LexUZ sharhi
Mazkur qaror O‘zbekiston Respublikasi Vazirlar Mahkamasining 2018-yil 2-martdagi 164-sonli “O‘zbekiston Respublikasi Hukumatining ayrim qarorlariga o‘zgartirishlar kiritish, shuningdek, ba’zi qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “To‘qimachilik va tikuv-trikotaj sanoatini jadal rivojlantirish chora-tadbirlari to‘g‘risida” 2017-yil 14-dekabrdagi PF-5285-son Farmoni)”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “Respublika yengil sanoatini boshqarishni takomillashtirish to‘g‘risida” 2002-yil 1-iyuldagi PF-3102-son Farmonini bajarish hamda to‘qimachilik, trikotaj, tikuvchilik va chinni sanoati korxonalarini jadal rivojlantirishni rag‘batlantirish, tarmoq korxonalarini aksiyalashtirish jarayonlarini chuqurlashtirish va uni tashkil etish tizimini takomillashtirish maqsadida Vazirlar Mahkamasi qaror qiladi:
1. Vazirlar Mahkamasining Iste’mol tovarlari ishlab chiqarish va savdo kompleksi, O‘zbekiston Respublikasi Makroiqtisodiyot va statistika vazirligi tomonidan ishlab chiqilgan 2005-yilgacha bo‘lgan davrda to‘qimachilik va yengil sanoat korxonalarini rivojlantirish Konsepsiyasi 1-ilovaga muvofiq ma’qullansin.
“O‘zbekyengilsanoat” (“O’zbekyengilsanoat”) davlat-aksiyadorlik kompaniyasi boshqaruviga Vazirlar Mahkamasining Iste’mol tovarlari ishlab chiqarish va savdo kompleksi, O‘zbekiston Respublikasi Makroiqtisodiyot va statistika vazirligi bilan kelishgan holda, zarurat bo‘lganda 2005-yilgacha bo‘lgan davrda to‘qimachilik va yengil sanoat korxonalarini rivojlantirish Konsepsiyasida nazarda tutilgan investitsiya loyihalari ro‘yxatiga o‘zgartirishlar kiritishga ruxsat etilsin.
Keyingi tahrirga qarang.
Keyingi tahrirga qarang.
“O‘zbekyengilsanoat” (“O’zbekyengilsanoat”) yengil sanoat tovarlari ishlab chiqarish davlat-aksiyadorlik kompaniyasi “O‘zbekyengilsanoat” uyushmasining huquq va majburiyatlari bo‘yicha huquqiy vorisi hisoblanadi;
“O‘zbekyengilsanoat” (“O’zbekyengilsanoat”) davlat-aksiyadorlik kompaniyasi tarkibiga mulkchilikning turli shakllaridagi, paxta tolasini qayta ishlash, trikotaj, tikuvchilik va chinni buyumlar ishlab chiqarish, shuningdek kompaniya ustaviga zid bo‘lmagan boshqa faoliyat turlari bilan shug‘ullanuvchi korxona va tashkilotlar kirishi mumkin;
“O‘zbekyengilsanoat” (“O’zbekyengilsanoat”) davlat-aksiyadorlik kompaniyasi apparati ta’minoti o‘z xo‘jalik faoliyati va uning tarkibiga shartnoma asosida kiruvchi xo‘jalik yurituvchi subyektlar tomonidan o‘tkaziladigan mablag‘lar hisobiga amalga oshiriladi.
“O‘zbekyengilsanoat” (“O’zbekyengilsanoat”) yengil sanoat tovarlari ishlab chiqarish davlat-aksiyadorlik kompaniyasining tashkiliy tuzilmasi va uning tarkibiga kiruvchi korxonalar ro‘yxati 2 va 3*-ilovalarga muvofiq;
xodimlarining cheklangan soni (xizmat ko‘rsatuvchi xodimlardan tashqari) 58 kishidan iborat bo‘lgan ijro etuvchi apparati tuzilmasi 4-ilovaga muvofiq ma’qullansin.
Keyingi tahrirga qarang.
4. Belgilab qo‘yilsinki, “O‘zbekyengilsanoat” (“O’zbekyengilsanoat”) yengil sanoat tovarlari ishlab chiqarish davlat-aksiyadorlik kompaniyasining boshlang‘ich ustav sarmoyasi kompaniyaning ustav sarmoyasidagi davlat ulushi hisobiga 5-ilovaga* muvofiq aksiyadorlik jamiyatlarining kompaniyaga (tasarruf etish huquqisiz) beriladigan aksiyalari davlat paketlari, shuningdek qayta tashkil etilayotgan “O‘zbekyengilsanoat” uyushmasi mol-mulki hisobiga shakllantiriladi.
O‘zbekiston Respublikasi Davlat mulki qo‘mitasi qayta tashkil etilayotgan “O‘zbekyengilsanoat” uyushmasi bilan birgalikda aksiyadorlik jamiyatlaridagi aksiyalarning davlat paketlarini va kompaniya tarkibiga kiruvchi qo‘shma korxonalardagi ulushlarni “O‘zbekyengilsanoat” davlat-aksiyadorlik kompaniyasiga berishni belgilangan tartibda bir oy muddatda rasmiylashtirsin.
5. Belgilab qo‘yilsinki, “O‘zbekyengilsanoat” davlat-aksiyadorlik kompaniyasi boshqaruvi to‘qqiz kishidan, shu jumladan rais va uning uch nafar o‘rinbosaridan iborat bo‘ladi, o‘rinbosarlardan biri birinchi o‘rinbosar hisoblanadi. Boshqaruv raisi va uning o‘rinbosarlari belgilangan tartibda kompaniyaning yuqori boshqaruv organlari tomonidan saylanadi va Vazirlar Mahkamasi tomonidan tasdiqlanadi.
Keyingi tahrirga qarang.
“O‘zbekyengilsanoat” davlat-aksiyadorlik kompaniyasi boshqaruvi raisi maqomi, maishiy ta’minot, tibbiy va transport xizmati ko‘rsatish sharoitlari bo‘yicha vazirga, raisning birinchi o‘rinbosari — vazirning birinchi o‘rinbosariga, rais o‘rinbosarlari esa — vazir o‘rinbosarlariga tenglashtirilsin.
“O‘zbekyengilsanoat” davlat-aksiyadorlik kompaniyasi boshqaruvi raisiga zarurat bo‘lganda ijro etuvchi apparat tuzilmasiga belgilangan shtatlar soni doirasida o‘zgartirishlar kiritishga ruxsat berilsin.
6. “O‘zbekyengilsanoat” davlat-aksiyadorlik kompaniyasi korxonalari 2005-yilgacha bo‘lgan davrda to‘qimachilik va yengil sanoat korxonalarini rivojlantirish Konsepsiyasiga kirgan obyektlarni qurish va texnika bilan qayta jihozlash uchun keltiriladigan texnologiya asbob-uskunalari va asbob-uskunalarga ehtiyot qismlar uchun bojxona to‘lovlari to‘lashdan (bojxona rasmiylashtiruvi uchun yig‘imlardan tashqari) istisno tariqasida 2006-yil 1-yanvargacha ozod qilinsin.
Keyingi tahrirga qarang.
9. O‘zbekiston Respublikasi Hukumatining 8-ilovaga muvofiq qarorlari o‘z kuchini yo‘qotgan deb hisoblansin.
10. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari M.Z. Usmonov zimmasiga yuklansin.
To‘qimachilik va yengil sanoat korxonalarini rivojlantirish Konsepsiyasi (keyingi o‘rinlarda Konsepsiya deb ataladi) O‘zbekiston Respublikasi Vazirlar Mahkamasining 2000-yil 27-martdagi topshirig‘iga muvofiq, ikkinchi chaqiriq Oliy Majlis I sessiyasida belgilangan iqtisodiyotdagi islohotlar va qayta o‘zgartirishlarni chuqurlashtirishning umumdavlat strategiyasi doirasida ishlab chiqilgan.
Konsepsiyada tarmoqning hozirgi ahvoliga baho berilgan va 2005-yilgacha bo‘lgan davrda O‘zbekiston yengil sanoatini rivojlantirishning asosiy yo‘nalishlari belgilangan.
1.1. 2005-yilgacha bo‘lgan davrda respublikada yengil sanoatni rivojlantirishning muhim yo‘nalishlari bo‘yicha yagona siyosat strategiyasini belgilash ushbu Konsepsiyaning maqsadidir.
mamlakatning iqtisodiy mustaqilligi manfaatlarini ko‘zlab ip-gazlama mahsulotlarini aholi, iqtisodiyotning asosiy tarmoqlari va sohalari, mudofaa va to‘qimachilik mahsulotlari eksportchilari ehtiyojlarini qondirish imkonini beradigan hajmlarda ishlab chiqarishni ta’minlash;
to‘qimachilik va yengil sanoat korxonalarini texnika bilan qayta jihozlash va zamonaviylashtirishni amalga oshirish, mahalliy xomashyo-paxta tolasini chuqur qayta ishlashni ko‘paytirishni ta’minlaydigan yangi, yuqori samarali texnologiyalarni joriy etish;
mahsulot ishlab chiqarish hajmini ko‘paytirish va uning turlarini kengaytirish, uning ichki va tashqi bozorlarda raqobatbardoshliligini oshirish, tarmoqning eksport potensialini ancha o‘stirish;
tarmoqda yangi ish o‘rinlari yaratish, ekologiya jihatidan xavfsiz ishlab chiqarishlarni tashkil etish, to‘qimachilik va yengil sanoat xodimlarining ta’lim darajasini va maxsus bilimlarini oshirish;
o‘zaro bog‘liq tarmoqlar, shu jumladan kichik va o‘rta biznesni rivojlantirish uchun moddiy-texnik bazani shakllantirish.
Keyingi tahrirga qarang.
1.2. Qo‘yilgan maqsadga erishish tarmoqda tarkibiy qayta o‘zgartirishlar, ishlayotgan korxonalarni texnik jihatdan yangilash va zamonaviylashtirish, xorijiy investitsiyalarni jalb etgan holda yangi, zamonaviy ishlab chiqarishlarni tashkil etish, ishlab chiqarishni boshqarishning bozor mexanizmlarini joriy etish bilan bog‘liq bo‘lgan vazifalarni hal qilishni nazarda tutadi.
Konsepsiyani ro‘yobga chiqarishda mavjud ishlab chiqarish fondlari ishga solinadi va to‘qimachilik sanoati obyektlarining ilgari boshlangan qurilishlari nihoyasiga yetkaziladi.
2.1. 90-yillar boshida yengil sanoat korxonalari asosan ma’naviy va fizik jihatdan eskirgan, eksportga yo‘naltirilgan mahsulotlar ishlab chiqarishga qodir bo‘lmagan asbob-uskunalar bilan jihozlangan edi. Ushbu korxonalarda o‘rnatilgan texnologik asbob-uskunalar va umuman mehnat sharoitlari zamonaviy talablarga javob bermasdi.
Ishlab chiqarishda 973,3 ming dona urchuq ishga solingandi va respublikada tayyorlanadigan paxta tolasining 10 foizdan kamrog‘i qayta ishlanardi. Mahsulotni eksport qilish 7,7 mln. AQSh dollaridan oshmasdi.
Umuman mintaqaga xomashyo bazasi sifatida qaralardi, tayyor mahsulot ishlab chiqarish tarmog‘i (tikuvchilik va trikotaj tarmog‘i) rivojlanmadi.
2.2. Mustaqillikka erishilgach va Hukumatning qo‘llab-quvvatlashi tufayli tarmoqda tub o‘zgarishlar yuz berdi. O‘zbekiston Respublikasi Vazirlar Mahkamasining “Yengil va mahalliy sanoatni rivojlantirishni davlat tomonidan qo‘llab-quvvatlash chora-tadbirlari to‘g‘risida” 1996-yil 29-apreldagi 166-son qarori tarmoq korxonalarini texnika bilan qayta jihozlash va yangi quvvatlarni ishga tushirish dasturi bo‘ldi.
Tarmoqda 35 tadan ortiq investitsiya loyihalari amalga oshirildi, 152 mlrd so‘mlik kapital qo‘yilmalar, shu jumladan 644,4 mln. AQSh dollari miqdoridagi xorijiy investitsiyalar o‘zlashtirildi. Paxta tolasini qayta ishlashning yillik hajmi 240 ming tonnaga (tayyorlangan hajmning 24 foizi) yetkazildi. 814 ming dona ip yigirish urchuqlari — zamonaviy, yuqori samarali to‘qimachilik asbob-uskunasi ishga tushirildi. Bu mavjud texnologik asbob-uskunalar parkining 83,7 foizini tashkil qildi. 733 mln. AQSh dollari miqdoridagi mahsulot eksport qilindi. Qo‘shimcha ravishda 32 mingdan ziyod yangi ish o‘rinlari yaratildi.
Xorijiy investitsiyalarini jalb etgan holda Toshkent va To‘ytepa shaharlaridagi ikkita yirik fabrikani birlashtirgan “Qabul-O‘zbek KO” QK, “Qabul-Farg‘ona Ko” QK, “Chinoz to‘qimachi” QK, “Oqsaroy to‘qimachi Ltd” QK, “Kosonsoy Tekmen” QK, “Papfen” QK tashkil etildi, “Namangan to‘qimachi” AJ, “Asnam to‘qimachi” AJ, “Qashto‘qimachi”, “Gurlan”, “Anto‘qimachi” to‘qimachilik komplekslari, “Qorako‘lto‘qimachi” QK, “Midato‘qimachi” QK va boshqalar texnika bilan qayta jihozlandi.
Mahalliy mablag‘lar hisobiga “Buxoroto‘qimachi” AJ, “Chinobod PTF” AJ, “Toshto‘qimachi” AJ, “Yakkabog‘ to‘quvchilik fabrikasi” AJ, Toshkent viloyatidagi kraxmal ishlab chiqarish zavodida texnika bilan qayta jihozlash va qurilish ishlari amalga oshirildi.
Yengil sanoat korxonalarida investitsiyalarning o‘sishi quyidagi raqamlar bilan belgilanadi — 1994-yilda yengil sanoat korxonalarida xorijiy investitsiyalar hajmi 5,25 mln. AQSh dollarini tashkil qildi, 2001-yilda o‘sish darajasi 644,4 mln. AQSh dollariga yetdi, 2002-yilda esa uning 829,7 mln. AQSh dollariga yetishi kutilmoqda.
Hozirgi vaqtda tarmoqda 17 ta qo‘shma korxona ishlayapti, ular ishlab chiqargan mahsulotning tarmoqda sanoat mahsuloti ishlab chiqarish umumiy hajmidagi salmog‘i 2 foizdan 30 foizgacha, eksport salmog‘i esa 17 foizdan 88,1 foizgacha ko‘paydi.
2001-yilda “Xiva gilami” AJ bazasida 2,3 mln. kv. m gilam ishlab chiqarish bo‘yicha “Xiva karpet” QK loyihasini amalga oshirish boshlandi, Farg‘ona viloyatida 7,2 ming tonna kalava ishlab chiqarish bo‘yicha “Besteks” QK loyihasini ishlab chiqish to‘liq tugallandi.
2002-yilda Bo‘ka shahridagi (Toshkent viloyati) qurilishi tugallanmagan obyektlar bazasida O‘zbekiston-Koreya va O‘zbekiston-Yaponiya qo‘shma korxonalari tashkil etish loyihalarini ishlab chiqish boshlandi.
Amalga oshirilgan ishlar natijasida yengil sanoat mahsulotlarini eksport qilish hajmlari oshdi. 2001-yilda mahsulot eksport qilish 1994-yildagiga nisbatan 15,5 baravardan ko‘proqqa oshdi va 136,1 mln. AQSh dollarini tashkil qildi. 2002-yilda ushbu ko‘rsatkichni 167,9 mln. AQSh dollarigacha yetkazish mo‘ljallanmoqda.
3.1. 2005-yilgacha bo‘lgan davrda tarmoqning 40 ta korxonasida texnika bilan qayta jihozlash va qurilishni tugallash nazarda tutilmoqda, bu 2005-yilda paxta tolasini qayta ishlash bo‘yicha quvvatlarni 469,1 ming tonnagacha ko‘paytirish imkonini beradi, ular 2005-yilgacha bosqichma-bosqich ishga tushiriladi.
Ip-gazlama ishlab chiqarish tarmog‘ida 2005-yilgacha 24 ta ishlab turgan korxonani texnika bilan qayta jihozlash, 14 ta obyekt qurilishini ta’minlash mo‘ljallangan, bu ishlab chiqarilayotgan mahsulot sifatini oshirish va ularning turlarini kengaytirish imkonini beradi. To‘qimachilik sohasiga kapital qo‘yilmalar miqdori 2002—2005-yillarda 1033,8 mln. AQSh dollarini tashkil qiladi (1-jadval*).
Tikuvchilik-trikotaj tarmog‘ida 2005-yilgacha trikotaj buyumlar ishlab chiqarishni 89,2 mln. donagacha (3 baravar) ko‘paytirish mo‘ljallanmoqda. Tikuvchilik-trikotaj tarmog‘iga kapital qo‘yilmalar hajmi 12,5 mln. AQSh dollaridan oshadi.
3.2. Barcha bo‘g‘inlarni boshqarish tizimlarini yanada takomillashtirish, tashkiliy tuzilmalarni qayta o‘zgartirish va bozor asosidagi ishlab chiqarish munosabatlarini yanada takomillashtirish nazarda tutilmoqda.
Yengil sanoat korxonalarini boshqarish tizimini takomillashtirish bo‘yicha chora-tadbirlar belgilangan. O‘zbekiston yengil sanoat tovarlari ishlab chiqarish davlat uyushmasi (“O‘zbekyengilsanoat”)ni “O‘zbekyengilsanoat” (“O’zbekyengilsanoat”) yengil sanoat tovarlari ishlab chiqarish davlat-aksiyadorlik kompaniyasiga aylantirish nazarda tutilmoqda, unga quyidagi asosiy vazifalar va faoliyat yo‘nalishlari yuklanadi:
tarmoqni rivojlantirishning yagona texnik, moliyaviy va texnologik siyosatini tashkil etish, uning yalpi ichki mahsulotdagi ulushini oshirish, tarmoqda kelishilgan investitsiya siyosatini o‘tkazish, to‘g‘ridan to‘g‘ri xorijiy investitsiyalarni jalb etish, ilg‘or sanoat texnologiyalarini joriy etish, eksportga yo‘naltirilgan mahsulotlar ishlab chiqarish uchun korxonalarni zamonaviylashtirish va texnika bilan qayta jihozlash;
ishlab chiqarishlarni mahalliylashtirishni rivojlantirishda yengil sanoatning to‘qimachilik, trikotaj va tikuvchilik tarmoqlari korxonalarini kooperatsiyalashga ko‘maklashish, yangi ishlab chiqarishlarni tashkil etish va ulardan foydalanishga, mahalliy kapital qo‘yilmalarni va xorijiy investitsiyalarni o‘zlashtirishga ko‘maklashuvchi xo‘jalik faoliyatini amalga oshirish;
tarmoqda iqtisodiy islohotlar jarayonlarini chuqurlashtirish, korxonalarni keng ko‘lamda aksiyalashtirish, Davlat aksiyadorlik kompaniyasi tarkibiga kiruvchi aksiyadorlik jamiyatlari va korxonalarini boshqarishda, ularning faolligini oshirishda qatnashish, umumiy manfaatlarga rioya etish va tarmoqni sifatli tarkibiy qayta o‘zgartirish jarayonlarini jadallashtirish ustidan yagona nazoratni amalga oshirish;
paxta tolasini qayta ishlash, korxonalarni zarur materiallar, texnika resurslari bilan ta’minlash, tayyor mahsulotni eksportga sotish sohasida kooperatsiyalashning yangi tashkiliy shakllarini rivojlantirish;
aholi ehtiyojlari va talabini shakllantirishning ijtimoiy aspektlarini ishlab chiqish, xalq iste’mol tovarlari ishlab chiqarishni tashkil etish, aholi ehtiyojlarini yanada to‘laroq qondirish masalalarini hal etishda sanoat va savdoning o‘zaro hamkorligini mustahkamlash;
to‘qimachilik sanoati mahsulotlarini ko‘rgazma, reklama, marketing faoliyatini samarali amalga oshirishni ta’minlovchi ixtisoslashtirilgan tuzilmalar orqali ham ichki bozorga, ham xorijiy mamlakatlar bozorlariga faol kiritish.
3.3. Konsepsiyani amalga oshirish 2001-yildagiga nisbatan ip-kalavalar ishlab chiqarishni 406,0 ming tonnagacha yetkazish, uni 3,2 baravar ko‘paytirish, xom surp ishlab chiqarishni 520,0 mln. uzala metrgacha (1,7 baravar) ko‘paytirish, trikotaj gazlamalar ishlab chiqarishni 6,8 baravar, trikotaj, gilam va tikuvchilik buyumlarini tegishli ravishda 3; 2,6 va 1,5 baravar ko‘paytirish imkonini beradi (2-jadval*). Uyushmaning eksport potensiali 2000-yildagiga nisbatan 4,7 baravar ko‘paytiriladi va 2005-yilda 650,0 mln. AQSh dollarigacha yetkaziladi.
Paxta tolasini chuqur qayta ishlash quvvatlarini oshirishni nazarda tutuvchi Konsepsiyani amalga oshirish natijasida O‘zbekiston to‘qimachilik sanoatida ishlab chiqarishlarni texnologiyalar va texnika bilan jihozlashni sifat jihatidan yangilash nazarda tutilmoqda.
4.1. Umuman olganda to‘qimachilik va yengil sanoat korxonalarini rivojlantirish Konsepsiyasi amalga oshirilganda quyidagi asosiy natijalarga erishiladi:
to‘qimachilik sanoatining 26 ta ishlab turgan korxonasi texnika bilan qayta jihozlanadi va 14 ta yangi obyekti quriladi (3-jadval*);
tarmoq korxonalari tomonidan paxta tolasini qayta ishlashning respublika bo‘yicha umumiy hajmdagi salmog‘i 2001-yildagi 24 foizdan 2005-yilda 50 foizgacha ko‘payadi;
sanoat mahsuloti ishlab chiqarish hajmi 2,2 baravar ko‘payadi va 2005-yilda 430,0 mlrd. so‘mni tashkil qiladi;
qo‘shimcha ravishda 24,7 ming, shu jumladan qishloq joylarda — 13,1 ming ish o‘rinlari tashkil etiladi;
har yilgi eksport hajmi 650 mln. AQSh dollaridan, shu jumladan ip-gazlamalar bo‘yicha 180 mln. AQSh dollaridan (o‘sish 4,6 baravar), tayyor buyumlar bo‘yicha 26,6 mln. AQSh dollaridan oshadi yoki 4,3 baravar ko‘payadi (4-jadval*).
4.2. Respublikada paxta tolasini qayta ishlashning ko‘payishi jahon bozorida paxta tolasidan foydalanish balansining qayta taqsimlanishiga olib keladi va bu:
to‘qimachilik sanoati asosiy ishlab chiqarishlari O‘zbekistonda ko‘payishini rag‘batlantirishga va respublikaga qo‘shimcha investitsiyalar jalb etilishiga;
qariyb 1046 mln. AQSh dollari miqdoridagi ko‘plab kapital qo‘yilmalarning jalb etilishiga va o‘zlashtirilishiga olib keladi, bu respublikada to‘qimachilik mashinasozligini rivojlantirishga zamin yaratadi, chunki ehtiyot qismlarga, butlovchi uzellar va detallarga bo‘lgan har yilgi ehtiyoj 2005-yildayoq kamida 200 mln. AQSh dollarini tashkil qiladi;
jahon bozorida raqobatga bardoshli bo‘lgan mahsulotlar ishlab chiqarishda to‘qimachilik sanoatining bo‘yoqlar, sintetik tolalar va boshqa yordamchi materiallarga ehtiyoji respublikada kimyo sanoati mahsulotlari ishlab chiqarishni ko‘paytirish uchun asos bo‘ladi;
O‘zbekiston MDH mamlakatlari va uzoq xorijiy mamlakatlar bozorlarida to‘qimachilik sanoati mahsulotlarini ishlab chiqarish va sotish bo‘yicha ustun mavqeni egallaydi.
Keyingi tahrirga qarang.
Keyingi tahrirga qarang.
Keyingi tahrirga qarang.
1. O‘zbekiston Respublikasi Prezidenti huzuridagi Vazirlar Mahkamasining “O‘zbekiston yengil sanoat mollari ishlab chiqarish davlat uyushmasi (“O‘zbekyengilsanoat”) masalalari to‘g‘risida” 1991-yil 20-maydagi 139-son qarori.
2. O‘zbekiston Respublikasi Prezidenti huzuridagi Vazirlar Mahkamasining “O‘zbekiston yengil sanoat mollari ishlab chiqarish davlat uyushmasi (“O‘zbekyengilsanoat”) boshqaruv tuzilmasini takomillashtirish hamda uning korxonalari va tashkilotlarini davlat tasarrufidan chiqarish va xususiylashtirish chora-tadbirlari to‘g‘risida” 1992-yil 28-noyabrdagi 558-son qarori 1-bandining ikkinchi xatboshi, qarorning 2, 3, 5, 7, 8-bandlari.
3. O‘zbekiston Respublikasi Vazirlar Mahkamasining “O‘zbekiston yengil sanoat mollari ishlab chiqarish davlat uyushmasi (“O‘zbekyengilsanoat”) korxonalarini davlat tasarrufidan chiqarish va xususiylashtirishning asosiy yo‘nalishlari to‘g‘risida” 1994-yil 4-apreldagi 179-son qarorining 1, 2, 3, 5, 6, 7, 8-bandlari.
4. O‘zbekiston Respublikasi Vazirlar Mahkamasining “Yengil va mahalliy sanoatni rivojlantirishni davlat tomonidan qo‘llab-quvvatlash chora-tadbirlari to‘g‘risida” 1996-yil 29-apreldagi 166-son qarorining 11-bandi.