Oʻzbekiston Respublikasi Prezidentining “Tadbirkorlik subyektlariga davlat xizmatlarini koʻrsatish mexanizmlarini takomillashtirishga doir qoʻshimcha chora-tadbirlar toʻgʻrisida” 2017-yil 1-fevraldagi PQ-2750-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining 1-ilovaga muvofiq ayrim qarorlariga oʻzgartirish va qoʻshimchalar kiritilsin.

2. Oʻzbekiston Respublikasi Hukumatining 2-ilovaga muvofiq baʼzi qarorlari oʻz kuchini yoʻqotgan deb hisoblansin.

3. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.

1. Vazirlar Mahkamasining 1994-yil 5-martdagi 119-son qarori bilan tasdiqlangan “Sogʻlom avlod uchun” hukumatga qarashli boʻlmagan xalqaro xayriya jamgʻarmasining tayanch punktlari toʻgʻrisida Nizomning 4-bandidagi “tumanlar (shaharlar) hokimliklari huzuridagi tadbirkorlik subyektlarini roʻyxatdan oʻtkazish inspeksiyalarida” soʻzlari “tadbirkorlik subyektlariga “yagona darcha” tamoyili boʻyicha davlat xizmatlari koʻrsatish yagona markazlarida” soʻzlari bilan almashtirilsin.

2. Vazirlar Mahkamasining “Kichik tadbirkorlikni rivojlantirishni ragʻbatlantirish mexanizmini takomillashtirish toʻgʻrisida” 1998-yil 27-maydagi 232-son qaroriga (Oʻzbekiston Respublikasi QT, 1998-y., 5-son, 20-modda) 2-ilovada:

a) “Kichik biznesni rivojlantirishni qoʻllab-quvvatlash boʻyicha vazifalari” ustunidagi ikkinchi pozitsiyaning birinchi jumlasi chiqarib tashlansin;

b) toʻqqizinchi pozitsiya chiqarib tashlansin;

v) oʻninchi, oʻn birinchi va oʻn ikkinchi pozitsiyalar tegishli ravishda toʻqqizinchi, oʻninchi va oʻn birinchi pozitsiyalar deb hisoblansin;

g) “Kichik biznesni rivojlantirishni qoʻllab-quvvatlash boʻyicha vazifalari” ustunining oʻn birinchi pozitsiyasida:

ikkinchi xatboshi chiqarib tashlansin;

uchinchi xatboshi ikkinchi xatboshi deb hisoblansin.

3. Vazirlar Mahkamasining 1999-yil 3-iyuldagi 327-son qarori (Oʻzbekiston Respublikasi QT, 1999-y., 7-son, 35-modda) bilan tasdiqlangan Moliya-xoʻjalik faoliyatini amalga oshirmayotgan va qonunchilikda belgilangan muddatlarda oʻzlarining ustav jamgʻarmalarini shakllantirmagan korxonalarni tugatish tartibi toʻgʻrisidagi Nizomning 1.4-bandi quyidagi tahrirda bayon qilinsin:

“1.4. Moliya-xoʻjalik faoliyatini amalga oshirmayotgan va (yoki) qonunchilikda belgilangan muddatlarda oʻzlarining ustav jamgʻarmalarini shakllantirmagan korxonalar faoliyatini bundan buyon davom ettirishining maqsadga muvofiqligi toʻgʻrisidagi masalani hal etish, shuningdek korxonalarni tugatish jarayonini xoʻjalik sudlari qarorlari boʻyicha amalga oshirish (ularning muassislari, qatnashchilari ularni tugatishga rozi boʻlmagan, shuningdek koʻrsatib oʻtilgan shaxslarning turar joyini aniqlash va ularni tugatish jarayoniga jalb etishni taʼminlash mumkin boʻlmagan holatlarda) moliya-xoʻjalik faoliyatini amalga oshirmayotgan va (yoki) qonunchilikda belgilangan muddatlarda oʻzlarining ustav jamgʻarmalarini shakllantirmagan korxonalar faoliyatini tugatish boʻyicha hududiy maxsus komissiyalar tomonidan amalga oshiriladi”.

4. Vazirlar Mahkamasining 2000-yil 22-sentabrdagi 365-son qarori (Oʻzbekiston Respublikasi QT, 2000-y., 9-son, 62-modda) bilan tasdiqlangan Auditorlik faoliyatini amalga oshirish uchun auditorlik tashkilotlariga litsenziya berish tartibi toʻgʻrisidagi Nizomning 4-bandida:

a) birinchi xatboshidagi “Oʻzbekiston Respublikasi Adliya vazirligi” soʻzlari “Tadbirkorlik subyektlariga “yagona darcha” tamoyili boʻyicha davlat xizmatlari koʻrsatish yagona markazlari” soʻzlari bilan almashtirilsin;

b) ikkinchi xatboshi chiqarib tashlansin;

v) uchinchi — sakkizinchi xatboshilar tegishli ravishda ikkinchi — yettinchi xatboshilar deb hisoblansin.

5. Oʻzbekiston Respublikasi Vazirlar Mahkamasining “Sudlar va adliya organlarini rivojlantirish jamgʻarmasini tashkil etish toʻgʻrisida” 2003-yil 18-martdagi 147-son qarorida (Oʻzbekiston Respublikasi QT, 2003-y., 3-son, 26-modda):

a) 2-bandning toʻrtinchi xatboshidagi “adliya organlari, shu jumladan FHDY organlari” soʻzlari “FHDY organlari” soʻzlari bilan almashtirilsin;

b) 1-ilovaning 2-bandi toʻrtinchi xatboshidagi “adliya organlari, shu jumladan FHDY organlari” soʻzlari “FHDY organlari” soʻzlari bilan almashtirilsin.

6. Vazirlar Mahkamasining “Oʻzbekiston Respublikasi hududida lombardlarni roʻyxatdan oʻtkazish va ular faoliyatini litsenziyalash masalalari toʻgʻrisida” 2003-yil 17-sentabrdagi 402-son qarorida (Oʻzbekiston Respublikasi QT, 2003-y., 9-son, 85-modda):

a) 1-band oʻz kuchini yoʻqotgan deb hisoblansin;

b) 2-bandda:

ikkinchi xatboshidagi “adliya organlari” soʻzlari “tadbirkorlik subyektlariga “yagona darcha” tamoyili boʻyicha davlat xizmatlari koʻrsatish yagona markazlari” soʻzlari bilan almashtirilsin;

beshinchi xatboshi chiqarib tashlansin.

7. Vazirlar Mahkamasining “Isteʼmol tovarlari ulgurji savdosi tizimini takomillashtirish chora-tadbirlari toʻgʻrisida” 2006-yil 27-martdagi 52-son qarorida (Oʻzbekiston Respublikasi QT, 2006-y., 3-son, 24-modda):

a) 6-band quyidagi tahrirda bayon qilinsin:

“6. Oʻzbekiston Respublikasi Adliya vazirligi “Oʻzbekoziqovqatzaxira” meva-sabzavot mahsulotlarini tayyorlash va gʻamlash korxonalari uyushmasi tarkibiga kiradigan meva-sabzavot mahsulotlarini tayyorlash va gʻamlash korxonalariga qonun hujjatlari talablariga rioya qilishni hisobga olgan holda isteʼmol tovarlari ulgurji savdosini amalga oshirishga belgilangan tartibda litsenziyalar bersin”;

b) 1-ilovaning 1-bandi quyidagi tahrirda bayon qilinsin:

“1. “Oʻzbekoziqovqatzaxira” meva-sabzavot mahsulotlarini tayyorlash va gʻamlash korxonalari uyushmasi tarkibiga kiradigan meva-sabzavot mahsulotlarini tayyorlash va gʻamlash korxonalarini roʻyxatdan oʻtkazish tadbirkorlik subyektlariga “yagona darcha” tamoyili boʻyicha davlat xizmatlari koʻrsatish yagona markazlari tomonidan, Vazirlar Mahkamasining 2017-yil 9-fevraldagi 66-son qarori bilan tasdiqlangan Tadbirkorlik subyektlarini davlat roʻyxatidan oʻtkazish tartibi toʻgʻrisidagi Nizomga muvofiq amalga oshiriladi”.

v) 2-ilovaning 12-bandi quyidagi tahrirda bayon qilinsin:

“12. Hujjatlarni koʻrib chiqish va isteʼmol tovarlari ulgurji savdosi faoliyatini amalga oshirishga litsenziya berish yoki litsenziya berishni rad etish toʻgʻrisida qaror qabul qilish muddati ariza va litsenziya olish uchun barcha zarur hujjatlar tushgan kundan boshlab ikki ish kunini tashkil etadi”.

8. Vazirlar Mahkamasining “Davlat va xoʻjalik boshqaruvi, mahalliy davlat hokimiyati organlarining axborot-kommunikatsiya texnologiyalaridan foydalangan holda yuridik va jismoniy shaxslar bilan oʻzaro hamkorligini yanada takomillashtirish chora-tadbirlari toʻgʻrisida” 2007-yil 23-avgustdagi 181-son qarori (Oʻzbekiston Respublikasi QT, 2007-y., 8-son, 50-modda) 2-ilovasidan 26.3-pozitsiya chiqarib tashlansin.

9. Vazirlar Mahkamasining “Yakka tartibda uy-joy qurish (rekonstruksiya qilish)ni amalga oshirishga ruxsatnomalarni rasmiylashtirishning, loyihalarni vakolatli organlarda bir joyning oʻzida kelishishning soddalashtirilgan tartibini joriy etish chora-tadbirlari toʻgʻrisida” 2009-yil 30-apreldagi 127-son qarorida (Oʻzbekiston Respublikasi QT, 2009-y., 4-son, 34-modda):

a) 1-banddagi “tuman va shaharlar hokimliklari huzuridagi tadbirkorlik subyektlarini roʻyxatdan oʻtkazish inspeksiyasiga” soʻzlari “tadbirkorlik subyektlariga “yagona darcha” tamoyili boʻyicha davlat xizmatlari koʻrsatish yagona markazlariga” soʻzlari bilan almashtirilsin;

b) 2-bandning birinchi xatboshidagi “tuman va shaharlar hokimliklari huzuridagi tadbirkorlik subyektlarini roʻyxatdan oʻtkazish inspeksiyalarining” soʻzlari “tadbirkorlik subyektlariga “yagona darcha” tamoyili boʻyicha davlat xizmatlari koʻrsatish yagona markazlarining” soʻzlari bilan almashtirilsin;

v) 3-banddagi “tuman va shaharlar hokimliklari huzuridagi tadbirkorlik subyektlarini roʻyxatdan oʻtkazish inspeksiyasi” soʻzlari “tadbirkorlik subyektlariga “yagona darcha” tamoyili boʻyicha davlat xizmatlari koʻrsatish yagona markazlari” soʻzlari bilan almashtirilsin;

g) 4, 5-bandlar va ilova oʻz kuchini yoʻqotgan deb hisoblansin.

10. Vazirlar Mahkamasining “Tumanlar (shaharlar) hokimliklari huzuridagi tadbirkorlik subyektlarini roʻyxatdan oʻtkazish inspeksiyalari tomonidan yakka tartibda uy-joy qurish (rekonstruksiya qilish)ni amalga oshirishga ruxsatnomalarni rasmiylashtirish, loyihalarni vakolatli organlarda bir joyning oʻzida kelishish tartibi toʻgʻrisidagi nizomni tasdiqlash haqida” 2009-yil 2-iyuldagi 184-son qarorida (Oʻzbekiston Respublikasi QT, 2009-y., 7-son, 53-modda):

a) qarorning nomidagi va 1-bandidagi “Tumanlar (shaharlar) hokimliklari huzuridagi tadbirkorlik subyektlarini roʻyxatdan oʻtkazish inspeksiyalari” soʻzlari “Tadbirkorlik subyektlariga “yagona darcha” tamoyili boʻyicha davlat xizmatlari koʻrsatish yagona markazlari” soʻzlari bilan almashtirilsin;

b) ilovada:

ilova nomidagi “Tumanlar (shaharlar) hokimliklari huzuridagi tadbirkorlik subyektlarini roʻyxatdan oʻtkazish inspeksiyalari” soʻzlari “Tadbirkorlik subyektlariga “yagona darcha” tamoyili boʻyicha davlat xizmatlari koʻrsatish yagona markazlari” soʻzlari bilan almashtirilsin;

1-banddagi “tumanlar (shaharlar) hokimliklari huzuridagi tadbirkorlik subyektlarini roʻyxatdan oʻtkazish inspeksiyalari (keyingi oʻrinlarda Inspeksiya deb ataladi)” soʻzlari “tadbirkorlik subyektlariga “yagona darcha” tamoyili boʻyicha davlat xizmatlari koʻrsatish yagona markazlari (keyingi oʻrinlarda “yagona darcha” markazi deb ataladi)” soʻzlari bilan almashtirilsin;

ilovada matn boʻyicha “Inspeksiya” soʻzi tegishli kelishikda “yagona darcha” markazi” soʻzlari bilan almashtirilsin;

v) 7-band quyidagi tahrirda bayon qilinsin:

“7. Uy-joy qurishga ruxsatnomalar olish uchun quruvchi yoxud uning vakili hokimning yer uchastkasi ajratish toʻgʻrisidagi qarorining qabul qilingan raqami va sanasini koʻrsatib va tegishli litsenziyasi boʻlgan loyiha tashkiloti tomonidan ishlab chiqilgan uy-joy qurishga loyihani ilova qilgan holda “yagona darcha” markaziga ariza beradi”.

11. Vazirlar Mahkamasining “Vazirliklar va idoralarning budjetdan tashqari jamgʻarmalariga mablagʻlar ajratishni tartibga solish chora-tadbirlari toʻgʻrisida” 2010-yil 2-apreldagi 62-son qarori (Oʻzbekiston Respublikasi QT, 2010-y., 4-son, 14-modda) 1-ilovasi 12-pozitsiyasining “Shakllantirish manbai” ustunidagi “Adliya organlari va” soʻzlari chiqarib tashlansin.

12. Vazirlar Mahkamasining 2010-yil 21-maydagi 98-son qarori (Oʻzbekiston Respublikasi QT, 2010-y., 5-son, 24-modda) bilan tasdiqlangan Oʻzbekiston Respublikasi Davlat soliq qoʻmitasi toʻgʻrisidagi Nizom 9-bandi “g” kichik bandining uchinchi xatboshisi chiqarib tashlansin.

13. Vazirlar Mahkamasining “Xususiy tadbirkorlar yuridik shaxs tashkil etmasdan shugʻullanishi mumkin boʻlgan faoliyat turlari roʻyxatini tasdiqlash toʻgʻrisida” 2011-yil 7-yanvardagi 6-son qarorida (Oʻzbekiston Respublikasi QT, 2011-y., 1-son, 3-modda):

a) 3-band quyidagi tahrirda bayon qilinsin:

“3. Tadbirkorlik subyektlariga “yagona darcha” tamoyili boʻyicha davlat xizmatlari koʻrsatish yagona markazlari faoliyat turlari boʻyicha xususiy tadbirkorlarni davlat roʻyxatidan oʻtkazishda ushbu qaror bilan tasdiqlangan Roʻyxatga qatʼiy amal qilsinlar”.

b) 1-ilovadagi havola chiqarib tashlansin.

14. Vazirlar Mahkamasining “Bozorlar va savdo komplekslari faoliyatini tartibga solishga doir qoʻshimcha chora-tadbirlar toʻgʻrisida” 2012-yil 28-avgustdagi 253-son qarorida (Oʻzbekiston Respublikasi QT, 2012-y., 8-son, 61-modda):

a) 1-ilova 51-bandining ikkinchi xatboshi quyidagi tahrirda bayon qilinsin:

“Import tovarlar bilan chakana savdoni amalga oshiruvchi yakka tartibdagi tadbirkor tijorat faoliyati uchun moʻljallangan tovarlarni keltiruvchi yakka tartibdagi tadbirkor sifatida belgilangan tartibda roʻyxatdan oʻtkazilgan boʻlishi kerak hamda u respublika hududlariga tovarlar keltirganligi faktini, ushbu tovarlarning bojxonada rasmiylashtirilganligini, muvofiqlik sertifikati borligini, bojxona toʻlovlari va belgilab qoʻyilgan soliqlar toʻlanganligini tasdiqlovchi hujjatlarga ega boʻlishi kerak”;

b) 2-ilovaning 45-bandi oʻz kuchini yoʻqotgan deb hisoblansin.

15. Vazirlar Mahkamasining “Fuqarolarning oʻzini oʻzi boshqarish organlari faoliyatini tashkil etish tartibini takomillashtirish toʻgʻrisida” 2013-yil 10-iyuldagi 196-son qarorida (Oʻzbekiston Respublikasi QT, 2013-y., 7-son, 44-modda):

a) 1-banddagi “mahalliy davlat hokimiyati organlarida” soʻzlari chiqarib tashlansin;

b) ilovada:

ilova nomidagi “mahalliy davlat hokimiyati organlarida” soʻzlari chiqarib tashlansin;

1 va 2-bandlar quyidagi tahrirda bayon qilinsin:

“1. Ushbu Nizom fuqarolarning oʻzini oʻzi boshqarish organlarini (keyingi oʻrinlarda fuqarolar yigʻini deb ataladi) tadbirkorlik subyektlariga “yagona darcha” tamoyili boʻyicha davlat xizmatlari koʻrsatish yagona markazlarida (keyingi oʻrinlarda “yagona darcha” markazlari deb ataladi) hisobga olish tartibini belgilaydi.

2. Fuqarolar yigʻinini hisobga olish u joylashgan joydagi “yagona darcha” markazi tomonidan amalga oshiriladi”;

butun matn boʻyicha “inspeksiyaga”, “inspeksiya” va “Inspeksiya” soʻzlari tegishli ravishda “yagona darcha” markaziga”, “yagona darcha” markazi” va “Yagona darcha” markazi” soʻzlari bilan almashtirilsin;

7-bandda:

ikkinchi xatboshi quyidagi tahrirda bayon qilinsin:

“Buning uchun “yagona darcha” markazi davlat statistika organlariga davlat hisobiga qoʻyish uchun, fuqarolar yigʻinini hisobga olish amalga oshirilgan kundan keyin ikki kun ichida Oʻzbekiston Respublikasi Vazirlar Mahkamasining “Korxonalar va tashkilotlarning yagona davlat registri toʻgʻrisidagi Nizomni tasdiqlash haqida” 2012-yil 25-sentabrdagi 274-son qarorida belgilangan shakl boʻyicha bildirishnoma yuboradi”;

uchinchi xatboshidagi “KTUT kodini berish bilan bir vaqtda” soʻzlari “Bir vaqtda” soʻzlari bilan almashtirilsin;

9-bandning birinchi xatboshidagi “KTUT” qisqartmasi chiqarib tashlansin;

1-ilovada:

Belgilanishidagi “mahalliy davlat hokimiyati organlarida” soʻzlari chiqarib tashlansin;

“Tadbirlar” ustunida “1-bosqich” va “5-bosqich” pozitsiyalaridagi “mahalliy davlat hokimiyati organlarida” soʻzlari chiqarib tashlansin;

“3-bosqich” pozitsiyasining 2-bandi chiqarib tashlansin;

2-ilovada:

belgilanishdagi “mahalliy davlat hokimiyati organlarida” soʻzlari chiqarib tashlansin;

“KTUT kodi” 8-ustuni chiqarib tashlansin;

3-ilova quyidagi tahrirda bayon qilinsin:

16. Vazirlar Mahkamasining 2013-yil 7-oktabrdagi 274-son qarori (Oʻzbekiston Respublikasi QT, 2013-y., 10-son, 71-modda) bilan tasdiqlangan Fuqarolar yigʻini toʻgʻrisida namunaviy nizomning oʻzbek tilidagi matni 5 va 53-bandlaridagi “tuman (shahar) hokimligi huzuridagi tadbirkorlik subyektlarini roʻyxatdan oʻtkazish inspeksiyalarida” soʻzlari “tadbirkorlik subyektlariga “yagona darcha” tamoyili boʻyicha davlat xizmatlari koʻrsatish yagona markazlarida” soʻzlari bilan almashtirilsin.

17. Vazirlar Mahkamasining 2014-yil 31-dekabrdagi 376-son qarori (Oʻzbekiston Respublikasi QT, 2014-y., 12-son, 137-modda) bilan tasdiqlangan Tovarlarni bojxonada elektron shaklda deklaratsiyalash tartibi toʻgʻrisidagi Nizomning rus tilidagi matni 2-ilovasi 31-pozitsiyasidagi “Naimenovaniye upolnomochennogo organa” ustunidagi “Gosudarstvenniy nalogoviy komitet Respubliki Uzbekistan” degan soʻzlar “Yedinie sentri po okazaniyu gosudarstvennix uslug subyektam predprinimatelstva po prinsipu “odno okno” soʻzlari bilan almashtirilsin.

18. Vazirlar Mahkamasining “Tadbirkorlik subyektlarini elektr va gaz tarmoqlariga foydalanishga tayyor holda ulash tartibini joriy etish chora-tadbirlari toʻgʻrisida” 2015-yil 2-oktabrdagi 280-son qarori (Oʻzbekiston Respublikasi QT, 2015-y., 10-son, 87-modda) 3-bandining ikkinchi xatboshidagi “tumanlar (shaharlar) hokimliklari huzuridagi” soʻzlari chiqarib tashlansin.

19. Vazirlar Mahkamasining 2015-yil 14-dekabrdagi 358-son qarori (Oʻzbekiston Respublikasi QT, 2015-y., 12-son, 107-modda) bilan tasdiqlangan Tadbirkorlik subyektlariga “yagona darcha” tamoyili boʻyicha davlat xizmatlari koʻrsatish yagona markazlari faoliyatini tashkil etish tartibi toʻgʻrisidagi Nizomda:

a) 2-bandning birinchi xatboshidagi “tuman (shahar) hokimligi” soʻzlari “Oʻzbekiston Respublikasi Adliya vazirligi” soʻzlari bilan almashtirilsin;

b) 4-banddagi “xoʻjalik boshqaruvi organlari” soʻzlaridan keyin “mahalliy davlat hokimiyati organlaridan” soʻzlari qoʻshilsin;

v) 6-band quyidagi mazmundagi xatboshi bilan toʻldirilsin:

“Oʻzbekiston Respublikasi Adliya vazirligiga aniqlangan qonunbuzarliklar, davlat xizmatlarini koʻrsatish boʻyicha qonun hujjatlari buzilishlarining belgilari, ularga imkon berayotgan sabab va shart-sharoitlar toʻgʻrisidagi maʼlumotlarni, shuningdek “yagona darcha” tamoyili boʻyicha davlat xizmatlari koʻrsatish tizimidagi qonunchilikni takomillashtirishga doir takliflarni kiritadi”;

g) 7-band quyidagi tahrirda bayon qilinsin:

“7. “Yagona darcha” markazi oʻziga yuklangan vazifalarga muvofiq quyidagi funksiyalarni bajaradi:

tadbirkorlik subyektlarini, shuningdek qonun hujjatlarida nazarda tutilgan hollarda boshqa yuridik shaxslarni davlat roʻyxatidan va qayta roʻyxatdan oʻtkazadi;

moliya-xoʻjalik faoliyatini amalga oshirmayotgan va oʻz ustav fondlarini qonun hujjatlarida belgilangan muddatlarda shakllantirmagan korxonalarni tugatish boʻyicha belgilangan tartibda chora-tadbirlar koʻradi;

Davlat xizmatlari koʻrsatish roʻyxatida nazarda tutilgan, tadbirkorlik subyektlariga “yagona darcha” tamoyili boʻyicha davlat xizmatlari faqat “yagona darcha” markazlari tomonidan koʻrsatiladigan Davlat xizmatlari roʻyxatida (keyingi oʻrinlarda Roʻyxat deb ataladi) nazarda tutilgan davlat xizmatlari koʻrsatish toʻgʻrisidagi arizalarni (keyingi oʻrinlarda ariza deb ataladi) qabul qiladi va roʻyxatdan oʻtkazadi;

kompleks tadbirkorlik litsenziyasi (franshizing) shartnomalarini davlat roʻyxatidan oʻtkazadi;

tadbirkorlik litsenziyasi (franshizing) shartnomalarini davlat roʻyxatidan oʻtkazish reyestrini (muhim oʻzgartirishlar, qoʻshimchalar, bekor qilish) elektron tarzda yuritadi;

ariza beruvchilarning vakolatli organlar bilan kontaktsiz oʻzaro hamkorlik qilishini taʼminlaydi;

arizalarning vakolatli organlarga ular boʻyicha qaror qabul qilish va ularni tegishli ravishda rasmiylashtirish uchun oʻz vaqtida berilishini taʼminlaydi;

arizachilarga arizalarni koʻrib chiqish yakunlari boʻyicha hujjatlar beradi;

arizachilarga “yagona darcha” markaziga murojaat qilishganda axborot yordami koʻrsatadi;

jamoatchilikning koʻrsatilayotgan davlat xizmatlari toʻgʻrisidagi fikrini oʻrganadi;

qonun hujjatlariga muvofiq boshqa funksiyalarni amalga oshiradi”.

d) 8-band quyidagi tahrirda bayon qilinsin:

“8. “Yagona darcha” markazi oʻziga yuklangan vazifalar va funksiyalarni bajarish uchun quyidagi huquqlarga ega:

Oʻzbekiston Respublikasi Adliya vazirligiga Roʻyxatga qoʻshimcha davlat xizmatlarini kiritish boʻyicha, davlat xizmatlari koʻrsatish tartibini takomillashtirish toʻgʻrisida takliflarni, shuningdek arizachining davlat xizmatlari koʻrsatishning rad etilishi bilan bogʻliq masalalarni koʻrib chiqish uchun materiallarni kiritadi;

maʼlumotlarning tegishli bazalaridan, davlat axborot tizimlaridan va vakolatli organlar resurslaridan belgilangan tartibda foydalanish;

vakolatli organlardan ularning vakolatiga kiruvchi masalalar boʻyicha hujjatlar hamda axborotlarni soʻrash va toʻlovsiz olish.

“Yagona darcha” markazi qonun hujjatlariga muvofiq boshqa huquqlarga ham ega boʻlishi mumkin”;

e) 11 va 12-bandlar quyidagi tahrirda bayon qilinsin:

“11. “Yagona darcha” markazi faoliyatini taʼminlash tadbirkorlik subyektlarini davlat roʻyxatidan oʻtkazganlik uchun davlat bojini toʻlashdan tushadigan mablagʻlar, “yagona darcha” markazlari orqali koʻrsatiladigan davlat xizmatlari uchun toʻlanadigan davlat bojlari va yigʻimlar summasining 10 foizi va qonun hujjatlarida taqiqlanmagan boshqa manbalar hisobiga amalga oshiriladi.

12. Tadbirkorlik subyektlarini davlat roʻyxatidan oʻtkazishdan tushadigan davlat bojining barcha summasi, shuningdek “yagona darcha” markazlari orqali koʻrsatiladigan davlat xizmatlari uchun toʻlanadigan davlat bojlari va yigʻimlar summasining 10 foizi “yagona darcha” markazlarining daromadlariga Oʻzbekiston Respublikasi Adliya vazirligi nomiga ochilgan maxsus shaxsiy hisob raqamiga oʻtkaziladi.

Maxsus ochilgan hisob raqamiga tushadigan mablagʻlar Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari tomonidan taqdim etilgan Oʻzbekiston Respublikasi Adliya vazirligi tomonidan tasdiqlangan va Oʻzbekiston Respublikasi Moliya vazirligida roʻyxatdan oʻtkazilgan xarajatlar smetasi va shtatlar jadvaliga asosan faqat “yagona darcha” markazlari xodimlari taʼminotiga, moddiy-texnik bazani mustahkamlashga, ish haqi toʻlashga va xodimlarni ragʻbatlantirishga yoʻnaltiriladi.

“Yagona darcha” markazlarining mablagʻlaridan foydalanish boʻyicha moliyaviy operatsiyalar, ularni hisobga olish va ular boʻyicha hisobotlar tegishli ravishda Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari buxgalteriyasi tomonidan amalga oshiriladi”;

j) 13-band oʻz kuchini yoʻqotgan deb hisoblansin;

z) 14-band quyidagi tahrirda bayon qilinsin:

“14. Oʻzbekiston Respublikasi Adliya vaziri, zarur hollarda, “yagona darcha” markazlari tuzilmasiga barcha markaz xodimlarining belgilangan umumiy soni doirasida oʻzgartirishlar kiritish huquqiga ega”.

i) 15-band quyidagi tahrirda bayon qilinsin:

“15. “Yagona darcha” markaziga direktor boshchilik qiladi”;

k) 16-bandda:

ikkinchi xatboshidagi “tegishli tumanlar (shaharlar) hokimliklarining mustaqil boʻlimlari” soʻzlari “Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari boʻlimlari” soʻzlari bilan almashtirilsin;

uchinchi xatboshidagi “smetasida mablagʻlar mavjud boʻlgan taqdirda” soʻzlari “smetasida” soʻzi bilan almashtirilsin;

l) 17-band quyidagi tahrirda bayon qilinsin:

“17. “Yagona darcha” markazi xodimlarining lavozim yoʻriqnomasi Oʻzbekiston Respublikasi Adliya vazirligi tomonidan tasdiqlanadi, unda ularning vazifalari, funksiyalari, huquqlari va majburiyatlari, shaxsiy javobgarligi, shuningdek har bir markaz xodimiga ularning vazifa va funksiyalaridan kelib chiqib malakaviy talablar majburiy tartibda belgilanadi”;

m) 23-bandda:

quyidagi mazmundagi ikkinchi xatboshi qoʻshilsin:

“tadbirkorlik subyektlarini davlat roʻyxatidan oʻtkazish, qayta roʻyxatdan oʻtkazish tartibi va muddatlari”;

ikkinchi — toʻqqizinchi xatboshilar tegishli ravishda uchinchi — oʻninchi xatboshilar deb hisoblansin;

sakkizinchi xatboshi quyidagi tahrirda bayon qilinsin:

“hujjatlarning mufassal roʻyxati, shuningdek davlat xizmatlari olish, shu jumladan tadbirkorlik subyektlarini davlat roʻyxatidan oʻtkazish, qayta roʻyxatdan oʻtkazish uchun zarur boʻlgan hujjatlarning namunaviy shakllari va blankalari”.

20. Vazirlar Mahkamasining “Shaharsozlik faoliyati va qishloq xoʻjaligidan boshqa ehtiyojlar uchun yer uchastkalari berishning, bino va inshootlarning tashqi koʻrinishini oʻzgartirishni (fasadini taʼmirlashni) kelishishning, shuningdek obyektni qayta ixtisoslashtirish va rekonstruksiya qilishga, turar joyni noturar joy toifasiga oʻtkazishga ruxsatnomalar berishning umumiy belgilangan tartibini yanada soddalashtirish chora-tadbirlari toʻgʻrisida” 2016-yil 9-martdagi 70-son qarorida (Oʻzbekiston Respublikasi QT, 2016-y., 3-son, 17-modda):

2 va 3-ilovalardagi oʻzgartirishlar rus tilidagi matnda berilgan.

21. Vazirlar Mahkamasining 2016-yil 13-iyuldagi 233-son qarori (Oʻzbekiston Respublikasi QT, 2016-y., 7-son, 64-modda) bilan tasdiqlangan Koʻchma savdoga ruxsat berish tartibi toʻgʻrisidagi Nizomning 24-bandi oltinchi xatboshi quyidagi tahrirda bayon qilinsin:

“Yigʻim summasi tuman (shahar) hokimliklari uchun maxsus ochilgan gʻaznachilik hisob raqamiga oʻtkaziladi, shundan 10 foizi Oʻzbekiston Respublikasi Adliya vazirligi nomiga ochilgan maxsus shaxsiy hisob raqamiga oʻtkaziladi”.

22. Vazirlar Mahkamasining 2016-yil 21-iyuldagi 237-son qarori (Oʻzbekiston Respublikasi QT, 2016-y., 7-son, 69-modda) bilan tasdiqlangan “Savdo va xavfsizlik” tanlovini tashkil etish va oʻtkazish tartibi toʻgʻrisidagi Nizomga 1-ilovaning oʻn ikkinchi xatboshidagi “tuman hokimligi huzuridagi” soʻzlari chiqarib tashlansin.

1. Vazirlar Mahkamasining “Oʻzbekiston Respublikasida xorijiy investitsiyalar ishtirokidagi korxonalarni tashkil etish, davlat roʻyxatidan oʻtkazish va tugatish tartibi toʻgʻrisida” 1997-yil 2-iyuldagi 336-son qarori.

2. Vazirlar Mahkamasining “Oʻzbekiston Respublikasi Vazirlar Mahkamasining “Oʻzbekiston Respublikasida xorijiy investitsiyalar ishtirokidagi korxonalarni tashkil etish, davlat roʻyxatidan oʻtkazish va tugatish tartibi toʻgʻrisida” 1997-yil 2-iyuldagi 336-son qaroriga oʻzgartirishlar kiritish haqida” 1998-yil 27-martdagi 134-son qarori.

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 1999-yil 14-sentabrdagi 427-son qaroriga ilovaning 8-bandi.

4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar va qoʻshimchalar kiritish toʻgʻrisida” 2001-yil 27-iyundagi 276-son qaroriga ilovaning 7-bandi.

5. Vazirlar Mahkamasining “Oʻzbekiston Respublikasi Hukumatining ayrim qarorlarini oʻz kuchini yoʻqotgan deb hisoblash toʻgʻrisida” 2004-yil 21-iyuldagi 346-son qaroriga ilovaning 3-bandi.