LexUZ sharhi
Mazkur Buyruq O‘zbekiston Respublikasi adliya vazirining 2019-yil 11-sentabrdagi 394-mh-sonli “Idoraviy normativ-huquqiy hujjatni davlat reyestridan chiqarish to‘g‘risida”gi buyrug‘iga (ro‘yxat raqami 2733-1, 11.09.2019-y.) asosan davlat reyestridan chiqarilgan.
O‘zbekiston Respublikasining Fuqarolik kodeksi, Uy-joy kodeksi, O‘zbekiston Respublikasining “Telekommunikatsiyalar to‘g‘risida”gi va “Xususiy uy-joy mulkdorlarining shirkatlari to‘g‘risida”gi qonunlariga muvofiq buyuraman:
1. Telekommunikatsiya operatorlari (provaydyerlari)ning xususiy uy-joy mulkdorlarining shirkatlari bilan o‘zaro hamkorlik qilish tartibi to‘g‘risidagi nizom ilovaga muvofiq tasdiqlansin.
O‘zbekiston Respublikasi axborot texnologiyalari va kommunikatsiyalarini rivojlantirish vazirining 2015-yil 11-noyabrdagi 138-mh-son buyrug‘iga
ILOVA
ILOVA
Mazkur Nizom O‘zbekiston Respublikasining Fuqarolik kodeksi, Uy-joy kodeksi, O‘zbekiston Respublikasining “Telekommunikatsiyalar to‘g‘risida”gi va “Xususiy uy-joy mulkdorlarining shirkatlari to‘g‘risida”gi qonunlariga muvofiq telekommunikatsiya operatorlari (provaydyerlari)ning xususiy uy-joy mulkdorlarining shirkatlari bilan o‘zaro hamkorlik qilish tartibini belgilaydi.
1. Mazkur Nizom telekommunikatsiya operatorlari (provaydyerlari) va xususiy uy-joy mulkdorlarining shirkatlari (bundan buyon matnda shirkat deb yuritiladi) o‘rtasida telekommunikatsiya vositalari hamda inshootlarini joylashtirish (o‘rnatish), ularga xizmat ko‘rsatish va ekspluatatsiya qilish bo‘yicha vujudga keladigan munosabatlarni tartibga soladi.
telekommunikatsiya operatori (bundan buyon matnda operator deb yuritiladi) — mulk huquqi yoki boshqa ashyoviy huquq asosida telekommunikatsiyalar tarmog‘iga ega bo‘lgan, uning ishlashi, rivojlanishini ta’minlovchi va telekommunikatsiya xizmatlari ko‘rsatuvchi yuridik shaxs;
telekommunikatsiya xizmatlari provayderi (bundan buyon matnda provayder deb yuritiladi) — foydalanuvchilarga operatorlar tarmog‘i orqali tijorat asosida telekommunikatsiya xizmatlarini ko‘rsatuvchi yuridik shaxs;
telekommunikatsiyalar tarmog‘i — uzatishlarning bir yoki bir necha turini: telefon, telegraf, faksimil turlarini, ma’lumotlar uzatish va hujjatli xabarlarning boshqa turlarini, televizion va radioeshittirish dasturlarini translatsiya qilishni ta’minlovchi telekommunikatsiya vositalarining majmui;
telekommunikatsiya vositalari — elektromagnit yoki optik signallarni hosil qilish, uzatish, qabul qilish, qayta ishlash, kommutatsiya qilish hamda ularni boshqarish imkonini beruvchi texnik qurilmalar, asbob-uskunalar, inshootlar va tizimlar;
telekommunikatsiya inshootlari — telekommunikatsiya tarmoqlari va vositalarining ishlashi hamda ulardan foydalanishni ta’minlovchi binolar, qurilmalar, telekommunikatsiya liniyalari, moslamalar, tayanchlar, machtalar va boshqa inshootlar;
telekommunikatsiyalar — signallar, belgilar, matnlar, tasvirlar, tovushlar yoki axborotning boshqa turlarini o‘tkazgichli, radio, optik yoki boshqa elektromagnit tizimlaridan foydalangan holda uzatish, qabul qilish, qayta ishlash;
telekommunikatsiyalar xizmatlari — operator va provayderning signallar hamda boshqa axborot turlarini telekommunikatsiya tarmoqlari orqali qabul qilish, uzatish, qayta ishlashga doir faoliyati mahsuli.
ko‘p kvartirali uylarning turar joylari va yashash uchun mo‘ljallanmagan joylari, ularning uy atrofidagi hududlari.
4. Telekommunikatsiya vositalari va inshootlarini shirkat obyektlarida joylashtirish (o‘rnatish), ularga xizmat ko‘rsatish va ekspluatatsiya qilish uchun operator (provayder) shirkatga yozma so‘rov yuboradi.
faoliyatning muayyan turini amalga oshirish uchun operator (provayder)ga berilgan litsenziyalarning nusxalari;
5. Shirkat so‘rovni olgandan keyin mazkur Nizomning 4-bandida nazarda tutilgan, unga ilova qilingan hujjatlarning mavjudligini tekshiradi va ushbu so‘rov kelib tushgan kundan boshlab 30 ish kunidan oshmagan muddat ichida tegishli qarorni qabul qilish uchun shirkat a’zolarining umumiy yig‘ilishi chaqirilishini tashkil qiladi.
6. Shirkat a’zolarining umumiy yig‘ilishini chaqirish va olib borish tartibi O‘zbekiston Respublikasining “Xususiy uy-joy mulkdorlari shirkatlari to‘g‘risida”gi Qonuniga muvofiq amalga oshiriladi.
7. Shirkat obyektlarida telekommunikatsiya vositalari va inshootlarini joylashtirish (o‘rnatish), ularga xizmat ko‘rsatish va ekspluatatsiya qilish to‘g‘risidagi qarorni qabul qilish uchun shirkat a’zolarining umumiy yig‘ilishida telekommunikatsiya vositalari va inshootlarini joylashtirish (o‘rnatish) usullari, ularni joylashtirish (o‘rnatish) bilan bog‘liq ishlar ro‘yxati, ushbu ishlarning o‘tkazish bosqichlari va muddatlari, shuningdek telekommunikatsiya vositalari va inshootlarini joylashtirish (o‘rnatish) uchun zarur bo‘lgan shirkat obyektini ijaraga olish shartlari va narxi muhokama qilinadi.
8. Shirkat a’zolarining umumiy yig‘ilishi tomonidan telekommunikatsiya vositalari va inshootlarini joylashtirish (o‘rnatish)ning rad etilishi uchun asos bo‘lib quyidagilar hisoblanadi:
telekommunikatsiya vositalari va inshootlarini joylashtirish (o‘rnatish) uchun texnik imkoniyatning yo‘qligi;
9. Shirkat a’zolari umumiy yig‘ilishining telekommunikatsiya vositalari va inshootlarini joylashtirish (o‘rnatish), ularga xizmat ko‘rsatish va eksplutatsiya qilish to‘g‘risidagi ijobiy qarori qabul qilingan holda, telekommunikatsiya vositalari va inshootlarini joylashtirish (o‘rnatish), ularga xizmat ko‘rsatish va eksplutatsiya qilish maqsadida shirkat obyektidan foydalanish huquqini beruvchi shartnomani (bundan keyin matnda shartnoma deb yuritiladi) tuzishga doir muzokaralarni boshlash taklifi to‘g‘risida 5 ish kunidan oshmagan muddatda operator (provayder)ga xabar qilinadi.
11. Operator (provayder) loyiha hujjatlari, shirkat bilan tuzilgan shartnoma, shuningdek texnik jihatdan tartibga solish sohasidagi normativ hujjatlarning talablari va shartlariga muvofiq telekommunikatsiya vositalari va inshootlarini joylashtirish (o‘rnatish)ni amalga oshiradi.
12. Telekommunikatsiya vositalari va inshootlarini joylashtirish (o‘rnatish)ga oid shartlar shartnomada aks ettiriladi va quyidagilarni o‘z ichiga oladi:
ishchi zonani va telekommunikatsiya vositalari va inshootlarini joylashtirish (o‘rnatish) usullarini aniqlash;
telekommunikatsiya vositalari va inshootlarini joylashtirish (o‘rnatish) bilan bog‘liq ishlar ro‘yxatini belgilash;
telekommunikatsiya vositalari va inshootlarini joylashtirish (o‘rnatish) bilan bog‘liq ishlarning o‘tkazish bosqichlari va muddatlarini aniqlash;
13. Shirkat obyektlarida telekommunikatsiya vositalari va inshootlarini joylashtirish (o‘rnatish), ularga xizmat ko‘rsatish va ekspluatatsiya qilishda operator (provayder) texnik jihatdan tartibga solish sohasidagi normativ hujjatlarning talablariga muvofiq xavfsizlik choralarini ta’minlashi kerak.
14. Texnik jihatdan tartibga solish sohasidagi normativ hujjatlarning talablarini buzgan holda joylashtirilgan (o‘rnatilgan), xizmat ko‘rsatiladigan va ekspluatatsiya qilinadigan telekommunikatsiya vositalari va inshootlari operator (provayder) mablag‘lari hisobidan demontaj qilinishi zarur.
15. Telekommunikatsiya vositalari va inshootlarini montaj yoki demontaj qilish ishlari oqibatida shirkat obyektiga yetkazilgan shikastlanishlar bartaraf etilishi, obyektning yo‘qolgan yoki shakli o‘zgargan qismlari operator (provayder)ning shaxsiy hisobidan to‘liq tiklanishi lozim.
16. Shirkat obyektining operator (provayder) tomonidan qaytarib berilishi shirkat tomonidan obyektning holatiga nisbatan da’volari yo‘qligi ko‘rsatilgan dalolatnoma asosida amalga oshiriladi.
shirkat obyektlarida telekommunikatsiya vositalari va inshootlarini belgilangan tartibda joylashtirish (o‘rnatish), ularga xizmat ko‘rsatish va ekspluatatsiya qilishni amalga oshirish;
unga tegishli bo‘lgan telekommunikatsiya vositalari va inshootlariga shirkat vakili ishtirokida kirish;
shirkat bilan tuzilgan shartnomaga muvofiq telekommunikatsiya vositalari va inshootlarini joylashtirish (o‘rnatish), ularga xizmat ko‘rsatish va ekspluatatsiya qilish shartlarini bajarish;
telekommunikatsiya vositalari va inshootlarini joylashtirish (o‘rnatish), ularga xizmat ko‘rsatish va ekspluatatsiya qilish uchun to‘lovni o‘z vaqtida va to‘liq hajmda kiritish;
operator (provayder)dan telekommunikatsiya vositalari va inshootlarini joylashtirish (o‘rnatish), ularga xizmat ko‘rsatish va ekspluatatsiya qilish to‘lovini o‘z vaqtida va to‘liq hajmda olish;
operator (provayder) bilan tuzilgan telekommunikatsiya vositalari va inshootlarini joylashtirish (o‘rnatish), ularga xizmat ko‘rsatish va ekspluatatsiya qilish shartnomasi shartlari bajarilishini talab qilish;
telekommunikatsiya vositalari va inshootlarini shirkat obyektlarida joylashtirish (o‘rnatish), ularga xizmat ko‘rsatish va ekspluatatsiya qilish uchun texnik imkoniyatlar mavjudligi to‘g‘risidagi ma’lumotlarni taqdim etish;
operator (provayder)ning shirkat obyektidagi telekommunikatsiya vositalari va inshootlariga kirish huquqiga ega bo‘lishini ta’minlash.
21. Shirkat fors-major holatlaridan tashqari, mustaqil ravishda telekommunikatsiya vositalari va inshootlarini elektr ta’minotidan uzib qo‘yish yoki demontaj qilish yoxud boshqa usul bilan operator (provayder) ishlarini o‘tkazishga to‘sqinlik qilish huquqiga ega emas.
22. Shirkat tomonidan fors-major holatlari natijasida elektr ta’minoti uzib qo‘yilgan holda shirkat shartnomaga muvofiq aloqa vositalari orqali bu haqda operator (provayder)ga xabar qiladi.
23. Shirkat shartnomada belgilangan muddatda operator (provayder)ning telekommunikatsiya vositalari va inshootlari joylashgan shirkat obyektlarida ta’mirlash ishlari o‘tkazilishi to‘g‘risida operator (provayder)ni xabardor qiladi.
24. Telekommunikatsiya vositalari va inshootlarini joylashtirish (o‘rnatish), ularga xizmat ko‘rsatish va ekspluatatsiya qilish uchun shirkat obyektidan foydalanganlik uchun to‘lov shartnomada belgilangan miqdorda amalga oshiriladi.
25. Telekommunikatsiya vositalari va inshootlarini joylashtirish (o‘rnatish), ularga xizmat ko‘rsatish va ekspluatatsiya qilish uchun shirkat obyektidan foydalanganlik uchun to‘lovni amalga oshirish tartibi va muddatlari shartnoma bilan belgilanadi.
26. Ushbu Nizom Toshkent shahar Xususiy uy-joy mulkdorlari shirkatlari uyushmasi, O‘zbekiston Respublikasi Xususiylashtirish, monopoliyadan chiqarish va raqobatni rivojlantirish davlat qo‘mitasi, O‘zbekiston Respublikasi Davlat arxitektura va qurilish qo‘mitasi, O‘zbekiston “O‘zkommunxizmat” agentligi bilan kelishilgan.