O‘zbekiston Respublikasi Oliy Majlisi Qonunchilik palatasining “O‘zbekiston Respublikasining 2015-yilgi Davlat budjeti, maqsadli davlat jamg‘armalarining budjetlari hamda soliq va budjet siyosatining asosiy yo‘nalishlari to‘g‘risida”gi 2014-yil 22-oktabrdagi 991-II-sonli, O‘zbekiston Respublikasi Oliy Majlisi Senatining “O‘zbekiston Respublikasining 2015-yilgi Davlat budjeti, maqsadli davlat jamg‘armalarining budjetlari hamda soliq va budjet siyosatining asosiy yo‘nalishlari to‘g‘risida”gi 2014-yil 13-noyabrdagi SQ-453-II-sonli, O‘zbekiston Respublikasi Prezidentining “O‘zbekiston Respublikasining 2015-yilgi asosiy makroiqtisodiy ko‘rsatkichlari prognozi va Davlat budjeti parametrlari to‘g‘risida”gi 2014-yil 4-dekabrdagi PQ-2270-sonli qarorlari (O‘zbekiston Respublikasi qonun hujjatlari to‘plami 2014-y., 50-son, 590-modda) va viloyat hokimining “Jizzax viloyatining 2015-yilgi asosiy makroiqtisodiy ko‘rsatkichlari prognozi va mahalliy budjetning parametrlari to‘g‘risida”gi 2014-yil 17-dekabrdagi 297-sonli qarori ijrosini ta’minlash maqsadida, O‘zbekiston Respublikasining “Mahalliy davlat hokimiyati to‘g‘risida”gi Qonunining 6-moddasiga asosan qaror qilaman:
1. O‘zbekiston Respublikasi Prezidentining 2014-yil 4-dekabrdagi PQ-2270-sonli va viloyat hokimining 2014-yil 17-dekabrdagi 297-sonli qarorlari rahbarlik va ijro uchun qabul qilinsin.
tuman mahalliy budjetining daromadlar va xarajatlar hajmlari, viloyat budjetidan budjet subvensiyalarining cheklangan miqdorlari 3-ilovaga* muvofiq;
tuman mahalliy budjetiga umumdavlat soliqlar tushumlaridan ajratmalar normativlari 4-ilovaga* muvofiq;
tuman mahalliy budjetining naqd pul kassa aylanmasining yo‘l qo‘yiladigan eng kam miqdorlari 5-ilovaga* muvofiq;
tadbirkorlik faoliyatining ayrim turlari bo‘yicha yuridik shaxslardan va yakka tartibdagi tadbirkorlardan olinadigan qat’iy belgilangan soliq stavkalari 6-ilovaga* muvofiq;
savdo va umumiy ovqatlanish korxonalariga, shuningdek shu sohaga tegishli mikrofirmalar va kichik korxonalar uchun yagona soliq to‘lovi stavkalari 9-ilovaga* muvofiq tasdiqlansin.
3. O‘zbekiston Respublikasi Prezidentining 2014-yil 4-dekabrdagi PQ-2270-sonli qaroridagi tegishli ilovalar bilan:
respublikada ishlab chiqariladigan va uning hududiga chetdan keltiriladigan aksiz solig‘iga tortiladigan tovarlarga aksiz solig‘i stavkalari;
O‘zbekiston Respublikasi rezidentlariga dividendlar va foizlar tarzida to‘lanadigan daromad solig‘i stavkalari 10 foiz miqdorda;
O‘zbekiston Respublikasi Moliya vazirligi huzuridagi Respublika yo‘l jamg‘armasiga majburiy ajratmalar va yig‘imlar stavkalari;
belgilangan soliqqa tortish obyektlaridan O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasiga majburiy ajratmalar stavkalari 1,6 foiz, O‘zbekiston Respublika Moliya vazirligi huzuridagi Respublika yo‘l jamg‘armasiga majburiy ajratmalar stavkalari 1,4 foiz va O‘zbekiston Respublika Moliya vazirligi huzuridagi budjetdan tashqari Umumta’lim maktablari, kasb-hunar kollejlari, akademik litseylar va tibbiyot muassasalarini rekonstruksiya qilish, mukammal ta’mirlash va jihozlash jamg‘armasiga majburiy ajratmalar stavkalari 0,5 foiz miqdorida;
mablag‘larni budjetdan tashqari Pensiya jamg‘armasi, Bandlikka ko‘maklashish davlat jamg‘armasi va O‘zbekiston Kasaba uyushmalari Federatsiyasi Kengashi o‘rtasida O‘zbekiston Respublikasi Prezidentining mazkur PQ-2270-sonli qarorining 25-ilovasida keltirilgan normativlarga muvofiq taqsimlangan holda yagona ijtimoiy to‘lov stavkalari;
fuqarolarning O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasiga majburiy sug‘urta badallari stavkasi 7,0 foiz miqdorida tasdiqlanganligi ma’lumot uchun qabul qilinsin.
4. Mol-mulkni ijaraga berishdan olingan daromadlarga soliq solish shartnomada belgilangan ijara to‘lovi summasidan kelib chiqqan holda, lekin:
yuridik shaxslar uchun — davlat ko‘chmas mulkidan foydalanganlik uchun ijara to‘lovining eng kam stavkalaridan;
mol-mulkni ijaraga beruvchi jismoniy shaxslar uchun — mazkur qarorning 10-ilovasiga* muvofiq belgilangan ijara to‘lovining eng kam stavkalaridan kelib chiqqan holda hisoblangan summadan kam bo‘lmagan miqdorda amalga oshirilishi ma’lumot uchun qabul qilinsin.
5. Yagona soliq to‘lovi tushumlari O‘zbekiston Respublikasi Davlat budjeti, budjetdan tashqari Pensiya jamg‘armasi, Respublika yo‘l jamg‘armasi hamda budjetdan tashqari umumta’lim maktablari, kasb-hunar kollejlari, akademik litseylar va tibbiyot muassasalarini rekonstruksiya qilish, mukammal ta’mirlash va jihozlash jamg‘armasi o‘rtasida O‘zbekiston Respublikasi Moliya vazirligi tomonidan belgilanadigan miqdorlarda taqsimlanishi;
qarzni undirishni soliq to‘lovchilar mol-mulkiga qaratish uchun soliq bo‘yicha qarzlarning eng kam miqdorlari mazkur qarorning 11-ilovasiga* muvofiq tasdiqlanganligi ma’lumot uchun qabul qilinsin.
“O‘ztransgaz” AK tomonidan avtomobillarni gaz bilan to‘ldirish kompressor stansiyalariga (balansida avtomobillarni gaz bilan to‘ldirish kompressor stansiyalari mavjud yuridik shaxslarni o‘z ichiga olgan holda) sotadigan tabiiy gazning ulgurji-sotish narxiga soliqqa tortilmaydigan maxsus investitsiyaviy qo‘shimcha haqi bir kubometriga 400 so‘m miqdorida;
mobil aloqa xizmati ko‘rsatuvchi yuridik shaxslar (uyali aloqa kompaniyalari) tomonidan abonent raqamidan foydalanganlik uchun to‘lov haqi, mablag‘larni O‘zbekiston Respublikasi Prezidentining 2014-yil 4-dekabrdagi qarorining 27-ilovasiga muvofiq taqsimlangan holda, oyiga 750,0 so‘m miqdorida belgilanganligi ma’lumot uchun qabul qilinsin.
7. Mintaqalarning o‘zini-o‘zi moliyaviy ta’minlash darajasini oshirish, davlat boshqaruvi organlarining va mahalliy davlat hokimiyati organlarining mahalliy budjetlar daromadlari va xarajatlarini shakllantirishdagi roli, mustaqilligi va mas’uliyatini oshirish, mahalliy budjetlarning O‘zbekiston Respublikasi Davlat budjetidagi ulushini ko‘paytirish maqsadida quyidagi umumdavlat soliqlari va boshqa daromadlar bo‘yicha tushumlar:
6-ilovada* nazarda tutilgan yuridik shaxslar va yakka tartibdagi tadbirkorlarning tadbirkorlik faoliyati ayrim turlari bo‘yicha qat’iy belgilangan soliq;
12-ilovaga* muvofiq davlat bojlari, yig‘imlar va jarimalar to‘liq hajmda tumanning mahalliy budjeti daromadlariga o‘tkazilsin.
Shuningdek, mobil aloqa xizmatini ko‘rsatuvchi yuridik shaxslarning (uyali aloqa kompaniyalari) tomonidan abonent raqamidan foydalanganlik uchun to‘lovning O‘zbekiston Respublikasi Davlat budjetiga yo‘naltiriladigan qismi abonentning ro‘yxatga olingan joyiga qarab viloyatlar mahalliy budjetlariga o‘tkazilishi belgilanganligi ma’lumot uchun qabul qilinsin.
8. Tuman hokimligi iqtisodiyot va moliya bo‘limlari hamda Davlat soliq inspeksiyasiga Iqtisodiyot, Moliya va Davlat soliq boshqarmalari bilan kelishilgan holda:
ikki hafta muddatda hududning subvensiya olish darajasini pasaytirish Dasturini ishlab chiqish va tuman hokimligiga kiritish;
2015-yilning 1 choragi yakunlari bo‘yicha mahalliy budjetning daromad keltiradigan bazasini ko‘paytirish, tushumlarning qo‘shimcha rezervlarini topish va tegishli hududlarda soliqqa tortiladigan bazani kengaytirish bo‘yicha viloyat hokimligiga takliflar kiritish;
subvensiya olish darajasini qisqartirish dasturini amalga oshirishning borishi va tegishli budjetlarning daromad keltiradigan bazasini ko‘paytirish chora-tadbirlarining natijalari to‘g‘risida ma’lumotlarni har chorakda tuman hokimligiga taqdim etib borish vazifalari topshirilsin.
Belgilansinki, mahalliy budjetning daromadiga qo‘shiladigan soliq va boshqa majburiy to‘lovlar tegishli budjet parametrlarida ko‘zda tutilmagan xarajatlarga yo‘naltirilishi mumkin emas.
budjet tashkilotlari va budjet mablag‘laridan foydalanuvchilarning xarajatlar smetasi tuzilayotganda birinchi navbatda ish haqi (yagona ijtimoiy to‘lov bilan birga), nafaqalar va unga tenglashtirilgan to‘lovlarga sarflanadigan xarajatlar tegishli budjetning tasdiqlangan xarajatlari parametri doirasida nazarda tutilishi belgilansin.
10. O‘zbekiston Respublikasi Sog‘liqni saqlash vazirligi hamda Moliya vazirligining tuman (shahar) markaziy shifoxonalarida xizmat ko‘rsatilayotgan aholi sonini hisobga olgan holda, kasalliklar yo‘nalishi bo‘yicha profil o‘rinlar diapazonini belgilashni nazarda tutuvchi o‘rinlar fondini aniqlashning normativ usuliga bosqichma-bosqich o‘tish to‘g‘risidagi taklifi qabul qilinganligi va bu to‘g‘risidagi normativ-huquqiy hujjat loyihasi bir oy muddatda ishlab chiqilishi ma’lumot uchun qabul qilinsin.
mahalliy budjet mablag‘lari hisobidan moliyalashtiriladigan maktabgacha ta’lim muassasalarida bolalar ta’minoti uchun to‘lov miqdori 13-ilovaga* muvofiq;
bolalarni bolalar musiqa va san’at maktablarida o‘qitish uchun to‘lov miqdorlari 14-ilovaga* muvofiq tasdiqlansin.
12. O‘zbekiston Respublikasi Prezidentining “O‘zbekiston Respublikasining 2010-yilgi asosiy makroiqtisodiy ko‘rsatkichlari prognozi va Davlat budjeti parametrlari to‘g‘risida”gi 2009-yil 22-dekabrdagi PQ-1245-sonli qarori 24-bandining amal qilishi 2016-yilning 1-yanvarigacha uzaytirilganligi ma’lumot uchun qabul qilinsin.
13. O‘zbekiston Respublikasining davlat soliq xizmati organlarida hisobga qo‘yilgan doimiy muassasalarni tashkil etib, faoliyat yuritayotgan O‘zbekiston Respublikasi norezidentlariga tuzilgan shartnomalarni amalga oshirish doirasida tovarlar olib kirish huquqi berilganligi ma’lumot uchun qabul qilinsin.
Tuman moliya va g‘aznachilik bo‘linmalari, ATB “Agrobank” Arnasoy filiali bilan birgalikda 2015-yilning yanvar oyida, o‘tkazilgan operatsiyalarni 2014-yilgi mahalliy budjetning ijrosi to‘g‘risidagi hisobotda aks ettirgan holda, 2014-yilgi mahalliy budjet ijrosi bo‘yicha, qonun hujjatlarida belgilangan tartibda yakuniy operatsiyalar o‘tkazsinlar.
14. O‘zbekiston Respublikasi Prezidentining 2014-yil 4-dekabrdagi PQ-2270-sonli qarorining 36-ilovasiga muvofiq 2015-yilning 1-yanvaridan O‘zbekiston Respublikasi Prezidentining va O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritilishi ma’lumot uchun qabul qilinsin.
15. Tuman hokimligi va tegishli tashkilotlar bir hafta muddatda me’yoriy-huquqiy hujjatlarini mazkur qarorga muvofiqlashtirsinlar.