Oldingi tahrirga qarang.
(hujjat nomi O‘zbekiston Respublikasi Prezidentining 2017-yil 5-iyundagi PF-5069-sonli Farmoni tahririda — O‘R QHT, 2017-y., 23-son, 447-modda)
Respublikamizning yosh olimlari va talabalari jahon amaliyoti va xalqaro andozalarga muvofiq ilmiy tadqiqotlar olib borishning zamonaviy, ilg‘or usul va texnologiyalarini egallashlari uchun qulay shart-sharoitlar yaratish, respublika iqtisodiyotining bazaviy tarmoqlari uchun Yaponiya ilmiy va ta’lim muassasalarining olimlari hamda yetakchi mutaxassislari ishtirokida yuqori malakali mutaxassislarni sifatli tayyorlash maqsadida:
Oldingi tahrirga qarang.
2015-yilning 25-oktabrida O‘zbekiston Respublikasi Hukumati bilan Yaponiya Hukumati o‘rtasida Islom Karimov nomidagi Toshkent davlat texnika universiteti huzurida O‘zbekiston-Yaponiya yoshlar innovatsiya markazini (keyingi o‘rinlarda — Markaz) tashkil etish bo‘yicha hamkorlik qilish to‘g‘risidagi Memorandum imzolandi;
(1-bandining ikkinchi xatboshisi O‘zbekiston Respublikasi Prezidentining 2017-yil 5-iyundagi PF-5069-sonli Farmoni tahririda — O‘R QHT, 2017-y., 23-son, 447-modda)
Yaponiya tomonidan Sukuba, Nagoya, Keyo universitetlari, Toyoxashi Texnologiya universiteti va Tokio texnologiya instituti Markazning hamkorlari hisoblanadi.
yosh mutaxassislar va talabalarning innovatsion faoliyatini rivojlantirish hamda ularning ilmiy va texnikaviy g‘oyalarini sanoat namunalari, uskunalar, texnologik jarayonlar va yechimlarda mujassamlashtirish;
energiyani yuqori darajada tejash va import o‘rnini bosish vazifasini hal etish xususiyatiga ega bo‘lgan, atrof muhitga minimal ta’sir o‘tkazadigan zamonaviy yuqori texnologiyali ishlab chiqarishlarni yaratish;
yosh olimlarning ilmiy tadqiqot faoliyatini amalga oshirishlari uchun maksimal darajada qulay shart-sharoitlarni shakllantirish, ular tomonidan o‘tkaziladigan tadqiqot ishlarining yuqori darajada sifatli bo‘lishini ta’minlash;
mahalliy va xorijiy tashkilotlardan, ilmiy va ta’lim muassasalaridan kelib tushadigan buyurtmalar asosida Markaz faoliyatining tegishli ilmiy yo‘nalishlari bo‘yicha qo‘shma eksperimental va amaliy ilmiy tadqiqotlar olib borish.
Oldingi tahrirga qarang.
3. Belgilab qo‘yilsinki, Markaz davlat korxonasi shaklida tashkil qilinadi va mustaqil balansga, O‘zbekiston Respublikasi Iqtisodiyot va moliya vazirligi huzuridagi G‘aznachilik xizmati qo‘mitasida shaxsiy g‘aznachilik hisobvarag‘iga, bank hisobvarag‘i, shu jumladan valyuta hisobvaraqlariga, shuningdek O‘zbekiston Respublikasining Davlat gerbi tasvirlangan muhrga ega bo‘ladi.
(3-band O‘zbekiston Respublikasi Prezidentining 2023-yil 3-iyuldagi PF-107-sonli Farmoni tahririda — Qonunchilik ma’lumotlari milliy bazasi, 04.07.2023-y., 06/23/107/0441-son)
Oldingi tahrirga qarang.
(4-band O‘zbekiston Respublikasi Prezidentining 2019-yil 13-dekabrdagi PQ-4550-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 14.12.2019-y., 07/19/4550/4163-son)
Oldingi tahrirga qarang.
O‘zbekiston Respublikasi Davlat budjetining joriy ta’minot uchun ajratiladigan mablag‘lari, O‘zbekiston Respublikasi Innovatsion rivojlanish agentligi tomonidan o‘tkaziladigan tanlovlarning natijalari bo‘yicha ajratiladigan grantlar, xo‘jalik faoliyatidan va shartnoma asosida o‘tkaziladigan tadqiqotlardan tushadigan mablag‘lar, shuningdek xalqaro moliya va boshqa tashkilotlarning, chet el hukumat tashkilotlarining grantlari, qonun hujjatlarida taqiqlanmagan boshqa manbalar Markaz faoliyatini moliyalashtirish manbalari hisoblanadi;
(5-bandning uchinchi xatboshisi O‘zbekiston Respublikasi Prezidentining 2023-yil 3-iyuldagi PF-107-sonli Farmoni tahririda — Qonunchilik ma’lumotlari milliy bazasi, 04.07.2023-y., 06/23/107/0441-son)
Oldingi tahrirga qarang.
ilmiy-texnologik loyihalarni birgalikda ishlab chiqish va ilmiy-amaliy tadqiqotlarni o‘tkazish uchun Markazning chet ellik xodimlariga ish haqi hamda boshqa to‘lovlar miqdori Markazning Vasiylik kengashi tomonidan Yaponiya ilmiy va oliy ta’lim muassasalari stavkalari darajasida tasdiqlanadi hamda ularning xohishiga ko‘ra milliy valyutada yoki xorijdagi hisobvaraqlariga o‘tkazgan holda chet el valyutasida to‘lanadi;
(5-bandning to‘rtinchi xatboshisi O‘zbekiston Respublikasi Prezidentining 2020-yil 8-iyuldagi PF-6021-son Farmoni tahririda — Qonun hujjatlari ma’lumotlari milliy bazasi, 09.07.2020-y., 06/20/6021/1047-son — 2020-yil 1-avgustdan kuchga kiradi)
Oldingi tahrirga qarang.
Markazning mahalliy xodimlariga O‘zbekiston Respublikasi Fanlar akademiyasining ilmiy muassasalaridagi tegishli lavozimlarga belgilangan mehnatga haq to‘lash shartlari tatbiq etiladi.
(5-bandning beshinchi xatboshisi O‘zbekiston Respublikasi Prezidentining 2022-yil 15-yanvardagi PF-52-sonli Farmoni tahririda — Qonunchilik ma’lumotlari milliy bazasi, 15.01.2022-y., 06/22/52/0029-son)
6. O‘zbekiston Respublikasi Oliy va o‘rta maxsus ta’lim vazirligi, Iqtisodiyot vazirligi va Moliya vazirligining ilg‘or texnologiyalarni tatbiq etishdan manfaatdor bo‘lgan tadbirkorlik faoliyati subyektlarining mablag‘larini jalb etish hisobiga shakllantiriladigan Markazni rivojlantirish jamg‘armasini tuzish to‘g‘risidagi taklifiga rozilik berilsin.
O‘zbekiston Respublikasi Oliy va o‘rta maxsus ta’lim vazirligi bir oy muddatda Markazni rivojlantirish jamg‘armasi to‘g‘risidagi nizomni belgilangan tartibda tasdiqlasin.
Oldingi tahrirga qarang.
7. O‘zbekiston Respublikasi Oliy va o‘rta maxsus ta’lim vazirligi Islom Karimov nomidagi Toshkent davlat texnika universiteti (keyingi o‘rinlarda — TDTU) bilan birgalikda ikki oy muddatda belgilangan tartibda:
(7-bandning birinchi xatboshisi O‘zbekiston Respublikasi Prezidentining 2017-yil 5-iyundagi PF-5069-sonli Farmoni tahririda — O‘R QHT, 2017-y., 23-son, 447-modda)
Markazga ilmiy kadrlarni tanlab olish bo‘yicha konkurs o‘tkazish tartibi to‘g‘risidagi nizomni ishlab chiqib, tasdiqlasin va uning asosida Markazni rahbar, ilmiy va pedagog xodimlar bilan to‘ldirish uchun chet tillarni biladigan yosh va istiqbolli ilmiy kadrlarni tanlab olish bo‘yicha konkurs o‘tkazilishini ta’minlasin.
Markazning Toshkent shahar, Universitet ko‘chasi, 2 (“B” bloki) manzilida joylashgan (keyingi o‘rinlarda — Markaz binosi) TDTU binosida ijara haqi olinmasdan joylashtirilishini;
2016-yilning 1-oktabriga qadar O‘zbekiston Respublikasi Oliy va o‘rta maxsus ta’lim vazirligining Oliy ta’lim muassasalarini rivojlantirish jamg‘armasi mablag‘lari hisobidan Markaz binosining 2-qavati ofis xonalari joylashtirilgan holda mukammal ta’mirlanishini, shuningdek ularning zarur mebel, kompyuterlar, tashkiliy texnika va inventarlar bilan jihozlanishini;
Markazning chet ellik xodimlarini ular Markazda ishlab turgan davrda TDTUning profilaktoriysida istiqomat joylari bilan ta’minlasin.
Oldingi tahrirga qarang.
9. O‘zbekiston Respublikasi Iqtisodiyot va moliya vazirligi 2016-yilda va keyingi yillarda Markaz binosini rekonstruksiya qilish, unga tutash yangi laboratoriya korpusi qurish, shuningdek ularni zarur mebel, tashkiliy texnika va inventarlar bilan jihozlash uchun O‘zbekiston Respublikasi Investitsiya dasturining kapital mablag‘lari limitlari doirasida mablag‘ ajratsin.
(9-band O‘zbekiston Respublikasi Prezidentining 2023-yil 3-iyuldagi PF-107-sonli Farmoni tahririda — Qonunchilik ma’lumotlari milliy bazasi, 04.07.2023-y., 06/23/107/0441-son)
Oldingi tahrirga qarang.
10. O‘zbekiston Respublikasi Investitsiyalar bo‘yicha davlat qo‘mitasi belgilangan tartibda Markazning moddiy-texnika bazasini mustahkamlash, shu jumladan uni zarur ilmiy-laboratoriya uskunalari va priborlar bilan jihozlash uchun Yaponiya xalqaro hamkorlik agentligi (JICA) grantlarini jalb etish choralarini ko‘rsin.
(10-band O‘zbekiston Respublikasi Prezidentining 2017-yil 17-avgustdagi PF-5158-sonli Farmoni tahririda)
Oldingi tahrirga qarang.
(11-bandning birinchi xatboshisi O‘zbekiston Respublikasi Prezidentining 2023-yil 3-iyuldagi PF-107-sonli Farmoni tahririda — Qonunchilik ma’lumotlari milliy bazasi, 04.07.2023-y., 06/23/107/0441-son)
2016-yilda va 2017-yildan boshlab, O‘zbekiston Respublikasi Davlat budjetining xarajatlar parametrida Markazni ta’minlash va uning zimmasiga yuklangan vazifalarni bajarish bilan bog‘liq xarajatlarga “Fan” tarmog‘i bo‘yicha ajratiladigan mablag‘lar doirasida zarur budjet mablag‘lari ajratilishini nazarda tutsin;
2 ta avtotransport vositasining, shu jumladan bitta shaxsiy xizmat ko‘rsatadigan va bitta maxsus avtotransportning ta’minotiga limit ajratsin.
Oldingi tahrirga qarang.
(12-bandning birinchi xatboshisi O‘zbekiston Respublikasi Prezidentining 2022-yil 15-yanvardagi PF-52-sonli Farmoni tahririda — Qonunchilik ma’lumotlari milliy bazasi, 15.01.2022-y., 06/22/52/0029-son)
Markaz barcha soliqlarni, shuningdek davlat maqsadli jamg‘armalariga majburiy ajratmalarni to‘lashdan;
Markazning chet ellik xodimlari Markazdagi faoliyat doirasida olingan daromadlar bo‘yicha jismoniy shaxslarning daromadlaridan olinadigan soliq to‘lashdan;
Markaz — O‘zbekiston Respublikasining norezidentlariga ko‘rsatiladigan xizmatlar bo‘yicha qo‘shilgan qiymat solig‘i to‘lashdan;
O‘zbekiston Respublikasi Vazirlar Mahkamasi tomonidan tasdiqlanadigan ro‘yxat bo‘yicha Markaz faoliyati uchun olib kiriladigan ilmiy-laboratoriya uskunalari, eksperimental tadqiqotlarda foydalaniladigan kimyoviy reagentlar va sarflanadigan materiallar, mahsulotning yangi turlarini ishlab chiqarish uchun butlovchi buyumlar, adabiyotlar, priborlar, kompyuterlar va tashkiliy texnika, multimedia mahsulotlari, avtotransport vositalari bojxona to‘lovlari to‘lashdan (bojxona rasmiylashtiruvi yig‘imlaridan tashqari) ozod qilinsin.
Oldingi tahrirga qarang.
13. O‘zbekiston Respublikasi Tashqi ishlar vazirligi Oliy ta’lim, fan va innovatsiyalar vazirligining buyurtmanomalariga binoan Markazning chet ellik xodimlariga konsullik va boshqa yig‘imlarni undirmagan holda kirish vizalarini belgilangan tartibda rasmiylashtirishni ta’minlasin.
(13-band O‘zbekiston Respublikasi Prezidentining 2023-yil 3-iyuldagi PF-107-sonli Farmoni tahririda — Qonunchilik ma’lumotlari milliy bazasi, 04.07.2023-y., 06/23/107/0441-son)
Oldingi tahrirga qarang.
14. O‘zbekiston Respublikasi Ichki ishlar vazirligi Oliy ta’lim, fan va innovatsiyalar vazirligining buyurtmanomalariga binoan Markazning chet ellik xodimlariga belgilangan tartibda konsullik va boshqa yig‘imlar undirmasdan ko‘p martalik vizalar berilishini va ularning muddati uzaytirilishini, shuningdek ularning O‘zbekiston Respublikasida vaqtincha turgan joyi bo‘yicha ro‘yxatga olinishini va uning muddati uzaytirilishini ta’minlasin.
(14-band O‘zbekiston Respublikasi Prezidentining 2023-yil 3-iyuldagi PF-107-sonli Farmoni tahririda — Qonunchilik ma’lumotlari milliy bazasi, 04.07.2023-y., 06/23/107/0441-son)
Oldingi tahrirga qarang.
15. O‘zbekiston Respublikasi Kambag‘allikni qisqartirish va bandlik vazirligi Oliy ta’lim, fan va innovatsiyalar vazirligining talabnomalariga binoan Markazning chet ellik xodimlarini jamlash uchun belgilangan tartibda xorijiy ishchi kuchini jalb etishga ruxsatnomalar berishni (uzaytirishni), shuningdek mazkur shaxslarga O‘zbekiston Respublikasi hududida mehnat faoliyati bilan shug‘ullanish huquqiga tasdiqnoma berishni (uzaytirishni) ta’minlasin.
(15-band O‘zbekiston Respublikasi Prezidentining 2023-yil 3-iyuldagi PF-107-sonli Farmoni tahririda — Qonunchilik ma’lumotlari milliy bazasi, 04.07.2023-y., 06/23/107/0441-son)
Oldingi tahrirga qarang.
(16-band O‘zbekiston Respublikasi Prezidentining 2023-yil 3-iyuldagi PF-107-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 04.07.2023-y., 06/23/107/0441-son)
17. Mazkur qarorning ijrosini nazorat qilish O‘zbekiston Respublikasi Bosh vazirining birinchi o‘rinbosari R. Azimov va O‘zbekiston Respublikasi Bosh vazirining o‘rinbosari A. Aripov zimmasiga yuklansin.