LexUZ sharhi
Mazkur qaror O‘zbekiston Respublikasi Vazirlar Mahkamasining 2017-yil 9-avgustdagi 606-sonli “O‘zbekiston Respublikasi Favqulodda vaziyatlar vazirligi, O‘zbekiston Respublikasi Favqulodda vaziyatlar vazirligi huzuridagi Gidrometeorologiya xizmati markazi va O‘zbekiston Respublikasi Favqulodda vaziyatlar vazirligi huzuridagi Katta va alohida muhim suv xo‘jaligi obyektlarining texnik holatini hamda bexatar ishlashini nazorat qilish davlat inspeksiyasi to‘g‘risidagi nizomlarni tasdiqlash haqida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “Davlat boshqaruvi respublika organlari tizimini takomillashtirish to‘g‘risida” 2003-yil 9-dekabrdagi PF–3358-son Farmonini bajarish yuzasidan va gidrometeorologiya, tabiiy muhit ifloslanishi darajasi ustidan kuzatish olib borish sohasida boshqaruv tizimini takomillashtirish maqsadida Vazirlar Mahkamasi qaror qiladi:
1. O‘zbekiston Respublikasi Vazirlar Mahkamasi huzuridagi Gidrometeorologiya bosh boshqarmasi O‘zbekiston Respublikasi Vazirlar Mahkamasi huzuridagi Gidrometeorologiya xizmati markazi (“O‘zgidromet” markazi)ga aylantirilsin.
gidrometeorologiya kuzatishlari davlat tizimini, respublika iqtisodiyoti tarmoqlari, aholisi va qurolli kuchlarini gidrometeorologik ta’minlashni rivojlantirish va takomillashtirish;
respublika davlat va xo‘jalik boshqaruvi organlarini, korxonalar, muassasalar va fuqarolarni amaldagi va kutilayotgan gidrometeorologiya shart-sharoitlari va iqlimning o‘zgarishi, tabiiy muhitning ifloslanishi darajasi to‘g‘risidagi axborot, xavfli va stixiyali gidrometeorologiya hodisalari paydo bo‘lishi to‘g‘risidagi tezkor ma’lumotlar bilan ta’minlash;
ma’lumotlarning davlat gidrometeorologiya fondini va tabiiy muhit ifloslanishi to‘g‘risidagi ma’lumotlarning davlat fondini shakllantirish va yuritish;
“Yuza suvlar” bo‘limi bo‘yicha suvlarning davlat hisobini belgilangan tartibda yuritish, davlat suv kadastrini tashkil etish va yuritish bo‘yicha barcha ishlarni muvofiqlashtirish, yo‘naltirish va birlashtirish;
qishloq xo‘jalik ekinlari va yaylov o‘simliklarining holati, stixiyali gidrometeorologiya hodisalari paydo bo‘lishi va rivojlanishi, atmosfera havosi, tuproq va yuza suvlar ifloslanishi ustidan muntazam kuzatuvlarni tashkil etish va olib borish;
gidrometeorologiya tavsiflari uchun kuzatishlar olib borish, ob-havoni, daryolarning suvliligini, iqlimning o‘zgarishini qisqa muddatli va uzoq muddatli prognozlashtirishni yaxshilash bo‘yicha ilmiy-tadqiqot ishlari olib borish.
3. Belgilansinki, “O‘zgidromet” markazi shartnomalar va majburiyatlar bo‘yicha O‘zbekiston Respublikasi Vazirlar Mahkamasi huzuridagi Gidrometeorologiya bosh boshqarmasining huquqiy vorisi hisoblanadi.
“O‘zgidromet” markazining tashkiliy tuzilmasi va uning xodimlarining umumiy cheklangan soni 15,5 nafar, shu jumladan boshqaruv xodimlari 14 nafar bo‘lgan markaziy apparati 1 va 2-ilovalarga muvofiq;
O‘zbekiston Respublikasi Vazirlar Mahkamasi huzuridagi Gidrometeorologiya xizmati markazi to‘g‘risidagi nizom 3-ilovaga muvofiq tasdiqlansin.
“O‘zgidromet” markazi bosh direktoriga xodimlarning belgilangan soni va ular ta’minoti xarajatlar smetasi doirasida markaziy apparat tuzilmasi va shtat jadvaliga o‘zgartirishlar kiritish huquqi berilsin.
5. “O‘zgidromet” markazi xodimlari uchun bepul kiyimbosh bilan ta’minlash, shuningdek borish qiyin bo‘lgan stansiyalarning xodimlarini bepul ovqat bilan ta’minlashning mavjud tartibi saqlab qolinsin.
6. O‘zbekiston Respublikasi Qishloq va suv xo‘jaligi vazirligi 2004-2005-yillarda qishloq xo‘jaligi korxonalarining mablag‘lari hisobiga idoraviy agrometeorologiya postlari tiklanishini belgilangan tartibda ta’minlasin.
7. “O‘zgidromet” markazining gidrometeorologiya jarayonlariga ta’sir ko‘rsatish bo‘yicha harbiylashtirilgan boshqarmani O‘zbekiston Respublikasi Mudofaa vazirligi ixtiyoriga berish to‘g‘risidagi taklifi qabul qilinsin.
“O‘zgidromet” markazi O‘zbekiston Respublikasi Mudofaa vazirligi bilan birgalikda bir oy muddatda do‘lga qarshi ishlarni amalga oshirishda o‘zaro hamkorlik qilish to‘g‘risidagi nizomni tayyorlasin.
O‘zbekiston Respublikasi Moliya vazirligi O‘zbekiston Respublikasi Mudofaa vazirligi hamda Qishloq va suv xo‘jaligi vazirligi bo‘yicha 2004-yil uchun xarajatlar smetasiga tegishli o‘zgartirishlar kiritsin.
8. O‘zbekiston Respublikasi Davlat statistika qo‘mitasi Qishloq va suv xo‘jaligi vazirligi hamda “O‘zgidromet” markazi bilan birgalikda bir oy muddatda Davlat suv kadastri yuritilishini tashkil etish imkonini beruvchi yuza suvlardan foydalanish haqida hisobot berish shakllarini ishlab chiqsin va tasdiqlasin.
9. O‘zbekiston Respublikasi Iqtisodiyot vazirligi “O‘zbekiston havo yo‘llari” milliy aviakompaniyasi bilan birgalikda uch oy muddatda aeroportlarning gidrometeorologiya stansiyalaridagi eskirgan asbob-uskunalar va priborlarni almashtirish masalasini ko‘rib chiqsin.
10. Vazirlar Mahkamasining “O‘zbekiston Respublikasi gidrometeorologiya xizmati to‘g‘risida” 1992-yil 9-martdagi 110-son va “O‘zbekiston Respublikasi Vazirlar Mahkamasi huzuridagi Gidrometeorologiya bosh boshqarmasi to‘g‘risidagi nizomni tasdiqlash haqida” 1992-yil 7-maydagi 225-son (O‘zbekiston Respublikasi QT, 1992-y., 5-son, 17-modda) qarorlari o‘z kuchini yo‘qotgan deb hisoblansin.
11. O‘zbekiston Respublikasi Hukumatining 4-ilovaga muvofiq ayrim qarorlariga o‘zgartirishlar kiritilsin.
12. Mazkur qarorning bajarilishini nazorat qilish O‘zbekiston Respublikasining Bosh vaziri Sh.M. Mirziyoyev zimmasiga yuklansin.
1. O‘zbekiston Respublikasi Vazirlar Mahkamasi huzuridagi Gidrometeorologiya xizmati markazi (“O‘zgidromet” markazi) O‘zbekiston Respublikasida gidrometeorologiya sohasidagi vazifalarni hal etish uchun maxsus vakil qilingan davlat boshqaruvi organi hisoblanadi.
2. “O‘zgidromet” markazi tizimiga gidrometeorologiya bo‘yicha hududiy boshqarmalar, Gidrometeorologiya ilmiy-tekshirish instituti, Toshkent gidrometeorologiya kolleji, “O‘zgidrometpribor” ilmiy-ishlab chiqarish korxonasi kiradi.
3. “O‘zgidromet” markazi o‘z faoliyatida O‘zbekiston Respublikasi Konstitutsiyasi va qonunlariga, O‘zbekiston Respublikasi Oliy Majlisning qarorlari va boshqa hujjatlariga, O‘zbekiston Respublikasi Prezidentining farmonlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, gidrometeorologiya sohasidagi xalqaro shartnomalarga hamda mazkur Nizomga amal qiladi.
4. “O‘zgidromet” markazi o‘z faoliyatini davlat boshqaruvining boshqa organlari, mahalliy davlat hokimiyati organlari, jamoat birlashmalari va boshqa tashkilotlar bilan o‘zaro hamkorlikda amalga oshiradi.
5. “O‘zgidromet” markazining moddiy-texnika ta’minoti hamda “O‘zgidromet” markazi tizimi xodimlari mehnatiga haq to‘lash “O‘zgidromet” markaziga ajratilgan mablag‘lar doirasida davlat budjeti mablag‘lari va qonun hujjatlarida taqiqlanmagan boshqa manbalar hisobiga amalga oshiriladi.
6. “O‘zgidromet” markazi va unga idoraviy mansub bo‘lgan tashkilotlar yuridik shaxslar hisoblanadi, O‘zbekiston Respublikasining Davlat gerbi tasviri tushirilgan va o‘z nomi yozilgan muhrga ega bo‘ladi.
gidrometeorologiya kuzatishlari davlat tizimini, respublika iqtisodiyoti tarmoqlari, aholisi va qurolli kuchlarini gidrometeorologik ta’minlashni rivojlantirish va takomillashtirish;
respublika davlat va xo‘jalik boshqaruvi organlarini, korxonalar, muassasalar va fuqarolarni amaldagi va kutilayotgan gidrometeorologiya shart-sharoitlari va iqlimning o‘zgarishi, tabiiy muhitning ifloslanishi darajasi to‘g‘risidagi axborot, xavfli va stixiyali gidrometeorologiya hodisalari paydo bo‘lishi to‘g‘risidagi tezkor ma’lumotlar bilan ta’minlash;
ma’lumotlarning davlat gidrometeorologiya fondini va tabiiy muhit ifloslanishi to‘g‘risidagi ma’lumotlarning davlat fondini shakllantirish va yuritish;
“Yuza suvlar” bo‘limi bo‘yicha suvlarning davlat hisobini belgilangan tartibda yuritish, davlat suv kadastrini tashkil etish va yuritish bo‘yicha barcha ishlarni muvofiqlashtirish, yo‘naltirish va birlashtirish;
qishloq xo‘jalik ekinlari va yaylov o‘simliklarining holati, stixiyali gidrometeorologiya hodisalari paydo bo‘lishi va rivojlanishi, atmosfera havosi, tuproq va yuza suvlar ifloslanishi ustidan muntazam kuzatuvlarni tashkil etish va olib borish;
gidrometeorologiya tavsiflari uchun kuzatishlar olib borish, ob-havoni, daryolarning suvliligini, iqlimning o‘zgarishini qisqa muddatli va uzoq muddatli prognozlashtirishni yaxshilash bo‘yicha ilmiy-tadqiqot ishlari olib borish.
8. “O‘zgidromet” markazi o‘ziga yuklangan vazifalarni bajarish uchun quyidagi funksiyalarni amalga oshiradi:
gidrometeorologiya sohasidagi davlat siyosatining asosiy yo‘nalishlari bo‘yicha Vazirlar Mahkamasiga takliflar kiritish;
erdagi va aerologik gidrometeorologik kuzatishlar tarmoqlarini, shu jumladan masofadan turib zondlash uchun texnik jihozlashni rivojlantirish, ularni ishlatish va ularni ishchi holatda saqlash;
kuzatishlar ma’lumotlarini to‘plash va ularning sifatini nazorat qilish tizimini tashkil etish va uni ishchi holatda saqlash hamda tezkor gidrometeorologiya, iqlim xizmatlari va atrof muhitga tegishli bo‘lgan xizmatlar ko‘rsatish maqsadida ularni qayta ishlash;
milliy va xalqaro darajalarda ilmiy tadqiqotlar va ishlanmalar olib borish, gidrometeorologiya fanini zamonaviy texnologiyalar negizida rivojlantirish;
aholi uchun gidrometeorologiya axboroti, prognozlar va ogohlantirishlar shaklida xizmatlarning har xil turlarini ko‘rsatish;
qishloq xo‘jaligi, aviatsiya, milliy mudofaa va iqtisodiyotning boshqa tarmoqlari uchun ijtimoiy tezkor gidrometeorologiya xizmati ko‘rsatish;
atmosferaning ifloslanishi, yuza (tabiiy suv oqimlari), tuproq ifloslanishi monitoringi va fon monitoringini (ma’lumotlarni to‘plash, ularni qayta ishlash, tahlil etish va axborot tayyorlash), atmosfera ifloslanishi darajasi prognozini yuritish;
iqlim o‘zgarishi monitoringini ta’minlash va uning taxminiy prognozlarini taqdim etish, shuningdek uning iqlimning o‘zgarishiga ta’siri choralari va variantlarini baholashga hissa qo‘shish;
meteorologiya, gidrometeorologiya va agrometeorologiya priborlari va qurilmalarini qonun hujjatlarida belgilangan tartibda tekshirish va attestatsiyadan o‘tkazish;
tegishli xalqaro majburiyatlarni, shu jumladan Butunjahon Meteorologiya Tashkiloti Konvensiyasi, BMTning iqlimning o‘zgarishi bo‘yicha konvensiyasi, BMTning cho‘lga aylanish va qurg‘oqchilikka qarshi kurash konvensiyasi, YuNESKOning xalqaro gidrologiya dasturi doirasida majburiyatlarni bajarish, dasturlar va xalqaro faoliyatda ishtirok etish vositasida milliy manfaatlarga ko‘maklashish;
Butunjahon Meteorologiya Tashkilotining Jahon ob-havo xizmati tizimida mintaqaviy meteorologiya markazi funksiyalarini bajarish.
9. “O‘zgidromet” markazi o‘ziga yuklangan vazifalar va funksiyalarni bevosita hududiy boshqarmalar va o‘ziga idoraviy mansub tashkilotlar orqali hal etadi.
10. “O‘zgidromet” markazi o‘ziga yuklangan vazifalar va funksiyalarni bajarish uchun quyidagi huquqlarga ega:
O‘zbekiston Respublikasi vazirliklari va davlat boshqaruvi boshqa organlaridan, korxonalar va tashkilotlardan “O‘zgidromet” markaziga yuklangan vazifalarni bajarish uchun zarur bo‘lgan gidrometeorologiya bo‘yicha materiallarni olish;
Butunjahon Meteorologiya Tashkiloti va Gidrometeorologiya bo‘yicha Davlatlararo Kengashda O‘zbekiston Respublikasi manfaatlarini belgilangan tartibda ifodalash;
“O‘zgidromet” markazi O‘zbekiston Respublikasi qonun hujjatlariga muvofiq boshqa huquqlarga ham egadir.
11. “O‘zgidromet” markazi, o‘z vakolatlari doirasida, vazirliklar, davlat qo‘mitalari, idoralar, mahalliy davlat hokimiyati organlari va mulkchilik shakllaridan qat’i nazar, xo‘jalik yurituvchi subyektlar hamda mansabdor shaxslar va fuqarolar tomonidan bajarilishi majburiy bo‘lgan qarorlar va normativ-huquqiy hujjatlar qabul qilishga haqlidir.
“O‘zgidromet” markazi, zarur hollarda, boshqa vazirliklar, davlat qo‘mitalari va idoralar bilan birgalikda qo‘shma qarorlar va hujjatlar chiqarishga haqlidir.
13. “O‘zgidromet” markaziga qonun hujjatlarida belgilangan tartibda lavozimga tayinlanadigan va lavozimdan ozod etiladigan Bosh direktor boshchilik qiladi.
“O‘zgidromet” markazi Bosh direktorining o‘rinbosarlari qonun hujjatlarida belgilangan tartibda lavozimga tayinlanadilar va lavozimdan ozod etiladilar.
“O‘zgidromet” markazi Bosh direktori maqomiga ko‘ra vazirga, Bosh direktorning birinchi o‘rinbosari — vazirning birinchi o‘rinbosariga, Bosh direktorning o‘rinbosarlari — vazirning o‘rinbosarlariga tenglashtiriladi.
Keyingi tahrirga qarang.
“O‘zgidromet” markazi vakolatiga kiradigan masalalar bo‘yicha qarorlar qabul qiladi va “O‘zgidromet” markaziga yuklangan vazifalar va funksiyalar bajarilishi uchun shaxsan javob beradi;
o‘z o‘rinbosarlari vakolatlarini belgilaydi, ular o‘rtasida vazifalarni taqsimlaydi, “O‘zgidromet” markazi tizimining boshqa mansabdor shaxslari vakolatlarini, “O‘zgidromet” markazi faoliyatining ayrim uchastkalariga rahbarlik qilish uchun o‘z o‘rinbosarlari va boshqa mansabdor shaxslarning javobgarligi darajasini hamda o‘ziga qarashli bo‘linmalar va tashkilotlar ishini belgilaydi;
“O‘zgidromet” markazi tizimi xodimlari bajarishi majburiy bo‘lgan buyruqlar chiqaradi va ko‘rsatmalar beradi;
“O‘zgidromet” markazining tuzilmasiga xodimlarning belgilangan umumiy soni doirasida o‘zgartirishlar kiritadi, “O‘zgidromet” markazi markaziy apparatining shtat jadvalini, shuningdek “O‘zgidromet” markazi markaziy apparati, markazga qarashli bo‘linmalar va tashkilotlarning xarajatlari smetasini tasdiqlaydi;
“O‘zgidromet” markazining tarkibiy va hududiy boshqarmalari to‘g‘risidagi nizomlarni, “O‘zgidromet” markazi tizimiga kiradigan o‘ziga qarashli tashkilotlarning nizomlari (ustavlari)ni belgilangan tartibda tasdiqlaydi;
“O‘zgidromet” markazi markaziy apparati xodimlarini, “O‘zgidromet” markazi tizimiga kiradigan tarkibiy va hududiy boshqarmalar va tashkilotlar rahbarlarini belgilangan tartibda lavozimga tayinlaydi va lavozimdan ozod etadi;
15. Hududiy bo‘linmalar o‘z faoliyatini Qoraqalpog‘iston Respublikasi Vazirlar Kengashi, viloyatlar va Toshkent shahar hokimlari bilan kelishgan holda “O‘zgidromet” markazi tomonidan tasdiqlanadigan nizomlarga muvofiq amalga oshiradi.
“O‘zgidromet” markazining viloyat bo‘linmalari rahbarlari tegishli ravishda Qoraqalpog‘iston Respublikasi Vazirlar Kengashi raisi, viloyatlar va Toshkent shahar hokimlarining taqdimnomasi bo‘yicha “O‘zgidromet” markazining Bosh direktori tomonidan tayinlanadi.
16. “O‘zgidromet” markazini qayta tashkil etish va tugatish qonun hujjatlarida belgilangan tartibda amalga oshiriladi.
1. Vazirlar Mahkamasining “Fuqaro aviatsiyasi xalqaro tashkiloti ishlari bo‘yicha O‘zbekiston Respublikasi Davlat komissiyasi to‘g‘risida” 1993-yil 7-iyundagi 271-son qarori 3-bandining ikkinchi xatboshidagi “Gidrometeorologiya bosh boshqarmasining boshlig‘i” so‘zlari “Gidrometeorologiya xizmati markazining bosh direktori” so‘zlari bilan almashtirilsin.
2. Vazirlar Mahkamasining 1995-yil 2-oktabrdagi 375–f-son farmoyishi 1-bandidagi “Boshgidromet” boshqarmasi” so‘zlari “O‘zgidromet” markazi” so‘zlari bilan almashtirilsin.
3. Vazirlar Mahkamasining “O‘zbekiston Respublikasi Favqulodda vaziyatlar vazirligining faoliyatini tashkil etish masalalari to‘g‘risida” 1996-yil 11-apreldagi 143-son qarori 13-bandining birinchi xatboshidagi “Boshgidromet” boshqarmasi” so‘zlari “O‘zgidromet” markazi” so‘zlari bilan almashtirilsin.
4. Vazirlar Mahkamasining 1996-yil 17-iyuldagi 255-son qarori (O‘zbekiston Respublikasi QT, 1996-y., 7-son, 21-modda) bilan tasdiqlangan O‘zbekiston Respublikasi davlat kadastrlari yagona tizimini tashkil etish va uni yuritish tartibi to‘g‘risidagi nizomning 8-bandi uchinchi xatboshidagi “Boshgidromet” so‘zi “Gidrometeorologiya xizmati markazi” so‘zlari bilan almashtirilsin.
Keyingi tahrirga qarang.
5. Vazirlar Mahkamasining 1997-yil 2-iyundagi 218–f-son farmoyishining 1-bandi va 2-bandi birinchi xatboshidagi “Boshgidromet” boshqarmasi” so‘zlari “O‘zgidromet” markazi” so‘zlari bilan almashtirilsin.
Havo bo‘shlig‘idan foydalanishga buyurtma va Havo hujumiga qarshi mudofaa qo‘shinlariga xabarnoma berish tartibining 3-bandidagi “Gidrometeorologiya bosh boshqarmasi” so‘zlari “Gidrometeorologiya xizmati markazi” so‘zlari bilan almashtirilsin;
O‘zbekiston Respublikasi Havo bo‘shlig‘idan foydalanish yagona tizimining idoralararo komissiyasi va boshqaruv organlari to‘g‘risidagi nizom 3-bandining to‘rtinchi xatboshidagi “Gidrometeorologiya bosh boshqarmasi” so‘zlari “Gidrometeorologiya xizmati markazi” so‘zlari bilan almashtirilsin.
7. Vazirlar Mahkamasining 1998-yil 7-yanvardagi 11-son qarori bilan tasdiqlangan O‘zbekiston Respublikasi Davlat suv kadastrini ishlab chiqish va yuritish tartibi to‘g‘risidagi nizomda:
12-banddagi “Gidrometeorologiya bosh boshqarmasi” so‘zlari “Gidrometeorologiya xizmati markazi” so‘zlari bilan almashtirilsin;
17—19, 22, 28—30-bandlardagi “Gidrometeorologiya bosh boshqarmasi” so‘zlari “O‘zgidromet” markazi” so‘zlari bilan almashtirilsin;
32-banddagi “Gidrometeorologiya bosh boshqarmasining” so‘zlari “O‘zgidromet” markazining” so‘zlari bilan almashtirilsin;
“O‘zbekiston Respublikasi Vazirlar Mahkamasi huzuridagi Gidrometeorologiya bosh boshqarmasining Davlat suv kadastrini yuritish bo‘yicha funksiyalari” bo‘limining nomi “O‘zbekiston Respublikasi Vazirlar Mahkamasi huzuridagi Gidrometeorologiya xizmati markazining Davlat suv kadastrini yuritish bo‘yicha funksiyalari” deb nomlansin;
34-banddagi “Gidrometeorologiya bosh boshqarmasi” so‘zlari “Gidrometeorologiya xizmati markazi” so‘zlari bilan almashtirilsin;
37, 38, 41, 42-bandlaridagi “Gidrometeorologiya bosh boshqarmasiga” so‘zlari “Gidrometeorologiya xizmati markaziga” so‘zlari bilan almashtirilsin.
8. Vazirlar Mahkamasining 1999-yil 20-oktabrdagi 469-son qarori bilan tasdiqlangan 1999—2005-yillarda O‘zbekiston Respublikasining atrof muhitni muhofaza qilish ishlari dasturini amalga oshirish tadbirlarining 2.12-bandidagi “Boshgidromet” boshqarmasi” so‘zlari “O‘zgidromet” markazi” so‘zlari bilan almashtirilsin.
9. Vazirlar Mahkamasining “Chimyon-Chorvoq zonasi tabiiy boyliklarini saqlash hamda hududni o‘zlashtirishga kompleks va izchillik bilan yondoshishni ta’minlash chora-tadbirlari to‘g‘risida” 2000-yil 10-martdagi 83-son qarorining 6 va 7-bandlaridagi “Boshgidromet” boshqarmasi” so‘zlari “O‘zgidromet” markazi” so‘zlari bilan almashtirilsin.
10. Vazirlar Mahkamasining “1999—2005-yillarda O‘zbekiston Respublikasining atrof muhitni muhofaza qilish ishlarining dasturini amalga oshirish masalalari to‘g‘risida” 2000-yil 9-oktabrdagi 389-son qarorida:
2-bandning ikkinchi xatboshidagi “Gidrometeorologiya bosh boshqarmasi” so‘zlari “Gidrometeorologiya xizmati markazi” so‘zlari bilan almashtirilsin;
Parnik gazlari emissiyasini kamaytirish milliy strategiyasini amalga oshirish bo‘yicha tadbirlarning 3, 6, 8 va 10-bandlaridagi “Boshgidromet” boshqarmasi” so‘zlari “O‘zgidromet” markazi” so‘zlari bilan almashtirilsin.
11. Vazirlar Mahkamasining 2000-yil 23-dekabrdagi 496-son qarori (O‘zbekiston Respublikasi QT, 2000-y., 12-son, 79-modda) bilan tasdiqlangan O‘zbekiston Respublikasida Yer monitoringi to‘g‘risidagi nizomning 9-bandidagi “Gidrometeorologiya bosh boshqarmasi” so‘zlari “Gidrometeorologiya xizmati markazi” so‘zlari bilan almashtirilsin.
12. Vazirlar Mahkamasining 2001-yil 17-yanvardagi 32-son qarori bilan tasdiqlangan Tugatilayotgan yoki boshqa idoralarga berilayotgan hamda Qishloq va suv xo‘jaligi vazirligi tarkibidan chiqarilayotgan tashkilotlar va korxonalar ro‘yxatining 6-bandi chiqarib tashlansin.
13. Vazirlar Mahkamasining “O‘zbekiston Respublikasida atrof tabiiy muhitning davlat monitoringi to‘g‘risidagi nizomni tasdiqlash haqida” 2002-yil 3-apreldagi 111-son qarorida (O‘zbekiston Respublikasi QT, 2002-y., 4-son, 19-modda):
2-bandning birinchi xatboshidagi “Gidrometeorologiya bosh boshqarmasi” so‘zlari “Gidrometeorologiya xizmati markazi” so‘zlari bilan almashtirilsin;
12-bandning uchinchi xatboshidagi “Gidrometeorologiya bosh boshqarmasi” so‘zlari “Gidrometeorologiya xizmati markazi” so‘zlari bilan almashtirilsin;
Nizomga 1 va 2-ilovalardagi “Boshgidromet” boshqarmasi” so‘zlari “O‘zgidromet” markazi” so‘zlari bilan almashtirilsin.
14. Vazirlar Mahkamasining “2003—2007-yillar davrida Qoraqalpog‘iston Respublikasida qishloq xo‘jaligi ishlab chiqarishi barqaror rivojlantirilishini ta’minlashga doir qo‘shimcha chora-tadbirlar to‘g‘risida” 2002-yil 1-avgustdagi 276-son qarori 1-bandining beshinchi xatboshidagi “Boshgidromet” boshqarmasi” so‘zlari “O‘zgidromet” markazi” so‘zlari bilan almashtirilsin.
15. Vazirlar Mahkamasining 2003-yil 13-yanvardagi 16-son qarori bilan tasdiqlangan 2003—2005-yillarda O‘zbekiston Respublikasida atrof tabiiy muhit monitoringi Dasturida, A.2, A.3, A.4, A.5, A.6.1, B.1, B.2, V bandlaridagi “Boshgidromet” boshqarmasining” so‘zlari “O‘zgidromet” markazining” so‘zlari bilan almashtirilsin.
16. Vazirlar Mahkamasining 2003-yil 30-dekabrdagi 576-son qarori bilan tasdiqlangan 2004-yil uchun statistik ishlar Dasturida, “Boshqa vazirliklar va idoralar tomonidan bajariladigan statistik ishlar” II bo‘limdagi “Gidrometeorologiya bosh boshqarmasi” so‘zlari “Gidrometeorologiya xizmati markazi” so‘zlari bilan almashtirilsin.