Yangiyer shahrining sanoat salohiyatini yanada rivojlantirish, ichki va tashqi bozorlarda xaridorgir, raqobatdosh mahsulotlar ishlab chiqarish bo‘yicha kichik tadbirkorlik subyektlari faoliyatini rag‘batlantirish va zamonaviy ishlab chiqarishlarni tashkil qilishga investitsiyalarni jalb etish uchun qulay shart-sharoitlarni shakllantirish, shuningdek, yo‘l-transport va muhandislik kommunikatsiya infratuzilmalaridan oqilona hamda samarali foydalanish, uning asosida yangi ish o‘rinlari yaratilishini va aholi daromadlari o‘sishini ta’minlash maqsadida:
1. Sirdaryo viloyati hokimligining, O‘zbekiston Respublikasi Iqtisodiyot vazirligi, Moliya vazirligi, Hususiylashtirish, monopoliyadan chiqarish va raqobatni rivojlantirish davlat qo‘mitasi, Davlat bojxona qo‘mitasining Sirdaryo viloyati Yangiyer shahrida uning bosh rejasiga mos tarzda chegaralangan hududida ilovaga muvofiq kichik sanoat zonasi (keyingi o‘rinlarda — kichik sanoat zonasi)ni barpo etish to‘g‘risidagi taklifi qabul qilinsin.
2. Sirdaryo viloyati hokimligi O‘zbekiston Respublikasi Yer resurslari, geodeziya, kartografiya va davlat kadastri davlat qo‘mitasi hamda O‘zbekiston Respublikasi Davlat arxitektura va qurilishi qo‘mitasi bilan birgalikda bir oy muddatda kichik sanoat zonasi tarkibiga kiritiladigan yer uchastkalarining chegaralari aniqlanishini va belgilangan tartibda yer uchastkalari tegishli ravishda ajratilishini ta’minlasin.
kichik sanoat zonasi tarkibiga kiritilgan yer uchastkalari Sirdaryo viloyati hokimligining to‘g‘ridan to‘g‘ri tasarrufida bo‘ladi;
kichik sanoat zonasining faoliyat yuritish muddati keyinchalik uni uzaytirish imkoniyati bilan 30 yilni tashkil etadi.
kichik tadbirkorlikni jadal rivojlantirish, Sirdaryo viloyati aholisining bandligini ta’minlash hamda tadbirkorlik faoliyatidan olinadigan daromadlarini oshirish;
to‘qimachilik, poyabzal va teri-galantereya sohalarida, ekologik xavfsiz kimyo, oziq-ovqat, elektrotexnika, qurilish materiallari sanoatida, meva- sabzavot mahsulotlarini chuqur qayta ishlash hamda boshqa talab mavjud bo‘lgan yo‘nalishlarda yangi zamonaviy, yuqori texnologiyali ishlab chiqarishlarni barpo etish bo‘yicha loyihalarni amalga oshirish;
Sirdaryo viloyatining ishlab chiqarish hamda resurs imkoniyatlaridan kompleks va samarali foydalanishni ta’minlash;
respublika tashkilotlari bilan mustahkam kooperatsiya aloqalarini yo‘lga qo‘yish va sanoat kooperatsiyasini izchil rivojlantirish yo‘li bilan mahalliy xomashyo va materiallar negizida yuqori texnologiyali mahsulotlar ishlab chiqarishni mahalliylashtirish jarayonlarini chuqurlashtirish.
5. Ma’lumot uchun qabul qilinsinki, O‘zbekiston Respublikasi Vazirlar Mahkamasining “Sirdaryo viloyati hududlarini ijtimoiy-iqtisodiy rivojlantirish, aholi turmush darajasini yanada yaxshilashga doir qo‘shimcha chora-tadbirlar to‘g‘risida” 2017-yil 20-yanvardagi 25-sonli qaroriga muvofiq tegishli tijorat banklari va xo‘jalik birlashmalariga Sirdaryo viloyatining Yangiyer shahrida barpo etilayotgan kichik sanoat zonasi hududida umumiy qiymati 40 million AQSh dollariga teng 207 ta loyihani amalga oshirish topshirildi.
O‘zbekiston Respublikasi Vazirlar Mahkamasi Markaziy bank ishtirokida tegishli tijorat banklari va xo‘jalik birlashmalari tomonidan loyihalarning o‘z vaqtida foydalanishga topshirilishini nazarda tutgan holda ularni so‘zsiz va jadal amalga oshirishlari ustidan ta’sirchan nazoratni ta’minlasin.
Sirdaryo viloyatining Yangiyer shahridagi kichik sanoat zonasida investitsiya loyihalarini amalga oshirish uchun mas’ul bo‘lgan tijorat banklari va xo‘jalik birlashmalari mazkur loyihalarning bajarilishi to‘g‘risida har chorakning 5-kunida O‘zbekiston Respublikasi Vazirlar Mahkamasiga axborot berib tursin.
6. Kichik sanoat zonasining qatnashchilari — ishlab chiqarish mikrofirmalari va kichik korxonalar (keyingi o‘rinlarda — kichik sanoat zonasi qatnashchilari), xo‘jalik yuritish subyektini kichik sanoat zonasi hududida joylashtirish to‘g‘risidagi qaror qabul qilingan sanadan boshlab:
O‘zbekiston Respublikasi Vazirlar Mahkamasi tomonidan tasdiqlanadigan ro‘yxatlar bo‘yicha, kichik sanoat zonasi hududida loyihalarni amalga oshirish doirasida o‘zlarining ishlab chiqarish ehtiyojlari uchun olib kiriladigan uskunalar, xomashyo, materiallar va butlovchi buyumlar, shuningdek, metall konstruksiyalar va qurilish materiallari uchun bojxona to‘lovlari (bojxona rasmiylashtiruvi uchun yig‘imlardan tashqari) to‘lashdan ozod qilinsin.
Keyingi tahrirga qarang.
ushbu qarorning 6-bandida nazarda tutilgan imtiyozlar 3 yil muddatga beriladi, bunda kichik sanoat zonasining qatnashchilari eng kam ish haqining kamida 2000 karra miqdoridagi hajmda investitsiyalar kiritishi shart;
Keyingi tahrirga qarang.
kichik sanoat zonasi qatnashchisining yillik tushumi eng kam ish haqi miqdorining 1000 karrasidan kamroqni tashkil etgan taqdirda, mazkur qarorning 6-bandiga muvofiq berilgan imtiyozlar bekor qilinadi hamda tegishli hisobot yili uchun ularni to‘lash bo‘yicha majburiyatlar qonun hujjatlarida belgilangan tartibda qayta tiklanadi;
Keyingi tahrirga qarang.
ushbu qarorning 6-bandida nazarda tutilgan bojxona imtiyozlarini qo‘llangan holda olib kelingan uskunalar, xomashyo, materiallar va butlovchi buyumlar, metall konstruksiyalar va qurilish materiallari olib kirilgan paytdan boshlab uch yil ichida sotilgan yoki bepul berib yuborilgan taqdirda, bojxona to‘lovlari qonun hujjatlarida belgilangan tartibda to‘liq hajmda undiriladi.
8. Belgilansinki, kichik sanoat zonasi ishtirokchilari uchun zarur tashqi muhandislik kommunikatsiyalari va infratuzilmalar qurilishi “O‘zbekenergo” AJ, “O‘ztransgaz” AK va “O‘zbektelekom” AKning o‘z mablag‘lari, shuningdek, Sirdaryo viloyatining mahalliy budjeti mablag‘lari hisobidan amalga oshiriladi.
9. Kichik sanoat zonasi faoliyatini boshqarish Sirdaryo viloyati hokimligi huzurida davlat unitar korxonasi shaklida tashkil etiladigan direksiya tomonidan amalga oshirilishi belgilab qo‘yilsin.
Sirdaryo viloyati hokimligi bir oy muddatda kichik sanoat zonasi faoliyatini tashkil etish to‘g‘risidagi nizom va kichik sanoat zonasi direksiyasining ustavi tasdiqlanishini nazarda tutuvchi qaror qabul qilsin.
10. Mazkur qarorning ijrosini nazorat qilish O‘zbekiston Respublikasi Bosh vazirining birinchi o‘rinbosari — “O‘zbekiston temir yo‘llari” AJ boshqaruvi raisi A.J. Ramatov va Sirdaryo viloyati hokimi G‘.G‘. Mirzayev zimmasiga yuklansin.