LexUZ sharhi
Mazkur qaror O‘zbekiston Respublikasi Vazirlar Mahkamasining 2022-yil 21-iyuldagi 396-sonli “Qonunchilik bazasini yanada tizimlashtirish chora-tadbirlari to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “Yangi tashkil etilayotgan xo‘jalik yurituvchi subyektlar faoliyati ustidan bank va soliq nazoratini kuchaytirish to‘g‘risida” 1999-yil 29-martdagi PF-2276-son Farmonini bajarish yuzasidan Vazirlar Mahkamasi qaror qiladi:
O‘zbekiston Respublikasi Markaziy bankiga, tijorat banklariga O‘zbekiston Respublikasi Davlat soliq qo‘mitasi bilan birgalikda korxonalar moliya-xo‘jalik faoliyatini amalga oshirmaganligi munosabati bilan ularni tugatish uchun belgilangan davr davomida xo‘jalik yurituvchi subyektlarning schyotlari bo‘yicha pul mablag‘lari harakati to‘xtatilishi to‘g‘risida xabar qilishning elektron tizimini uch oy muddatda ishlab chiqish va joriy etish;
Oldingi tahrirga qarang.
(1-bandning uchinchi xatboshisi O‘zbekiston Respublikasi Vazirlar Mahkamasining 2000-yil 24-martdagi 104-sonli qaroriga muvofiq o‘z kuchini yo‘qotgan)
2. O‘zbekiston Respublikasi Makroiqtisodiyot va statistika vazirligi Markaziy bank bilan birgalikda xo‘jalik yurituvchi subyektlarning ochilgan, to‘xtatilgan va yopilgan schyotlari to‘g‘risida tijorat banklarining har oylik statistika hisobotlari shaklini bir oy muddatda ishlab chiqsin va 1999-yilning ikkinchi choragidan boshlab joriy etsin.
3. O‘zbekiston Respublikasi Davlat soliq qo‘mitasi, Moliya vazirligi, Makroiqtisodiyot va statistika vazirligi, Davlat mulki qo‘mitasi, Adliya vazirligi bir oy muddatda Vazirlar Mahkamasiga:
Tugatilayotgan korxonalarning budjetga o‘z muddatida to‘lanmagan to‘lovlarini hisobdan chiqarish tartibi loyihalarini kiritsinlar.
Oldingi tahrirga qarang.
4. Tovar ishlab chiqaruvchilar va tadbirkorlar palatasi O‘zbekiston Respublikasi Iqtisodiyot vazirligi, Davlat statistika qo‘mitasi, Davlat soliq qo‘mitasi bilan birgalikda korxonalarning ular yopilishiga olib kelgan moliya-xo‘jalik faoliyati amalga oshirilmasligi sabablarini o‘rganib chiqsin va har chorakda Vazirlar Mahkamasiga axborot bersin.
(4-band O‘zbekiston Respublikasi Vazirlar Mahkamasining 2003-yil 28-fevraldagi 112-sonli qarori tahririda — O‘R QHT, 2003-y., 4-son, 42-modda)
Keyingi tahrirga qarang.
5. O‘zbekiston Respublikasi Ichki ishlar vazirligi ro‘yxatdan o‘tkazuvchi organ va davlat soliq xizmati organining taqdimnomasi bo‘yicha tugatilayotgan xo‘jalik yurituvchi subyektlar muassislari va mansabdor shaxslari ro‘yxatdan o‘tkazilgan manzilda bo‘lmagan taqdirda ularning qidirilishini ta’minlasin.