LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “Kommunal xizmatni boshqarish tizimini yanada isloh qilish to‘g‘risida” 2000-yil 19-dekabrdagi PF-2791-son Farmoniga hamda O‘zbekiston Respublikasi Vazirlar Mahkamasining “Kommunal xizmat ko‘rsatish tizimi faoliyatini tashkil etishni takomillashtirish to‘g‘risida” 2000-yil 21-dekabrdagi 493-son qaroriga muvofiq Vazirlar Mahkamasi qaror qiladi:
Keyingi tahrirga qarang.
Keyingi tahrirga qarang.
Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining hududiy kommunal-foydalanish birlashmasi to‘g‘risidagi Namunaviy nizom 2-ilovaga muvofiq tasdiqlansin.
2. Belgilab qo‘yilsinki, “O‘zkommunxizmat” agentligi o‘z vakolati doirasida O‘zbekiston Respublikasi Kommunal xizmat ko‘rsatish vazirligining huquqiy vorisi hisoblanadi.
4. O‘zbekiston Respublikasi Vazirlar Mahkamasining 4-ilovaga muvofiq qarorlari o‘z kuchini yo‘qotgan deb hisoblansin.
5. Mazkur qarorning bajarilishini nazorat qilish O‘zbekiston Respublikasining Bosh vaziri Kotibiyatiga yuklansin.
1. Keyingi o‘rinlarda Agentlik deb yuritiladigan “O‘zkommunxizmat” agentligi o‘z faoliyatida O‘zbekiston Respublikasi Vazirlar Mahkamasiga bo‘ysunadi.
2. Agentlik o‘z faoliyatida O‘zbekiston Respublikasining Konstitutsiyasiga, O‘zbekiston Respublikasi qonunlariga, O‘zbekiston Respublikasi Prezidentining farmonlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga hamda mazkur Nizomga amal qiladi.
3. Agentlik kommunal xizmat ko‘rsatishni isloh qilish, bozor iqtisodiyoti sharoitlarida kommunal xizmat ko‘rsatishni samarali boshqarish bo‘yicha tajriba o‘rganish va ayirboshlash masalalari yuzasidan xalqaro tashkilotlarda O‘zbekiston Respublikasining manfaatlarini ifodalashga vakil qilingan organ hisoblanadi.
4. Agentlik yuridik shaxs hisoblanadi, O‘zbekiston Respublikasining Davlat gerbi tasviri tushirilgan, o‘z nomi davlat tilida yozilgan muhrga va bank hisob raqamlariga egadir.
tabiiy va suyultirilgan gaz bilan uzluksiz ta’minlash, mintaqalararo suv quvurlarining barqaror va ishonchli ishlashini ta’minlash;
mintaqalararo suv quvurlarini, kommunal gaz sotish tarmoqlarini rivojlantirish va ulardan foydalanish sohasida yagona texnika siyosatini shakllantirish va o‘tkazish, ular qurilishi bo‘yicha buyurtmachi funksiyasini bajarish;
kommunal xizmat ko‘rsatish tizimini isloh qilish ishlarini muvofiqlashtirish, kommunal xizmat ko‘rsatish sohasida normativ-huquqiy hujjatlarni, texnik-iqtisodiy shartlarni belgilangan tartibda ishlab chiqish va tasdiqlash;
davlat boshqaruvi mahalliy organlari, xo‘jalik yurituvchi subyektlar va fuqarolar tomonidan kommunal xizmat ko‘rsatish sohasidagi amaldagi qonun hujjatlariga, belgilangan texnik shartlar va talablarga rioya qilinishini nazorat qilish;
maishiy chiqitlarni to‘plash, foydali suratda ishlatish va qayta ishlash masalalari bo‘yicha yagona siyosatni shakllantirish va uning holatini o‘rganish;
tarmoqqa xorijiy investitsiyalar va texnologiyalarni jalb etish, shu jumladan qo‘shma korxonalar tashkil etish hisobiga jalb etish.
kompleks texnik-iqtisodiy tahlil asosida kommunal gaz sotish xo‘jaligidagi ishlarning ahvolini va mintaqaviy suv quvurlari ishini tahlil qiladi, ularni rivojlantirish tendensiyalarini o‘rganadi va qonuniyatlarini umumlashtiradi, ushbu sohada yagona texnika siyosatini shakllantiradi va amalga oshiradi;
Moliya vazirligi bilan birgalikda aholini tabiiy va suyultirilgan gaz bilan ta’minlashga doir tarif siyosatini shakllantirishda qatnashadi;
normativ-huquqiy hujjatlar loyihalarini belgilangan tartibda ishlab chiqadi va tasdiqlash uchun O‘zbekiston Respublikasi Hukumatiga kiritadi, uy-joy-kommunal munosabatlar bo‘yicha kompleks davlat dasturlari, qonunlar va boshqa normativ-huquqiy hujjatlar loyihalarini ishlab chiqishda qatnashadi;
mablag‘ bilan ta’minlash manbalaridan qat’i nazar belgilangan tartibda olib keluvchi va posyolkalararo gaz tarmoqlari qurilishi, shuningdek Hukumatning topshirig‘i bo‘yicha kommunal maqsaddagi boshqa obyektlar qurilishi bo‘yicha buyurtmachi funksiyasini bajaradi;
kommunal maqsadlardagi ilg‘or texnologiyalar, asbob-uskunalar, priborlar, mashina va mexanizmlar joriy etilishi yuzasidan takliflar tayyorlaydi, ularni ishlab chiqish va jihozlash ishlarini tashkil etadi, O‘zbekiston Respublikasi kommunal xo‘jaligi ehtiyojlari uchun yangi mashinalar, asbob-uskunalar va priborlar yaratish bo‘yicha buyurtmachi bo‘ladi;
bevosita Agentlik boshqaruviga kiruvchi kommunal xizmat ko‘rsatish korxonalari va tashkilotlarini xususiylashtirish masalalari yuzasidan takliflar tayyorlaydi va ularni hal etishda qatnashadi, kommunal xizmatlar ko‘rsatish, injiniring, konsalting, auditorlik sohasida va uy-joy-kommunal tarmoqning boshqa tashkilotlarida raqobat muhiti yaratilishiga ko‘maklashadi;
kommunal xo‘jalik hamda mashinalar, priborlar, asbob-uskunalar ishlab chiqarish masalalari bo‘yicha xorijiy mamlakatlar va xalqaro tashkilotlar bilan ilmiy - texnik va iqtisodiy hamkorlik qiladi, xorijiy firmalar hamda boshqa korxonalar va tashkilotlar bilan to‘g‘ridan to‘g‘ri aloqalar o‘rnatilishida mahalliy korxonalar va tashkilotlarga ko‘maklashadi;
tarmoqqa xorijiy investitsiyalar va texnologiyalarni jalb qilish, shu jumladan qo‘shma korxonalar tashkil etish, Hukumat kafolati ostidagi kreditlar hisobiga xorijiy investitsiyalar va texnologiyalarni jalb qilish ishini ta’minlaydi va muvofiqlashtiradi;
mintaqalararo suv quvurlarini, gaz sotish tashkilotlarini va shartnoma asosida boshqa korxonalar va tashkilotlarni eng muhim moddiy-texnika resurslari bilan ta’minlaydi;
Oldingi tahrirga qarang.
Iqtisodiyot vazirligi hamda “O‘zbekneftgaz” milliy xolding kompaniyasi bilan birgalikda tasdiqlangan normativlar bo‘yicha ulgurji va turli iste’molchilar (aholi)ning tabiiy va suyultirilgan gazni iste’mol qilish balansini tuzishda qatnashadi;
(6-bandning o‘n birinchi xatboshi O‘zbekiston Respublikasi Vazirlar Mahkamasining 2003-yil 28-fevraldagi 112-sonli qarori tahririda — O‘R QHT, 2003-y., 4-son, 42-modda)
Oldingi tahrirga qarang.
Daromad (foyda) solig‘ini hisoblab chiqarish va to‘lash bo‘yicha Davlat budjeti bilan o‘zaro hisob-kitoblarni markazlashtirilgan tartibda amalga oshiradi;
(6-bandning o‘n ikkinchi xatboshi O‘zbekiston Respublikasi Vazirlar Mahkamasining 2003-yil 2-oktabrdagi 421-sonli qarori tahririda — O‘R QHT, 2003-y., 19-son, 179-modda)
ushbu sektor korxonalari faoliyatini muntazam ravishda monitoring qilish, rivojlanish tendensiyalarini va ilg‘or tajribani o‘rganish yo‘li bilan maishiy chiqitlarni to‘plash, ularni foydali suratda ishlatish va qayta ishlash masalalari bo‘yicha yagona texnika siyosatini amalga oshiradi, uning joriy etilishiga ko‘maklashadi;
o‘z vakolatlari doirasida kommunal xizmat ko‘rsatish korxonalari uchun mutaxassislar, shu jumladan shartnoma asosida o‘qitilishi, tayyorlanishi va qayta tayyorlanishini hamda kadrlar malakasini oshirishni tashkil etadi;
texnika siyosatini o‘tkazadi, mehnatni muhofaza qilish bo‘yicha normativ-huquqiy hujjatlarni ishlab chiqadi hamda Agentlik tarkibiga kiruvchi bo‘linmalarda mehnatni muhofaza qilish xizmatlariga metodik rahbarlik qiladi, o‘limga olib kelgan guruhli baxtsiz hodisalarni tekshirishda qatnashadi, mehnatni muhofaza qilish sohasida ilg‘or tajribani o‘rganadi va umumlashtiradi.
gaz ta’minoti, suv ta’minoti, kanalizatsiya, issiqlik ta’minoti, sanitariya bilan bog‘liq tozalash, irrigatsiya va hududlar, aholi punktlari drenaji tizimining konsepsiyasini, istiqbolli dasturlarini va rivojlantirish sxemalarini ishlab chiqadi, ular amalga oshirilishini monitoring qiladi;
manfaatdor respublika boshqaruv organlari va joylardagi hokimiyat organlari bilan o‘zaro hamkorlikda uy-joy-kommunal xizmatlarning tarif siyosatini, iste’mol normalarini ishlab chiqish va takomillashtirish yuzasidan metodolik ish olib boradi;
mintaqalararo suv quvurlari obyektlari va kommunal gaz sotish tarmog‘i bo‘yicha ilmiy-tadqiqot va loyiha-qidiruv ishlarini amalga oshirish strategiyasini shakllantiradi va ularning bajarilishini ta’minlaydi;
O‘zbekiston Respublikasi qonun hujjatlariga muvofiq Agentlikka yuklangan boshqa funksiyalarni bajaradi.
o‘z vakolatlari doirasida barcha vazirliklar, idoralar, xo‘jalik birlashmalari, korxonalar, muassasalar, tashkilotlar, shuningdek yuridik va jismoniy shaxslar, shu jumladan O‘zbekiston Respublikasi hududidagi xorijiy yuridik va jismoniy shaxslar, ularning idoraviy bo‘ysunishi va mulkchilik shakllaridan qat’i nazar, bajarishi majburiy bo‘lgan kommunal xizmat sohasidagi normativ-huquqiy hujjatlarni belgilangan tartibda ishlab chiqish va tasdiqlash;
zarur hollarda respublika vazirliklari va idoralari bilan birgalikda belgilangan tartibda qarorlar qabul qilish va kommunal xizmat ko‘rsatish masalalari bo‘yicha qo‘shma normativ-huquqiy hujjatlar chiqarish;
kommunal sohasidagi eng muhim muammolarni ishlab chiqish va ko‘rib chiqish bo‘yicha idoralararo komissiyalar va kengashlar tashkil etish. Materiallarni ishlab chiqishga ilmiy-tadqiqot, texnologiya, loyiha-konstruktorlik tashkilotlarini, oliy o‘quv yurtlari va boshqa muassasalarning xodimlarini, shuningdek alohida olimlar va mutaxassislarni belgilangan tartibda jalb etish;
statistika organlaridan, “O‘zgeodezkadastr” bosh boshqarmasidan o‘z faoliyati uchun zarur bo‘lgan statistika axborotini va boshqa axborotlarni belgilangan tartibda olish;
korxonalar, tashkilotlarning hamda Agentlik tarkibiga kiruvchi boshqa tuzilmalarning statistika, buxgalteriya hisobotlari va boshqa hisobotlarini olish va ko‘rib chiqish;
Agentlik huzurida belgilangan tartibda xo‘jalik hisobidagi korxonalar hamda amaldagi qonun hujjatlariga zid bo‘lmagan boshqa tuzilmalar tashkil etish;
amaldagi tartibga muvofiq davlat boshqaruvi mahalliy organlari, xo‘jalik yurituvchi subyektlar va fuqarolar tomonidan kommunal xizmat ko‘rsatish sohasidagi amaldagi qonun hujjatlariga, belgilangan texnik shartlar va talablarga rioya qilinishi ustidan nazorat qilish.
8. Agentlik o‘ziga yuklangan vazifalar va qabul qilingan qarorlar bajarilishi uchun O‘zbekiston Respublikasi qonun hujjatlariga muvofiq o‘z vakolatlari doirasida javob beradi.
9. Agentlikka O‘zbekiston Respublikasi Vazirlar Mahkamasi tomonidan lavozimga tayinlanadigan va lavozimdan ozod qilinadigan bosh direktor boshchilik qiladi.
Oldingi tahrirga qarang.
10. Agentlik bosh direktorining O‘zbekiston Respublikasi Vazirlar Mahkamasi tomonidan tayinlanadigan birinchi o‘rinbosari bo‘ladi. “Mintaqalararo suv quvurlaridan foydalanish va ularni rivojlantirish bosh direksiyasi direktori maqomiga ko‘ra “O‘zkommunxizmat” agentligi bosh direktorining o‘rinbosari hisoblanadi.
(10-bandning birinchi xatboshi O‘zbekiston Respublikasi Vazirlar Mahkamasining 2003-yil 2-oktabrdagi 421-sonli qarori tahririda — O‘R QHT, 2003-y., 19-son, 179-modda)
11. Bosh direktor Agentlik zimmasiga yuklangan vazifalar va majburiyatlar bajarilishi uchun shaxsan javob beradi, Agentlik faoliyati ayrim yo‘nalishlariga rahbarlik qilish uchun o‘rinbosarlar, tarkibiy bo‘linmalar rahbarlarining javobgarligi darajasini belgilaydi.
o‘z vakolatlari doirasida O‘zbekiston Respublikasi qonun hujjatlariga muvofiq Agentlik xodimlari, shuningdek Agentlik tarkibiga kiruvchi korxonalar va tashkilotlar tomonidan bajarilishi majburiy bo‘lgan buyruqlar chiqaradi va ko‘rsatmalar beradi;
Agentlik tizimidagi alohida o‘rnak ko‘rsatgan xodimlarni O‘zbekiston Respublikasi qonun hujjatlarida belgilangan tartibda O‘zbekiston Respublikasi davlat mukofotlari bilan taqdirlashga taqdim etadi;
tarmoq xodimlarini ko‘krak nishonlari, Faxriy yorliqlar bilan mukofotlaydi va rag‘batlantirishning boshqa turlarini qo‘llaydi;
Agentlik bo‘ysunishida bo‘lgan davlat korxonalari, muassasalar va tashkilotlarning ustavlarini (nizomlarini) belgilangan tartibda tasdiqlaydi;
Agentlik boshqaruvi apparatiga sarflanadigan sarf-xarajatlar smetasini, uning xodimlari shtat jadvalini hamda boshqaruv apparati tarkibiy bo‘linmalari to‘g‘risidagi nizomlarni belgilangan tartibda tasdiqlaydi, mehnatga haq to‘lash miqdorini va rag‘batlantirish tizimini belgilaydi;
tasdiqlangan nomenklaturaga muvofiq Agentlik boshqaruv apparati xodimlarini, Agentlik tarkibiga kiruvchi davlat korxonalari va tashkilotlari rahbarlarini lavozimga tayinlaydi va lavozimdan ozod qiladi;
Agentlik xodimlarini xizmat safarlariga, shu jumladan O‘zbekiston Respublikasi tashqarisiga xizmat safarlariga yuboradi;
o‘z vakolatlari doirasida Agentlik xodimlarining ijtimoiy himoya qilinishini ta’minlash masalalarini hal etadi.
13. Agentlikda tarkibiga bosh direktor (hay’at raisi) va bosh direktor o‘rinbosarlari, shuningdek Agentlik va uning tarkibiy bo‘linmalarining boshqa rahbar xodimlari kirgan besh kishidan iborat hay’at tashkil etiladi.
Agentlik hay’atining shaxsiy tarkibi O‘zbekiston Respublikasi Vazirlar Mahkamasi tomonidan tasdiqlanadi.
14. Agentlik hay’ati o‘z majlislarida aholini tabiiy va suyultirilgan gaz bilan uzluksiz ta’minlash, mintaqalararo suv quvurlarining barqaror va ishonchli ishlashi, mintaqalararo suv quvurlari, kommunal gaz sotish tarmog‘idan foydalanish va ularni rivojlantirish sohasida yagona texnik siyosatni shakllantirish va amalga oshirish, kommunal xizmat ko‘rsatishni isloh qilish ishlarini muvofiqlashtirishning asosiy masalalarini, davlat boshqaruvi mahalliy organlari, xo‘jalik yurituvchi subyektlar va fuqarolar tomonidan kommunal xizmat ko‘rsatish sohasidagi amaldagi qonun hujjatlariga, belgilangan texnik shartlar va talablarga rioya qilinishini tekshirish natijalarini ko‘rib chiqadi.
Hay’at qarorlari, qoidaga ko‘ra, Agentlik bosh direktorining buyruqlari bilan hayotga joriy etiladi. Bosh direktor (rais) va hay’at o‘rtasida kelishmovchiliklar paydo bo‘lgan taqdirda rais paydo bo‘lgan kelishmovchiliklar to‘g‘risida O‘zbekiston Respublikasi Vazirlar Mahkamasiga axborot bergan holda o‘z qarorini amalga oshiradi, hay’at a’zolari o‘z navbatida o‘z fikrlarini O‘zbekiston Respublikasi Vazirlar Mahkamasiga ma’lum qilishlari mumkin.
15. Agentlik huzurida kommunal xizmat ko‘rsatish va tarmoqning ilmiy-texnik taraqqiyoti muammolarini ko‘rib chiqish va maqbul hal etish yo‘llarini izlash uchun ilmiy-texnik kengash tashkil etiladi. Kengashning shaxsiy tarkibi va u to‘g‘risidagi Nizom Agentlik bosh direktori tomonidan tasdiqlanadi, ilmiy-texnik kengashda ishlash uchun vazirliklar, idoralar xo‘jalik birlashmalari va boshqa tashkilotlarning mutaxassislari (kelishuv bo‘yicha) jalb etilishi mumkin.
16. Agentlik markaziy apparatining tuzilmasi va xodimlari soni O‘zbekiston Respublikasi Vazirlar Mahkamasi tomonidan tasdiqlanadi. Agentlik bosh direktori markaziy apparatning tasdiqlangan tuzilmasiga xodimlarning belgilangan soni doirasida o‘zgartirishlar kiritishga, xodimlarning umumiy sonidan tashqari xizmat ko‘rsatuvchi va axborot xizmatlari tashkil etishga haqlidir.
Keyingi tahrirga qarang.
1. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining hududiy kommunal-foydalanish birlashmasi (matnning keyingi o‘rinlarida “birlashma” deb ataladi) O‘zbekiston Respublikasi Vazirlar Mahkamasining 2000-yil 21-dekabrdagi 493-son qaroriga muvofiq faoliyat ko‘rsatadi.
2. Birlashma hokimlik tomonidan shaharlar va tumanlarning kommunal-foydalanish boshqarmalari, issiqlik, suv ta’minoti, kanalizatsiya hududiy korxonalari va tashkilotlari hamda kommunal maqsadlardagi boshqa xizmatlar faoliyatini muvofiqlashtirishga, aholiga uy-joy-kommunal xizmatlarning butun kompleksini ko‘rsatishga, ularni ichimlik suv, markaziy isitish, kanalizatsiya bilan ta’minlashga vakil qilingan organ hisoblanadi.
3. Birlashma o‘z faoliyatida O‘zbekiston Respublikasi Konstitutsiyasiga, O‘zbekiston Respublikasi qonunlariga, O‘zbekiston Respublikasi Prezidentining farmonlari va farmoyishlariga, O‘zbekiston Respublikasi Vazirlar Mahkamasining, hokimlikning qarorlari va farmoyishlariga, shuningdek ushbu Nizomga amal qiladi.
4. Birlashma yuridik shaxs hisoblanadi, O‘zbekiston Respublikasi Davlat gerbi tasviri tushirilgan, o‘z nomi davlat tilida yozilgan muhrga va banklarda hisob raqamlariga ega bo‘ladi.
aholiga uy-joy-kommunal xizmatlar butun kompleksini ko‘rsatish, ularni ichimlik suv, markaziy isitish, kanalizatsiya bilan ta’minlash;
uy-joy egalari shirkatlarini hamda Yagona buyurtmachi xizmatlarini, uy-joy fondiga xizmat ko‘rsatish va kommunal xizmatlar ko‘rsatish bo‘yicha muqobil pudrat tashkilotlarini shakllantirish uchun zarur tashkiliy-iqtisodiy sharoitlar yaratish;
mahalliy budjet va o‘z mablag‘lari hisobiga kommunal obyektlar qurish bo‘yicha buyurtmachi funksiyalarini amalga oshirish;
shaharlar va aholi punktlarini obodonlashtirish va sanitariya jihatidan tozalash ishlarini tashkil etish;
viloyat hududida uy-joy fondidan foydalanish va ularning saqlanishini ta’minlash, kommunal xizmat ko‘rsatishni rivojlantirish sohasida texnika siyosatini shakllantirish va o‘tkazish;
kommunal xo‘jaligini rivojlantirish konsepsiyalari, istiqbol dasturlari va sxemalarini, tarmoqda ilmiy-texnika siyosatini ishlab chiqish va amalga oshirishda qatnashish, kommunal obyektlar va uy-joy fondini loyihalash, qurish va ulardan foydalanish masalalarida ilg‘or tajribani o‘rganish va yoyish;
kompleks texnik-iqtisodiy tahlil asosida tasarrufidagi korxonalar va tashkilotlarning ishlab chiqarish-texnika va moliya-iqtisodiy faoliyatini tashkil etish;
hududlarga xizmat ko‘rsatish korxonalarini iqtisodiy rivojlantirish prognozlari va kompleks dasturlari loyihalarini ishlab chiqish;
kommunal xizmat ko‘rsatish korxonalarini kuz-qish davrida ishlashga tayyorlash tadbirlarini ishlab chiqish va amalga oshirish, ko‘p kvartirali uy-joylarni to‘liq ta’mirlash ishlarini belgilangan tartibda tashkil etish;
mahalliy budjet, o‘z mablag‘lari, bank kreditlari va boshqa manbalar hisobiga kommunal maqsadlardagi obyektlarni loyihalash va qurish bo‘yicha aniq ro‘yxatlarni tayyorlash va tasdiqlash, buyurtmachi funksiyalarini va ularning qurilishi ustidan nazoratni amalga oshirish;
uy-joy egalariga, shaharlar va tumanlar hokimliklariga uy-joy egalari shirkatlari hamda Yagona buyurtmachi xizmatlari, uy-joy fondiga xizmat ko‘rsatish va kommunal xizmatlar ko‘rsatish bo‘yicha muqobil pudrat tashkilotlari tashkil etishda va ularning faoliyat ko‘rsatishida ko‘maklashish va amaliy yordam ko‘rsatish, ularni shartnoma asosida zarur normativ-huquqiy hujjatlar va tavsiyanomalar bilan ta’minlash;
shaharlar va tumanlar kommunal-foydalanish boshqarmalarining, issiqlik, suv ta’minoti va kanalizatsiya korxonalarining atrof muhitni va mehnatni muhofaza qilish bilan bog‘liq chora-tadbirlarni amalga oshirish, sifatli kommunal xizmatlar ko‘rsatish bo‘yicha faoliyatini muvofiqlashtirish, maishiy chiqindilarni to‘plash, foydalaniladigan qilish va qayta ishlash, shaharlar va aholi punktlarining sanitariya holatini yaxshilash bo‘yicha yangi usullar va texnologiyalarni joriy etish ishlarini amalga oshirish;
viloyat hududida kommunal xizmat ko‘rsatishning texnik darajasini oshirish uchun xorijiy investitsiyalarni jalb etish maqsadida, hokimlik bilan kelishilgan holda tashqi iqtisodiy aloqalarni o‘rnatish va rivojlantirish, xorijiy firmalar, qo‘shma korxonalar va respublika tashkilotlari bilan hamkorlikning yangi shakllarini joriy qilish;
kommunal korxonalar, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining birgalikdagi say’-harakatlarini talab qiluvchi moddiy-texnika ta’minoti masalalarini hal etishda qatnashish;
uy-joy egalari kengashlari jamoat tuzilmalari va fuqarolarning o‘zini o‘zi boshqarish organlari bilan aholining yashash sharoitlarini, kommunal xizmat ko‘rsatishni yaxshilash hamda kommunal va foydalanish xizmatlari uchun to‘lovlarni to‘liq yig‘ish borasida o‘zaro hamkorlik qilish;
birlashma tarkibiga kiruvchi korxonalar va tashkilotlarga bozor munosabatlariga o‘tishda, ularni aksiyadorlik va boshqa tashkiliy-huquqiy shakllarga aylantirishda ko‘maklashish;
fuqarolar murojaatlarining o‘z vaqtida ko‘rib chiqilishini ta’minlash, uy-joy-kommunal xizmat ko‘rsatish korxonalari faoliyatidagi kamchiliklarni bartaraf etish chora-tadbirlarini ko‘rish;
tasarrufidagi hududda aholini toza ichimlik suv va gaz bilan ta’minlash uchun suv quvurlari va gaz tarmoqlarini rivojlantirish bo‘yicha maqsadli davlat dasturlarini amalga oshirish;
suv, gaz, issiqlik va boshqa energiya manbalari sarfini yakka tartibda hisobga olish va tartibga solish priborlarini joriy etish ishlarini amalga oshirish;
O‘zbekiston Respublikasi qonun hujjatlariga muvofiq birlashmaga yuklangan boshqa vakolatlarni amalga oshiradi.
statistika organlari va hokimlikdan o‘z faoliyati uchun zarur bo‘lgan statistik va boshqa ma’lumotlarni belgilangan tartibda olish;
birlashma tarkibiga kiruvchi korxonalar, tashkilotlar va boshqa tuzilmalardan statistika, buxgalteriya hisobotlarini va boshqa hisobotlarni olish va ko‘rib chiqish;
o‘z vakolati doirasida mutaxassislarni o‘qitish, tayyorlash va qayta tayyorlashni hamda kadrlar malakasini oshirishni tashkil etish;
hokimlik bilan kelishilgan holda, belgilangan tartibda xo‘jalik hisobidagi korxonalar va amaldagi qonun hujjatlariga zid bo‘lmagan boshqa tuzilmalar tashkil etish;
mintaqada uy-joy-kommunal xizmat ko‘rsatishni boshqarish tuzilmasini takomillashtirish bo‘yicha takliflar kiritish.
8. Birlashma o‘ziga yuklangan vazifalarning va uning vakolatlari doirasida qabul qilingan qarorlarning bajarilishi uchun O‘zbekiston Respublikasi qonun hujjatlariga muvofiq javob beradi.
9. Birlashma tarkibiga shaharlar, tumanlar, shaharlardagi tumanlar kommunal-foydalanish boshqarmalari, uy-joy-kommunal xizmat ko‘rsatish bo‘yicha Yagona buyurtmachi xizmatlari, viloyat suv quvurlari kanalizatsiya, issiqlik energiyasi xo‘jaliklari, mintaqa hududida joylashgan, yuqorida ko‘rsatib o‘tilgan boshqarmalar tarkibiga kirmaydigan aholiga kommunal-foydalanish xizmati ko‘rsatuvchi korxonalar va tashkilotlar kiradi, “O‘zkommunxizmat” agentligi tarkibiga kiruvchi korxonalar va tashkilotlardan tashqari.
Birlashma tarkibiga kiruvchi korxonalar va tashkilotlar o‘z xo‘jalik mustaqilligini hamda yuridik shaxs huquqini saqlab qoladi.
10. Birlashma Qoraqalpog‘iston Respublikasi Vazirlar Kengashiga, viloyatlar va Toshkent shahar hokimliklariga bo‘ysunadi.
Hududiy kommunal-foydalanish birlashmasini Qoraqalpog‘iston Respublikasi Vazirlar Kengashi, viloyatlar va Toshkent shahar hokimlari tomonidan lavozimga tayinlanadigan va birlashmaga yakka boshchilik asosida rahbarlik qiladigan boshliq boshqaradi.
11.Boshliq birlashmaning butun faoliyatiga rahbarlik qiladi va birlashma ishlarini tashkil etadi, birlashma ishlari natijalari uchun Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari oldida javob beradi.
12. Boshliq ishonchnomasiz birlashma nomidan ish ko‘radi, davlat hokimiyati va boshqaruvi barcha organlarida, korxonalarda, tashkilotlarda uning nomidan vakillik qiladi, birlashma mol-mulkini belgilangan tartibda tasarruf etadi, shartnomalar tuzadi, ishonchnomalar beradi, banklarda hisob raqamlari ochadi, moliya, hisobot hujjatlarini va boshqa hujjatlarni imzolaydi; hokimlik bilan kelishilgan holda tuzilmani va shtatlar jadvalini tasdiqlaydi; birlashma apparati ta’minoti xarajatlari smetasini, uning tarkibiy bo‘linmalari to‘g‘risidagi nizomlarni va lavozim yo‘riqnomalarini tasdiqlaydi.
13. Boshliq o‘z vakolati doirasida birlashma barcha xodimlarining, shuningdek tarkibiy bo‘linmalarining bajarishi majburiy bo‘lgan buyruqlar chiqaradi va ko‘rsatmalar beradi.
14. Birlashma boshlig‘i birlashma xodimlarini belgilangan tartibda lavozimga tayinlaydi va lavozimdan ozod qiladi, tasarrufidagi korxonalar rahbarlarini, tegishli hokimliklarning taqdimnomasiga ko‘ra esa shaharlar (shaharlardagi tumanlar) va tumanlar kommunal-foydalanish boshqarmalari rahbarlarini lavozimga tasdiqlaydi.
15. Kommunal xizmat ko‘rsatishni rivojlantirish va yaxshilash masalalarini ko‘rib chiqish, tarmoq korxonalarining muvofiqlashtirilgan holda ishlashini ta’minlash uchun birlashma huzurida birlashma tarkibiga kiruvchi korxonalar va tashkilotlar rahbarlari kengashi tuziladi. Kengashga mintaqada kommunal xizmatlar ko‘rsatuvchi boshqa korxonalar va tashkilotlar rahbarlari ham kirishlari mumkin. Birlashma rahbari ayni bir vaqtda rahbarlar kengashining raisi hisoblanadi.
16. Birlashmani qayta tashkil etish va tugatish qonun hujjatlarida belgilangan tartibda amalga oshiriladi.
Keyingi tahrirga qarang.
1. O‘zbekiston Respublikasi Vazirlar Mahkamasining “Respublika xalq xo‘jaligini va aholini gaz bilan ta’minlashni tashkil etishni yaxshilash chora-tadbirlari to‘g‘risida” 1993-yil 2-dekabrdagi 587-son qarorining 5, 9, 11-bandlaridagi “O‘zbekiston Respublikasi Kommunal xizmat ko‘rsatish vazirligi”, “Kommunal xizmat ko‘rsatish vazirligi”, “O‘zbekiston Respublikasi Kommunal xizmat ko‘rsatish vazirligi” so‘zlari O‘zbekiston “O‘zkommunxizmat” agentligi, O‘zbekiston “O‘zkommunxizmat” agentligi”, O‘zbekiston “O‘zkommunxizmat” agentligi” so‘zlari bilan almashtirilsin.
2. O‘zbekiston Respublikasi Vazirlar Mahkamasining “Sanoat terakchiligini rivojlantirish va boshqa tez o‘suvchi yog‘ochbop daraxtzorlarni barpo etishga oid chora-tadbirlar to‘g‘risida” 1994-yil 8-fevraldagi 62-son qarorida:
1-banddagi “va O‘zbekiston Respublikasi Kommunal xizmat ko‘rsatish vazirligi” so‘zlari “Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari” so‘zlari bilan almashtirilsin;
1-ilovadagi O‘zbekiston Respublikasi “Kommunal xizmat ko‘rsatish vazirligiga”, “Kommunal xizmat ko‘rsatish vazirligi” so‘zlari tegishli ravishda “Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklariga”, “Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari” so‘zlari bilan almashtirilsin;
“Izoh: 2001—2003-yillarda terak ko‘chatlari o‘stirish bo‘yicha topshiriq quyidagi miqdorda taqsimlansin (mln ta):
3. O‘zbekiston Respublikasi Vazirlar Mahkamasining “Uy-joy fondida va ijtimoiy-madaniy maqsadlardagi obyektlarda suv va gazni hisobga olish asboblarini o‘rnatish va ulardan foydalanish haqidagi Nizomni tasdiqlash to‘g‘risida” 1995-yil 26-maydagi 185-son qarori bilan tasdiqlangan Uy-joy fondida va ijtimoiy-madaniy maqsadlardagi obyektlarda suv va gazni hisobga olish asboblarini o‘rnatish va ulardan foydalanish haqidagi Nizomning II qismi to‘rtinchi xatboshidagi “O‘zbekiston Respublikasi Kommunal xizmat ko‘rsatish vazirligi” so‘zlari “O‘zkommunxizmat” agentligi, hududiy kommunal-foydalanish birlashmalari tarkibiga kiruvchi” so‘zlari bilan almashtirilsin.
Oldingi tahrirga qarang.
(4-band O‘zbekiston Respublikasi Vazirlar Mahkamasining 2002-yil 7-oktabrdagi 346-sonli qaroriga muvofiq o‘z kuchini yo‘qotgan — O‘R QHT, 2002-y., 19-son, 147-modda)
5. O‘zbekiston Respublikasi Vazirlar Mahkamasining “Uy-joy-kommunal xizmatlarning o‘z xarajatlarini o‘zi qoplashiga bosqichma-bosqich o‘tish munosabati bilan normativ hujjatlarni tasdiqlash to‘g‘risida” 1996-yil 30-iyuldagi 271-son qarori bilan tasdiqlangan Aholiga sotiladigan kommunal xizmatlar tariflaridagi farqlarni budjetdan qoplash tartibining 14-bandidagi “Qoraqalpog‘iston Respublikasi Kommunal xizmat-ko‘rsatish vazirligi, viloyatlar va Toshkent shahar hududiy kommunal-foydalanish birlashmalari” so‘zlari “O‘zbekiston Respublikasi Moliya vazirligi va uning hududiy bo‘linmalari” so‘zlari bilan almashtirilsin.
6. O‘zbekiston Respublikasi Vazirlar Mahkamasining “Keng ko‘lamli “Toza suv, sanitariya va aholi salomatligi” loyihasini amalga oshirish chora-tadbirlari to‘g‘risida” 1998-yil 15-oktabrdagi 444-son qarorining 5-bandidagi “Kommunal xizmat ko‘rsatish vazirligi” so‘zlari “O‘zbekiston “O‘zkommunxizmat” agentligi” so‘zlari bilan almashtirilsin.
7. O‘zbekiston Respublikasi Vazirlar Mahkamasining “Aholiga kommunal xizmat ko‘rsatish tizimida iqtisodiy islohotlarni chuqurlashtirish Konsepsiyasini tasdiqlash to‘g‘risida” 1998-yil 3-noyabrdagi 461-son qarorida:
O‘zbekiston Respublikasi aholiga kommunal xizmat ko‘rsatish tizimida iqtisodiy islohotlarni chuqurlashtirish Konsepsiyasining (1-ilova) IV bo‘limi o‘n ikkinchi xatboshidagi, VII bo‘limi sakkizinchi xatboshidagi “O‘zbekiston Respublikasi Kommunal xizmat ko‘rsatish vazirligi huzurida” so‘zlari “O‘zbekiston “O‘zkommunxizmat” agentligi huzurida” so‘zlari bilan almashtirilsin;
“O‘zbekiston Respublikasi aholiga kommunal xizmat ko‘rsatish tizimida iqtisodiy islohotlarni chuqurlashtirish Konsepsiyasini amalga oshirish chora-tadbirlari” nomli 2-ilovaning “Mas’ul ijro etuvchilar” bo‘limidagi “Kommunal xizmat ko‘rsatish vazirligi” so‘zlari “O‘zbekiston “O‘zkommunxizmat” agentligi” so‘zlari bilan almashtirilsin.
8. O‘zbekiston Respublikasi Vazirlar Mahkamasining “Xorijiy fuqarolar va fuqaroligi bo‘lmagan shaxslar tomonidan O‘zbekiston Respublikasida uy-joy sotib olish hamda doimiy yashash uchun Toshkent shahriga kelishni tartibga solish to‘g‘risida” 1999-yil 27-fevraldagi 92-son qarori 1-bandining uchinchi xatboshidagi “Kommunal xizmat ko‘rsatish vazirligining” so‘zlari “Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining” so‘zlari bilan almashtirilsin.
Keyingi tahrirga qarang.
Oldingi tahrirga qarang.
(9-band O‘zbekiston Respublikasi Vazirlar Mahkamasining 2003-yil 17-sentabrdagi 405-sonli qaroriga muvofiq o‘z kuchini yo‘qotgan)
10. O‘zbekiston Respublikasi Vazirlar Mahkamasining “Uy-joy fondini suv va gazni hisobga olish priborlari bilan jihozlash, ularni O‘zbekiston Respublikasida ishlab chiqarishni tashkil etish chora-tadbirlari to‘g‘risida” 1999-yil 1-iyundagi 280-son qarorida (O‘zbekiston Respublikasi QT, 1999-yil, 6-son, 30-modda):
3-bandning to‘rtinchi xatboshidagi “Kommunal xizmat ko‘rsatish vazirligi” so‘zlari “O‘zbekiston “O‘zkommunxizmat” agentligi” so‘zlari bilan almashtirilsin;
7-banddagi “Kommunal xizmat ko‘rsatish vazirligi” so‘zlari “O‘zbekiston “O‘zkommunxizmat” agentligi” so‘zlari bilan almashtirilsin.
11. O‘zbekiston Respublikasi Vazirlar Mahkamasining “Tabiiy gaz yetkazib berish va uning uchun hisob-kitob qilish tizimini takomillashtirish to‘g‘risida” 1999-yil 21-sentabrdagi 439-son qarorida (O‘zbekiston Respublikasi QT, 1999-yil, 9-son, 57-modda):
birinchi xatboshidagi “O‘zbekiston Respublikasi Kommunal xizmat ko‘rsatish vazirligining” so‘zlari “O‘zbekiston “O‘zkommunxizmat” agentligining” so‘zlari bilan almashtirilsin;
to‘rtinchi xatboshidagi “O‘zbekiston Respublikasi Kommunal xizmat ko‘rsatish vazirligining tabiiy gaz uzatuvchi xo‘jalik hisobidagi “Boshkommungaz” bosh boshqarmasining” va “xo‘jalik hisobidagi “Boshkommungaz” bosh boshqarmasining” so‘zlari tegishli ravishda “O‘zbekiston “O‘zkommunxizmat” agentligi “Boshkommungaz” korxonasining” va “Boshkommungaz” korxonasi” so‘zlari bilan almashtirilsin;
beshinchi xatboshidagi “xo‘jalik hisobidagi “Boshkommungaz” bosh boshqarmasining gaz sotuvchi tashkilotlariga” so‘zlari “Boshkommungaz” korxonasining shu’ba korxonalariga” so‘zlari bilan almashtirilsin;
b) 2-bandning uchinchi, to‘rtinchi va beshinchi xatboshidagi “xo‘jalik hisobidagi “Boshkommungaz” bosh boshqarmasining gaz sotuvchi tashkilotlari” so‘zlari “Boshkommungaz” korxonasining shu’ba korxonalari” so‘zlari bilan almashtirilsin;
v) uchinchi banddagi “O‘zbekiston Respublikasi Kommunal xizmat ko‘rsatish vazirligi” so‘zlari “O‘zbekiston “O‘zkommunxizmat” agentligi” so‘zlari bilan almashtirilsin.
12. O‘zbekiston Respublikasi Vazirlar Mahkamasining “Uy-joy mulkdorlari shirkatining Namunaviy ustavini va uy-joylarni uy-joy mulkdorlari shirkati boshqaruviga berish va uy-joy fondini saqlash va tuzatish masalalarida davlat hokimiyati organlari bilan o‘zaro hamkorlik qilish tartibi to‘g‘risidagi Namunaviy nizomni tasdiqlash to‘g‘risida” 1999-yil 4-oktabrdagi 454-son qarorining 2-bandidagi “Kommunal xizmat ko‘rsatish vazirligi” so‘zlari “O‘zbekiston “O‘zkommunxizmat” agentligi” so‘zlari bilan almashtirilsin.
13. O‘zbekiston Respublikasi Vazirlar Mahkamasining “O‘zbekiston Respublikasining uy-joy fondini davlat yo‘li bilan hisobga olish to‘g‘risida” 2000-yil 20-yanvardagi 18-son qarorida (O‘zbekiston Respublikasi QT, 2000-yil, 1-son, 5-modda):
“O‘zgeodezkadastr” bosh boshqarmasi texnik inventarizatsiya kadastrlar hududiy byurolari faoliyatiga uslubiy rahbarlikni, shuningdek uy-joy fondi yig‘ma kadastrining yuritilishini ta’minlaydi”.
O‘zbekiston Respublikasida uy-joy fondini davlat yo‘li bilan hisobga olishning yagona tizimi to‘g‘risida Nizomning (1-ilova) 6-bandi 2-xatboshidagi “O‘zbekiston Respublikasi Kommunal xizmat ko‘rsatish vazirligi bilan” so‘zlari “O‘zgeodezkadastr” bosh boshqarmasi bilan” so‘zlari bilan almashtirilsin.
14. O‘zbekiston Respublikasi Vazirlar Mahkamasining 2000-yil 24-yanvardagi 22-son qarori (O‘zbekiston Respublikasi QT, 2000-yil, 1-son, 6-modda) bilan tasdiqlangan Uy-joy-kommunal xizmat ko‘rsatish bo‘yicha Yagona buyurtmachi xizmati to‘g‘risida Vaqtinchalik Nizomning 3-bandi ikkinchi xatboshidagi “Kommunal xizmat ko‘rsatish vazirligi” so‘zlari “Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining hududiy kommunal-foydalanish birlashmasi” so‘zlari bilan almashtirilsin.
Keyingi tahrirga qarang.
15. O‘zbekiston Respublikasi Vazirlar Mahkamasining “Chimyon-Chorvoq zonasi tabiiy boyliklarini saqlash hamda hududini o‘zlashtirishga kompleks va izchillik bilan yondoshishni ta’minlash chora-tadbirlari to‘g‘risida” 2000-yil 10-martdagi 83-son qarorida:
3-bandning to‘rtinchi xatboshidagi “O‘zbekiston Respublikasi Kommunal xizmat ko‘rsatish vazirligi” so‘zlari “Toshkent viloyati hokimligi” so‘zlari bilan almashtirilsin;
5-bandning ikkinchi xatboshidagi “Kommunal xizmat ko‘rsatish vazirligi hamda” so‘zlari chiqarib tashlansin;
ushbu qarorga 1-ilova 3—5-bandlarining “Mas’ul ijro etuvchilar” ustunidagi “Kommunal xizmat ko‘rsatish vazirligi” so‘zlari “Toshkent viloyati hokimligi” so‘zlari bilan almashtirilsin;
ushbu qarorga 6-ilovadagi “Mixaylov V.K. Kommunal xizmat ko‘rsatish vazirining birinchi o‘rinbosari” so‘zlari “lavozimi bo‘yicha “O‘zkommunxizmat” agentligi bosh direktorining birinchi o‘rinbosari” so‘zlari bilan almashtirilsin.
1. “KPSS Markaziy Komiteti va SSSR Ministrlar Sovetining “Mamlakatda turar-joy-kommunal xo‘jaligi ishlarini yanada takomillashtirish tadbirlari to‘g‘risida” 1987-yil 8-apreldagi 427-son qarori yuzasidan O‘zbekiston SSR Ministrlar Sovetining 1987-yil 19-avgustdagi 339-son qarori (O‘zSSR QT, 1987-y., 8-son, 49-modda).
2. O‘zbekiston Respublikasi Vazirlar Mahkamasining “O‘zbekiston SSJ Uy-joy kommunal xo‘jaligi sistemasidagi korxonalar (birlashmalar) va tashkilotlarni to‘la xo‘jalik hisobi va o‘zini o‘zi mablag‘ bilan ta’minlashga o‘tkazish to‘g‘risida” 1990-yil 9-avgustdagi 283-son qarori.
3. O‘zbekiston Respublikasi Vazirlar Mahkamasining “Uy-joy fondiga xizmat ko‘rsatish va uni saqlash uchun hisob-kitoblarning kontrakt (shartnoma) tizimiga o‘tish to‘g‘risida” 1993-yil 17-iyuldagi 363-son qarorining 1-4, 7-10-bandlari va qarorga ilova.
4. O‘zbekiston Respublikasi Vazirlar Mahkamasining “O‘zbekiston Respublikasi Kommunal xizmat ko‘rsatish vazirligini tashkil etish va uning faoliyati masalalari to‘g‘risida” 1993-yil 22-iyuldagi 371-son qarori.
5. O‘zbekiston Respublikasi Vazirlar Mahkamasining “O‘zbekiston Respublikasi Kommunal xizmat ko‘rsatish vazirligi to‘g‘risidagi Nizomni tasdiqlash haqida” 1993-yil 12-oktabrdagi 490-son qarori (O‘zbekiston Respublikasi QT, 1993-y., 10-son, 36-modda).
6. O‘zbekiston Respublikasi Vazirlar Mahkamasining “O‘zbekiston Respublikasi Kommunal xizmat ko‘rsatish vazirligi faoliyatining ayrim masalalari to‘g‘risida” 1996-yil 2-apreldagi 130-son qarori.
7. Vazirlar Mahkamasining “Uy-joy kommunal xizmatlarning o‘z xarajatlarini o‘zi qoplashiga bosqichma-bosqich o‘tish munosabati bilan normativ hujjatlarni tasdiqlash to‘g‘risida” 1996-yil 30-iyuldagi 271-son qarori bilan tasdiqlangan Kommunal xizmatlar uchun iqtisodiy asoslangan stavkalar va tariflarni hisoblash metodikasi.
8. O‘zbekiston Respublikasi Vazirlar Mahkamasining “Jismoniy shaxslarga mulk huquqida tegishli bo‘lgan binolar va inshootlar bo‘yicha ro‘yxatga olish-baholash ishlarini amalga oshirish to‘g‘risida” 1998-yil 21-yanvardagi 35-son qarori, 1-banddan tashqari.
9. O‘zbekiston Respublikasi Vazirlar Mahkamasining “Xo‘jalik hisobidagi texnik ro‘yxatga olish respublika kadastr byurosi to‘g‘risidagi Nizomni tasdiqlash haqida” 1998-yil 3-oktabrdagi 423-son qarori (O‘zbekiston Respublikasi QT, 1998y., 10-son, 36-modda).
10. O‘zbekiston Respublikasi Vazirlar Mahkamasining “O‘zbekiston Respublikasining Uy-joy kodeksini amalga oshirish chora-tadbirlari to‘g‘risida” 1999-yil 16-iyuldagi 345-son qarori (O‘zbekiston Respublikasi QT, 1999-y., 7-son, 38-modda) bilan tasdiqlangan Hukumatning ayrim qarorlariga kiritilayotgan o‘zgartirish va qo‘shimchalarning 1-bandi.