Surxondaryo viloyatini ijtimoiy-iqtisodiy jihatdan yanada rivojlantirish, zamonaviy, yuqori samarali axborot-kommunikatsiya texnologiyalaridan foydalangan holda axborotlar olishning manbai, shakl va usullarini tanlash imkoniyatini taʼminlash tamoyili asosida aholining, ayniqsa yoshlarning intellektual, bilim olish, maʼnaviy-axloqiy va madaniy ehtiyojlarini har tomonlama qondirish uchun qulay shart-sharoitlar hamda keng axborot-resurs bazasini yaratish maqsadida Vazirlar Mahkamasi qaror qiladi:

1. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi va Surxondaryo viloyati hokimligining Termiz shahrida “Adib Sobir Termiziy” nomidagi Surxondaryo viloyat axborot-kutubxona markazining (keyingi oʻrinlarda Markaz deb ataladi) yangi binosini qurish haqidagi taklifi maʼqullansin.

8. Vazirlar Mahkamasining 2015-yil 6-noyabrdagi 322-son qarori (Oʻzbekiston Respublikasi QT, 2015-y., 45-son, 576-modda) bilan tasdiqlangan Termiz davlat universiteti huzuridagi “Amudaryo” sport-sogʻlomlashtirish markazi obyektlarini loyihalashtirish va qurish ishlari (shu jumladan qurilish tashkilotlari, moliyalashtirish manbalari va qurilish muddatlari) bilan bogʻliq chora-tadbirlar rejasining 10-bandi oʻz kuchini yoʻqotgan deb hisoblansin.

9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.I. Zakirov zimmasiga yuklansin.