidagi “va iste’molchilar huquqlarini muhofaza qilish to‘g‘risidagi qonunchilikka” so‘zlari “iste’molchilar huquqlarini muhofaza qilish va reklama to‘g‘risidagi qonun hujjatlari” so‘zlari bilan almashtirilsin;
“jismoniy va yuridik shaxslar tomonidan yo‘l qo‘yilgan ishonchsiz reklama hollarining oldini oladi, ularga barham beradi”;
reklama beruvchilarga, reklama ishlab chiqaruvchilar va reklama tarqatuvchilarga qonunchilikni buzishni to‘xtatish to‘g‘risidagi ko‘rsatmalarni, aksilreklama amalga oshirilishi haqidagi qarorlarni yuboradi;
reklama iste’molchilarining manfaatlarini himoya qilish maqsadida ishonchsiz reklama bo‘yicha sodir etilgan bitishuvlarni haqiqiy emas deb e’tirof etish to‘g‘risida sudga yoki xo‘jalik sudiga da’vo beradi;
ikkinchi xatboshidagi “ularning oqibatlarini bartaraf etish” so‘zlaridan keyin “reklama to‘g‘risidagi qonun hujjatlari buzilishi to‘xtatilishi haqida” so‘zlari qo‘shilsin;
oltinchi xatboshidagi “iste’molchilar huquqlari muhofaza qilinishi to‘g‘risidagi” so‘zlaridan keyin “va reklama to‘g‘risidagi” so‘zlari qo‘shilsin;
o‘n birinchi, o‘n sakkizinchi va yigirma ikkinchi xatboshilaridagi “va iste’molchilarning huquqlari muhofaza qilinishi to‘g‘risidagi qonunchilik” so‘zlari “iste’molchilarning huquqlari muhofaza qilinishi va reklama to‘g‘risidagi qonun hujjatlari” so‘zlari bilan almashtirilsin;
o‘n ikkinchi xatboshidagi “O‘zistiqbolstat” davlat qo‘mitasining” so‘zlari “Makroiqtisodiyot va statistika vazirligining” so‘zlari bilan almashtirilsin;
yigirmanchi xatboshiga “iste’molchilarning huquqlarini muhofaza qilish to‘g‘risida” so‘zlaridan keyin “va reklama to‘g‘risidagi” so‘zlari qo‘shilsin.
Keyingi tahrirga qarang.
T/r | Reklama to‘g‘risidagi qonun hujjatining talablari | “Reklama to‘g‘risida”gi O‘zbekiston Respublikasi Qonuni moddasi | Qonun hujjatlari talablari bajarilishi uchun mas’ul bo‘lgan davlat boshqaruvi va joylardagi davlat hokimiyati organlarining nomi |
1. | Teleko‘rsatuvlarda va radioeshittirishlarda; Ommaviy axborot vositalarida; Pochta jo‘natmalari, elektron aloqa vositalarida reklamalarning bir xil bo‘lishini ta’minlash | 11-modda | “O‘zteleradio” kompaniyasi, Davlat matbuot qo‘mitasi, O‘zbekiston pochta va telekommunikatsiyalar agentligi |
2. | Homiylar to‘g‘risidagi axborotlar bo‘yicha ko‘rsatmalar Homiylar xizmatlaridan teleko‘rsatuvlarda va radioeshittirishlarda foydalanishga yo‘l qo‘ymaslik | 12-modda | “O‘zteleradio” kompaniyasi, Davlat matbuot qo‘mitasi, O‘zbekiston pochta va telekommunikatsiyalar agentligi, Madaniyat ishlari vazirligi, Davlat sport qo‘mitasi. “O‘zteleradio” kompaniyasi |
3. | Yashirin reklamalardan foydalanishga yo‘l qo‘ymaslik | 14-modda | “O‘zteleradio” kompaniyasi, Davlat matbuot qo‘mitasi, O‘zbekiston pochta va telekommunikatsiyalar agentligi |
4. | Televideniye va radioda reklamalarni cheklash | 17-modda | “O‘zteleradio” kompaniyasi |
5. | Ommaviy axborot vositalarida reklamalarni cheklash Matbuot nashrlarida tamaki mahsulotlari va alkogolli ichimliklar reklamasini cheklash | 18-modda 23-modda | Davlat matbuot qo‘mitasi, ommaviy axborot vositalarini nashr etuvchi vazirliklar va idoralar, mustaqil ommaviy axborot vositalari |
6. | Tashqi reklamalarni joylashtirish tartibini belgilash, tashqi joylashtirishni nazorat qilish Tamaki, tamaki mahsulotlari va alkogolli ichimliklar reklamalarini tashqi joylashtirishni nazorat qilish | 20-modda 23-modda | Joylardagi dav�at hokimiyati organlari |
7. | Yer usti transport vositalarida; metropolitenda, vokzallarda, portlarda va aeroportlarda reklamalarni joylashtirish hamda tarqatishni nazorat qilish | 21-modda | Ichki ishlar vazirligi (DAN); joylardagi davlat hokimiyati organlari |
8. | Pochta jo‘natmalarida reklamalarni tarqatish uchun ruxsatnomalar berish | 21-modda | O‘zbekiston pochta va telekommunikatsiyalar agentligi |
9. | Quyidagilarni reklama qilish uchun ruxsatnomalar berish: Voyaga yetmaganlar uchun dori-darmon vositalari; Gipnoz qilish va ta’sir ko‘rsatishning ruhiy yoki bioenergiya usullaridan foydalangan holda davolash seanslari, shunga o‘xshash boshqa tadbirlar; Tibbiyot buyumlari, tibbiy texnikani, gigiyena, dezinfeksiya, dezinseksiya va deratizatsiya vositalari; Davolab bo‘lmaydigan va davolash qiyin bo‘lgan kasalliklarga nisbatan terapevtik natija. Tibbiyot muassasalari uchun mo‘ljallangan dori-darmonlarni reklama qilish tartibini belgilash, uning bajarilishini nazorat qilish | 22-modda | Sog‘liqni saqlash vazirligi |
10. | Quyidagilarni qo‘llash va sotish uchun tegishli ruxsatnomalar berish: Kosmetika vositalari, vitaminli va biologik faol oziq-ovqat qo‘shimchalari; Maishiy kimyo vositalari, oziq-ovqat mahsulotlari | 22-modda | Sog‘liqni saqlash vazirligi “O‘zdavstandart” markazi |
Keyingi tahrirga qarang.
1. Reklama bo‘yicha idoralararo kengash (keyingi o‘rinlarda Kengash deb ataladi) O‘zbekiston Respublikasi davlat organlari va jamoat birlashmalarining reklamani ishlab chiqarish, tarqatish va joylashtirish, reklama foydalanuvchilarini chalg‘itadigan yoki fuqarolar salomatligiga, fuqarolar yoki yuridik shaxslar mol-mulkiga, atrof muhitga yoxud ko‘rsatib o‘tilgan shaxslar sha’niga, qadr-qimmatiga yoki ishdagi obro‘siga zarar yetkazadigan, shuningdek, jamoat manfaatlariga, insonparvarlik va axloq tamoyillariga tahdid soladigan reklamadan jamiyatni muhofaza qilish masalalari bo‘yicha o‘zaro hamkorlikni takomillashtirish maqsadida tuziladi.
2. Kengash o‘z faoliyatida O‘zbekiston Respublikasi Konstitutsiyasiga, O‘zbekiston Respublikasi qonun hujjatlariga, shuningdek, ushbu Nizomga amal qiladi.
“Reklama to‘g‘risida”gi O‘zbekiston Respublikasi Qonunining reklamani ishlab chiqarish, joylashtirish va tarqatish sohasidagi munosabatlarni tartibga soluvchi boshqa qonunlar va me’yoriy hujjatlarning qo‘llanish amaliyotini tahlil qilish;
tovarlar (ishlar va xizmatlar) bozorida reklamani ishlab chiqarish, joylashtirish va tarqatish jarayonida paydo bo‘ladigan xulq-atvorning madaniyatli norma va qoidalarini shakllantirishga yo‘naltirilgan chora-tadbirlar tizimini ishlab chiqish va amalga oshirish;
yuridik va jismoniy shaxslarning reklama faoliyatiga ko‘maklashish, reklama to‘g‘risidagi qonun hujjatlari buzilishining oldini olish, reklama faoliyatini tartibga solish mexanizmini takomillashtirish;
tovarlar (ishlar va xizmatlar) bozorlarida, shu jumladan jismoniy va yuridik shaxslarning pul mablag‘laridan foydalanish bilan bog‘lik bank, sug‘urta va boshqa xizmatlar bozorlarida shuningdek, qimmatli qog‘ozlar bozorlarida reklamani tarqatishda halol raqobatni va jamiyat manfaatlarini himoya qilish;
reklama beruvchilar, reklama ishlab chiqaruvchilar, reklama tarqatuvchilar va reklamadan foydalanuvchilar manfaatlariga rioya etish;
O‘zbekiston Respublikasining ijodiy uyushmalari, jamoat birlashmalari, nufuzli xorijiy va xalqaro tashkilotlar bilan reklama faoliyati masalalari bo‘yicha aloqalarni rivojlantirish;
reklama faoliyatini yoritishga, halol raqobatni, reklamada ijodkorlikni qo‘llab-quvvatlashga yo‘naltirilgan tadbirlar (konferensiyalar, simpoziumlar, seminarlar va tanlovlar)ni tashkil etish va o‘tkazishga ko‘maklashish;
reklama faoliyatini davlat tomonidan tartibga solish va o‘zini o‘zi tartibga solish bo‘yicha chet el tajribasini tahlil qilish;
reklama faoliyatini amalga oshirish ustidan nazoratning samaradorligi masalasi bo‘yicha jamoatchilik fikrini o‘rganishni tashkil etish;
reklamani nazorat qilishga taalluqli qonunlar va me’yoriy hujjatlarni takomillashtirish bo‘yicha takliflar ishlab chiqishda qatnashish;
Kengash vazifalarini hal etish uchun ishchi guruhlar, komissiyalar tuzish va ular ishida jamoatchilik asosida ishlash uchun tegishli mutaxassislarni jalb etish.
5. Kengash vazirliklarning, davlat boshqaruvi respublika boshqa organlari, jamoat birlashmalari vakillaridan, ular rahbarlarining taqdimnomasiga binoan shakllantiriladi.
Kengashda ishlash uchun (ularning roziligiga ko‘ra) mutaxassislar, olimlar, ekspertlar hamda reklamani ishlab chiqarish, joylashtirish va tarqatish faoliyati sohasiga kiradigan turli tashkilotlar va muassasalar, shu jumladan, xorijiy tashkilotlar va muassasalar vakillari jalb etilishi mumkin.
Kengash tarkibi O‘zbekiston Respublikasi Vazirlar Mahkamasi tomonidan tasdiqlanadi hamda Rais, ikki nafar o‘rinbosar, kotib va o‘z faoliyatini jamoatchilik asosida amalga oshiruvchi Kengash a’zolaridan iborat bo‘ladi.
Kengash majlislarini chaqiradi, ularning kun tartibini tuzadi, uni Kengash majlisi o‘tkaziladigan kungacha to‘rt kundan kechikmay Kengash a’zolariga yetkazishni tashkil qiladi;
Kengash a’zolarining Kengash qarorlari va vazifalarini bajarish bo‘yicha ishlarini muvofiqlashtirib boradi;
davlat organlari, jamoat birlashmalari, boshqa yuridik va jismoniy shaxslar bilan munosabatlarda Kengash nomidan vakillik qiladi;
8. Kengash o‘z ishini o‘zi tasdiqlaydigan ish tartibi asosida amalga oshiradi. Kengash majlislari zaruriyatiga ko‘ra, lekin yilning har choragida kamida bir marta o‘tkaziladi va protokollar bilan rasmiylashtiriladi. Kengash o‘z ishlari bo‘yicha har yili yakun chiqaradi.
9. Kengash qarorlari tavsiyanoma tusida bo‘ladi va majlisda raislik qiluvchi hamda kotib tomonidan imzolanadi.
10. Kengashda ko‘rib chiqish uchun kiritilgan masalalar va uning qarorlari loyihalari Kengash a’zolari tomonidan, ish rejasiga muvofiq vazirliklar, davlat boshqaruvi respublika boshqa organlari va jamoat tashkilotlari vakillari ishtirokida tayyorlanadi.
Keyingi tahrirga qarang.