LexUZ sharhi
Mazkur Farmon O‘zbekiston Respublikasi Prezidentining 1993-yil 13-sentabrdagi PF-648-sonli “1993-yilning 1-sentabridan mehnat haqi, pensiyalar va stipendiyalarning miqdorini oshirish to‘g‘risida”gi Farmonining qabul qilinishi sababli o‘z ahamiyatini yo‘qotgan.
LexUZ sharhi
Mazkur Farmon O‘zbekiston Respublikasi Prezidentining 2021-yil 30-apreldagi PF-6218-sonli “Milliy qonunchilik bazasini kompleks tizimlashtirish chora-tadbirlari to‘g‘risida”gi Farmoniga asosan o‘z kuchini yo‘qotgan.
Respublika aholisining ijtimoiy muhofazasini yanada kuchaytirish maqsadida:
ish haqining eng oz miqdori oyiga 11.250 so‘m qilib belgilanib, ish haqi o‘rtacha 1,5 baravar oshirilsin;
mehnat pensiyasining eng oz miqdori oyiga 12.185 so‘m qilib belgilansin, hozirgi vaqtda amalda bo‘lgan barcha turdagi pensiyalarning miqdorlari 1,5 baravar oshirilsin.
2. Oliy o‘quv yurtlari talabalarining, texnikumlar va hunar-texnika bilim yurtlari o‘quvchilarining stipendiyalari 1,5 baravar ko‘paytirilsin. Talabalarning oshxonalari va bufetlarida tushlik ovqatlarning qiymatidan 50 foizli chegirmalar saqlab qolinsin.
3. O‘zbekiston Respublikasining Moliya vazirligi ish haqini, pensiyalar va stipendiyalarni oshirishga mazkur Farmonda ko‘zda tutilgan sarf-xarajatlarni pul bilan ta’minlash manbalarini aniqlab, ish haqini oshirish bilan bog‘liq qo‘shimcha xarajatlarning 25 foizi budjet muassasalari va tashkilotlarining smetalar bo‘yicha umumiy xarajatlarini qisqartirish hisobidan ta’minlanishini nazarda tutsin.
4. Mulkchilik shakllaridan qat’i nazar, xo‘jalik hisobidagi korxonalar va tashkilotlarga o‘zlarining daromad manbalari hisobidan ish haqining yangi eng oz miqdorlarini joriy etish va mehnat haqini oshirish, daromad manbalari vaqtincha yetishmay qolgan taqdirda esa bank muassasalari aniq maqsadni ko‘zlab beradigan imtiyozli kreditlar hisobidan oshirish tavsiya qilinsin.
O‘zbekiston Respublikasining Markaziy banki, tijorat banklari Pensiya jamg‘armasini, korxonalar, tashkilotlar va muassasalarni yillik uch foizdan oshmaydigan to‘lov sharti bilan zarur maqsadli kredit mablag‘lar bilan ta’minlasinlar.
5. Budjetdan pul bilan ta’minlanadigan vazirliklar va idoralar, Qoraqalpog‘iston Respublikasining Vazirlar Kengashi, viloyatlar hamda Toshkent shahar hokimlari, tashkilotlar va muassasalar ushbu Farmonda belgilangan eng oz ish haqi miqdoriga asoslanib, mehnatga haq to‘lash bo‘yicha yagona tarif setkasi razryadlariga muvofiq xodimlarning mansab okladlari o‘z vaqtida qaytadan hisoblab chiqilishi va to‘lanishini ta’minlasinlar.
6. O‘zbekiston Respublikasining Ijtimoiy ta’minot vazirligi mazkur Farmonga muvofiq pensiyalarning miqdorlarini qaytadan hisoblab chiqsin.
7. O‘zbekiston Respublikasining Markaziy banki respublika korxonalariga, tashkilotlari va muassasalariga ish haqi o‘z vaqtida to‘lanishini ta’minlovchi choralarni ko‘rsin.